ᔧᒥᓯᐅᑉ ᐊᒡᓚᖏᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᖓᔪᖅᑳᔪᐊᑉ ᐱᖁᔭᖓ ᐊᑐᑦᓯᐊᕈᑦᓯᐅᒃ ᒎᑎᐅᑉ ᐅᖃᐅᓯᖏᑦ ᒪᓕᒃᓗᒋᑦ, ᐃᒫ, “ᐃᓅᖃᑏᑦ ᐃᓕᒃᑐᑦ ᓇᒡᓕᒋᔭᒃᓴᕆᕙᑦ” ᑕᑉᕙ ᓈᒻᒪᒃᑐᒥᒃ ᐱᕗᑎᑦ.

ᔧᒥᓯᐅᑉ ᐊᒡᓚᖏᑦ 2:8 Iomraidhean Croise

ᐊᑕᓃᑦ ᓯᕗᓪᓖᑦ 8:18

ᐊᑕᓂᕐᓕ ᐅᖃᓚᐅᕐᐳᖅ ᑍᕕᑎᒧᑦ ᐊᑖᑕᓐᓄᑦ, ‘ᐆᒻᒪᒻᒥᐅᑕᖃᓚᐅᕋᕕᑦ ᐃᒡᓗᓕᐅᕆᔪᒪᓪᓗᑎᑦ ᐊᑎᓐᓂᒃ, ᓈᒻᒪᓈᓚᐅᕐᐳᑎᑦ ᐃᓱᒪᒋᔭᕐᓂᒃ;

ᐊᑕᓃᑦ ᐂᑉᐸᖏᑦ 7:9

ᐃᒻᒥᖕᓄᓪᓗ ᐅᖃᓕᕐᐳᑦ, “ᑕᒃᑰᒡᓕ ᑍᒫᖑᖏᑦᑐᖅ ᐱᓕᕐᑐᒍᑦ ᐅᓪᓗᖅ ᑖᓐᓇ ᑐᓴᕈᒥᓇᕐᑐᒥᒃ ᑐᓴᕐᑎᑦᓯᑦᔪᑎᒋᔭᕆᐊᖃᕐᓗᑎᒍ ᖃᐅᔨᒪᔪᑐᐊᕌᓘᕕᒋᓕᕐᑕᕗᑦ, ᐅᓪᓗᑐᖃᓐᖑᕐᓰᑦᔪᑎᒋᒐᓗᐊᕈᑦᑎᒍ ᖃᓄᐃᓐᓇᕐᑐᒧᑦ ᑎᑭᑦᔪᑎᒋᓪᓚᕐᓂᐊᕋᑦᑎᒍ, ᑐᓴᕐᑕᐅᑎᑦᓴᕐᑐᓚᐅᕐᓚᕗᑦ ᐊᖓᔪᖅᑳᕐᔪᐊᖃᕐᕕᑦᑎᓐᓄᑦ.”

ᒨᓯᓯ ᐱᖓᔪᖏᑦ 19:18

ᐊᑭᓂᐊᕈᒪᔪᒃᓴᐅᓐᖏᓚᑎᑦ, ᓂᓐᖓᒃᓯᒪᕕᖃᕐᓂᐊᕐᓇᒡᓗ ᐃᓅᖃᑎᖕᓂᒃ, ᐃᓅᖃᑎᖕᓂᒡᓕ ᓇᒡᓕᒍᓱᒃᑐᒃᓴᐅᕗᑎᑦ ᐃᓕᒃᑐᑦ ᓇᒡᓕᒋᓗᒍ. ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 19:34

ᐃᓴᕆᐊᓕᒥᐅᖑᖏᑦᑐᑦ ᓄᓇᑦᓯᓐᓂ ᓄᓇᖃᕐᐸᑕ, ᐃᓴᕆᐊᓕᒥᐅᖑᖃᑎᑦᓯᑐᑦ ᐱᔭᐅᔭᕆᐊᖃᕐᐳᑦ, ᓇᒡᓕᒋᓗᒋᑦ ᐃᓕᑦᓯᑐᑦ ᐃᓕᑦᓯᑦᑕᐅᖅ ᓄᓇᒋᓐᖏᑕᑦᓯᓐᓃᓚᐅᕋᑦᓯ ᐄᑦᔨᑉᑎᒥ; ᐅᕙᖓ ᐊᑕᓂᐅᒐᒪ ᒎᑎᓯ.

ᔫᓇᐅᑉ ᐊᒡᓚᖏᑦ 4:4

ᐊᑕᓂᐅᓪᓗ ᑭᐅᕚ, “ᓂᓐᖓᒡᓗᑎᑦ ᓈᒻᒪᓈᕋᓗᐊᕐᐲᑦ?”

ᔫᓇᐅᑉ ᐊᒡᓚᖏᑦ 4:9

ᒎᑎᐅᓪᓕ ᔫᓇ ᐅᖃᐅᑎᕚ, “ᓂᓐᖓᒡᓗᑎᑦ ᓈᒻᒪᓈᕋᓗᐊᕐᐲᑦ? ᑖᑦᓱᒧᖓ ᐱᕈᕐᑐᒧᑦ?” ᔫᓇᓗ ᐅᖃᕐᐳᖅ: “ᓂᓐᖓᖕᓂᕋ ᓈᒻᒪᓈᕐᐳᖅ, ᓂᓐᖓᖕᓂᕐᒧᑦ ᐊᒡᓛᑦ ᑐᖁᒐᓗᐊᕈᒪ ᖃᓄᐃᒃᓴᓐᖏᓚᖓ!”

ᒫᑎᐅᓯᐅᑉ ᐊᒡᓚᖏᑦ 22:39

ᐂᑉᐸᖓᓕ ᐃᒤᓕᖓᕗᖅ, ‘ᐃᓅᖃᑎᓯ ᓇᒡᓕᒋᔭᒃᓴᕆᕙᓯ ᓇᖕᒥᓂᖅ ᓇᒡᓕᒋᓂᑦᓯᑐᑦ.’

ᒫᑎᐅᓯᐅᑉ ᐊᒡᓚᖏᑦ 25:21

ᐊᖓᔪᖅᑳᖓᑕ ᐅᖃᐅᑎᕚ, ‘ᓈᒻᒪᒋᕙᒋᑦ ᐱᔨᐅᓪᓗᑎᑦ ᐱᓇᓱᐊᑦᓯᐊᕐᑐᑎᑦ ᓱᖁᓯᔪᐃᑦᑑᒐᕕᑦ; ᑮᓇᐅᔭᓂᒃ ᒥᑭᔪᓂᒃ ᓱᖁᓯᔪᐃᑦᑑᓪᓗᑎᑦ ᑲᒪᑦᓯᐊᓚᐅᕋᕕᑦ, ᒫᓐᓇ ᑮᓇᐅᔭᓂᒃ ᐊᖏᓂᕐᓴᓂᒃ ᑲᒪᔨᓐᖑᕐᑎᓐᓂᐊᕐᐸᒋᑦ; ᕾᓗᑎᑦ ᐊᖓᔪᖅᑳᑦ ᖁᕕᐊᓱᖃᑎᒋᓕᕈᒃ.’

ᒫᑎᐅᓯᐅᑉ ᐊᒡᓚᖏᑦ 25:23

ᐊᖓᔪᖅᑳᖓᑕ ᐅᖃᐅᑎᕚ, ‘ᓈᒻᒪᒋᕙᒋᑦ ᐱᔨᐅᓪᓗᑎᑦ ᐱᓇᓱᐊᑦᓯᐊᕐᑐᑎᑦ ᓱᖁᓯᔪᐃᑦᑑᒐᕕᑦ; ᑮᓇᐅᔭᓂᒃ ᒥᑭᔪᓂᒃ ᓱᖁᓯᔪᐃᑦᑑᓪᓗᑎᑦ ᑲᒪᑦᓯᐊᓚᐅᕋᕕᑦ, ᒫᓐᓇ ᑮᓇᐅᔭᓂᒃ ᐊᖏᓂᕐᓴᓂᒃ ᑲᒪᔨᓐᖑᕐᑎᓐᓂᐊᕐᐸᒋᑦ. ᕾᓗᑎᑦ ᐊᖓᔪᖅᑳᑦ ᖁᕕᐊᓱᖃᑎᒋᓕᕈᒃ.’

ᒫᑎᐅᓯᐅᑉ ᐊᒡᓚᖏᑦ 7:12

“ᑍᒤᒻᒪᑦ ᐃᓅᖃᑎᑦᓯᓐᓄᑦ ᐱᓇᓱᐊᕐᕕᐅᔪᒪᓂᑦᓯᑎᑐᑦ, ᑍᒫᓪᓗᐊᖅ ᐱᓇᓱᐊᕐᑐᒃᓴᐅᕗᓯ: ᑕᒪᓐᓇ ᑍᒤᓕᐅᕐᓂᖅ ᒨᓯᓯᐅᑉ ᐱᖁᔭᖏᑕ ᑐᑭᒋᖕᒪᒍ, ᓇᓚᐅᑦᑍᔪᓪᓗ ᐊᔪᕆᕐᑐᐃᑦᔪᑎᒋᓪᓗᓂᐅᒃ.”

ᕉᒪᒥᐅᓄᑦ 13:10

ᓇᒡᓕᖕᓂᖅ ᐃᓅᖃᑎᒧᑦ ᓈᒻᒪᖏᑦᑐᓕᖏᒻᒪᑦ; ᑍᒤᒻᒪᑦ ᐃᓅᖃᑎᒥᒃ ᓇᒡᓕᒍᓱᒃᑐᖅ ᐱᖁᔭᓂᒃ ᒪᓕᑦᓯᐊᕐᐳᖅ.

ᒐᓔᑎᐊᒥᐅᓄᑦ 5:14

ᐱᖁᔭᓕᒫᑦ ᓈᒻᒪᒃᓯᑎᑕᐅᖕᒪᑕ ᐅᖃᐅᓯᕐᒧᑦ ᐊᑕᐅᓯᕐᒧᑦ ᐃᒤᓕᔪᒧᑦ: “ᐃᓅᖃᑎᖕᓂᒃ ᓇᖕᒥᓂᕐᑐᑦ ᓇᒡᓕᒍᓱᒃᑐᒃᓴᐅᕗᑎᑦ.”

ᒐᓔᑎᐊᒥᐅᓄᑦ 6:2

ᐅᖁᒤᑦᑐᑎᒍᑦ ᐃᑲᔪᖃᑦᑕᐅᑎᖃᑦᑕᕆᑦᓯ, ᑍᒤᓕᐅᕈᑦᓯ ᑕᕝᕙ ᙭ᔅᑑᓯᐅᑉ ᐱᖁᔭᖓᓂᒃ ᓈᓚᖕᓂᐊᕐᐳᓯ.

ᐱᓕᐱᒥᐅᓄᑦ 4:14

ᐱᐅᔪᒥᒡᓕ ᐱᓇᓱᐊᓚᐅᕐᐳᓯ ᐅᖁᒤᑦᑐᒦᑎᓪᓗᖓ ᐃᑲᔪᓚᐅᕋᑦᓯᓐᖓ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:9

ᐅᒃᐱᕐᑑᖃᑎᒌᓄᓪᓕ ᓇᒡᓕᒃᑎᒌᖕᓂᕐᒥᒃ ᑎᑎᕋᕐᕕᒋᔭᕆᐊᖃᓐᖏᓚᑦᓯ, ᓇᖕᒥᓂᖅ ᒎᑎᒧᑦ ᐊᔪᕆᕐᑐᕐᑕᐅᓯᒪᒐᑦᓯ ᖃᓄᖅ ᓇᒡᓕᒃᑎᒌᒃᑐᒃᓴᐅᖕᒪᖔᑦᓯ.

ᔧᒥᓯᐅᑉ ᐊᒡᓚᖏᑦ 1:25

ᑭᓇᑐᐃᓐᓇᖅ ᑕᑯᑦᓯᐊᕐᑐᖅ ᐱᖁᔭᓂᒃ ᕿᓚᕈᑦᔮᕐᓯᔪᓂᒃ, ᐃᓄᖕᓂᒃ, ᐊᑕᕕᒌᓐᓇᓕᕐᓗᒋᓪᓗ, ᑖᓐᓇ ᓈᓚᑐᐃᓐᓇᓐᖏᓚᖅ ᐳᐃᒍᑐᐃᓐᓇᕋᓂᓗ ᐱᓂᐊᕈᑎᒋᓪᓗᒋᓪᓕ ᐊᑐᓕᕐᐰᑦ, ᐃᓄᒃ ᑍᒤᓕᐅᕐᑐᖅ ᓮᒻᒪᕐᑎᑕᐅᓂᐊᕐᐳᖅ ᐱᓇᓱᐊᕐᓂᕆᔭᒥᓂ.

ᔧᒥᓯᐅᑉ ᐊᒡᓚᖏᑦ 2:12

ᐅᖃᕅᒍᑦᓯ ᐱᓇᓱᐊᕈᑦᓯᓗ ᐃᖅᑲᕐᑐᕐᑕᐅᔪᒫᕐᑐᑎᑐᑦ ᐱᓇᓱᐊᖃᑦᑕᕆᑦᓯ ᐱᖁᔭᓄᑦ ᕿᓚᕈᑦᔮᕐᑎᑦᓯᔪᓄᑦ.

ᔧᒥᓯᐅᑉ ᐊᒡᓚᖏᑦ 2:19

ᐊᑕᐅᓯᕐᒥᒃ ᒎᑎᒥᒃ ᐅᒃᐱᕆᔭᖃᕐᐳᑎᑦ; ᓈᒻᒪᑦᑎᐊᕐᑐᒥᒃ ᐱᕗᑎᑦ. ᐊᓂᕐᓂᕐᓗᐃᑦᑕᐅᖅ ᑍᒫᒃ ᐅᒃᐱᕐᒥᖕᒪᑕ ᓴᔪᒡᓗᑎᒡᓗ.

ᔧᒥᓯᐅᑉ ᐊᒡᓚᖏᑦ 4:11

ᐃᓕᑦᓯᓐᓄᑦ ᐊᑐᓂᑦ ᓈᒻᒪᒃᓴᖏᓪᓗᓯ ᐅᖃᕐᓂᕐᓗᖃᑦᑕᐅᑎᓂᐊᕋᓯ, ᐅᒃᐱᕐᑑᖃᑎᒌᑦ, ᐅᒃᐱᕐᑑᖃᑎᒥᓂᒃ ᐅᖃᕐᓂᕐᓘᑎᓕᒃ ᐅᕝᕙᓗ ᐃᖅᑲᕐᑐᐃᔪᖅ, ᐱᖁᔭᓂᒃ ᐅᖃᕐᓂᕐᓘᑎᖃᕐᒪᑦ ᐃᖅᑲᕐᑐᐃᓪᓗᓂᓗ. ᐱᖁᔭᓂᒡᓕ ᐃᖅᑲᕐᑐᐃᒍᕕᑦ, ᑕᕝᕙ ᐱᖁᔭᓂᒃ ᒪᓕᒃᑎᐅᓐᖏᓚᑎᑦ ᐃᖅᑲᕐᑐᐃᔨᐅᕗᑎᓪᓕ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.