ᔧᒥᓯᐅᑉ ᐊᒡᓚᖏᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑍᒤᒃᑭᕗᕐᑕᐅᖅ ᐅᖃᖅ ᒥᑭᔫᒐᓗᐊᖅ ᐊᖏᔪᐊᓗᖕᓂᒃ ᐊᐅᓚᑦᓯᔪᓐᓇᕆᕗᖅ. ᓇᐹᕐᑐᐊᓗᐃᑦ ᐊᒥᓱᑦ ᐃᑯᐊᓪᓚᒃᑎᑕᐅᔪᓐᓇᕐᐳᑦ ᐃᑯᒪᒧᑦ ᒥᑭᔪᒧᑦ.

ᔧᒥᓯᐅᑉ ᐊᒡᓚᖏᑦ 3:5 Iomraidhean Croise

ᔫᐱᐅᑉ ᐊᒡᓚᖏᑦ 22:17

ᒎᑎᒧᑦ ᐅᖃᓚᐅᕐᒪᑕ, ‘ᐅᕙᑦᑎᓐᓂᑦ ᕿᒪᕉᑎᓚᐅᕆᑦ! ᖃᓄᖅ ᐊᔪᒐᖃᖏᑦᑐᖅ ᐅᕙᑦᑎᓐᓄᑦ ᐱᓇᓱᐊᕈᓐᓇᕐᐹ?’

ᐃᓐᖏᕈᑎᑦ 10:3

ᐱᐅᖏᑦᑐᓕᔪᑦ ᐆᒻᒪᑎᒥ ᐱᔪᒪᔭᖏᓐᓂᒃ ᐱᐅᔪᕆᑦᔪᑎᖃᕐᐳᑦ; ᐱᔪᒪᑐᓛᕐᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᕔᑦ, ᐊᑕᓂᕐᒥᒡᓗ ᓇᕐᕈᒋᔭᖃᕐᓗᑎᒃ.

ᐃᓐᖏᕈᑎᑦ 17:10

ᐆᒻᒪᑎᑎᒃ ᓯᑎᔪᑦ ᒪᑐᕔᑦ ᓇᒡᓕᒍᓱᒍᒪᓇᑎᒃ, ᖃᓂᖏᓪᓗ ᓂᓪᓕᐊᕗᑦ ᐱᐅᔪᕆᓂᕐᒥᒃ.

ᐃᓐᖏᕈᑎᑦ 39:1

ᐅᖃᓚᐅᕐᐳᖓ, “ᐱᓂᐊᕐᓂᒃᑲ ᐅᑦᔨᕐᑐᕈᒪᕙᒃᑲ, ᐅᖃᕋ ᐱᐅᖏᑦᑐᓕᖁᓇᒍ; ᖃᓂᕋ ᓂᓪᓕᕐᑎᑦᑍᓕᔪᒪᕙᕋ; ᐱᐅᖏᑦᑐᓕᔪᑦ ᓵᓐᓃᑎᓪᓗᒋᑦ.”

ᒨᓯᓯ ᐂᑉᐸᖏᑦ 15:9

ᐊᑭᕋᕐᑐᑏᑦ ᐅᖃᓚᐅᕐᐳᑦ, ‘ᐅᐸᓗᐃᓗᒋᑦ ᐊᖑᓂᐊᕐᐸᒃᑲ, ᐱᖁᑎᖏᓪᓗ ᐊᒡᒍᕐᓂᐊᕐᐸᒃᑲ, ᐱᔪᒪᔭᓕᒫᒃᑲᓗ ᐱᓗᒋᑦ. ᓴᕕᒡᔪᐊᕋᓗ ᐊᒧᓗᒍ, ᑐᖁᓐᓂᐊᕐᐸᒃᑲ.’

ᒨᓯᓯ ᐂᑉᐸᖏᑦ 5:2

ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:18

ᐅᖃᐅᓯᕐᒥᖕᓂᒃ ᐅᑦᔨᕐᓱᕈᓐᓇᖏᑦᑑᑉ ᐅᖃᐅᓯᖏᑦ ᓴᕕᒡᔪᐊᑎᑐᑦ ᑲᐱᓯᕗᑦ, ᓯᓚᑐᔪᓪᓕ ᐅᖃᐅᓯᖏᑦ ᐋᖅᑭᒃᑕᐅᓐᓇᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:2

ᓯᓚᑐᔫᑉ ᐅᖃᐅᓯᖏᑦ ᖃᐅᔨᒪᓂᕐᒥᒃ ᓴᖅᑭᑎᑦᓯᕗᑦ, ᓯᓔᑦᑑᓪᓕ ᐅᖃᐅᓯᖏᑦ ᓯᓔᓐᓂᕐᒥᒃ ᑯᕕᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:21

ᑐᖁ ᐃᓅᓯᕐᓗ ᐅᖃᐅᑉ ᐱᔪᓐᓇᕐᓂᖓᓃᑉᐳᑦ, ᐅᖃᕐᒥᖕᓂᒃ ᐱᓪᓗᐊᑕᓖᑦ ᐱᕈᕐᑎᑕᖏᓐᓂᒃ ᓂᕿᖃᕐᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:20

ᕿᔪᖃᖏᓐᓂᕐᒧᑦ, ᐃᑯᒪ ᖃᒥᑉᐳᖅ; ᐃᓅᖃᑎᒥᓂᒃ ᐅᖃᐅᓯᒃᓴᕐᓂᖅ ᐱᑕᖃᕐᑎᓐᓇᒍ, ᐂᕙᓂᖅ ᓄᖅᑲᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 28:2

“ᐃᓅᑉ ᐃᕐᓂᖓ, ᑍᕆᒥᐅᑦ ᐊᖓᔪᖅᑳᖓ ᐅᖃᐅᑎᒍᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐆᒻᒪᑎᒃᑯᑦ ᐱᐅᔪᕆᒐᕕᑦ, ᐅᖃᓚᐅᕐᐳᑎᑦ, ‘ᒎᑎᐅᕗᖓ, ᒎᑏᑦ ᐃᒃᓯᕙᐅᑕᖏᓐᓂ ᐃᒃᓯᕚᕐᓗᖓ, ᐃᒪᕕᖕᓂᒃ ᐊᕙᑎᒥᐅᑕᖃᕐᑐᒥᒃ,’ ᐃᓄᑐᐃᓐᓇᐅᕗᑎᓪᓕ, ᒎᑎᐅᓇᑎᑦ, ᐃᓕᖕᓂᒃ ᒎᑎᑐᑦ ᓯᓚᑐᓇᓱᒋᒐᓗᐊᕐᐳᑎᑦ;

ᐃᓯᑭᐊᓕᐅᑉ ᐊᒡᓚᖏᑦ 29:3

ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐰᕉ ᐊᑭᕋᕐᑐᕐᐸᒋᑦ, ᐆᒪᔪᕐᓘᔪᑎᑦ ᑐᕌᒍᓂ ᑰᖕᒥᐅᑕᐅᔪᑎᑦ, ᐅᖃᕐᐸᒃᓗᑎᓪᓗ, ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᔧᒥᓯᐅᑉ ᐊᒡᓚᖏᑦ 3:4

ᐅᒥᐊᕐᔪᐊᑦᑕᐅᖅ; ᐊᖏᔪᐊᓘᒐᓗᐊᑦ ᐊᓄᕆᕐᔪᐊᒧᓪᓗ ᐊᐅᓚᑕᐅᕙᒃᑐᑦ ᐃᖏᕐᕋᑎᑕᐅᓪᓗᑎᒃ, ᐊᖁᑕᐅᔪᓐᓇᕐᐳᑦ ᐊᖂᑎᖓᓄᑦ ᒥᑭᔪᒍᓗᖕᓄᑦ, ᐊᖁᑦᑑᑉ ᐅᐸᒍᒪᔭᖓᓄᑦ.

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.