ᔧᒥᓯᐅᑉ ᐊᒡᓚᖏᑦ 2:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᖃᕐᑐᖃᕋᔭᕐᐸᑦ, “ᐅᒃᐱᕐᓂᖃᕐᐳᑎᑦ, ᐅᕙᖓᓕ ᐱᓂᐊᕐᓂᖃᕐᐳᖓ.” ᐅᒃᐱᕐᓂᕐᒥᒃᓕ ᐱᓂᐊᕐᓂᕐᒥᒃ ᐃᓚᖃᖏᑦᑐᒥᒃ ᑕᑯᑎᓚᐅᓐᖓ, ᐅᒃᐱᕐᓂᓐᓂᒃᑕᐅᖅ ᑕᑯᑎᓐᓂᐊᕋᒃᑭᑦ ᐱᓂᐊᕐᓂᒃᑯᑦ.

ᔧᒥᓯᐅᑉ ᐊᒡᓚᖏᑦ 2:18 Iomraidhean Croise

ᕉᒪᒥᐅᓄᑦ 14:23

ᐃᓄᒡᓕ ᖁᓚᕐᑐᖅ ᑖᓐᓇ ᐸᓯᔭᒃᓴᓐᖑᕐᐳᖅ ᒎᑎᒧᑦ, ᓂᕆᓂᖓ ᐅᒃᐱᕐᓂᕐᒥᑦ ᐱᖏᒻᒪᑦ; ᓱᓇᑐᐃᓐᓁᑦ ᐅᒃᐱᕐᓂᕐᒥᑦ ᐱᖏᑦᑐᑦ ᐊᔪᕐᓂᐅᕗᑦ.

ᕉᒪᒥᐅᓄᑦ 3:28

ᐅᖃᐅᓯᖃᕐᐳᒍᑦ ᐃᓄᒃ ᐸᓯᔭᒃᓴᐅᔪᓐᓃᕐᑎᑕᐅᖕᒪᑦ ᐅᒃᐱᕐᓂᕐᒥᒍᑦ, ᐱᖁᔭᓂᒃ ᒪᓕᖕᓂᕐᒥᓅᖏᑦᑐᖅ.

ᕉᒪᒥᐅᓄᑦ 4:6

ᑍᕕᑎᑦᑕᐅᖅ ᐅᖃᕆᕗᖅ ᑍᒫᑦᓮᓐᓇᖅ, ᐃᓄᒃ ᖁᕕᐊᓱᒍᑎᒃᓴᖃᕐᓂᕋᕐᓗᒍ ᒎᑎᒧᑦ ᐃᓗᐊᕐᑑᓂᕋᕐᑕᐅᔪᖅ, ᐱᓂᐊᑦᓯᐊᕐᓂᕐᒧᑦ ᐱᑦᔪᑎᖃᕋᓂ:

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᕉᒪᒥᐅᓄᑦ 9:19

ᐅᕙᓐᓄᑦ ᐅᖃᕋᔭᓕᕐᐳᓯ ᐃᒫᒃ, “ᓱᖕᒪᓖᓐᓇ ᓱᓕ ᓈᒻᒪᖏᑦᑐᓂᒃ ᓇᓂᓯᕙᒃᐹ? ᑭᐊᓗ ᐱᔪᒪᔭᖓ ᐊᑭᕋᕐᑐᕈᓐᓇᕐᐸᐅᒃ?”

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:2

ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:17

ᑍᒤᒻᒪᑦ, ᙭ᔅᑑᓯᒧᐊᕐᑐᖃᕐᐸᑦ, ᑖᓐᓇ ᓄᑖᓐᖑᕐᑎᑕᐅᕗᖅ; ᐃᓅᓯᑐᖃᖓ ᐲᕐᑕᐅᕗᖅ, ᑕᑯᒋᑦ, ᓄᑖᖅ ᐱᒋᐊᓕᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᒐᓔᑎᐊᒥᐅᓄᑦ 5:6

᙭ᔅᑑᓯ ᔩᓱᓯᒥ ᑭᐱᓯᒪᓂᖅ ᑭᐱᓯᒪᖏᓐᓂᕐᓗ ᐊᑐᖏᒻᒪᑎᒃ, ᐅᒃᐱᕐᓂᒃᑯᓪᓕ ᐱᓇᓱᐊᕐᓂᖅ ᓇᒡᓕᖕᓂᒃᑯᑦ ᐊᑐᕐᑐᑑᕗᖅ.

ᑎᒧᑎᒧᑦ ᓯᕗᓪᓖᑦ 1:5

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᑍᑑᓯᒧᑦ 2:7

ᐃᕝᕕᓪᓕ ᓇᖕᒥᓂᖅ ᑖᒃᑯᓄᖓᓕᒫᖅ ᒪᓕᒐᒃᓴᑦᓯᐊᖑᔪᒃᓴᐅᕗᑎᑦ ᐃᓅᑦᓯᐊᕐᓂᒃᑯᑦ, ᐊᔪᕆᕐᑐᐃᓕᕌᖓᕕᑦ ᓱᓕᑦᓯᐊᕐᓗᑎᑦ ᐱᓪᓚᕆᒃᑐᒥᒃ ᐊᔪᕆᕐᑐᐃᖃᑦᑕᕐᓗᑎᑦ,

ᐄᑉᕈᐃᓄᑦ 11:31

ᐅᒃᐱᕐᓂᑯᑦ ᕅᕼᐋᐱ ᐊᖑᓐᓂᐊᕐᑎ ᑐᖁᑕᐅᖃᑕᐅᓚᐅᓐᖏᓚᖅ ᒎᑎᒥᒃ ᓈᓚᖏᑦᑐᑦ ᑐᖁᑕᐅᓕᕐᑎᓪᓗᒋᑦ, ᐃᓴᕆᐊᓕᒥᐅᑦ ᐃᔨᕋᕐᑐᕐᓗᑎᒃ ᖃᐅᔨᓴᕆᐊᕐᓯᒪᔪᖁᑎᖏᓐᓂᒃ ᑐᓐᖓᓱᒃᑎᑦᓯᓚᐅᕐᓂᖓᓄᑦ.

ᐄᑉᕈᐃᓄᑦ 11:33

ᐅᒃᐱᕐᓂᑯᑦ ᓵᓚᖃᓚᐅᕐᐳᑦ ᐊᖓᔪᖅᑲᐅᕕᖕᓂᒃ, ᐃᓗᐊᕐᑐᒥᒡᓗ ᐱᓂᐊᕐᓂᖃᓚᐅᕐᐳᑦ, ᐊᖏᕈᑕᐅᓯᒪᔪᓂᒡᓗ ᐱᓚᐅᕐᐳᑦ, ᓔᔧᓪᓗ ᐃᕐᓯᓇᕐᑐᑦ ᖃᓂᖏᑦ ᐃᑦᔭᕈᓯᓚᐅᕐᐰᑦ,

ᐄᑉᕈᐃᓄᑦ 11:6

ᐅᒃᐱᕐᓂᖃᖏᓪᓗᓂ ᒎᑎᒧᑦ ᖁᕕᐊᒋᔭᐅᓂᖅ ᐊᔪᕐᓇᕕᒃᐳᖅ. ᒎᑎᒧᐊᕈᒪᔪᖅ ᒎᑎᖃᕐᑐᒥᒃ ᐅᒃᐱᕐᑐᒃᓴᐅᕗᖅ ᑖᓐᓇ ᕿᓂᕐᑎᒥᓄᑦ ᐊᑭᓖᔪᓐᓇᕐᒪᑦ.

ᔧᒥᓯᐅᑉ ᐊᒡᓚᖏᑦ 2:14

ᐅᒃᐱᕐᑑᖃᑎᒃᑳ, ᖃᓄᖅ ᐊᑐᕐᓇᕋᔭᕐᐸ, ᐅᒃᐱᕐᓂᖃᕐᓂᕋᕈᑦᓯ ᐱᓂᐊᕐᓂᒃᑯᓪᓗ ᓴᖅᑭᑎᖏᓪᓗᒍ? ᐅᒃᐱᕐᓂᑦᓯ ᑕᑉᕙ ᐱᐅᓕᔪᓐᓇᕐᐹᓰ?

ᔧᒥᓯᐅᑉ ᐊᒡᓚᖏᑦ 3:13

ᑭᓇ ᓇᓪᓕᓯᓂ ᓯᓚᑐᓪᓗᓂᓗ ᑐᑭᓯᐊᕙ? ᑕᕝᕙ ᐱᓇᓱᐊᑦᓯᐊᕐᓂᕐᒥᒍᑦ ᓴᖅᑭᑎᑦᓯᔪᒃᓴᐅᕗᖅ ᐃᓅᓯᐊᕐᓂᕐᒥᒃ ᐱᐅᔪᕆᖏᓐᓂᕐᒥᒃ ᓯᓚᑐᓂᕐᒥᒡᓗ.