ᔧᒥᓯᐅᑉ ᐊᒡᓚᖏᑦ 2:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᒃᐱᕐᑑᖃᑎᒃᑳ, ᐊᑦᔨᒌᓐᖏᑎᑦᓯᔪᒃᓴᐅᓐᖏᓚᓯ ᐃᓅᑉ ᑕᐅᑦᑐᐊ ᒪᓕᒡᓗᒍ ᐅᒃᐱᕐᑎᓪᓗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ, ᓂᕐᑐᕐᓇᕐᓂᕐᔪᐊᑉ ᐊᑕᓂᖓᓄᑦ.

ᔧᒥᓯᐅᑉ ᐊᒡᓚᖏᑦ 2:1 Iomraidhean Croise

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:23

ᒪᑯᐊᑦᑕᐅᖅ ᓯᓚᑐᔫᑉ ᐱᒋᒋᕔᑦ: ᐃᓔᓐᓇᕐᓯᐅᕐᓂᖅ ᐊᑦᔨᒌᒃᑎᑦᓯᓂᐅᖏᓐᓇᒥ ᐱᐅᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:21

ᐃᓔᓐᓈᕐᑎᑦᓯᓂᕐᒥᒃ ᓴᖅᑭᔮᕐᑎᑦᓯᔪᖅ ᐱᐅᓐᖏᓚᖅ; ᓂᐊᖂᔭᕐᓕ ᐱᑦᔪᑎᒋᓗᒍ ᐃᓄᒃ ᑕᒻᒪᕈᓐᓇᕐᐳᖅ.

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᒫᑎᐅᓯᐅᑉ ᐊᒡᓚᖏᑦ 22:16

ᑕᕝᕙ ᑎᓕᓯᕗᑦ ᐃᓕᓐᓂᐊᕐᑎᒥᖕᓂᒃ, ᐃᕉᑕᓯᐅᓪᓗ ᐃᑲᔪᕐᑎᖏᑕ ᐃᓚᖏᓐᓂᒃ, ᐅᖃᖁᓪᓗᒋᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᓱᓕᑦᓯᐊᕐᑐᒥᒃ ᐅᖃᐅᑦᔨᖃᑦᑕᕋᕕᑦ, ᐊᔪᕆᕐᑐᐃᖃᑦᑕᕋᕕᓪᓗ ᒎᑎᐅᑉ ᐃᓄᖕᓄᑦ ᐱᓂᐊᕐᑕᐅᖁᔭᖓᓂᒃ ᓱᓕᑦᓯᐊᕐᑐᒥᒃ, ᐃᓄᐃᑦ ᖃᓄᖅ ᐃᓱᒪᖃᕐᒪᖔᑕ ᐃᓱᒪᒋᓇᒋᑦ, ᖃᓄᐃᑦᑑᓂᖏᓐᓂᒃ ᑲᒪᖏᓐᓇᕕᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:34

ᐲᑦᑐᕉᓯ ᐅᖃᓯᕗᖅ: “ᒫᓐᓇ ᑐᑭᓯᕗᖓ ᒎᑎ ᐃᓔᓐᓇᕐᓯᐅᖏᒻᒪᑦ, ᐃᓄᓕᒫᓪᓕ ᐊᑦᔨᒌᒃᑎᒻᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 24:24

ᐅᓪᓗᒐᓔᑦ ᐊᓂᒍᕐᑎᓪᓗᒋᑦ ᕖᓕᒃᓯᐅᑉ ᓄᓕᐊᓂ ᑐᕉᓯᓚ ᔫᑎᐅᔪᖅ ᐱᖃᑎᒋᓪᓗᒍ ᑎᑭᑉᐴᒃ; ᐸᐅᓗᓯ ᕾᑕᐅᖁᕚ, ᑐᓵᔪᒪᓪᓗᓂ ᐅᖃᓪᓚᒃᑎᓪᓗᒍ ᐅᒃᐱᕐᕕᖃᕐᓂᕐᒥᒃ ᙭ᔅᑑᓯ ᔩᓱᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:2

ᓯᑎᐹᓇᓯᐅᑉ ᐅᖃᐅᑎᕚ, “ᐃᓅᖃᑎᒃᑲ ᐊᖓᔪᖅᑳᖑᔪᓯᓗ, ᓈᓚᒃᓯᓐᖓ. ᒎᑎ ᓂᕐᑐᕐᓇᕐᑐᕐᔪᐊᖑᓪᓗᓂ ᓴᖅᑭᓚᐅᕐᐳᖅ ᐂᑉᕋᕼᐋᒻᒧᑦ ᐊᑖᑕᑦᑎᓐᓄᑦ, ᒥᓱᐳᑍᒥᐊᒦᑎᓪᓗᒍ ᕼᐊᕋᓐᒥ ᓄᓇᖃᓚᐅᕐᑎᓐᓇᒍ ᓱᓕ,

ᕉᒪᒥᐅᓄᑦ 1:11

ᑭᐱᓂᐊᕐᐳᖓ ᑕᑯᔪᒪᓪᓗᓯ, ᐃᓕᑦᓯᓐᓄᑦ ᐱᑎᑦᓯᔪᒪᓪᓗᖓ ᐊᓂᕐᓂᒃᑯᑦ ᑐᓂᕐᕈᓯᐊᓂᒃ ᓴᓐᖏᔪᓐᖑᕐᑎᑕᐅᒃᑲᓐᓂᖁᓪᓗᓯ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:8

ᓇᓪᓕᐊᓪᓘᓐᓃᑦ ᐊᐅᓚᑦᓯᔩᑦ ᓯᓚᕐᔪᐊᕐᒥ ᑕᒪᑐᒥᖓ ᑐᑭᓯᓯᒪᓐᖏᓚᑦ; ᑐᑭᓯᓚᐅᕈᓂᑦᔪᒃ, ᐊᑕᓂᖅ ᓂᕐᑐᕐᓇᕐᑐᕐᔪᐊᖅ ᑭᑭᐊᒃᑐᕋᔭᓚᐅᓐᖏᓛᑦ.

ᒨᓯᓯ ᑕᓪᓕᒪᖏᑦ 1:17

ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’

ᒨᓯᓯ ᑕᓪᓕᒪᖏᑦ 16:19

ᐃᓄᖕᓂᒃ ᐋᖅᑭᒃᓱᐃᓂᖅ ᐱᑦᓯᐊᕆᐊᖃᕐᐳᖅ; ᐃᓔᓐᓇᕐᓯᐅᕐᓗᑎᒃ ᐋᖅᑭᒃᓱᐃᔪᒃᓴᐅᓐᖏᓚᑦ; ᓯᓔᕐᕆᒃᓯᓇᓱᐊᕐᑐᓂᒡᓗ ᒪᓕᒃᓴᕐᑐᒃᓴᐅᓐᖏᓚᑦ, ᑐᓂᕐᕈᑎᒋᔭᐅᔪᑦ ᓯᓔᕐᕆᒃᓯᕈᑕᐅᓇᓱᐊᕐᓗᑎᒃ ᑕᑯᓐᓇᕈᓐᓃᕐᑎᑦᓯᔪᓐᓇᕐᒪᑕ ᐊᒡᓛᑦ ᓯᓚᑐᔪᓂᒃ ᐱᑦᓯᐊᕋᓱᒃᑐᓂᒡᓗ ᐊᒡᓛᑦ, ᓈᒻᒪᓈᖏᑦᑐᓂᒡᓗ ᐃᓱᒪᑖᕐᑎᑦᓯᓕᕈᓐᓇᕐᓗᑎᒃ.

ᑯᓘᓯᐊᒥᐅᓄᑦ 1:4

ᑐᓴᕐᑎᑕᐅᓯᒪᓕᕋᑦᑕ ᐅᒃᐱᕐᓂᑦᓯᓐᓂᒃ ᙭ᔅᑑᓯ ᔩᓱᓯᒥ, ᓇᒡᓕᒍᓱᖕᓂᑦᓯᓐᓂᒡᓗ ᐃᑦᔪᕐᓁᑎᑕᐅᓯᒪᔪᓕᒫᓂᒃ.

ᑎᒧᑎᒧᑦ ᓯᕗᓪᓖᑦ 1:19

ᐅᒃᐱᕐᓂᖃᕐᓗᑎᑦ ᐃᓱᒪᒃᑯᓪᓗ ᐸᓯᔭᐅᖏᓪᓗᑎᑦ. ᐃᓄᐃᑦ ᐃᓱᒪᒥᒃᑎᒍᑦ ᐸᓯᔭᒃᓴᐅᓂᕐᒥᒃ ᐃᒃᐱᒍᓱᖏᓗᐊᕐᓂᕐᒧᑦ, ᐅᒃᐱᕐᓂᖏᑦ ᓯᖁᒥᑕᐅᓯᒪᖕᒪᑕ;

ᑎᒧᑎᒧᑦ ᓯᕗᓪᓖᑦ 5:21

ᒎᑎᐅᑉ ᓇᔪᒐᓐᖓᓂ ᙭ᔅᑑᓯ ᔩᓱᓯᐅᓪᓗ ᐂᖏᓖᓪᓗ ᓂᕈᐊᕐᑕᐅᓯᒪᔪᑦ ᓇᔪᕐᑕᖏᓐᓂ ᑕᒪᒃᑯᐊ ᐅᖃᐅᓯᕆᔭᒃᑲ ᐃᓕᖕᓄᑦ ᒪᓕᒃᑕᐅᖁᓪᓚᕆᒃᐸᒃᑲ; ᐃᓅᖃᑎᑐᖃᕆᓐᖏᑕᕐᓂᒃ ᓇᕐᕈᖏᓪᓗᑎᑦ, ᓇᓪᓕᐊᑐᐃᓐᓇᖅ ᓇᕐᕈᓇᕐᓯᑎᑦᑍᓕᓗᒍ ᐊᑦᔨᒌᒃᑎᑦᓯᐊᕐᓗᒋᓕ ᐱᓇᓱᐊᕐᕕᒋᒃᑭᑦ.

ᑍᑑᓯᒧᑦ 1:1

ᐸᐅᓗᓯᒥᑦ, ᒎᑎᐅᑉ ᐱᔨᖓᓂᑦ ᔩᓱᓯᐅᓪᓗ ᙭ᔅᑑᓯᐅᑉ ᐋᐴᓯᑕᓕᖓᓂᑦ, ᒎᑎᐅᑉ ᓂᕈᐊᕐᓯᒪᔭᖏᓐᓄᑦ ᓱᓕᔪᒥᒡᓗ ᖃᐅᔨᓯᒪᔪᓄᑦ ᐊᑕᐅᓯᐅᓕᖓᑎᑦᓯᔪᒧᑦ ᐅᒃᐱᕐᓂᑦᑎᓐᓄᓪᓗ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᔧᒥᓯᐅᑉ ᐊᒡᓚᖏᑦ 1:16

ᐅᐃᕕᕆᔭᐅᓂᐊᕋᓯ, ᓇᒡᓕᒋᔭᒃᑲ ᐅᒃᐱᕐᑑᖃᑎᒃᑲ.

ᔧᒥᓯᐅᑉ ᐊᒡᓚᖏᑦ 1:19

᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ.

ᔧᒥᓯᐅᑉ ᐊᒡᓚᖏᑦ 2:3

ᐊᖑᑦ ᐱᐅᔪᓂᒃ ᐊᓐᓄᕌᑦᓯᐊᕆᒃᑐᖅ ᑲᒪᒋᑦᓯᐊᕐᓂᕐᓴᕆᒍᑦᓯᐅᒃ ᐅᖃᐅᑎᓗᒍᓗ, “ᒪᐅᖓ ᐃᒃᓯᕙᐅᑕᕐᒧᑦ ᐱᐅᔪᒧᑦ ᐃᖏᓪᓗᑎᑦ,” ᐊᔪᕐᓴᕐᑐᒧᓪᓗ ᐅᖃᕐᒥᓗᓯ, “ᐊᕙᓂ ᓂᑯᕕᖓᓕᕆᑦ,” ᐅᕝᕙᓗ “ᒪᐅᖓ ᓇᑎᕐᒧᑦ ᐃᖏᓕᕆᑦ,”

ᔧᒥᓯᐅᑉ ᐊᒡᓚᖏᑦ 2:9

ᐊᑦᔨᒌᓐᖏᑎᑦᓯᕙᑲᑦᓯ, ᑕᕝᕙ ᐊᔪᕐᑐᓕᕗᓯ, ᐱᖁᔭᓄᓪᓗ ᐸᓯᔭᐅᒐᔭᕐᐳᓯ ᒪᓕᖏᓐᓂᕋᕐᑕᐅᓗᓯ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ:

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:12

ᑕᕝᕙᓂ ᕿᓄᐃᓵᕐᓂᖃᖁᔭᐅᕗᑦ ᐃᑦᔪᕐᓁᑦᑐᑦ, ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᑦ ᔩᓱᓯᒧᓪᓗ ᐅᒃᐱᕐᓂᖃᕐᓗᑎᒃ.