ᔧᒥᓯᐅᑉ ᐊᒡᓚᖏᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᔧᒥᓯᐅᑉ ᐊᒡᓚᖏᑦ 2:5 Iomraidhean Croise

ᐊᑕᓃᑦ ᓯᕗᓪᓖᑦ 22:28

ᒤᑬᐊᓕ ᐅᖃᕐᐳᖅ, “ᐅᑎᕋᔭᕈᕕᑦ ᖃᓄᐃᖏᑦᓯᐊᕐᓗᑎᑦ, ᐊᑕᓂᖅ ᑕᕝᕙ ᐅᕙᒃᑯᑦ ᐅᖃᓪᓚᒃᑐᕕᓂᐅᒐᔭᓐᖏᓚᖅ.” ᐅᖃᕐᐳᕐᓗ, “ᑐᓴᑦᓯᐊᕆᑦᓯ, ᑕᒪᑦᓯ ᐅᖃᐅᓯᓐᓂᒃ.”

ᔫᐱᐅᑉ ᐊᒡᓚᖏᑦ 34:10

ᑍᒤᒻᒪᑦ, ᓈᓚᓚᐅᕐᓯᓐᖓ ᑐᑭᓯᓯᒪᔪᓯ, ᒎᑎ ᐱᐅᖏᑦᑐᓕᔪᓐᓇᕐᐹ? ᑕᒪᓐᓇ ᑐᑭᖃᖏᑦᓯᐊᕐᐳᖅ, ᐊᔪᒐᖃᖏᑦᑐᖅ ᑕᒻᒪᕈᓐᓇᕐᐹ?

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᔫᐱᐅᑉ ᐊᒡᓚᖏᑦ 38:14

ᑕᕝᕙ ᐊᓯᑦᔨᕐᑕᐅᒐᔭᕐᐳᖅ ᒪᕐᕋᑎᑐᑦ ᐆᑕᐅᓪᓗᑎᒃ ᑕᕐᓴᕐᑖᕐᑐᑎᑐᑦ, ᐊᓐᓄᕌᑎᑐᓪᓗ ᑕᕐᓯᕐᑐᕐᓯᒪᔪᑎᑐᑦ ᐃᑦᓴᒃᑎᑕᐅᓗᑎᒃ.

ᒨᓯᓯ ᐂᑉᐸᖏᑦ 20:6

ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:7

ᐃᓚᖏᑦ ᐊᒃᓗᐃᑦᑑᓐᖑᐊᕐᐸᒃᐳᑦ, ᓱᓇᖃᖏᓪᓗᑎᒃ; ᐊᓯᐊᓕ ᐊᔪᕐᓴᕐᑑᓐᖑᐊᕐᐳᖅ, ᐊᒃᓱᐃᑦᑐᐊᓘᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:24

ᒫᓐᓇ, ᐃᕐᓃᒃᑲᒃ ᓈᓚᒃᓯᓐᖓ, ᐅᖃᐅᓯᕆᔭᒃᑲᓗ ᑐᓵᑦᓯᐊᕐᓗᒋᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:32

ᒫᓐᓇᓕ, ᕿᑐᕐᖓᒃᑲ, ᐅᖃᐅᓯᒃᑲ ᓈᓚᒃᓯᒋᒃ; ᖁᕕᐊᓱᒍᑎᒃᓴᖃᕐᐳᑦ ᐊᖅᑯᓯᓂᓐᓂᒃ ᒪᓕᒃᑐᑦ.

ᐂᓮᐊᓯᐅᑉ ᐊᒡᓚᖏᑦ 14:32

ᖃᓄᕐᓕ ᑭᐅᔭᐅᓂᐊᓕᕐᐹᑦ ᐱᓕᔅᑎᐊᒥᑦ ᑐᓴᕐᑎᑦᓯᔭᕐᑐᕐᑐᑦ? “ᐅᖃᐅᑎᔪᒫᕐᐸᕗᑦ ᐊᑕᓂᖅ ᐃᓂᖃᕐᓂᕋᕐᓗᒍ ᓮᐅᓂᒥ ᐃᓄᖁᑎᖏᓪᓗ ᐊᒃᓱᕈᕐᑎᑕᐅᓯᒪᔪᑦ ᓮᓕᓇᕐᑐᒥᒃ ᐃᓂᒃᓴᕐᓯᔪᒫᕐᐳᑦ ᑍᑲᓂ.”

ᐂᓮᐊᓯᐅᑉ ᐊᒡᓚᖏᑦ 29:19

ᒥᑭᒡᓕᑎᕐᓯᒪᔪᖅ ᖁᕕᐊᓇᕐᑐᒥᒃ ᓄᑖᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᒃ ᖁᕕᐊᓲᑎᖃᓕᕐᓗᓂ, ᐊᒃᓱᔪᓪᓗ ᐃᓄᐃᑦ ᐊᑯᕐᖓᓐᓂ ᖁᕕᐊᓲᑎᖃᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᔨᐸᓁᐊᐅᑉ ᐊᒡᓚᖏᑦ 3:12

ᑍᒃᑯᐊ ᐊᒥᐊᒃᑰᑎᓐᓂᐊᕐᐸᒃᑲ ᒥᑭᒡᓕᑎᕐᓯᒪᔪᑦ ᐱᐅᔪᕆᖏᑦᑐᓪᓗ ᐊᑯᓐᓇᑦᓯᓐᓂᑦ, ᑕᑎᖃᕐᑐᑦ ᐊᑕᓂᐅᑉ ᐊᑎᖓᓂᒃ.

ᓴᑲᕅᐊᐅᑉ ᐊᒡᓚᖏᑦ 11:11

ᐅᓪᓗᒥ ᑍᑦᓱᒪᓂ ᓯᖁᒥᓚᐅᕐᐳᖅ, ᓰᐱᓂᒃ ᓂᐅᕕᕐᑐᑦ ᓂᐅᕐᕈᑎᓖᓪᓗ ᐅᕙᓐᓂᒃ ᑕᑯᔪᑦ, ᖃᐅᔨᒪᓚᐅᕐᐳᑦ ᑕᒪᓐᓇ ᐊᑕᓂᐅᑉ ᐅᖃᐅᓯᖓᓂᑦ ᐱᖕᒪᑦ.

ᓴᑲᕅᐊᐅᑉ ᐊᒡᓚᖏᑦ 11:7

ᓰᐱᑦ ᑐᖁᑕᒃᓴᐅᓂᕐᒧᑦ ᓇᓗᓁᒃᑯᓯᕐᓯᒪᔪᑦ ᓂᕆᑎᑦᓱᒪᕙᒃᑲ, ᐱᓗᐊᕐᑐᒥᒃ ᓰᐱᑦ ᓇᕐᕈᓇᕐᓂᖏᑦ ᐊᒡᓛᑦ. ᐊᔭᐅᑉᐱᐊᖕᓂᒃ ᒪᕐᕉᖕᓂᒃ ᑎᒍᓯᓂᐊᕐᐳᖓ; ᐂᑉᐸᖓ ᑍᓗᒍ ᐱᓐᓇᕐᓇᕐᑐᒥᒃ, ᐂᐸᖓᓗ ᑍᓗᒍ ᐊᑕᐅᓯᐅᖃᑎᒌᖕᓂᕐᒥᒃ; ᓰᐱᑦ ᓂᕆᑎᓚᐅᕋᒃᑭᑦ.

ᒫᑎᐅᓯᐅᑉ ᐊᒡᓚᖏᑦ 11:5

ᑕᐅᑐᖏᑦᑐᑦ ᑕᐅᑐᓕᕐᐳᑦ, ᑐᓯᐊᑦᑐᑦ ᐱᓱᑦᓯᐊᓕᕐᐳᑦ, ᐸᕐᑎᕐᑐᓪᓗ ᓯᕗᕋᓇᓂᕋᕐᑕᐅᔪᓂᒃ ᐋᖅᑭᒃᑕᐅᕗᑦ ᐋᖅᑭᑦᓯᐊᕐᓗᑎᒃ, ᑐᓵᖏᑦᑐᑦ ᑐᓵᓕᕐᐳᑦ, ᑐᖁᖓᔪᓪᓗ ᒪᑭᑉᐳᑦ, ᐅᖃᐅᓰᓪᓗ ᑐᓴᕈᒥᓇᕐᑐᑦ ᐅᖃᐅᓯᐅᕗᑦ ᐊᔪᕐᓴᕐᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᒫᑎᐅᓯᐅᑉ ᐊᒡᓚᖏᑦ 5:3

“ᓮᒪᓇᕐᑐᒦᑉᐳᑦ ᐊᓂᕐᓂᒃᑯᑦ ᐊᔪᕐᓴᕐᑐᑦ; ᒎᑎᐅᑉ ᐊᑕᓂᐅᕕᖓᓂᒃ ᐱᖃᓕᕐᒪᑕ.

ᒫᑯᓯᐅᑉ ᐊᒡᓚᖏᑦ 7:14

ᑕᕝᕙ ᔩᓱᓯ ᐃᓄᒋᐊᒃᑐᕐᔪᐊᓂᒃ ᕾᖁᔨᒃᑲᓐᓂᕐᐳᖅ, ᐅᖃᐅᑎᓪᓗᒋᑦ, “ᑕᒪᑦᓯ ᓈᓚᒃᓯᓐᖓ, ᑐᑭᓯᓗᓯᓗ:

ᓘᑲᓯᐅᑉ ᐊᒡᓚᖏᑦ 12:21

“ᑍᒤᓐᓂᕗᕐᑕᐅᖅ ᐃᒻᒥᓄᑦ ᐱᒃᓴᒥᓂᒃ ᑲᑎᕐᓱᐃᔪᖅ, ᐊᒃᖢᔪᑎᑐᑦ ᑕᑯᓐᓈᕐᑕᐅᕗᑦ ᒎᑎᒧᑦ.”

ᓘᑲᓯᐅᑉ ᐊᒡᓚᖏᑦ 12:32

“ᓯᕘᕋᖏᓪᓗᓯ, ᐅᓄᖏᒃᑲᓗᐊᕐᑐᓯ, ᐊᑖᑕᑦᓯ ᖁᕕᐊᓱᒡᓗᓂ ᑐᓂᓯᕕᒋᔪᒪᖕᒪᓯ ᐊᑕᓂᐅᕕᖕᒥᓂᒃ.

ᓘᑲᓯᐅᑉ ᐊᒡᓚᖏᑦ 16:22

ᐊᔪᕐᓴᕐᑐᐊᓗᒃ ᑐᖁᖕᒪᑦ ᐂᖏᓖᓂᑦ ᐊᒡᔭᕐᑕᐅᕗᖅ ᐂᑉᕋᕼᐋᒻ ᓴᓂᐊᓄᑦ. ᑭᖑᓂᖓᒍᑦ ᐊᔪᕐᓴᓐᖏᑦᑐᐊᓗᒃᑕᐅᖅ ᑐᖁᒋᕗᖅ ᐃᓗᕕᕐᑕᐅᓪᓗᓂᓗ.

ᓘᑲᓯᐅᑉ ᐊᒡᓚᖏᑦ 16:25

ᐂᑉᕋᕼᐋᒻ ᐅᖃᐅᑎᕚ, ‘ᐃᕐᓃᒃ, ᐃᖅᑲᐅᒪᒋᑦ ᐃᓅᑎᓪᓗᑎᑦ ᐱᐅᔪᓂᒃ ᐱᖃᓚᐅᕋᕕᑦ, ᓛᓴᕉᓯᓕ ᐱᐅᖏᑦᑐᓂᒃ ᐱᑎᑕᐅᖃᑦᑕᓚᐅᕐᐳᖅ; ᒫᓐᓇ ᒫᓂ ᖁᕕᐊᓱᓕᕐᐳᖅ, ᐃᕝᕕᓪᓗ ᐋᓐᓂᐊᕐᑎᑕᐅᕗᑎᑦ.

ᓘᑲᓯᐅᑉ ᐊᒡᓚᖏᑦ 22:29

ᐊᑖᑕᒪ ᑐᓂᓯᕕᒋᓚᐅᕐᒪᖓ ᐊᐅᓚᑦᓯᔪᓐᓇᕐᓂᕐᒥᒃ, ᑍᒫᒃᑕᐅᖅ ᑐᓂᓯᕕᒋᔪᒪᕙᑦᓯ ᐊᐅᓪᓚᑦᓯᔪᓐᓇᕐᓂᕐᒥᒃ ᐊᑕᓂᐅᕕᖕᒥ,

ᓘᑲᓯᐅᑉ ᐊᒡᓚᖏᑦ 6:20

ᔩᓱᓯᐅᑉ ᐃᓕᓐᓂᐊᕐᑎᓂ ᑕᑯᓴᕐᓗᒋᑦ ᐅᖃᐅᑎᕔᑦ: “ᓮᒪᕐᑎᑕᐅᓇᕐᑐᒦᑉᐳᓯ ᐊᔪᕐᓴᕐᑐᓯ; ᒎᑎᐅᑉ ᐊᑕᓂᐅᕕᖓ ᐱᒋᓕᕋᑦᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 7:48

ᔫᑎᑦ ᐊᖓᔪᖅᑳᖏᑕ ᐃᓚᖏᓐᓂᒃ, ᐹᕆᓯᓂᒡᓘᓐᓃᑦ ᐅᒃᐱᕐᑐᖃᕐᐹ ᑖᑦᓱᒧᖓ?

ᐋᐴᓯᑕᓖᑦ ᐱᓂᐊᕐᓂᖏᑦ 7:2

ᓯᑎᐹᓇᓯᐅᑉ ᐅᖃᐅᑎᕚ, “ᐃᓅᖃᑎᒃᑲ ᐊᖓᔪᖅᑳᖑᔪᓯᓗ, ᓈᓚᒃᓯᓐᖓ. ᒎᑎ ᓂᕐᑐᕐᓇᕐᑐᕐᔪᐊᖑᓪᓗᓂ ᓴᖅᑭᓚᐅᕐᐳᖅ ᐂᑉᕋᕼᐋᒻᒧᑦ ᐊᑖᑕᑦᑎᓐᓄᑦ, ᒥᓱᐳᑍᒥᐊᒦᑎᓪᓗᒍ ᕼᐊᕋᓐᒥ ᓄᓇᖃᓚᐅᕐᑎᓐᓇᒍ ᓱᓕ,

ᕉᒪᒥᐅᓄᑦ 8:17

ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:9

ᐊᒡᓚᖕᓂ ᑎᑎᕋᕐᓯᒪᖕᒪᑦ: “ᓇᓪᓕᐊᓐᓄᑦ ᑕᑯᔭᐅᓚᐅᖏᑦᑐᖅ ᑐᓴᕐᑕᐅᓚᐅᖏᑦᑐᕐᓘᓐᓃᑦ, ᓇᓪᓕᐊᓐᓄᓪᓘᓐᓃᑦ ᐃᓱᒪᒋᔭᐅᓚᐅᖏᑦᑐᖅ ᐱᒐᔭᕐᒪᖔᑦ, ᑕᒪᓐᓇ ᒎᑎᐅᑉ ᐅᐸᓗᖕᒊᕈᑎᒋᓯᒪᓚᐅᕐᐹ ᐱᓐᓇᕆᔨᒥᓄᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:15

ᑕᒪᓐᓇ ᑍᒤᑉᐳᖅ ᐱᑦᔪᑎᒋᓪᓗᓯ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓄᖕᓄᑦ ᐅᓄᕐᑐᓄᑦ ᑎᑭᐸᓪᓕᐊᖏᓐᓇᖁᓪᓗᒍ, ᖁᔭᓕᕙᓪᓕᐊᖏᓐᓇᖁᓪᓗᒋᑦ, ᒎᑎᐅᑉ ᓂᕐᑐᕐᓇᐅᑎᒃᓴᖓᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:12

ᐃᓅᓯᖃᖁᓪᓗᓯ ᒎᑎᐅᑉ ᓈᒻᒪᒋᔭᖓᓂᒃ, ᑖᑦᓱᒪ ᕾᖁᓚᐅᕐᒪᓯ ᐊᑕᓂᐅᕕᖕᒥᓄᑦ ᐱᓐᓇᕐᓇᕐᓂᕐᔪᐊᒥᓄᓪᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:5

ᑕᒪᓐᓇ ᓇᓗᓁᕐᓯᕗᖅ ᒎᑎᐅᑉ ᓇᓛᒎᑦᓯᐊᕐᑐᒥᒃ ᐃᖅᑲᕐᑐᐃᓂᖓᓂᒃ, ᑕᒪᑐᒨᓇ ᒎᑎᐅᑉ ᐊᑕᓂᐅᕕᖓᓄᑦ ᐱᔪᓐᓇᕐᓯᑎᑕᐅᓛᕋᑦᓯ, ᐊᒃᓱᕈᕐᑎᑕᐅᑦᔪᑎᒋᔭᑦᓯᓐᓄᑦ.

ᑎᒧᑎᒧᑦ ᓯᕗᓪᓖᑦ 6:18

ᐱᐅᔪᒥᒃ ᐱᓇᓱᐊᖁᒃᑭᑦ, ᐱᓇᓱᐊᑦᓯᐊᕐᓂᒃᑯᑦ ᐊᔪᕐᓴᓐᖏᑦᑑᖁᓪᓗᒋᑦ, ᐊᓐᓂᕈᓱᖁᓇᒋᑦ ᐱᒋᔭᒥᖕᓂᒃ ᐃᑲᔪᖁᓪᓗᒋᓪᓗ ᐃᓅᖃᑎᒥᖕᓄᑦ.

ᑎᒧᑎᒧᑦ ᐂᑉᐸᖏᑦ 4:18

ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᕐᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᐄᑉᕈᐃᓄᑦ 11:26

ᐃᓱᒪᖃᓚᐅᕋᒥ ᐱᑦᓯᐊᕐᑕᐅᖏᓐᓂᖅ ᒥᑕᐅᑕᐅᓂᕐᓗ ᙭ᔅᑑᓯ ᐱᑦᔪᑎᒋᓪᓗᒍ ᐊᖏᓂᕐᓴᒥᒃ ᐊᔪᕐᓴᖏᑦᔪᑎᒃᓴᐅᓇᓱᒋᓪᓗᒍ ᐄᑦᔨᑉᑎᒥᐅᑦ ᐱᖁᑎᕐᔪᐊᖏᓐᓂᑦ, ᓯᕗᓂᒃᓴᒥ ᐊᑭᓕᐅᑕᐅᔪᒫᕐᓂᖅ ᐃᓱᒪᒋᓪᓗᓂᐅᒃ.

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᔧᒥᓯᐅᑉ ᐊᒡᓚᖏᑦ 1:16

ᐅᐃᕕᕆᔭᐅᓂᐊᕋᓯ, ᓇᒡᓕᒋᔭᒃᑲ ᐅᒃᐱᕐᑑᖃᑎᒃᑲ.

ᔧᒥᓯᐅᑉ ᐊᒡᓚᖏᑦ 1:19

᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ.

ᔧᒥᓯᐅᑉ ᐊᒡᓚᖏᑦ 1:9

ᐅᒃᐱᕐᑑᖃᑎᓕ ᐊᔪᕐᓴᕐᑐᖅ ᒪᑭᑎᑕᐅᒍᓂ ᐅᐱᒍᓱᒃᑐᒃᓴᐅᕗᖅ,

ᐲᑦᑐᕉᓯ ᓯᕗᓪᓖᑦ 1:4

ᑭᖑᕐᖑᑦᔨᖁᓪᓗᑕ ᐊᓯᕈᔪᐃᑦᑐᒥᒃ, ᐃᑦᔪᕐᓁᑦᑐᒥᒃ, ᑐᖁᓕᔪᐃᑦᑐᒥᒡᓗ, ᕿᓚᖕᒥ ᐅᑕᖅᑭᑎᑕᐅᔪᓂᒃ ᐃᓕᑦᓯᓐᓄᑦ,

ᐲᑦᑐᕉᓯ ᐂᑉᐸᖏᑦ 1:11

ᐱᕕᒃᓴᖃᕐᑎᑕᐅᑦᓯᐊᕐᓂᐊᕐᐳᓯᓗ ᐃᑎᕐᕕᒃᓴᕐᑖᖁᓪᓗᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᐅᓕᔨᑦᑕ ᐊᑕᓂᐅᕕᖓᓄᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9

ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:7

ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18

ᑍᒤᒻᒪᑦ ᐅᖃᐅᑎᕙᒋᑦ, ᓂᐅᕕᖁᓪᓗᑎᑦ ᒎᓗᒥᒃ ᐅᕙᓐᓂᑦ ᒎᓗᓪᓚᕆᖕᒥᒃ ᐃᑯᒪᒧᑦ ᐱᐅᖏᓐᓃᔭᕐᑕᐅᓯᒪᔪᒥᒃ, ᐊᔪᕐᓴᕈᓐᓃᖁᓪᓗᑎᑦ, ᐊᓐᓄᕌᕐᓗᑎᓪᓗ ᖃᑯᕐᑕᒥᒃ ᐊᓐᓄᕌᖃᖏᓐᓂᕐᒧᑦ ᑲᓐᖑᓇᕐᓃᑦ ᓴᖅᑭᔮᕈᓐᓃᖁᓪᓗᒍ, ᐃᔨᓯᐅᒻᒧᓪᓗ ᐃᔩᒃᑭᒃ ᒥᖑᐊᕐᓗᒋᒃ, ᑕᐅᑐᓕᕐᓂᐊᕋᕕᑦ.

ᐃᓗᐊᕐᓮᔩᑦ ᐊᒡᓚᖏᑦ 9:7

ᔫᑕᒻᓗ ᑕᒪᑐᒥᖓ ᐅᖃᐅᑎᔭᐅᒐᒥ, ᐂᕗᖅ ᖃᖅᑲᒧᑦ ᒋᕆᔨᐅᑉ ᖄᖓᓂ ᓇᖏᕐᓗᓂ ᕾᒐᓛᕐᕕᒋᕔᑦ, “ᓈᓚᒃᓯᓐᖓ ᓯᑭᒻᒥᐅᑕᐅᔪᓯ ᒎᑎᒧᑦ ᓈᓚᒃᑕᐅᔪᓐᓇᖁᓪᓗᓯ!

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.

ᓴᒧᐃᓕ ᓯᕗᓪᓖᑦ 2:8

ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ; ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ, ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ. ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ; ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.