ᔧᒥᓯᐅᑉ ᐊᒡᓚᖏᑦ 4:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐂᕙᓃᑦ ᓱᓇᒧᑦ ᐱᒋᐊᕐᐸᑦ ᓱᓇᒧᓪᓗ ᐊᑭᕋᕐᑑᑎᓂᖅ ᐱᒋᐊᕐᐸ ᐊᑯᓐᓇᑦᓯᓐᓂ?. ᐱᔪᒪᕕᒃᔪᐊᕐᓂᑦᓯᓐᓂᑦ ᐃᒃᖠᒍᖕᓂᑦᒥᓪᓗ ᐱᕗᑦ, ᑕᒪᒃᑯᐊ ᐃᓗᑦᓯᓐᓂ ᐅᓇᑕᕐᑐᑎᑑᕐᒪᑕ.

ᔧᒥᓯᐅᑉ ᐊᒡᓚᖏᑦ 4:1 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᕉᒪᒥᐅᓄᑦ 7:23

ᖃᐅᔨᕗᖓᓕ ᑎᒥᓐᓂ ᐱᖁᔧᑦ ᐊᓯᖏᓐᓂᒃ ᐅᓇᑕᕐᑐᓂᒃ ᐃᓱᒪᒪ ᐱᖁᔭᖓᓄᑦ ᑖᒃᑯᐊᓗ ᑎᒍᔭᐅᓯᒪᑎᑉᐹᖓ ᐊᔪᕐᓂᐅᑉ ᐱᖁᔭᖓᓄᑦ ᑎᒥᓐᓃᑦᑐᒧᑦ.

ᕉᒪᒥᐅᓄᑦ 7:5

ᑎᒥᒃᑯᑦ ᐃᓅᑎᓪᓗᑕ, ᐊᔪᕐᓂᕐᒥᒃ ᐱᔪᒪᓂᕗᑦ ᐱᖁᔭᓄᑦ ᐆᒻᒪᕐᑎᑕᐅᕗᑦ, ᑎᒥᕗᑦ ᐱᓇᓱᐊᕐᕕᐅᕗᑦ ᐱᕈᕐᕕᐅᖁᓪᓗᒋᑦ ᑐᖁᒥᒃ.

ᕉᒪᒥᐅᓄᑦ 8:7

ᐃᓱᒪ ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᖅ ᒎᑎᒥᒃ ᐊᑭᕋᕐᑐᕐᒪᑦ; ᐃᒻᒥᓂᒃ ᑐᓂᔪᒪᓐᖏᓚᖅ ᒎᑎᐅᑉ ᐱᖁᔭᖏᓐᓄᑦ; ᐊᓱᐃᓛᒃ ᐊᔪᓪᓚᕆᒃᐳᖅ.

ᒐᓔᑎᐊᒥᐅᓄᑦ 5:17

ᑎᒥᐅᑉ ᐱᔪᒪᔭᖓ ᐊᓂᕐᓂᕐᒥᒃ ᐊᖏᖃᑎᖃᖏᒻᒪᑦ, ᐊᓂᕐᓂᐅᓪᓗ ᐱᔪᒪᔭᖓ ᐊᖏᖃᑎᖃᕐᒥᓇᓂ ᑎᒥᒥᒃ; ᑖᒃᑯᐊᒃ ᐃᒻᒥᖕᓄᑦ ᐊᖏᖃᑎᒌᖏᒻᒪᑎᒃ, ᑍᒤᒻᒪᑦ ᐱᔪᒪᔭᕋᓗᐊᑦᓯᓐᓂᒃ ᐱᓇᓱᐊᕈᓐᓇᓐᖏᓚᓯ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑎᒧᑎᒧᑦ ᐂᑉᐸᖏᑦ 2:23

ᓯᓔᑦᑐᑦ ᐃᓚᒋᓂᐊᕐᓇᒋᑦ, ᓇᓗᓂᕐᒧᑦ ᐊᑭᕋᕐᑑᑎᓃᑦ; ᑕᒪᒃᑯᐊ ᖃᐅᔨᒪᒐᕕᒋᑦ ᐂᕙᐅᑎᓂᕐᒥᒃ ᓴᖅᑭᑎᑦᓯᑐᐃᓐᓇᕐᒪᑕ.

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᑍᑑᓯᒧᑦ 3:9

ᓱᓕᓂᕐᓴᐅᖃᑦᑕᐅᑎᓇᓱᖕᓃᓪᓕ ᓈᒻᒪᖏᑦᑐᑦ ᐊᑐᕐᓂᐊᕐᓇᒋᑦ, ᓯᕗᓕᕕᓂᑦᑕ ᑭᖑᕚᕆᒃᐸᓪᓕᐊᓂᖏᓐᓂᒃ ᖃᐅᔨᓇᓱᐊᕐᓂᑦ, ᐂᕙᓃᑦ, ᐊᑭᕋᕐᑑᑎᓃᓪᓗ ᐱᖁᔧᑦ ᐱᓪᓗᒋᑦ, ᑕᒪᒃᑯᐊ ᐊᑑᑎᖃᖏᒻᒪᑕ ᐱᕙᓪᓕᕐᓇᕐᑐᖃᕋᑎᒡᓗ.

ᔧᒥᓯᐅᑉ ᐊᒡᓚᖏᑦ 1:14

ᐃᓄᒡᓕ ᐱᔪᒥᓵᕐᑕᐅᓕᕐᐳᖅ ᐃᒃᖠᒎᕐᓂᕐᒥᓄᑦ ᑲᔪᖏᕐᓴᕐᑕᐅᓪᓗᓂ ᓇᖕᒥᓂᖅ ᐱᔪᒪᓂᐊᓗᖕᒥᓄᑦ.

ᔧᒥᓯᐅᑉ ᐊᒡᓚᖏᑦ 4:3

ᑐᒃᓯᐊᕋᓗᐊᕋᑦᓯᓗ ᐱᕙᓐᖏᓚᓯ, ᑐᒃᓯᐊᕐᓂᓯ ᓈᒻᒪᖏᒻᒪᑦ, ᓇᖕᒥᓂᖅ ᐱᔪᒪᓃᓇᑦᓯᓐᓄᑦ ᐊᑐᕈᒪᓐᓗᒋᑦ ᑐᒃᓯᐊᕈᑎᖃᕋᑦᓯ.

ᐲᑦᑐᕉᓯ ᓯᕗᓪᓖᑦ 1:14

ᕿᑐᕐᖓᑎᑐᑦ ᓈᓚᑦᓯᐊᖃᑦᑕᕆᑦᓯ, ᐃᓅᓯᓯᓗ ᐱᐅᖏᑦᑐᓄᑦ ᐊᐅᓚᑕᐅᓕᕐᑎᑦᑍᓕᓗᒍ ᓲᕐᓗ ᑍᑦᓱᒪᓂᑐᑦ ᖃᐅᔨᒪᖏᑦᑑᓚᐅᕈᓯᑦᓯᑐᑦ,

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᐲᑦᑐᕉᓯ ᐂᑉᐸᖏᑦ 3:3

ᓯᕗᓪᓕᕐᒥᒃ ᐅᓇ ᑐᑭᓯᔭᕆᐊᖃᕐᐸᓯ, ᐅᓪᓗᐃᑦ ᑭᖑᓪᓕᖏᓐᓂ ᓴᖅᑭᑦᑐᖃᕈᒫᕐᒪᑦ ᒥᑕᐅᑎᒃᓴᕐᑎᓂᒃ, ᐃᒃᖠᒎᖕᓂᕐᒥᒍᑦ ᐊᐅᓚᑕᐅᔪᓂᒃ.