ᔧᒥᓯᐅᑉ ᐊᒡᓚᖏᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᔧᒥᓯᐅᑉ ᐊᒡᓚᖏᑦ 4:8 Iomraidhean Croise

ᒨᓯᓯ ᓯᕗᓪᓖᑦ 18:23

ᐂᑉᕋᕼᐋᒻᓗ ᐊᑕᓂᖅ ᐅᐸᒃᑲᓐᓂᕐᓗᒍ ᐅᖃᐅᑎᕚ, “ᐸᓯᔭᒃᓴᐅᖏᑦᑐᓂᒃ ᐱᖃᓯᐅᑦᔨᓗᑎᑦ ᐱᐅᖏᑦᑐᓕᔪᓂᒃ ᓱᒋᐊᕐᓯᓂᐊᕐᐲᑦ?

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᔫᐱᐅᑉ ᐊᒡᓚᖏᑦ 16:17

ᐋᓐᓂᕐᓯᕆᓇᓱᐊᕐᓯᒪᓐᖏᓚᖓᓕ ᐊᒡᒐᓐᓄᑦ, ᑐᒃᓯᐊᕐᓂᕋᓗ ᐃᑦᔪᕐᓁᑦᑑᕗᖅ.

ᔫᐱᐅᑉ ᐊᒡᓚᖏᑦ 17:9

ᐃᓱᐊᕐᑐᓕᔪᕐᓕ ᐱᓇᓱᐊᕐᓂᕐᒥᓂᒃ ᑲᔪᓯᑦᓯᐊᕐᐳᖅ, ᓈᒻᒪᖏᑦᑐᒥᒡᓗ ᐱᓇᓱᐊᕐᓯᒪᖏᑦᑐᖅ ᓲᖑᓯᕙᓪᓕᐊᑐᐃᓐᓇᕐᓂᐊᕐᐳᖅ.

ᔫᐱᐅᑉ ᐊᒡᓚᖏᑦ 9:30

ᐅᐊᓴᐅᒻᒧᑦ ᐅᕙᓐᓂᒃ ᐅᐊᓴᕋᓗᐊᕈᒪ, ᐊᒡᒐᒃᑲᓗ ᓴᓐᖏᔪᒧᑦ ᐅᐊᓴᕋᓗᐊᕈᒃᑭᑦ,

ᐃᓐᖏᕈᑎᑦ 119:113

ᐃᓄᐃᑦ ᐃᓕᖕᓄᑦ ᒪᕐᕈᒍᓯᕐᑐᑦ ᖁᕕᐊᒋᓐᖏᓚᒃᑲ, ᐱᖁᔭᑎᓪᓕ ᐅᖓᒋᕙᒃᑲ.

ᐃᓐᖏᕈᑎᑦ 145:18

ᐊᑕᓂᖅ ᖃᓂᑉᐳᖅ ᑕᒤᓐᓄᑦ ᓂᓪᓕᐊᕕᒋᔨᒥᓄᑦ, ᐃᓗᖏᕐᑐᕐᓗᑎᒃ ᓱᓕᔪᒥᒃ ᓂᓪᓕᐊᔪᓄᑦ ᑖᑦᓱᒧᖓ.

ᐃᓐᖏᕈᑎᑦ 18:20

ᐊᑕᓂᐅᑉ ᐊᑭᓕᕐᐹᖓ ᐱᓇᓱᐊᑦᓯᐊᕐᓂᓐᓄᑦ; ᐸᓯᔭᒃᓴᐅᖏᓐᓂᓐᓄᓪᓗ; ᐊᒡᒐᖕᒪᓗ ᓴᓗᒪᑦᓯᐊᕐᓂᖏᓐᓄᑦ, ᑐᓂᓯᕕᒋᓚᐅᕐᐹᖓ ᑐᓂᔪᒪᔭᒥᓂᒃ.

ᐃᓐᖏᕈᑎᑦ 24:4

ᑖᓐᓇ ᓴᓗᒪᔪᓂᒃ ᐊᒡᒐᖃᕐᑐᖅ, ᓴᓗᒪᑦᓯᐊᕐᑐᒥᒡᓗ ᐆᒻᒪᑎᖃᕐᑐᖅ; ᑕᕐᓂᕐᒥᓂᒡᓗ ᖁᕝᕙᕐᑎᑦᓯᖏᑦᑐᖅ ᐱᐅᔪᕆᓂᕐᒧᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᖏᑦᑐᖅ.

ᐃᓐᖏᕈᑎᑦ 26:6

ᐊᒡᒐᒃᑲ ᐃᕐᕈᕐᑐᕐᐸᒃᑲ ᐸᓯᔭᒃᓴᐅᖁᓇᖓ; ᑐᓂᕐᕈᓯᕐᕕᖁᑎᕕᑦ ᓴᓂᐊᓃᖁᓪᓗᖓ, ᐊᑕᓃᖅ.

ᐃᓐᖏᕈᑎᑦ 51:10

ᐆᒻᒪᑎᒥᒃ ᓴᓗᒪᔪᒥᒃ ᓴᓇᓚᐅᕆᑦ ᐃᓗᓐᓂ, ᒎᑏ, ᓄᑖᓐᖑᕐᑎᓪᓗᒍᓗ ᐊᓂᕐᓂᕋ ᓈᓚᒎᕐᑐᖅ ᐃᓗᓐᓂ.

ᐃᓐᖏᕈᑎᑦ 73:13

ᐃᓛᓕ, ᑕᒪᐅᖓᑐᐃᓐᓇᖅ ᐆᒻᒪᑎᒐ ᐃᑦᔪᕐᓁᑎᓚᐅᕐᐸᕋ, ᐊᒡᒐᒃᑲᓗ ᐅᐊᓴᓚᐅᕐᐸᒃᑲ ᐸᓯᔭᒃᓴᐅᖏᓐᓂᕐᒧᑦ.

ᐃᓐᖏᕈᑎᑦ 73:28

ᐅᕙᓐᓄᓪᓕ ᐱᐅᕗᖅ ᒎᑎᒧᑦ ᖃᓂᑦᑑᓗᖓ; ᐊᑕᓂᖅ ᒎᑎ ᕿᒫᕕᒃᓴᓕᐊᕆᓯᒪᒐᒃᑯ, ᐅᖃᐅᓯᖃᕈᓐᓇᖁᓪᓗᖓ ᐱᓇᓱᐊᕐᓂᕆᓯᒪᔭᓕᒫᕐᓂᒃ.

ᐂᓮᐊᓯᐅᑉ ᐊᒡᓚᖏᑦ 13:15

ᓇᓪᓕᐊᑦ ᓇᓂᔭᐅᔪᑦ ᑲᐱᔭᐅᓗᑎᒃ ᑐᖁᑕᐅᔪᒫᕐᐳᑦ, ᐊᖑᔭᐅᔪᓪᓗ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 29:13

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᐃᓄᐃᑦ ᐅᑯᐊ ᖃᓂᕐᒥᖕᓄᑦ ᖃᓂᑦᑑᓇᓱᐊᕐᐳᑦ ᐅᐱᒋᓪᓗᖓᓗ ᑲᓂᕐᒥᖕᓄᑦ, ᐆᒻᒪᑎᖏᑕᓕ ᐅᖓᓯᒋᕚᖓ, ᐅᕙᓐᓂᒡᓗ ᐃᓕᕋᓱᖕᓂᖏᑦ ᐃᓄᐃᑦ ᐱᖁᔨᓂᖏᓐᓂᒃ ᒪᓕᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 58:2

ᖃᐅᑕᒫᑦ ᐅᕙᓐᓂᒃ ᕿᓂᕋᓗᐊᕐᐳᑦ, ᐊᖅᑯᑎᓐᓂᒡᓗ ᖃᐅᔨᔪᒪᑦᓯᐊᕐᓗᑎᒃ, ᐃᓅᖃᑎᒌᒡᔪᐊᖑᓪᓗᑎᒃ ᓲᕐᓗ ᓇᓛᒎᕐᑐᒥᒃ ᐃᓕᖅᑯᓯᓕᒃᑎᑐᑦ, ᒎᑎᖓᑦᑕ ᐱᖁᔭᖏᓐᓂᒃ ᒪᓕᑦᓯᐊᖏᓐᓇᕐᑐᑎᑐᑦ, ᓈᒻᒪᑦᓯᐊᕐᑐᒥᒡᓗ ᑐᑭᑖᕐᑎᑕᐅᔪᒪᕗᑦ, ᒎᑎᒧᑦ ᖃᓂᒋᔭᐅᔪᒪᓪᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 4:11

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥᐅᑦ ᐃᓄᖏᑦ ᐅᖃᐅᑎᔭᐅᔪᒫᕐᐳᑦ, ᐊᓄᕆᒥᒃ ᐆᓇᕐᑐᒥᑦ ᕾᔪᖃᕐᓂᕋᕐᑕᐅᓗᓂ ᐃᓄᖃᖏᑦᑐᒥᑦ ᓯᐅᕅᓐᓇᕐᒥᑦ ᐱᔪᒥᒃ, ᓴᓃᔧᔭᕐᑐᑐᐃᓐᓇᖏᑦᑐᒥᒃ ᓴᓗᒻᒪᕐᓮᔭᕐᑐᑐᐃᓐᓇᖏᑦᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:57

ᕿᓄᕕᒋᒐᒃᑭᑦ ᖃᒡᓕᓪᓗᑎᑦ ᐅᖃᓚᐅᕐᐳᑎᑦ, ‘ᑲᑉᐱᐊᓱᖏᓪᓗᑎᑦ.’

ᐃᓯᑭᐊᓕᐅᑉ ᐊᒡᓚᖏᑦ 18:31

ᐱᐅᖏᑦᑐᓕᓂᓕᒫᑦ ᐱᓇᓱᐊᓚᐅᕐᑕᓯ ᕿᒪᒡᓗᒋᑦ, ᓄᑖᒥᒃ ᐆᒻᒪᑎᑖᓕᕆᑦᓯ ᓄᑖᒥᒡᓗ ᐊᓂᕐᓂᕐᑖᕐᓗᓯ! ᓱᖕᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᖁᔪᒪᕕᓰ?

ᓴᑲᕅᐊᐅᑉ ᐊᒡᓚᖏᑦ 1:3

ᑕᒪᓐᓇ ᐱᓪᓗᒍ ᐃᓄᐃᑦ ᐅᖃᐅᑎᒃᑭᑦ ᐃᒫᒃ: “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᐅᕙᓐᓄᑦ ᐅᑎᓕᕆᑦᓯ, ᑕᕝᕙ ᐃᓕᑦᓯᓐᓄᑦ ᐅᑎᕐᓂᐊᕆᕗᖓ.” ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ,

ᒪᓚᑬᑉ ᐊᒡᓚᖏᑦ 3:7

ᓯᕗᓕᓯ ᐃᓅᑎᓪᓗᒋᑦ ᒪᓕᒃᑕᐅᖁᔭᓐᓂᒃ ᒪᓕᒍᓐᓁᓚᐅᕐᓯᒪᕗᓯ ᐊᑐᕈᓐᓁᕐᓗᒋᓪᓗ. ᐅᕙᓐᓄᑦ ᐅᑎᕆᑦᓯ, ᑕᕝᕙ ᐅᑎᕐᕕᒋᓂᐊᕐᐸᑦᓯ, ᕿᓚᖕᒥᐊᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. ᐅᖃᕐᐳᓯᓕ, ‘ᖃᓄᕐᓕ ᐅᑎᕈᓐᓇᕐᐱᑖ?’

ᒫᑎᐅᓯᐅᑉ ᐊᒡᓚᖏᑦ 12:33

“ᓇᐹᕐᑐᖅ ᐱᐅᒃᐸᑦ ᐸᐅᕐᖓᖏᑦ ᐱᐅᓂᐊᕆᕗᑦ; ᓇᐹᕐᑐᖅ ᐱᐅᖏᑉᐸᑦ ᐸᐅᕐᖓᖏᑦ ᐱᐅᖏᓐᓂᐊᕆᕗᑦ; ᓇᐹᕐᑐᖅ ᐱᕈᕐᑐᖏᑎᒍᑦ ᖃᐅᔨᒪᔭᐅᕙᒃᐳᖅ.

ᒫᑎᐅᓯᐅᑉ ᐊᒡᓚᖏᑦ 15:2

“ᓱᖕᒪᓂᒃᑯᐊ ᐃᓕᓐᓂᐊᕐᑎᑎᑦ ᓯᕗᓕᑦᑕ ᐊᔪᕆᕐᑑᑎᖏᓐᓂᒃ ᓈᓚᓐᖏᓛᑦ? ᐊᒡᒐᖕᒥᖕᓂᒃ ᐅᐊᓴᖃᑦᑕᖏᒻᒪᑕ ᓂᕆᓂᐊᓕᕌᖓᒥᒃ!”

ᒫᑎᐅᓯᐅᑉ ᐊᒡᓚᖏᑦ 27:24

ᐰᓛᑑᓯᓕ ᑐᑭᓯᓕᕋᒥ ᐱᕙᓪᓕᐊᑎᑦᓯᖏᓐᓂᕐᒥᓂᒃ, ᐃᓄᒐᓴᒡᔪᐊᑦ ᐱᕋᔭᑐᐃᓐᓇᕆᐊᖃᕐᑑᔮᓕᕐᒪᑕ, ᐃᒥᕐᒥᒃ ᑯᕕᓯᓪᓗᓂ ᐊᒡᒐᓂ ᐅᐊᓴᕐᐰᑦ ᐃᓄᒐᓴᒡᔪᐊᑦ ᓵᖏᓐᓂ, ᐅᖃᕐᓗᓂ, “ᑖᑦᓱᒪ ᑐᖁᑕᐅᓂᖓᓄᑦ ᐸᓯᔭᒃᓴᐅᓐᖏᓚᖓ; ᐃᓕᑦᓯ ᑐᖁᑕᐅᑎᑉᐸᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:9

ᐊᑦᔨᒌᖏᑦᑑᑎᓚᐅᓐᖏᓛᑎᒍᑦ ᐅᕙᒍᓪᓗ ᔫᑎᐅᖏᑦᑐᓪᓗ, ᐊᔪᕐᓂᖏᓐᓂᒃ ᐃᓱᒪᒋᔪᓐᓁᕐᕕᒋᓚᐅᕐᐰᑦ ᐅᒃᐱᓕᕐᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᑎᒧᑎᒧᑦ ᓯᕗᓪᓖᑦ 2:8

ᐱᖁᔨᕗᖓ ᐊᖑᑏᑦ ᓇᓂᓕᒫᖅ ᑐᒃᓯᐊᖃᑦᑕᖁᓪᓗᒋᑦ, ᐊᒡᒐᖕᒥᖕᓂᒃ ᐃᑦᔪᕐᓁᑦᑐᓂᒃ ᖁᒻᒧᐊᒃᑎᑦᓯᔪᓐᓇᕐᓗᑎᒃ ᓂᓐᖓᐅᒪᓇᑎᒃ ᐂᕙᓇᑎᒡᓗ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 7:19

(ᐱᖁᔭᑦ ᓈᒻᒪᒃᓯᑎᑦᓯᔪᓐᓇᖏᒻᒪᑕ), ᓂᕆᐅᒃᕕᒃᓴᖃᑦᓯᐊᕐᓇᕐᓂᕐᓴᒥᒡᓕ ᐱᕕᒃᓴᕐᑖᕐᑎᑕᐅᓯᒪᕗᒍᑦ, ᑕᒪᑐᒨᓇᓗ ᒎᑎᒧᑦ ᖃᓂᒡᓕᑎᑕᐅᓪᓗᑕ.

ᔧᒥᓯᐅᑉ ᐊᒡᓚᖏᑦ 1:8

ᖁᓚᕐᑐᖅ ᒪᕐᕉᖕᓂᒃ ᐃᓱᒪᖃᕋᒥ, ᓴᖑᓴᕅᑉᐳᖅ ᐱᓂᐊᕐᓂᕐᒥᓂ ᑕᒤᓐᓂ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᐲᑦᑐᕉᓯ ᓯᕗᓪᓖᑦ 3:21

ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᔪᐊᓇᓯ ᓯᕗᓪᓖᑦ 3:3

ᑭᓇᒃᑯᓕᒫᑦ ᑍᒤᑦᑐᒥᒃ ᓂᕆᐅᒋᔭᖃᕐᑐᑦ ᑖᑦᓱᒥᖓ ᐃᒻᒥᖕᓂᒃ ᐃᑦᔪᕐᓁᑎᓐᓂᐊᕐᐳᑦ, ᓲᕐᓗ ᑖᓐᓇ ᐃᑦᔪᕐᓁᒻᒪᑦ.

ᓴᒧᐃᓕ ᓯᕗᓪᓖᑦ 14:35

ᓴᐅᓕᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ; ᑖᓐᓇᓗ ᓯᕗᓪᓕᕐᐹᖑᕗᖅ ᑐᓂᕐᕈᓯᕐᕕᒃ ᓴᓇᔭᖓ ᐊᑕᓂᕐᒧᑦ.