ᔧᒥᓯᐅᑉ ᐊᒡᓚᖏᑦ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”

ᔧᒥᓯᐅᑉ ᐊᒡᓚᖏᑦ 4:6 Iomraidhean Croise

ᑯᕉᓂᑲ ᐂᑉᐸᖏᑦ 32:26

ᕼᐃᓯᑬᐊᓕ ᐃᒻᒥᓂᒃ ᒥᑭᒡᓕᑎᓕᓚᐅᕐᐳᖅ ᐆᒻᒪᑎᒥᒍᑦ ᐱᐅᔪᕆᓂᕐᒥᓂᑦ, ᔨᕉᓴᓕᒥᓗ ᓄᓇᖃᕐᑐᓕᒫᑦ, ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᑖᒃᑯᓄᖓ ᑎᑭᓚᐅᓐᖏᓚᖅ ᕼᐃᓯᑬᐊ ᐃᓅᑎᓪᓗᒍ.

ᑯᕉᓂᑲ ᐂᑉᐸᖏᑦ 33:12

ᐅᖁᒤᑦᑐᒦᓕᕋᒥᓗ ᐊᑕᓂᖅ ᒎᑎᓂ ᓵᕝᕕᒋᕚ ᐃᒻᒥᓂᒡᓗ ᒥᑭᒡᓕᑎᕕᒡᔪᐊᕐᓗᓂ ᓯᕗᓕᖏᑕ ᒎᑎᖓᑕ ᓵᖓᓂ.

ᑯᕉᓂᑲ ᐂᑉᐸᖏᑦ 33:19

ᑐᒃᓯᐊᕐᓂᖓᓗ, ᖃᓄᕐᓗ ᒎᑎᒧᑦ ᑭᐅᔭᐅᓚᐅᕐᓂᖓ ᕿᓄᓂᖓᓄᑦ, ᐊᔪᕐᑐᓕᓂᓕᒫᖏᓪᓗ ᐅᒃᐱᓚᐅᖏᓐᓂᖓᓗ, ᓇᓂᓗ ᑐᒃᓯᐊᕐᕕᓕᐅᓚᐅᕐᓂᖓ ᒎᑎᓐᖑᐊᓄᑦ ᐋᖅᑭᒃᓱᐃᓚᐅᕐᓂᖓᓗ ᕿᔪᖕᓂᒃ ᐊᓯᕋᒥᒃ ᐊᑎᓕᖕᒥᒃ ᐃᓄᓐᖑᐊᓂᒡᓗ ᓴᓇᓚᐅᕐᓂᖓ, ᒥᑭᒡᓕᑎᓚᐅᖏᓐᓂᕐᒥᓂ, ᑕᑯᒋᑦ, ᑎᑎᕋᕐᓯᒪᕗᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔪᖁᑎᖏᓐᓂ.

ᑯᕉᓂᑲ ᐂᑉᐸᖏᑦ 33:23

ᐃᒻᒥᓂᒃ ᒥᑭᒡᓕᑎᓚᐅᓐᖏᓚᖅ ᐊᑕᓂᐅᑉ ᓵᖓᓂ, ᐊᑖᑕᖓᑕ ᒫᓇᓯᐅᑉ ᒥᑭᒡᓕᑎᕐᓂᕆᓚᐅᕐᑕᖓᑐᑦ; ᐋᒪᓐᓕ ᕿᒤᕙᓪᓕᐊᑐᐃᓐᓇᓚᐅᕐᐳᖅ ᐸᓯᔭᒃᓴᕈᕐᐸᓪᓕᐊᑐᐃᓐᓇᕐᓗᓂᓗ.

ᑯᕉᓂᑲ ᐂᑉᐸᖏᑦ 34:27

ᐆᒻᒪᑎᒃᑯᑦ ᖃᕿᐊᓕᓚᐅᕋᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ ᒎᑎᐅᑉ ᓵᖓᓂ ᑐᓴᕐᑎᓪᓗᑎᑦ ᐅᖃᐅᓯᖏᓐᓂᒃ ᑖᒃᑯᐊ ᐃᖅᑲᕐᑐᒐᒃᓴᐅᓕᕐᑎᓪᓗᒋᑦ ᓄᓇᖃᕐᑐᓪᓗ ᑕᒫᓂ, ᐃᓕᖕᓂᒃ ᒥᑭᒡᓕᑎᓚᐅᕋᕕᑦ ᓵᓐᓂ, ᐊᓐᓄᕌᑎᓪᓗ ᐊᓕᓚᐅᕋᕕᒋᑦ ᕿᐊᓪᓗᑎᓪᓗ ᓵᓐᓂ, ᑕᕝᕙ ᑐᓴᓚᐅᕐᐸᒋᑦ, ᐊᑕᓂᖅ ᐅᖃᕐᐳᖅ.

ᔫᐱᐅᑉ ᐊᒡᓚᖏᑦ 22:29

ᒎᑎᐅᑉ ᐱᐅᔪᕆᔪᑦ ᐅᕐᕈᑎᑉᐰᑦ, ᐱᐅᔪᕆᖏᑦᑐᓪᓕ ᐱᐅᓕᕔᑦ.

ᐃᓐᖏᕈᑎᑦ 138:6

ᐊᑕᓂᖅ ᖁᑦᓯᒃᑲᓗᐊᕋᒥ, ᓱᓕ ᐃᒃᐱᒍᓱᑦᓯᐊᕐᐳᖅ ᒥᑭᒡᓕᑎᕐᓯᒪᔪᓂᒃ; ᐱᐅᔪᕆᔪᓪᓕ ᖃᐅᔨᒪᑦᓯᐊᕐᐰᑦ ᐅᖓᓯᒋᔭᖏᓐᓂᑦ.

ᐃᓐᖏᕈᑎᑦ 9:12

ᑐᖁᑦᓯᔪᕕᓂᕐᓂᒃ ᐊᑭᓂᐊᕐᐸᒃᑑᑉ, ᑖᒃᑯᐊ ᐃᓱᒪᒋᕙᒃᐰᑦ; ᐅᖁᒤᒃᓴᕐᑎᑕᐅᓂᕐᒧᓪᓗ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓂᖏᑦ ᐳᐃᒍᓐᖏᓔᑦ.

ᒨᓯᓯ ᐂᑉᐸᖏᑦ 18:11

ᒫᓐᓇᓗ ᖃᐅᔨᕗᖓ ᐊᑕᓂᖅ ᐊᖏᓂᕐᓴᐅᖕᒪᑦ ᒎᑎᒋᔭᐅᔪᓕᒫᓂᑦ, ᐃᓄᐃᑦ ᐊᓂᑎᓚᐅᕐᒪᒋᑦ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᑖᒃᑯᐊᓗ ᓂᑲᒋᔭᐅᖏᑦᑐᒻᒪᕆᐊᓘᑎᓪᓗᒋᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:33

ᐊᑕᓂᕐᒥᒃ ᓯᕘᕋᓂᖅ ᐊᔪᕆᕐᑐᐃᓂᐅᕗᖅ ᓯᓚᑐᓂᕐᒥᒃ ᒥᑭᒡᓕᑎᕐᓯᒪᓂᖅ ᓯᕗᓪᓕᐅᕗᖅ ᐅᐱᒋᔭᐅᓂᕐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:12

ᐊᓯᕈᕐᑕᐅᓂᖅ ᐱᒋᐊᓚᐅᕐᑎᓐᓇᒍ ᐃᓄᒃ ᐆᒻᒪᑎᒥᒍᑦ ᐱᔪᓐᓇᕋᓱᒋᓗᐊᕐᓂᖃᓲᖑᕗᖅ, ᒥᑭᒡᓕᑎᕐᓯᒪᓂᕐᓕ ᓯᕗᓪᓕᐅᓲᖑᕗᖅ ᐅᐱᒋᔭᐅᓂᖅ ᐊᑐᓚᐅᕐᑎᓐᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:4

ᒥᑭᒡᓕᑎᕐᓯᒪᓂᖅ ᐊᑕᓂᕐᒥᒡᓗ ᓯᕘᕋᒋᔭᖃᕐᓂᖅ ᐊᑭᓕᕐᑕᐅᕘᒃ ᐊᒃᓱᐃᓐᓂᕐᒥᒃ ᐅᐱᒋᔭᐅᓂᕐᒥᒃ ᐃᓅᓯᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:23

ᐊᖑᑦ ᐱᐅᔪᕆᓂᕐᒥᖕᓄᑦ ᑲᓐᖑᓱᒃᑎᑕᐅᔪᒫᕐᐳᖅ, ᐱᐅᔪᕆᖏᑦᑐᕐᓕ ᐊᓂᕐᓂᕐᒥᒍᑦ ᐅᐱᒋᔭᐅᓕᕈᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:34

ᓇᕐᕈᔪᓂᒃ ᓇᕐᕈᒋᔭᖃᕐᐳᖅ, ᒥᑭᒡᓕᑎᕐᓯᒪᔪᓪᓕ ᖁᕕᐊᒋᕔᑦ.

ᐂᓮᐊᓯᐅᑉ ᐊᒡᓚᖏᑦ 2:17

ᐃᓅᓪᓗ ᐱᐅᔪᕆᓂᖓ ᒥᑭᒡᓕᑎᑦᓱᒫᕐᐹ, ᐃᓄᐃᓪᓗ ᐱᐅᔪᕆᓂᖏᑦ ᒥᑭᔪᕈᕐᑎᓪᓗᒋᑦ; ᐊᑕᓂᖅ ᑖᓐᓇᑐᐊᖅ ᐊᖏᔪᕈᕐᑎᑕᐅᔪᒫᕐᐳᖅ ᐅᓪᓗᒥ ᑖᑦᓱᒪᓂ.

ᐂᓮᐊᓯᐅᑉ ᐊᒡᓚᖏᑦ 54:7

ᓯᕐᓛᐱᒃ ᕿᒪᑬᓐᓇᓚᐅᕐᐸᑦᓯ, ᑭᓯᐊᓂᓕ ᓇᒡᓕᒋᓗᐊᕋᑦᓯ ᐅᑎᕐᑎᓐᓂᐊᕐᐸᑦᓯ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᒫᑎᐅᓯᐅᑉ ᐊᒡᓚᖏᑦ 13:12

ᐱᖃᕐᑐᖅ ᑐᓂᓯᕕᐅᒃᑲᓐᓂᕋᔭᕐᐳᖅ ᐱᖃᓗᐊᒃᑲᓐᓂᖁᓪᓗᒍ, ᐱᖃᖏᑦᑐᕐᓕ ᐊᕐᓵᕐᑕᐅᒐᔭᕐᐳᖅ ᒥᑭᔪᒥᒡᓘᓐᓃᑦ ᐱᖃᕋᓗᐊᕐᐸᑦ.

ᒫᑎᐅᓯᐅᑉ ᐊᒡᓚᖏᑦ 23:12

ᐃᒻᒥᓂᒃ ᐊᖏᔪᕈᕐᑎᑦᑐᖅ ᑖᓐᓇ ᒥᑭᒡᓕᑎᑕᐅᓂᐊᕐᐳᖅ, ᐃᒻᒥᓂᒡᓗ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᓘᑲᓯᐅᑉ ᐊᒡᓚᖏᑦ 1:52

ᐊᖓᔪᖅᑳᕐᔪᐊᑦ ᐱᔪᓐᓇᕐᓂᖏᓐᓂᑦ ᐅᕐᕈᑎᑉᐰᑦ, ᐱᔪᓐᓇᕐᓂᖃᖏᑦᑐᓪᓗ ᓂᑯᕕᑎᑉᐰᑦ.

ᓘᑲᓯᐅᑉ ᐊᒡᓚᖏᑦ 14:11

ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᒥᑭᒡᓕᑎᑕᐅᓂᐊᕐᐳᑦ, ᐃᒻᒥᖕᓂᒡᓗ ᒥᑭᒡᓕᑎᕐᑐᑦ ᐊᖏᔪᕈᕐᑎᑕᐅᓂᐊᕐᐳᑦ.”

ᓘᑲᓯᐅᑉ ᐊᒡᓚᖏᑦ 18:14

ᐅᖃᐅᑎᕙᑦᓯ, ᑖᓐᓇ ᕉᒪᒥᐅᑦ ᑮᓇᐅᔧᕐᑎᑦᓯᔨᖓ ᒎᑎᒧᑦ ᓈᒻᒪᒋᔭᐅᓂᕐᓴᐅᓕᕐᓗᓂ ᐂᑉᐸᕆᔭᒥᓂᑦ ᐃᒡᓗᒥᓄᑦ ᐊᖏᕐᕋᓚᐅᕐᐳᖅ; ᓇᓪᓕᐊᑦ ᐃᒻᒥᓂᒃ ᐊᖏᔪᕈᕐᑎᑦᑐᖅ ᒎᑎᐅᑉ ᒥᑭᒡᓕᑎᕐᓂᐊᕐᐹ, ᐃᒻᒥᖕᓂᒡᓕ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᔧᒥᓯᐅᑉ ᐊᒡᓚᖏᑦ 4:10

ᐊᑕᓂᕐᒧᑦ ᒥᑭᒡᓕᑎᕆᑦᓯ ᑖᑦᓱᒪ ᑕᕝᕙ ᒪᑭᑎᓐᓂᐊᕐᐹᓯ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”

ᓴᒧᐃᓕ ᓯᕗᓪᓖᑦ 2:3

ᐱᐅᔪᕆᓗᓯ ᐅᖃᓪᓚᒍᓐᓃᕆᑦᓯ, ᐱᐅᔪᕆᓂᕐᒥᒃ ᖃᓂᑦᓯᓐᓂᑦ ᐊᓂᔪᖃᕈᓐᓃᕐᓕᑦ; ᐊᑕᓂᖅ ᒎᑎᐅᖕᒪᑦ ᑖᓐᓇ ᖃᐅᔨᒪᔪᖅ, ᑖᑦᓱᒪᓪᓗ ᐱᓂᐊᕐᓃᑦ ᖃᐅᔨᓴᕐᐸᒃᐰᑦ.