ᔧᒥᓯᐅᑉ ᐊᒡᓚᖏᑦ 2:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓕᑦᓯᓕ ᐊᔪᕐᓴᕐᑐᓂᒃ ᓇᕐᕈᖃᑕᐅᕙᒃᑲᑦᓯ. ᐊᔪᕐᓴᖏᑦᑐᓅᑦ ᐅᖁᒤᒋᔭᑦᓯᓐᓃᑎᑕᐅᕙᓐᖏᓚᓯ? ᑖᒃᑯᓇᓐᖓᓪᓗ ᐃᖅᑲᕐᑐᒐᒃᓴᓐᖑᕐᑎᑕᐅᕙᒡᓗᓯ.

ᔧᒥᓯᐅᑉ ᐊᒡᓚᖏᑦ 2:6 Iomraidhean Croise

ᔫᐱᐅᑉ ᐊᒡᓚᖏᑦ 20:19

ᐊᒃᓱᔪᓂᒃ ᐅᖁᒤᒃᓴᕐᑎᑦᓯᓚᐅᕐᒪᑦ ᑲᒪᒋᔪᒪᓇᓂᒋᓪᓗ, ᐃᒡᓗᒥᒡᓗ ᐊᕐᓵᕐᓯᓪᓗᓂ ᐃᒡᓗᖃᓕᓚᐅᕐᐳᖅ ᓴᓇᓚᐅᓐᖏᑕᒥᓂᒃ.

ᐃᓐᖏᕈᑎᑦ 10:10

ᐅᑯᖓᕗᕐᓗ ᑕᑯᔭᐅᑦᑍᓕᓪᓗᓂ, ᖃᐅᔨᔭᐅᑦᑍᓕᕗᕐᓗ, ᐃᑲᔪᕐᑎᖃᖏᑦᑐᑦ ᐅᕐᕈᑎᑦᓱᒪᓪᓗᒋᑦ ᐱᔪᓐᓇᕐᓂᕐᒥᓄᓪᓗ ᓵᓚᒋᔪᒪᓪᓗᒋᑦ.

ᐃᓐᖏᕈᑎᑦ 10:14

ᐃᕝᕕᓪᓕ ᑕᐅᑐᒃᐳᑎᑦ, ᑕᑯᓐᓇᕐᐳᑎᓪᓗ ᐊᑲᐅᖏᑦᑐᓂᒃ, ᕿᒃᓵᖕᓂᕐᓂᒡᓗ, ᐊᒡᒐᖕᓄᓪᓗ ᐊᑭᓂᐊᕈᒪᕙᑎᑦ. ᐃᑲᔪᕐᑎᖃᖏᑦᑐᑦ ᐃᓕᖕᓄᑦ ᒪᓂᕗᑦ; ᐃᑲᔪᕐᑎᐅᒐᕕᑦ ᐊᑖᑕᖃᖏᑦᑐᓄᑦ.

ᐃᓐᖏᕈᑎᑦ 10:2

ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᔪᕐᓴᕐᑐᑦ ᓵᓚᒋᓇᓱᐊᕐᐰᑦ; ᓵᓚᖃᕈᒪᓂᕐᒧᑦ ᐃᓱᒪᖃᑎᒌᒍᑎᒋᓯᒪᔭᒥᖕᓄᑦ ᓇᖕᒥᓂᖅ ᓵᓚᐅᓚᐅᕐᓕᑦ.

ᐃᓐᖏᕈᑎᑦ 10:8

ᐃᒃᓯᕙᕗᕐᓗ ᓄᓇᓕᖕᓂ ᑎᕐᓕᐊᕐᓯᕕᖕᓂ; ᐅᐸᓗᐃᓪᓗᒋᓪᓗ ᐸᓯᔭᒃᓴᐅᖏᑦᑐᑦ ᑐᖁᓴᕐᐰᑦ, ᐃᔨᕋᕐᑐᕐᓗᓂᓗ ᐃᑲᔪᕐᑎᖃᖏᑦᑐᑦ ᐅᓇᖕᒥᕔᑦ.

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 14:6

ᐃᓕᑦᓯ ᐊᔪᕐᓴᕐᑐᑦ ᐱᓂᐊᕐᓂᖏᑦ ᒥᑕᐅᑎᒋᕙᓯ, ᑖᒃᑯᐊᓕ ᒎᑎ ᕿᒫᕕᒋᕚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:5

ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:23

ᐊᒃᓱᔪᖅ ᓂᑲᒋᔭᐅᔪᒪᓂᕐᒥᒃ ᓂᓪᓕᐊᑦᔪᑎᖃᕐᐳᖅ, ᐊᒃᓱᐃᑦᑐᐊᓗᒡᓕ ᐊᑦᑕᕈᓱᒐᓂ ᑭᐅᒐᔪᖕᓂᕐᓴᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:16

ᐊᒃᓱᔪᓂᒃ ᐅᖁᒤᑦᑐᒦᑎᑦᓯᔪᖅ ᐊᒃᓱᐃᓕᕈᒪᓗᓂ, ᐊᒃᓱᐃᑦᑐᓄᓪᓗ ᑐᓂᓯᖃᑦᑕᕐᑐᖅ, ᐊᔪᕐᓴᕐᓇᕐᑐᒧᑦ ᑎᑭᓐᓂᐊᕐᐴᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:7

ᐊᒃᓱᐃᑦᑐᑦ ᐊᐅᓚᑦᓯᕗᑦ ᐊᒃᓱᔪᓂᒃ, ᐊᑦᑕᑐᕐᑎᓗ ᑭᒡᒐᕆᔭᐅᕗᖅ ᐊᑦᑕᑐᕐᑎᑦᓯᔨᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 53:3

ᐃᓄᖕᓄᑦ ᓇᕐᕈᒋᔭᐅᓚᐅᕐᐳᖅ ᖁᔭᓈᕐᑕᐅᓯᒪᓪᓗᓂᓗ; ᕿᒃᓵᖕᓇᕐᑐᒥᒃ ᐃᓅᓯᓕᒃ, ᐋᓐᓂᐊᓇᕐᑐᒥᒡᓗ ᓱᖏᐅᑎᓯᒪᓪᓗᓂ; ᐃᓄᖕᓄᓪᓗ ᑮᓈᓐᖑᒋᔭᐅᔪᑐᑦ ᑕᑯᔭᐅᔪᒪᓚᐅᓐᖏᓚᖅ ᓇᕐᕈᒋᔭᐅᒐᔪᖕᒪᑦ ᐅᐱᒋᓚᐅᓐᖏᓚᕗᑦ.

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᕼᐊᐸᑲᐅᑉ ᐊᒡᓚᖏᑦ 3:14

ᖃᕐᔪᕕᑦ ᑲᐱᓚᐅᕐᐹ ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᑦ, ᐅᓚᔪᔭᕐᑎᑐᑦ ᕾᓕᕐᑎᓪᓗᒍ ᐅᕙᑦᑎᓐᓂᒃ ᓯᐊᒻᒪᕐᑎᑦᓯᔪᒪᓪᓗᓂ, ᖁᕕᐊᓲᑎᖃᑐᐃᓐᓇᓚᐅᕐᐳᑦ ᐊᔪᕐᓴᕐᑐᓂᒃ ᐄᓯᔪᑎᑐᑦ ᐱᔪᒪᓪᓗᑎᒃ ᖃᐅᔨᔭᐅᖏᓪᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 7:10

ᐅᐃᒡᒐᕐᓃᑦ ᓇᒡᓕᒃᓵᕐᑎᑦᑍᓕᓗᒋᑦ ᐃᓕᐊᕐᔪᐃᓪᓗ, ᓄᓇᖃᑎᑐᖃᕆᓐᖏᑕᓯᓗ ᐊᒃᓗᔪᓪᓘᓐᓃᑦ; ᐱᐅᖏᑦᑐᒥᒃ ᐃᓅᖃᑎᑦᓯᓐᓄᑦ ᐃᔨᕐᓯᒪᔪᒥᒃ ᐃᓱᒪᖃᕐᓂᐊᕋᓯ.”

ᔪᐊᓇᓯᐅᑉ ᐊᒡᓚᖏᑦ 8:49

ᔩᓱᓯᐅᑉ ᑭᐅᕔᑦ, “ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᓐᖏᓚᖓ; ᐊᑖᑕᒐᓕ ᐅᐱᒋᕙᕋ, ᐃᓕᑦᓯᓕ ᓇᕐᕈᒋᕙᑦᓯᓐᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 13:50

ᔫᑎᓪᓕ ᐅᐃᒪᔮᕐᑎᑦᓯᓕᕐᐳᑦ ᐊᕐᓇᓂᒃ ᐅᒃᐱᕐᑐᓂᒃ ᐱᓪᓚᕆᐅᑎᑕᐅᔪᓂᒃ, ᐊᖑᑎᓂᒡᓗ ᐊᐅᓚᑦᓯᔨᐅᔪᓂᒃ ᓄᓇᓕᖕᓂ, ᐊᑭᕋᕐᑐᕐᑕᐅᑎᑦᓯᓕᕐᓗᑎᒃ ᐸᐅᓗᓯᒥᒃ ᐸᕐᓇᐹᓯᒥᒡᓗ, ᐊᐅᓪᓚᕐᑎᓪᓗᒋᒡᓗ ᓄᓇᓕᖕᓂᑦ:

ᐋᐴᓯᑕᓖᑦ ᐱᓂᐊᕐᓂᖏᑦ 17:6

ᓇᓂᖏᓐᓇᒥᑦᔪᒃ, ᔧᓴᓐ ᐅᒃᐱᕐᑐᓪᓗ ᐊᓯᖏᑦ ᑎᒍᕔᑦ, ᓄᓇᓖᑦ ᐊᐅᓚᑦᓯᔨᖏᓐᓄᐊᕐᑎᓪᓗᒋᑦ, ᕾᒐᓛᕐᓗᑎᒃ ᐅᖃᕐᐳᑦ, “ᐅᑯᐊ ᐊᖑᑏᑦ ᐅᐃᒪᔮᕐᑎᑦᓯᓕᕐᐳᑦ ᓇᓂᑐᐃᓐᓇᖅ, ᒫᓐᓇ ᓄᓇᑦᑎᓐᓂ ᑍᒤᓕᐅᓕᕆᕗᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 18:12

ᒑᓕᐅ ᐊᖓᔪᖅᑳᓐᖑᕐᑎᑕᐅᖕᒪᑦ ᐊᑬᐊᒥ, ᔫᑎᑦ ᑕᐱᕇᓕᓗᑎᒃ ᐸᐅᓗᓯ ᑎᒍᕚᑦ ᐃᖅᑲᕐᑐᐃᕕᖕᒧᓪᓗ ᐱᑎᑉᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:3

ᓴᐅᓗᓯᐅᑉ ᐅᒃᐱᕐᑑᖃᑎᒌᑦ ᓄᖑᓐᓇᓱᐊᓕᕐᐰᑦ, ᐃᒡᓗᓄᑦ ᐃᑎᖃᑦᑕᕐᓗᓂ ᐅᒃᐱᕐᑐᑦ ᐊᖑᑎᑦ ᐊᕐᓁᓪᓗ ᑎᒍᓪᓗᒋᑦ ᑎᒍᔭᐅᓯᒪᕕᖕᒧᐊᕐᑎᑉᐰᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:22

ᐊᖏᕐᕋᖃᓐᖏᓚᓰ ᓂᕆᕕᒃᓴᑦᓯᓐᓂᒃ ᐃᒥᕐᕕᒃᓴᑦᓯᓐᓂᒡᓗ? ᐅᕝᕙᓗ ᒎᑎᐅᑉ ᐃᓚᒌᒃᑐᖁᑎᖏᑦ ᓇᕐᕈᒋᕕᓯᐅᒃ ᐱᖃᖏᑦᑐᓪᓗ ᑲᓐᖑᓱᒃᑎᓐᓇᓱᐊᕐᓗᒋᑦ? ᖃᓄᕐᓕ ᐃᓕᑦᓯᓐᓄᑦ ᐅᖃᕐᓂᐊᓕᕐᐳᖓ? ᐃᓕᑦᓯᓐᓂᒃ ᓈᒻᒪᓈᕐᓂᕅᔪᒃᓴᐅᕗᖔ? ᑍᒤᑦᓱᓐᓇᓐᖏᓚᖓ.

ᔧᒥᓯᐅᑉ ᐊᒡᓚᖏᑦ 2:3

ᐊᖑᑦ ᐱᐅᔪᓂᒃ ᐊᓐᓄᕌᑦᓯᐊᕆᒃᑐᖅ ᑲᒪᒋᑦᓯᐊᕐᓂᕐᓴᕆᒍᑦᓯᐅᒃ ᐅᖃᐅᑎᓗᒍᓗ, “ᒪᐅᖓ ᐃᒃᓯᕙᐅᑕᕐᒧᑦ ᐱᐅᔪᒧᑦ ᐃᖏᓪᓗᑎᑦ,” ᐊᔪᕐᓴᕐᑐᒧᓪᓗ ᐅᖃᕐᒥᓗᓯ, “ᐊᕙᓂ ᓂᑯᕕᖓᓕᕆᑦ,” ᐅᕝᕙᓗ “ᒪᐅᖓ ᓇᑎᕐᒧᑦ ᐃᖏᓕᕆᑦ,”

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᔧᒥᓯᐅᑉ ᐊᒡᓚᖏᑦ 5:6

ᑐᖁᑕᒃᓴᓐᖑᕐᑎᑦᓯᓚᐅᕐᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᖢᒋᓪᓗ; ᑖᒃᑯᐊᓗ ᐊᑭᕋᕐᑐᓚᐅᓐᖏᓛᓯ.