ᔧᒥᓯᐅᑉ ᐊᒡᓚᖏᑦ 3:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐅᖃᕐᑕᐅᖅ ᐃᑯᒪᐅᕗᖅ. ᓯᓚᕐᔪᐊᖑᓪᓗᓂᓗ ᐱᐅᖏᑦᑑᓕᕐᑎᑎᑦᔪᓇᕐᖢᓂᓗᑦ. ᑎᒥᑦᑕ ᐃᓚᒋᖕᒪᒍ, ᐃᑦᓴᒃᓯᕗᖅ ᑎᒥᑦᑎᓐᓂᒃ ᐃᑯᐊᓪᓔᕗᖅ ᐃᓅᓯᓕᒫᑦᑎᓐᓂᒃ, ᑲᑉᐱᐊᓇᕐᑐᕕᐅᑉ ᐃᑯᒪᓐᖓᓄᑦ.

ᔧᒥᓯᐅᑉ ᐊᒡᓚᖏᑦ 3:6 Iomraidhean Croise

ᓴᒧᐃᓕ ᐂᑉᐸᖏᑦ 16:20

ᐋᑉᓴᓚᒻ ᓵᓚᐅᕐᐳᖅ ᐊᕼᐃᑐᐱᓕᒧᑦ, ᐅᖃᕐᓗᓂᓗ, “ᒫᓐᓇ ᑕᒫᓂᓕᕋᑦᑕ, ᖃᓄᐃᓕᐅᕆᐊᖃᓕᕐᐱᑕ?”

ᓴᒧᐃᓕ ᐂᑉᐸᖏᑦ 19:43

ᐃᓴᕆᐊᓕᒥᐅᑦ ᑭᐅᕗᑦ, “ᖁᓕᕕᒃᓱᕐᑐᒥᒃ ᐱᔭᕆᐊᖃᕐᓂᕐᓴᐅᕗᒍᑦ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ, ᐃᓚᒋᒐᓗᐊᕈᑦᓯᐅᒃ ᓱᖕᒪᓕ ᐅᕙᑦᑎᓐᓂᒃ ᓇᕐᕈᕕᓰ? ᐳᐃᒍᕐᑍᓕᒋᑦᓯ ᓯᕗᓪᓕᐅᓪᓗᑕ ᐅᖃᖅᑳᓚᐅᕋᑦᑕ ᐊᖓᔪᖅᑳᕐᔪᐊᕐᒥᒃ ᐅᑎᕐᑎᑦᓯᔪᒪᓪᓗᑕ!” ᔫᑕᐅᓪᓕ ᐃᓄᖏᑦ ᓯᕘᕋᓇᒐᓚᒃᓗᑎᒃ ᐅᖃᓪᓚᖕᓂᕐᓴᐅᓚᐅᕐᐳᑦ ᐊᖓᔪᖅᑳᕐᔪᐊᕐᒥᒃ ᐱᖃᕐᓂᕋᕐᓗᑎᒃ ᐃᓴᕆᐊᓕᒥᐅᑉ ᐃᓄᖏᓐᓂᑦ.

ᑯᕉᓂᑲ ᐂᑉᐸᖏᑦ 13:17

ᐊᐰᔭᒃᑯᑦ ᐅᓇᑕᕐᑐᒃᓴᖏᑕᓗ ᐃᓴᕆᐊᓕᒥᐅᑦ ᑐᖁᕋᕐᐰᑦ ᑐᖁᕅᕐᔪᐊᕐᓗᑎᒃ; ᑍᑦᓱᒪᓂ 500,000ᓮᑦ ᐅᓇᑕᕐᑐᒃᓮᑦ ᓂᕈᐊᕐᑕᐅᓯᒪᔪᑦ ᑐᖁᑕᐅᕗᑦ.

ᐃᓐᖏᕈᑎᑦ 140:3

ᐅᖃᑎᒃ ᐃᐱᒃᓯᑎᑉᐰᑦ ᖁᒡᓗᒋᐊᑎᑐᑦ, ᖃᓂᖏᑕᓗ ᐃᓗᐊᓂ ᑐᖁᓐᓇᕐᑐᖃᕐᐳᑦ ᖁᒡᓗᒋᐊᑎᑐᑦ. ᓰᓚ

ᐃᓐᖏᕈᑎᑦ 64:3

ᐅᖃᕐᒥᖕᓂᒃ ᐃᐱᒃᓮᕗᑦ ᓴᕕᒡᔪᐊᑎᑐᑦ, ᐅᖃᐅᓯᕐᒥᖕᓂᒃ ᐋᖅᑭᒃᓱᐃᕗᑦ ᐱᑎᒃᓯᒧᑦ ᑐᕌᕐᑎᑎᕐᑐᑎᑐᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:1

ᓂᑲᒍᓱᒡᓗᓂ ᐅᖃᐅᑦᔨᔪᖅ ᓂᓐᖓᐅᒪᓂᕐᒥᒃ ᓮᒻᒪᕐᑎᑦᓯᕗᖅ, ᐊᑦᑕᕈᓱᒐᓂᓕ ᐅᖃᐅᑦᔨᔪᖅ ᓂᓐᖓᖕᓂᕐᒥᒃ ᓄᐃᑎᑦᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:27

ᐱᕋᔭᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᐳᖅ, ᓂᓪᓕᐊᓂᖓᓗ ᐃᑯᐊᓚᔪᑎᑐᑦ ᑍᒤᑉᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:19

ᖃᐅᔨᓯᒪᓐᖑᐊᕐᓗᓂ ᓱᓕᖏᑦᑐᓂᒃ ᐅᖃᐅᓯᖃᕐᑐᖅ, ᐃᓅᖃᑎᒥᓂᒃ ᐃᓅᖃᑎᒌᑦᓯᐊᕈᓐᓃᕐᓇᕐᑐᓂᒃ ᐱᒋᐊᕐᑎᑦᓯᖃᑦᑕᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:5

ᓴᐳᑦᔨᔨᒋᓂᐊᕋᕕᒋᑦ ᐊᕐᓇᓂᑦ ᐅᐃᓕᖕᓂᑦ, ᓴᐳᑦᔨᔨᒋᓗᒋᑦ ᐊᕐᓇᐅᑉ ᐅᖃᐅᓯᕐᒥᒍᑦ ᐱᔪᒥᓇᕐᓴᕋᓲᑎᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 30:27

ᑕᑯᒋᑦ, ᐊᑕᓂᐅᑉ ᐊᑎᖓ ᐅᖓᓯᒃᑐᒥᑦ ᑕᑯᒃᓴᐅᓕᕐᐳᖅ, ᐃᑯᐊᓚᔪᖅ ᓂᓐᖓᐅᒪᓂᕐᒧᑦ, ᐳᔪᕐᔪᐊᕐᓗ ᑕᑯᒃᓴᐅᓇᖏᑦᑐᖅ ᖁᒻᒧᐊᓕᕐᐳᖅ; ᖃᓂᖓ ᓂᓐᖓᐅᒪᓂᕐᒥᒃ ᑕᑕᑉᐳᖅ, ᐅᖃᖓᓗ ᐃᑯᒪᒥᒃ ᓄᖒᑦᓯᔪᒥᒃ ᐊᑦᔨᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 50:11

ᑕᑯᒋᑦ, ᐃᑯᒪᒥᒃ ᐃᑯᐊᓪᓔᔪᓕᒫᑦ, ᖃᕐᔪᓂᒡᓗ ᐃᑯᒪᑎᑦᓯᓪᓗᑎᒃ ᐊᕙᑖᒍᑦ ᐱᓱᒃᑐᑦ: ᐱᓱᒃᐳᓯ ᐃᑯᒪᑎᑕᑦᓯ ᖃᐅᒪᑎᑕᖓᒍᑦ, ᖃᕐᔪᓄᓪᓗ ᐃᑯᒪᑎᑕᑦᓯᓐᓄᑦ! ᑍᒤᑦᑐᒥᒃ ᐱᑎᑕᐅᔪᒫᕐᐳᓯ ᐊᒡᒐᓐᓂᑦ: ᓇᓚᔪᒫᕐᐳᓯᓗ ᐋᓐᓂᐊᑎᑕᐅᓇᕐᑐᒥ.

ᔨᕆᒤᐊᐅᑉ ᐊᒡᓚᖏᑦ 20:10

ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”

ᔨᕆᒤᐊᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, “ᑕᑯᒋᑦ, ᓄᓇᕐᔪᐊᒥᑦ ᐃᒋᓐᓂᐊᕐᐸᒋᑦ, ᐊᕐᕌᒍᒥ ᑕᕝᕙᓂ ᑐᖁᔪᒫᕐᐳᑎᑦ ᐊᔪᕆᕐᑐᐃᓯᒪᒐᕕᑦ ᒎᑎᒥᒃ ᐊᑭᕋᕐᑐᕐᑐᓂᒃ.”

ᒨᓯᓯ ᐱᖓᔪᖏᑦ 24:11

ᐊᖑᑦ ᑖᓐᓇ ᐃᓴᕆᐊᓕᒥᐅᑕᕐᒥᒃ ᐊᓈᓇᖃᕐᑐᖅ ᒎᑎᒥᒃ ᐅᖃᕐᓂᕐᓘᑎᖃᕐᐳᖅ ᓱᐊᒃᓗᓂᓗ; ᒨᓯᓯᒧᐊᕐᑕᐅᓚᐅᕐᐳᕐᓗ. (ᑖᑦᓱᒪ ᐊᓈᓇᖓ ᓯᓗᒥᑎᒥᒃ ᐊᑎᖃᕐᐳᖅ, ᑎᑉᕆᐅᑉ ᐸᓂᐊ ᑖᓂᐅᑉ ᑭᖑᕚᖏᑕ ᐃᓚᖓᑦ.)

ᒨᓯᓯ ᓯᑕᒪᖏᑦ 25:2

ᑖᒃᑯᐊ ᕾᖁᔨᖃᑦᑕᓚᐅᕐᒪᑕ ᐃᓴᕆᐊᓕᒥᐅᓂᒃ ᒎᑎᓐᖑᐊᒥᖕᓄᑦ ᑐᓂᕐᕈᓯᕌᖓᒥᒃ, ᐃᓄᐃᓪᓗ ᓂᕆᖃᑦᑕᓚᐅᕐᐳᑦ ᐹᒻᒪᒃᑎᕐᓗᑎᒡᓗ ᒎᑎᓐᖑᐊᖏᓐᓄᑦ.

ᒨᓯᓯ ᓯᑕᒪᖏᑦ 31:16

ᑕᑯᒋᑦ, ᐊᕐᓁᑦ ᐅᑯᐊ ᐃᓴᕆᐊᓕᒥᐅᓂᒃ ᐱᐅᖏᑦᑐᓕᑎᑦᓯᓚᐅᕐᑐᑦ, ᐸᓛᒻᒥᐅᑉ ᐱᖁᔨᓂᖓᒍᑦ, ᐱᐅᖏᑦᑐᓕᖁᔨᓪᓗᓂ ᐊᑕᓂᕐᒧᑦ ᐱᐅᕆᒥ, ᓂᖓᐅᑦᔭᐅᓯᒪᓂᕐᒥᒡᓗ ᑐᖁᓮᔪᒥᒃ ᐱᔪᖃᓕᓚᐅᕐᐳᖅ ᐊᑕᓂᐅᑉ ᐃᓄᒋᐊᒃᑐᕐᔪᐊᖁᑎᖏᓐᓂ.

ᒫᑎᐅᓯᐅᑉ ᐊᒡᓚᖏᑦ 12:24

ᐹᕆᓯᑦ ᑕᒪᑐᒥᖓ ᑐᓴᕋᒥᒃ, ᐅᖃᕐᐳᑦ, “ᐅᓇ ᔩᓱᓯ ᐊᓂᕐᓂᕐᓗᖕᓂᒃ ᐃᓄᖕᒥᑦ ᐊᓂᑎᑦᓯᖃᑦᑕᕐᑐᖅ ᐊᓂᕐᓂᕐᓗᐃᑦ ᐊᖓᔪᖅᑳᖓᓐᓄᑦ ᐱᐅᓪᓯᐹᐱᒧᑦ ᐱᔪᓐᓇᕐᓂᖃᕐᑎᑕᐅᓪᓗᓂ ᑍᒤᓕᐅᖃᑦᑕᕐᑐᖅ.”

ᒫᑎᐅᓯᐅᑉ ᐊᒡᓚᖏᑦ 5:22

ᒫᓐᓇᓕ ᐅᖃᐅᑎᕙᑦᓯ: ᐃᓅᖃᑎᒥᓄᑦ ᓂᓐᖓᒃᑐᖅ ᐃᖅᑲᕐᑐᐃᕕᖕᒧᐊᕐᑕᐅᓂᐊᕐᐳᖅ; ᐃᓅᖃᑎᒥᓂᒡᓗ ᐊᑑᑎᒃᓴᖃᖏᓐᓂᕅᔪᖅ ᑖᓐᓇ ᔫᑎᑦ ᐃᖅᑲᕐᑐᐃᔨᖏᓐᓄᐊᕐᑕᐅᓂᐊᕐᐳᖅ, ᐃᓅᖃᑎᒥᓂᒡᓗ ᓱᓇᒃᓴᐅᖏᓐᓂᕅᔪᖅ, ᑖᓐᓇ ᐃᑯᒪᕐᔪᐊᕐᒧᑦ ᐱᑎᑕᒃᓴᐅᕗᖅ.

ᒫᑯᓯᐅᑉ ᐊᒡᓚᖏᑦ 7:15

ᐃᓅᑉ ᓯᓚᑖᓂᑦ ᐱᔪᖅ ᐃᓅᑉ ᐃᓗᐊᓂᒃ ᓴᓗᒪᔪᓐᓃᕐᑎᑦᓯᔪᓐᓇᓐᖏᓚᖅ; ᐃᓅᓪᓕ ᐃᓗᐊᓂᑦ ᐊᓂᔪᑦ ᑕᒪᒃᑯᐊ ᐃᓄᖕᒥᒃ ᐱᐅᔪᓐᓃᕐᑎᑦᓯᕗᑦ. [

ᓘᑲᓯᐅᑉ ᐊᒡᓚᖏᑦ 16:24

ᕾᒐᓛᓕᕐᐳᖅ, ‘ᐊᑖᑖᒃ ᐂᑉᕋᕼᐋᒻ, ᓂᑲᒋᓚᐅᓐᖓ, ᓛᓴᕉᓯ ᑎᓕᓚᐅᕈᒃ ᑎᑭᓂ ᒥᓱᒡᓗᒍ ᐃᒥᕐᒧᑦ, ᐅᖃᓐᓂᒃ ᓂᒡᓕᑎᕆᖁᓗᒍ; ᐋᓐᓂᐊᔪᐊᓘᒐᒪ ᐅᕙᓂ ᐃᑯᒫᓗᖕᒥ.’

ᐋᐴᓯᑕᓖᑦ ᐱᓂᐊᕐᓂᖏᑦ 20:30

ᐃᓄᒃᑕᖃᓕᕈᒫᕐᒪᑦ ᐊᑯᓐᓇᑦᓯᓐᓂᑦ ᐱᔪᓂᒃ ᓱᓕᖏᑦᑐᒥᒃ ᐊᔪᕆᕐᑐᐃᖃᑦᑕᕐᑐᓂᒃ, ᒪᓕᒃᑎᑖᕋᓱᐊᕐᓗᑎᒃ ᐃᓕᓐᓂᐊᕐᑎᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:3

ᐲᑦᑐᕉᓯᐅᑉ ᐅᖃᐅᑎᕚ, “ᐊᓇᓁᐊᓰ, ᓲᖅ ᓵᑖᓇᓯ ᐆᒻᒪᑎᖕᓂ ᐱᕕᒃᓴᕐᑖᕐᑎᑉᐱᐅᒃ? ᓴᒡᓗᑎᒻᒪᑎᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑮᓇᐅᔧᑦ ᓂᐅᕐᕈᑎᒋᔭᕕᑦ ᐃᓚᖏᑦ ᐱᓯᒪᔪᒪᓪᓗᒌᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 6:13

ᑎᒍᔭᐅᑎᑦᓯᔪᑦ ᑲᑎᒪᔨᕐᔪᐊᓄᐊᕐᑎᑦᓯᕗᑦ ᐊᖑᑎᓂᒃ ᓯᑎᐹᓇᓯᒥᒃ ᓴᒡᓗᑎᖃᕐᓂᐊᕐᑐᓂᒃ, ᐅᖃᕐᓗᑎᒃ, “ᐅᓇ ᐊᖑᑦ ᐊᑭᕋᕐᑐᕐᓗᓂ ᑐᒃᓯᐊᕐᕕᒡᔪᐊᑦᑎᓐᓂᒃ ᐃᑦᔪᕐᓁᑦᑐᒥᒃ ᒨᓯᓯᐅᓪᓗ ᐱᖁᔭᖏᓐᓂᒃ ᐅᖃᐅᓯᖃᖃᑦᑕᕐᑐᖅ;

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᑍᑑᓯᒧᑦ 1:11

ᐅᖃᓪᓚᖃᑦᑕᕐᓂᖏᑦ ᓄᖅᑲᕐᑎᑕᐅᔭᕆᐊᖃᕐᐳᑦ, ᐃᒡᓗᒥᐅᖃᑎᒌᓂᒃ ᐃᓚᒌᑦᓯᐊᕈᓐᓃᕐᑎᑦᓯᖕᒪᑕ ᐊᔪᕆᕐᑐᐃᓂᕐᒥᖕᓄᑦ ᑮᓇᐅᔭᓕᐅᕈᑎᖃᕋᓱᐊᕐᑐᑦ ᐊᔪᕆᕐᑐᐃᑦᔪᑎᒃᓴᐅᖏᑦᑐᓂᒃ ᐱᓇᓱᐊᕐᓗᑎᒃ.

ᔧᒥᓯᐅᑉ ᐊᒡᓚᖏᑦ 2:7

ᑖᒃᑯᐊ ᐅᖃᕐᓂᕐᓘᑎᖃᕐᐸᐳᑦ ᐱᐅᔪᒥᒃ ᑍᔭᐅᑦᔪᑎᑦᓯᓐᓂᒃ ᓇᕐᕈᓇᕐᓯᑎᑦᓯᓇᓱᐊᕐᓗᑎᒃ.

ᔧᒥᓯᐅᑉ ᐊᒡᓚᖏᑦ 3:7

ᓂᕐᔪᑎᑦ ᖃᓄᐃᑦᑐᑐᐃᓐᓁᑦ, ᑎᖕᒥᐊᑦ, ᐹᕐᖑᕐᑐᓪᓗ, ᐃᒪᕐᒥᐅᑍᓪᓗ ᓄᔪᐃᓕᕐᑎᑕᐅᔪᓐᓇᕐᐳᑦ, ᓄᔪᐃᓕᕐᑎᑕᐅᖃᑦᑕᕐᓯᒪᓪᓗᑎᒃᓗ,

ᐲᑦᑐᕉᓯ ᐂᑉᐸᖏᑦ 3:3

ᓯᕗᓪᓕᕐᒥᒃ ᐅᓇ ᑐᑭᓯᔭᕆᐊᖃᕐᐸᓯ, ᐅᓪᓗᐃᑦ ᑭᖑᓪᓕᖏᓐᓂ ᓴᖅᑭᑦᑐᖃᕈᒫᕐᒪᑦ ᒥᑕᐅᑎᒃᓴᕐᑎᓂᒃ, ᐃᒃᖠᒎᖕᓂᕐᒥᒍᑦ ᐊᐅᓚᑕᐅᔪᓂᒃ.

ᔪᐊᓇᓯᐅᑉ ᐱᖓᔪᖏᑦ 1:10

ᑎᑭᒃᑯᒪᓕ, ᐱᓂᐊᕐᓂᕆᓯᒪᔭᖏᑦ ᓴᖅᑭᑎᑦᓱᒫᕐᐸᒃᑲ, ᐅᕙᑦᑎᓐᓂᒃ ᐱᐅᖏᑦᑐᒥᒃ ᐅᖃᕐᓂᕐᓘᑎᖃᕐᓯᒪᖕᒪᑦ, ᓱᓕᓇᓂᓗ ᐅᖃᐅᓯᖃᖃᑦᑕᕐᓗᓂ, ᑍᒤᓕᐅᑐᐃᓐᓇᓐᖏᓚᕐᓕ; ᙭ᔅᑑᓯᒥᐅᑕᐅᖃᑎᕗᓪᓕ ᑎᑭᒃᑲᓗᐊᕐᒪᑕ ᐃᓚᓕᐅᓚᐅᓐᖏᓔᑦ, ᐃᓚᓕᐅᕐᓯᔪᒪᔫᒐᓗᐊᓪᓗ ᐃᓚᓕᐅᕐᓯᖁᓚᐅᓐᖏᓔᑦ ᐅᒃᐱᕐᑑᖃᑎᒌᓂᓪᓕ ᐊᓂᑎᓐᓇᓱᐊᓚᐅᕐᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:9

ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:14

ᑲᒪᓇᕐᑐᓕᔪᓐᓇᕐᓂᕐᒥᓄᑦ ᓄᓇᕐᔪᐊᕐᒦᑦᑐᑦ ᐅᐃᕕᕐᕆᕔᑦ ᑲᒪᓇᕐᑐᓕᓂᕐᓂᒃ ᐱᓂᐊᕈᓐᓇᕐᑎᑕᐅᒐᒥ ᐆᒪᔪᐊᓘᑉ ᓯᕗᓪᓕᐅᑉ ᐱᔪᓐᓇᕐᓂᖓᒍᑦ, ᐆᒪᔪᐊᓗᒡᓗ ᓴᓇᖁᔨᕗᖅ ᐆᒪᔪᐊᓘᑉ ᐊᑦᔨᖓᓂᒃ ᐅᐱᒍᓲᑎᒋᔭᐅᔪᒃᓴᒥᒃ ᑖᑦᓱᒥᖓ ᐃᑭᓕᕐᑕᐅᓚᐅᕋᓗᐊᕐᓗᓂ ᑐᖁᓚᐅᖏᒻᒪᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:23

ᖃᐅᒻᒪᖅᑯᑎᐅᓪᓗ ᐃᑯᒪᖓ ᐃᓕᑦᓯᓐᓂ ᑕᑯᔭᐅᒃᑲᓐᓂᕐᓂᐊᕈᓐᓃᕐᐳᖅ; ᑲᑎᑎᑕᐅᕋᑖᕐᑐᓪᓗ ᓂᐱᖏᑦ ᑐᓴᕐᑕᐅᒃᑲᓐᓂᕐᓂᐊᕈᓐᓃᕐᐳᑦ; ᑮᓇᐅᔭᓕᐅᕋᓱᐊᕐᑎᖁᑎᓯᓗ ᐱᔪᓐᓇᕐᓂᖃᕐᓂᕐᐹᖑᓚᐅᕐᑐᑦ ᓄᓇᕐᔪᐊᕐᒥ, ᐊᖓᒃᑰᓐᖑᐊᕐᓂᑦᓯᒍᓪᓗ ᐅᐃᕕᕆᒃᓯᓚᐅᕐᐳᓯ ᐃᓅᖃᑎᒌᒡᔪᐊᓕᒫᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.