ᔧᒥᓯᐅᑉ ᐊᒡᓚᖏᑦ 3:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑭᓇ ᓇᓪᓕᓯᓂ ᓯᓚᑐᓪᓗᓂᓗ ᑐᑭᓯᐊᕙ? ᑕᕝᕙ ᐱᓇᓱᐊᑦᓯᐊᕐᓂᕐᒥᒍᑦ ᓴᖅᑭᑎᑦᓯᔪᒃᓴᐅᕗᖅ ᐃᓅᓯᐊᕐᓂᕐᒥᒃ ᐱᐅᔪᕆᖏᓐᓂᕐᒥᒃ ᓯᓚᑐᓂᕐᒥᒡᓗ.

ᔧᒥᓯᐅᑉ ᐊᒡᓚᖏᑦ 3:13 Iomraidhean Croise

ᔫᐱᐅᑉ ᐊᒡᓚᖏᑦ 28:28

ᐃᓄᖕᒧᓪᓗ ᐅᖃᕐᓗᓂ, ‘ᑕᑯᒋᑦ, ᐊᑕᓂᕐᒥᒃ ᓯᕘᕋᓂᖅ, ᑕᒪᓐᓇ ᓯᓚᑐᓂᐅᕗᖅ; ᐊᔪᕐᓂᕐᒥᒡᓗ ᕿᒤᓂᖅ ᑕᕝᕙ ᑐᑭᓯᓂᐅᕗᖅ.’”

ᐃᓐᖏᕈᑎᑦ 107:43

ᓇᓪᓕᐊᑦ ᑕᕝᕙ ᓯᓚᑐᔪᖅ, ᑕᒪᒃᑯᓂᖓ ᐃᓱᒪᒃᓴᕐᓯᐅᕈᑎᖃᕐᓂᐊᕐᐳᖅ, ᖃᐅᔨᓂᐊᕐᓗᑎᒡᓗ ᐊᑕᓂᐅᑉ ᓇᒡᓕᒍᓱᖕᓂᖓᓂᒃ ᓱᖁᓯᔪᐃᑦᑐᒥᒃ.

ᐃᓐᖏᕈᑎᑦ 122:8

ᐃᓚᒃᑲ ᐃᓚᓐᓇᕆᔭᒃᑲᓗ ᐱᑦᔪᑎᒋᓪᓗᒋᑦ, ᒫᓐᓇ ᐅᖃᕐᐳᖓ, “ᐃᓕᖕᓂ ᓮᒪᓇᕐᑐᖃᕐᓕ!”

ᐃᓐᖏᕈᑎᑦ 149:4

ᐊᑕᓂᐅᑉ ᐃᓄᖁᑎᓂ ᖁᕕᐊᒋᖕᒪᒋᑦ; ᐱᐅᔪᕆᖏᑦᑐᑦ ᐅᐱᓐᓇᕐᑎᑉᐰᑦ ᓵᓚᖃᕐᑎᓪᓗᒋᑦ.

ᐃᓐᖏᕈᑎᑦ 25:9

ᐱᐅᔪᕆᖏᑦᑐᑦ ᑕᓯᐅᕐᐰᑦ ᐊᑲᐅᔪᒧᑦ, ᐱᐅᔪᕆᖏᑦᑐᑦ ᐃᓕᓐᓂᐊᕐᑎᑉᐰᑦ ᐊᖅᑯᑎᒥᓂᒃ.

ᐃᓐᖏᕈᑎᑦ 45:4

ᐃᑭᒪᓗᑎᑦ ᐃᖏᕐᕋᓕᕆᑦ ᐊᖓᔪᖅᑳᕐᔪᐊᖑᓂᕐᐱᑦ ᐅᐱᓐᓇᕐᓂᖓᓄᑦ ᓵᓚᖃᕐᓂᕐᓄᑦ ᓱᓕᓂᕐᒧᓪᓗ, ᒥᑭᒡᓕᑎᕐᓯᒪᓂᕐᓗ, ᐃᓱᐊᕐᑐᓕᓂᕐᓗ ᐱᑦᔪᑎᒋᓗᒋᑦ; ᐊᒡᒐᑎᓪᓗ ᑕᓕᕐᐲᑦ ᑲᒪᓇᕐᑐᕐᔪᐊᓂᒃ ᐱᓇᓱᐊᓕᕐᓕᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:1

ᑭᓇ ᓯᓚᑐᔪᑎᑐᑦ ᑍᒤᑉᐸ? ᖃᐅᔨᒪᔪᖅ ᓱᓇᑐᐃᓐᓁᑦ ᑐᑭᖏᓐᓂᒃ? ᐊᖑᑎᐅᑉ ᓯᓚᑐᔫᑉ ᓯᓚᑐᓂᖓᑕ ᑮᓇᖓ ᖃᐅᒪᑎᑉᐹ. ᑮᓇᖓᑕᓗ ᐃᓕᕋᓇᕐᓂᖓ ᑕᐅᑦᑐᑦᓯᐊᕆᒃᑎᑉᐹ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:5

ᑖᑦᓱᒪ ᐱᖁᔭᖏᓐᓂᒃ ᒪᓕᑦᓯᐊᕐᑐᖅ, ᑲᑉᐱᐊᓇᕐᑐᒥᒃ ᖃᐅᔨᓂᐊᓐᖏᓚᖅ; ᓯᓚᑐᔫᓪᓗ ᐆᒻᒪᑎᖓ ᖃᐅᔨᒪᓂᐊᕐᐳᖅ ᐱᕕᒃᓴᒥᒃ ᖃᓄᕐᓗ ᐱᐅᓯᖃᕆᐊᖃᕐᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 29:19

ᒥᑭᒡᓕᑎᕐᓯᒪᔪᖅ ᖁᕕᐊᓇᕐᑐᒥᒃ ᓄᑖᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᒃ ᖁᕕᐊᓲᑎᖃᓕᕐᓗᓂ, ᐊᒃᓱᔪᓪᓗ ᐃᓄᐃᑦ ᐊᑯᕐᖓᓐᓂ ᖁᕕᐊᓲᑎᖃᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 60:6

ᑳᒧᓕᖕᓂᒃ ᓇᖕᒪᒃᑐᓂᒃ ᓄᓇᓯ ᑕᑕᑦᓱᒫᕐᐳᖅ, ᐱᕈᕇᕋᑖᕐᓂᕐᓂᒡᓗ ᑳᒥᓕᖕᓂᒃ ᒥᑎᐊᓂᒥᑦ ᐄᐸᒥᓪᓗ ᑎᑭᑦᑐᓂᒃ; ᓰᐸᐅᑉ ᓄᓇᓕᒫᖓᓂᑦ ᐱᔪᓄᑦ ᐅᓄᕐᑐᓄᑦ ᑎᑭᐅᑦᔨᕕᒋᔪᒫᕐᐹᓯ, ᒎᓗᓂᒃ ᐳᔫᕐᑎᑕᒐᕐᓂᒡᓗ ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᓗᑎᒃ, ᐅᖃᐅᓯᖃᕐᓗᑎᒡᓗ ᐊᑕᓂᐅᑉ ᓂᕐᑐᕐᑕᐅᔪᒃᓴᐅᓂᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᔨᕆᒤᐊᐅᑉ ᐊᒡᓚᖏᑦ 9:12

ᐃᓄᒃᑕᖃᕐᐹ ᑕᒪᑐᒥᖓ ᑐᑭᓯᔪᓐᓇᕐᑐᒥᒃ ᓯᓚᑐᓂᕐᒥᓄᑦ? ᑭᓇ ᐊᑕᓂᕐᒧᑦ ᐊᔪᕆᕐᑐᕐᑕᐅᓯᒪᓂᕐᒥᓄᑦ ᑕᒪᑐᒥᖓ ᑐᑭᓯᓇᕐᓯᑎᑦᓯᔪᓐᓇᕐᐹ? ᖃᓄᐃᒻᒪᑦ ᓄᓇ ᐊᓯᕈᕐᓯᒪᕚ ᐊᑐᕐᑐᒃᓴᐅᔪᓐᓃᕐᓗᓂᓗ ᓲᕐᓗ ᐃᓄᖃᔪᐃᑦᑐᑎᑐᑦ ᐊᑐᕐᑕᐅᔪᓐᓁᓪᓕᓪᓗᓂ?

ᔨᕆᒤᐊᐅᑉ ᐊᒡᓚᖏᑦ 9:23

ᐃᒫᒃ ᐊᑕᓂᖅ ᐅᖃᕐᐳᖅ, “ᓯᓚᑐᔪᑦ ᓯᓚᑐᓂᕐᒥᖕᓂᒃ ᓂᕐᑐᕐᑕᐅᑦᔪᑎᖃᕈᒪᑦᑍᓕᓕᑦ, ᓴᓐᖏᔪᓪᓗ ᓴᓐᖏᓂᕐᒥᖕᓂᒃ, ᐊᔪᕐᓴᖏᑦᑐᓪᓗ ᐊᔪᕐᓴᖏᓐᓂᕐᒥᖕᓂᒃ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᔨᐸᓁᐊᐅᑉ ᐊᒡᓚᖏᑦ 2:3

ᐊᑕᓂᕐᒥᒃ ᕿᓂᓕᕆᑦᓯ, ᐃᓘᓐᓇᓯ ᐱᐅᔪᕆᖏᑦᑐᓯ ᓄᓇᒥ, ᐱᖁᔭᖏᓐᓂᒡᓗ ᓈᓚᒃᑐᓯ; ᓇᓛᒎᕐᓂᖅ ᕿᓂᕐᓯᐅᒃ, ᒥᑭᒡᓕᑎᕐᓂᕐᓗ ᕿᓂᕐᒥᓗᒍ; ᓴᐳᑎᔭᐅᖁᓪᓗᓯ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ.

ᒨᓯᓯ ᓯᑕᒪᖏᑦ 12:3

(ᒨᓯᓯᓕ ᐃᓅᓚᐅᕐᐳᖅ ᒥᑭᒡᓕᑎᕐᓯᒪᔪᕐᔪᐊᖑᓪᓗᓂ ᓄᓇᕐᔪᐊᒦᑦᑐᓕᒫᓂᑦ ᒥᑭᒡᓕᑎᕐᓯᒪᓂᕐᐹᖑᓪᓗᓂ.)

ᒫᑎᐅᓯᐅᑉ ᐊᒡᓚᖏᑦ 11:29

ᓇᖕᒪᐅᑕᕋ ᑎᒍᓯᐅᒃ ᐊᑎᓗᒍ, ᐃᓕᓐᓂᐊᕐᕕᒋᓕᕐᓯᓐᖓ; ᐱᖁᓐᓂᕐᑑᒐᒪ ᐱᐅᔪᕆᓇᖓᓗ ᐆᒻᒪᑎᒃᑯᑦ; ᑕᕾᕐᓯᕐᓂᕐᒥᒃ ᑕᕝᕙ ᓇᓂᓯᓂᐊᕐᐳᓯ ᑕᕐᓂᑦᓯᒍᑦ.

ᒫᑎᐅᓯᐅᑉ ᐊᒡᓚᖏᑦ 21:5

“ᓮᐅᓂᐅᑉ ᐃᒡᓗᒐᓴᖏᑦ ᐅᖃᐅᑎᓯᐅᒃ, ᑕᑯᒋᑦ, ᐊᖓᔪᖅᑳᕐᔪᐊᓯ ᕾᓕᕐᐳᖅ! ᐃᒻᒥᓂᒃ ᒥᑭᓕᑎᕐᓗᓂ ᓯᐅᑎᖅᑯᕐᑐᔫᑉ ᖄᖓᓂ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.”

ᒫᑎᐅᓯᐅᑉ ᐊᒡᓚᖏᑦ 5:5

ᓮᒪᓇᕐᑐᒦᑉᐳᑦ ᐃᒻᒥᖕᓂᒃ ᐊᖏᔪᕈᕐᑎᖏᑦᑐᑦ; ᒎᑎᐅᑉ ᐊᖏᕈᑎᒋᓯᒪᔭᖏᓐᓂᒃ ᓄᓇᕐᔪᐊᕐᒥ ᑭᖑᕐᖑᑦᔨᔪᒫᕐᒪᑕ.

ᒫᑎᐅᓯᐅᑉ ᐊᒡᓚᖏᑦ 7:24

“ᑍᒤᒻᒪᑦ, ᓇᓪᓕᐊᑦ ᐅᖃᐅᓯᕆᔭᓐᓂᒃ ᑐᓴᕐᑐᖅ, ᐊᑐᕐᓗᒋᓪᓗ, ᑖᓐᓇ ᐊᑦᔨᐅᕗᖅ ᐊᖑᒻᒧᑦ ᓯᓚᑐᔪᒧᑦ ᕾᕐᑐᒥ ᐃᒡᓗᓕᐅᕐᑐᒧᑦ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:5

ᑍᒫᒃ ᐅᖃᕐᐳᖓ ᑲᓐᖑᓱᖁᓪᓗᓯ, ᓇᓗᓇᖏᒻᒪᑦ ᐃᓚᒋᔭᑦᓯᓐᓂᒃ ᓯᓚᑐᔪᕐᑕᖃᕐᒥᔪᖅ ᐃᖅᑲᕐᑐᐃᔪᓐᓇᕐᑐᒥᒃ ᐅᒃᐱᕐᑑᖃᑎᒌᑦ ᐊᑲᐅᓐᖏᓕᐅᕈᑎᖏᓐᓂᒃ ᐋᖅᑭᒃᓯᔪᓐᓇᕐᑐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:1

ᐅᕙᖓ ᐸᐅᓗᓯ, ᐃᓇᑉᐸᑦᓯ ᙭ᔅᑑᓯᐅᑉ ᐱᐅᔪᕆᖏᓐᓂᖓᒍᑦ ᐱᖃᓐᓂᕐᓂᖓᓄᓪᓗ ᑕᐅᑦᑐᑦᓯᓐᓂ ᓂᑲᓇᕐᑑᒐᓗᐊᕐᑐᖓ, ᓯᕘᕋᔪᐃᑦᑑᕗᖓᓕ ᑲᑎᒪᒃᓯᓇᖓ ᐃᓕᑦᓯᓐᓂᒃ!

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:24

ᑍᒤᒻᒪᑦ, ᑖᒃᑯᐊ ᓇᒡᓕᖕᓂᑦᓯᓐᓂᒃ ᓴᖅᑭᑎᑦᓯᕕᒋᓯᐅᒃ, ᓇᒡᓕᖕᓂᓯ ᐅᒃᐱᕐᑑᖃᑎᒌᓄᑦ ᑕᒤᓐᓄᑦ ᖃᐅᔨᔭᐅᖁᓪᓗᒍ ᓱᓕᓪᓗᑕᓗ ᐃᓕᑦᓯᓐᓂᒃ ᐅᐱᒋᔭᖃᕐᓂᕗᑦ ᖃᐅᔨᔭᐅᖁᓪᓗᒍ.

ᒐᓔᑎᐊᒥᐅᓄᑦ 5:23

ᐃᓅᖃᑎᒋᔭᕐᓂᕐᑑᓂᖅ, ᓇᖕᒥᓂᕆᔭᒥᒃ ᐱᓯᒪᑦᓯᐊᕈᓐᓇᕐᓂᖅ; ᑕᒪᒃᑯᓂᖓ ᐊᑐᕐᑍᓕᖁᔨᔪᓂᒃ ᐱᖁᔭᕐᑕᖃᓐᖏᓚᖅ.

ᒐᓔᑎᐊᒥᐅᓄᑦ 6:1

ᐅᒃᐱᕐᑑᖃᑎᒃᑲ, ᑕᒻᒪᕐᓂᕐᒧᑦ ᓵᓚᐅᔪᖃᕐᐸᑦ, ᐅᒃᐱᕐᓂᖃᑦᓯᐊᕐᑐᓯᒍᑦ ᐋᖅᑭᓱᒐᒃᓴᕆᕙᓯ ᐊᓂᕐᓂᒃᑯᑦ ᓂᖃᒋᓗᒍ ᓱᐊᖓᑐᐃᓐᓇᖏᓪᓗᒍ. ᓇᖕᒥᓂᕐᓗ ᖃᐅᔨᓴᑦᓯᐊᕐᓗᑎᑦ, ᐱᐅᓐᖏᑐᒧᑦ ᐱᔪᒥᓵᕐᑕᐅᓕᖁᓇᑎᑦᑕᐅᖅ ᑍᒤᑦᑐᒧᑦ.

ᒐᓔᑎᐊᒥᐅᓄᑦ 6:4

ᓇᖕᒥᓂᕐᓕ ᐱᓂᐊᕐᓂᒥᖕᓂᒃ ᖃᐅᔨᓴᕐᓕᑦ, ᐱᓂᐊᕐᓂᖓ ᐱᐅᔫᒃᐸᑦ, ᑕᕝᕙ ᐱᓇᓱᐊᓚᐅᕐᑕᒥᓂᒃ ᐅᐱᒍᓲᑎᖃᕈᓐᓇᕋᔭᕐᐳᖅ, ᐊᓯᒥ ᐱᓂᐊᕐᓂᕆᓯᒪᔭᖏᓐᓂᒃ ᐃᓱᒪᖏᓪᓗᓂ.

ᐃᐱᓯᒥᐅᓄᑦ 4:2

ᑍᒪᓐᖓᑦ ᒥᑭᓕᑎᕐᓯᒪᓗᓯ ᐱᐅᔪᕆᖏᓪᓗᓯᓗ, ᕿᓄᐃᓵᕐᓗᓯ, ᐃᓕᑦᓯᓐᓄᑦ ᐊᑐᓂᑦ ᓇᒡᓕᖕᓂᕐᒥᒃ ᓴᖅᑭᑎᑦᓯᒋᑦᓯ ᐃᑲᔪᕐᑎᒌᖕᓂᒃᑯᑦ,

ᐱᓕᐱᒥᐅᓄᑦ 1:27

ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᑯᓘᓯᐊᒥᐅᓄᑦ 3:12

ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ.

ᑎᒧᑎᒧᑦ ᓯᕗᓪᓖᑦ 4:12

ᓇᕐᕈᒋᔭᐅᑦᑍᓕᒋᑦ ᐃᓅᒃᓱᒃᑑᓃᑦ ᐱᑦᔪᑎᒋᓗᒍ, ᐅᒃᐱᕐᑐᓄᓪᓕ ᒪᓕᒐᒃᓴᐅᓕᕆᑦ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ, ᓇᒡᓕᖕᓂᒃᑯᑦ, ᐅᒃᐱᕐᓂᒃᑯᓪᓗ, ᐃᓗᐊᕐᑐᓕᓂᒃᑯᓪᓗ.

ᑎᒧᑎᒧᑦ ᓯᕗᓪᓖᑦ 6:11

ᐃᕝᕕᓪᓕ ᒎᑎᐅᑉ ᐃᓄᖁᑎᖓ, ᑕᒪᒃᑯᐊ ᐱᓇᓱᐊᕐᓂᐊᕐᓇᒋᑦ; ᐱᓇᓱᐊᓕᕆᓪᓕ ᐃᓗᐊᕐᑐᓕᓂᕐᒥᒃ, ᒎᑎᒧᑦ ᐅᒃᐱᕐᓂᕐᒥᒃ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᕿᓄᐃᓵᕐᓂᕐᒥᒃ, ᐃᓕᕋᑦᑖᖏᓐᓂᕐᒥᒃ.

ᑎᒧᑎᒧᑦ ᐂᑉᐸᖏᑦ 2:25

ᐊᑭᕋᕐᑐᕐᑎᒥᓂᒃ ᐱᑦᓯᐊᕐᓂᒃᑯᑦ ᐋᖅᑭᒋᐊᕐᓯᔪᓐᓇᕐᓗᓂ. ᒎᑎᐅᑉ ᓈᒻᒪᒋᔭᖓᒍᑦ ᓵᒋᐊᕈᓐᓇᖁᓪᓗᒋᑦ ᓱᓕᓂᕐᒥᒃ ᖃᐅᔨᓗᑎᒃ,

ᑍᑑᓯᒧᑦ 3:2

ᐃᓅᖃᑎᒥᖕᓂᒃ ᐱᐅᖏᑦᑐᒥᒃ ᐅᖃᐅᓯᖃᖁᓇᒋᑦ, ᐂᕙᑦᑍᓕᓗᑎᒃ, ᐃᓅᖃᓐᓂᑦᓯᐊᕐᓗᑎᒃ, ᑐᓐᖓᓇᕐᓗᑎᒡᓗ ᐃᓄᓕᒫᓄᑦ.

ᐄᑉᕈᐃᓄᑦ 13:5

ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

ᔧᒥᓯᐅᑉ ᐊᒡᓚᖏᑦ 1:21

ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.

ᔧᒥᓯᐅᑉ ᐊᒡᓚᖏᑦ 2:18

ᐅᖃᕐᑐᖃᕋᔭᕐᐸᑦ, “ᐅᒃᐱᕐᓂᖃᕐᐳᑎᑦ, ᐅᕙᖓᓕ ᐱᓂᐊᕐᓂᖃᕐᐳᖓ.” ᐅᒃᐱᕐᓂᕐᒥᒃᓕ ᐱᓂᐊᕐᓂᕐᒥᒃ ᐃᓚᖃᖏᑦᑐᒥᒃ ᑕᑯᑎᓚᐅᓐᖓ, ᐅᒃᐱᕐᓂᓐᓂᒃᑕᐅᖅ ᑕᑯᑎᓐᓂᐊᕋᒃᑭᑦ ᐱᓂᐊᕐᓂᒃᑯᑦ.

ᔧᒥᓯᐅᑉ ᐊᒡᓚᖏᑦ 3:1

ᐊᒥᓲᓐᖏᑦᑐᓯᒍᑦ ᐊᔪᕆᓱᐃᔨᖑᕐᑐᒃᓴᐅᕗᓯ, ᐅᒃᐱᕐᑑᖃᑎᒃᑲ, ᖃᐅᔨᒪᒐᑦᓯ ᐅᕙᒍᑦ ᐊᔪᕆᕐᓱᐃᕙᒃᑐᒍᑦ ᓂᑲᒋᔭᐅᓐᖏᓐᓂᕐᓴᐅᓗᑕ ᐃᖅᑲᕐᑐᕐᑕᐅᔪᒫᕋᑦᑕ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᐲᑦᑐᕉᓯ ᓯᕗᓪᓖᑦ 1:15

ᑖᓐᓇ ᐃᓕᑦᓯᓐᓂᒃ ᕾᖁᔨᓯᒪᔪᖅ ᐃᑦᔪᕐᓁᑦᑑᖕᒪᑦ, ᑍᒤᒻᒪᑦ ᐃᑦᔪᕐᓁᑦᑑᔭᕆᐊᖃᕆᕗᓯ ᖃᓄᐃᓕᐅᕐᓂᕆᔭᓯᓂᒃ ᑕᒤᓐᓂᒃ.

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᐲᑦᑐᕉᓯ ᓯᕗᓪᓖᑦ 3:4

ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ.