ᔧᒥᓯᐅᑉ ᐊᒡᓚᖏᑦ 4:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᖃᐅᔨᒪᓐᖏᓚᓯᓕ ᖃᐅᒃᐸᐅᓛᕐᑐᒥᒃ, ᐃᓅᓯᓯ ᖃᓄᐃᑦᑑᓛᕐᒪᖔᑦ? ᐳᔪᕐᑎᑐᑦ ᑍᒤᑉᐳᖅ ᓴᖅᑭᑬᓐᓇᕐᓗᓂ ᑕᕝᕔᓐᓇᕐᓗ ᐊᓯᐅᕗᖅ.

ᔧᒥᓯᐅᑉ ᐊᒡᓚᖏᑦ 4:14 Iomraidhean Croise

ᓴᒧᐃᓕ ᐂᑉᐸᖏᑦ 19:34

ᐸᕐᔨᓔᓕ ᑭᐅᕗᖅ, “ᐊᑯᓂᓕ ᐃᓅᑦᔮᔪᓐᓃᕐᑐᖓ, ᖃᓄᐃᒻᒪᓪᓕ ᐊᖓᔪᖅᑳᕐᔪᐊᕐᒥᒃ ᔨᕉᓴᓕᒧᐊᖃᑎᖃᕆᐊᖃᕐᐳᖔ?

ᐃᓐᖏᕈᑎᑦ 102:3

ᐅᓪᓗᒃᑲ ᓄᖑᑉᐸᓪᓕᐊᕗᑦ ᐳᔪᕐᑎᑐᑦ, ᓴᐅᓂᒃᑲᓗ ᐆᓇᕐᓯᕗᑦ ᐃᑯᐊᓚᔪᑎᑐᑦ.

ᐃᓐᖏᕈᑎᑦ 144:4

ᐃᓄᒃ ᐊᓂᕐᓂᓕᔮᕐᓇᕐᑐᒥ ᐊᓂᕐᓂᕐᑎᑐᑦ ᑍᒤᑉᐳᖅ, ᐅᓪᓗᖏᓪᓗ ᓄᓇᐅᑉ ᑕᕐᕋᓕᓂᖓᑕ ᐃᖏᕐᕋᓂᖓᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 39:5

ᐅᓪᓗᒃᑲ ᐊᒡᒐᐅᑉ ᐃᓵᒃᑕᖓᑐᑦ ᑕᑭᑎᒋᕗᑦ! ᐊᕐᕌᒍᐃᓪᓗ ᐃᓅᓂᐊᕐᑕᒃᑲ ᓱᓇᐅᓐᖏᓚᑦ ᓵᖕᓂ; ᐊᕐᕌᒍᒃᑲᓗ ᓱᓇᐅᓐᖏᓚᑦ ᐃᓕᖕᓄᑦ ᐃᓄᐃᓪᓗ ᐃᓅᓯᕐᒥ ᐊᔪᖏᓐᓂᖓᑦ ᐳᔪᑐᐃᓐᓇᐅᕗᖅ! ᓰᓚ

ᐃᓐᖏᕈᑎᑦ 78:39

ᐃᖅᑲᐅᒪᓚᐅᕋᒥ ᑖᒃᑯᐊ ᑎᒥᑐᐃᓐᓇᐅᖕᒪᑕ, ᐊᓄᕆᑎᑐᑦ ᑎᑭᓚᐅᕐᓗᓂ ᐊᓂᒍᕐᑐᑎᑐᑦ ᐅᑎᕐᓂᐊᕋᓂᓗ.

ᐃᓐᖏᕈᑎᑦ 89:47

ᐃᖅᑬᓚᐅᕆᑦ ᐃᓅᓯᕐᒪ ᓯᕕᑭᑦᑑᓂᖓᓂᒃ, ᓱᓇᒥᒡᓕ ᐊᑑᑎᒃᓴᖃᕐᑐᓂᒃ ᐃᓄᖕᓂᒃ ᐱᓐᖑᕐᑎᑦᓯᓚᐅᕐᐲᑦ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:1

ᖃᐅᒃᐸᐅᓂᐊᕐᑐᕐᒧᑦ ᐱᔪᕆᑦᑍᓕᒋᑦ, ᖃᐅᔨᒪᖏᓐᓇᕕᑦ ᓱᓇᒥᒃ ᐅᓪᓗᖅ ᐱᑎᑦᓯᓂᐊᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 2:22

ᐃᓄᒃ ᐊᓚᕐᓯᐅᒃ ᓱᕐᓗᖕᒥᒍᑦ ᐊᓂᕐᓵᕐᑐᕐᐸᒃᑐᖅ, ᓱᓇᒦᒃ ᐊᑑᑎᒃᓴᖃᕐᒪᑦ?

ᐂᓮᐊᓯᐅᑉ ᐊᒡᓚᖏᑦ 38:12

ᐃᒡᓗᒐ ᑎᒍᔭᐅᓪᓗᓂ ᓅᑕᐅᓚᐅᕐᒪᑦ ᐅᕙᓐᓂᑦ ᓰᐱᓕᕆᔩᑦ ᑐᐱᖏᑎᑐᑦ; ᓄᕕᕐᓴᕐᑑᑉ ᓄᕕᕐᓴᕐᑕᖓᑐᑦ ᐃᓅᓯᕋ ᐃᒧᓚᐅᕐᐸᕋ; ᑭᐱᓚᐅᕐᐹᖓ ᓄᕕᕐᓴᕐᑑᑉ ᐃᒧᓯᕝᕕᖓᓂᑦ; ᐅᓪᓗᕐᒥᑦ ᐅᓐᓄᐊᒧᑦ ᑎᑭᑦᑐᑐᑦ ᐃᓱᓕᑎᓚᐅᕐᐸᕐᒪ;

ᔧᒥᓯᐅᑉ ᐊᒡᓚᖏᑦ 1:10

ᐅᒃᐱᕐᑑᖃᑎᑦᑕᐅᖅ ᐊᔪᕐᓴᓐᖏᑦᑐᖅ ᐊᔪᕐᓴᓕᕈᓂ ᖁᕕᐊᓱᒃᑐᒃᓴᐅᒋᕗᖅ, ᐊᔪᕐᓴᕐᓂᖅ ᓄᖑᑦᓱᒫᕐᒪᑦ ᓄᓇᒥ ᐱᕈᕐᑐᑦ ᑐᖁᓕᕙᖕᓂᖏᑎᑐᑦ.

ᐲᑦᑐᕉᓯ ᓯᕗᓪᓖᑦ 1:24

ᐊᒡᓔᑦ ᐅᖃᕐᒪᑕ, “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᕋᕐᑎᑐᑦ ᑍᒤᑦᑑᓪᓗᑎᒃ; ᐃᕕᒃᓱᒃᑲᑦ ᐸᓂᓕᕐᐳᑦ ᐱᕈᕐᑐᓪᓗ ᑐᖁᓕᓪᓗᑎᒃ.

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᔪᐊᓇᓯ ᓯᕗᓪᓖᑦ 2:17

ᓯᓚᕐᔪᐊᖅ ᓄᖑᔪᒫᕐᐳᖅ, ᐃᒃᓯᒎᕐᓃᓪᓗ ᓄᖑᔪᒫᕐᐳᑦ; ᒎᑎᐅᓪᓕ ᐱᔪᒪᔭᖓᓂᒃ ᐊᑐᕐᑐᖅ ᑖᓐᓇ ᐃᓱᖃᖏᑦᑐᒧᑦ ᐃᓅᔪᒫᕐᐳᖅ.