ᔧᒥᓯᐅᑉ ᐊᒡᓚᖏᑦ 1:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑭᓇᑐᐃᓐᓇᖅ ᑕᑯᑦᓯᐊᕐᑐᖅ ᐱᖁᔭᓂᒃ ᕿᓚᕈᑦᔮᕐᓯᔪᓂᒃ, ᐃᓄᖕᓂᒃ, ᐊᑕᕕᒌᓐᓇᓕᕐᓗᒋᓪᓗ, ᑖᓐᓇ ᓈᓚᑐᐃᓐᓇᓐᖏᓚᖅ ᐳᐃᒍᑐᐃᓐᓇᕋᓂᓗ ᐱᓂᐊᕈᑎᒋᓪᓗᒋᓪᓕ ᐊᑐᓕᕐᐰᑦ, ᐃᓄᒃ ᑍᒤᓕᐅᕐᑐᖅ ᓮᒻᒪᕐᑎᑕᐅᓂᐊᕐᐳᖅ ᐱᓇᓱᐊᕐᓂᕆᔭᒥᓂ.

ᔧᒥᓯᐅᑉ ᐊᒡᓚᖏᑦ 1:25 Iomraidhean Croise

ᐃᓐᖏᕈᑎᑦ 106:3

ᖁᕕᐊᓱᒍᑎᒃᓴᖃᕐᐳᑦ ᐊᑦᔨᒌᒃᑎᑦᓯᔪᑦ, ᓈᒻᒪᓈᕐᑐᒥᒃᓗ ᑍᒪᓐᖓᑦ ᐱᓇᓱᐊᖃᑦᑕᕐᑐᖅ!

ᐃᓐᖏᕈᑎᑦ 119:32

ᑐᑭᓯᕚᓪᓕᕐᑎᒃᑯᕕᖓ ᐆᒻᒪᑎᒃᑯᑦ ᑕᕝᕙ ᐱᖁᔭᑎᑦ ᑲᑦᓱᖎᒻᒪᕆᒡᓗᖓ ᐱᓇᓱᐊᕐᓂᐊᕐᐸᒃᑲ.

ᐃᓐᖏᕈᑎᑦ 119:45

ᕿᓚᕈᑦᔮᕐᑕᐅᓯᒪᓗᖓ ᐃᓅᓂᐊᕐᐳᖓ, ᐱᓂᐊᕐᑕᐅᖁᔭᕐᓂᒃ ᕿᓂᕐᓯᒪᒐᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:15

ᓯᓔᑦᑐᖅ ᐅᖃᐅᓯᐅᔪᓕᒫᓂᒃ ᐅᒃᐱᕈᓱᒃᐳᖅ, ᓯᕗᓂᒃᓴᕐᓯᐅᕐᑑᓪᓕ ᐊᖅᑯᑎᒋᔭᓂ ᐅᑦᔨᕐᑐᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᓘᑲᓯᐅᑉ ᐊᒡᓚᖏᑦ 11:28

ᔩᓱᓯ ᐅᖃᕐᐳᖅ, “ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᒪᓕᑦᓯᐊᕐᓗᒋᓪᓗ!”

ᔪᐊᓇᓯᐅᑉ ᐊᒡᓚᖏᑦ 13:17

ᑕᒪᓐᓇ ᖃᐅᔨᒐᑦᓯᐅᒃ, ᓮᒪᓇᕐᑐᒦᓕᕋᔭᕐᐳᓯ ᐊᑐᓕᕈᑦᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 8:36

ᐃᕐᓂᐅᑉ ᕿᓚᕈᑦᔮᕐᐸᓯ, ᑕᕝᕙ ᕿᓚᕈᑦᔮᕐᓯᒪᓪᓚᕆᖕᓂᐊᕐᐳᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 13:43

ᔫᑎᑦ ᑲᑎᒪᕕᖓᓐᓂ ᑲᑎᒪᔭᕇᕋᒥᒃ, ᔫᑎᑦ ᐊᒥᓱᑦ, ᔫᑎᐅᖏᑦᑐᓪᓗ ᐊᒥᓱᑦ ᔫᑎᓐᖑᕐᑎᑕᐅᓯᒪᔪᑦ ᒪᓕᒃᐳᑦ ᐸᐅᓗᓯᒥᒃ ᐸᕐᓇᐹᓯᒥᒡᓗ, ᐸᐅᓗᓯᒃᑯᒃ ᑖᒃᑯᓄᖓ ᐅᖃᓪᓚᒃᐴᒃ ᐃᓇᒃᓱᕐᓗᒋᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᐃᓅᖏᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:42

ᑖᒃᑯᐊ ᐃᓕᓐᓂᐊᖃᑦᑕᓕᓚᐅᕐᐳᑦ ᐋᐴᓯᑕᓕᖕᓂᑦ ᐃᓚᒌᑦᓯᐊᕐᓗᑎᒃ, ᓂᕆᖃᑎᒌᓗᑎᒃ ᑐᒃᓯᐊᖃᑎᒌᖃᑦᑕᕐᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 26:22

ᒎᑎᐅᓪᓕ ᐃᑲᔪᐃᓐᓇᕐᐹᖓ ᐅᓪᓗᒥᒧᑦ ᑎᑭᓪᓗᒍ, ᒫᓐᓇᓗ ᓇᖏᕐᐳᖓ ᓇᓗᓁᕐᓯᔪᓐᓇᕐᓗᖓ ᐊᑦᔨᒌᒃᑐᒥᒃ ᐃᓄᖕᓄᑦ ᐊᑦᔨᒌᖏᑦᑐᓄᑦ, ᐅᖃᐅᓯᖃᕐᐳᖓ ᓇᓚᐅᑦᑍᔪᑦ ᒨᓯᓯᐅᓪᓗ ᓇᓪᓕᐅᑎᓂᐊᕐᓂᕋᕐᓯᒪᔭᖏᑕ ᐊᓯᐊᒎᖏᑦᑐᓂᒃ.

ᕉᒪᒥᐅᓄᑦ 11:22

ᑕᕝᕙ ᒎᑎᐅᑉ ᐱᑦᓯᐊᕐᓂᖓ ᐃᓕᕋᓇᕐᓂᖓᓗ ᑕᕝᕘᓇ ᑕᑯᕙᕗᑦ; ᐃᓕᕋᓇᕐᓂᖓ ᐅᕐᕈᓯᒪᔪᓄᑦ, ᒎᑎᐅᓪᓗ ᐱᑦᓯᐊᕐᓂᖓ ᐃᓕᖕᓄᑦ, ᐱᑦᓯᐊᕐᓂᖓᓃᖏᓐᓇᕈᕕᑦ; ᑍᒤᖏᒃᑯᕕᓪᓕ ᓇᑲᑕᐅᔪᒫᕆᕗᑎᑦ.

ᕉᒪᒥᐅᓄᑦ 2:13

ᐱᖁᔭᓂᒃ ᑐᓴᑐᐃᓐᓇᕐᑐᑦ ᓈᒻᒪᒃᓯᑎᑕᐅᖏᒻᒪᑕ ᒎᑎᐅᑉ ᓵᖓᓂ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᓈᒻᒪᖕᓂᕋᕐᑕᐅᔪᒫᕐᐳᑦ.

ᕉᒪᒥᐅᓄᑦ 7:12

ᑍᒤᒻᒪᑦ ᐱᖁᔭᖅ ᐃᑦᔪᕐᓁᑉᐳᖅ, ᐱᖁᔧᓪᓗ ᖁᓕᑦ ᐃᑦᔪᕐᓁᒃᑭᕗᑦ, ᐃᓗᐊᕐᑑᓪᓗᑎᒡᓗ ᐱᐅᕗᑦ.

ᕉᒪᒥᐅᓄᑦ 8:15

ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”

ᕉᒪᒥᐅᓄᑦ 8:2

᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:5

ᐃᓕᑦᓯᓐᓂᒃ ᖃᐅᔨᓴᕆᑦᓯ ᐅᒃᐱᕐᓂᕐᒦᒻᒪᖔᑦᓯ. ᐆᒃᑐᕆᑦᓯ ᐃᓕᑦᓯᓐᓂᒃ; ᖃᐅᔨᒪᓐᖏᓚᓰ ᔩᓱᓯ ᙭ᔅᑑᓯ ᐃᓗᑦᓯᓐᓃᒻᒪᑦ? ᐅᒃᐱᕐᓂᕐᒥ ᓱᓕᖏᒃᑯᑦᓯ ᑭᓯᐊᓂ ᖃᐅᔨᒐᔭᓐᖏᓚᓯ.

ᒐᓔᑎᐊᒥᐅᓄᑦ 2:4

ᐃᓚᖏᑦ ᐅᒃᐱᕐᑑᖃᑕᐅᓐᖑᐊᕐᑐᑦ ᐃᓚᓕᐅᑎᓚᐅᕐᒪᑕ, ᐅᕙᑦᑎᓐᓂᒃ ᖃᐅᔨᓴᕋᓱᐊᕐᓗᑎᒃ ᕿᓚᕈᔮᕐᑕᐅᓯᒪᓂᕆᔭᑦᑎᓐᓂᒃ ᔩᓱᓯ ᙭ᔅᑑᓯᒥᒃ ᐃᓚᖃᕐᓂᑦᑎᓐᓄᑦ, ᐅᕙᑦᑎᓐᓂᒃ ᐊᔪᓕᕐᑎᑦᓯᓗᑎᒃ ᓯᐊᓛᕐᑖᕈᒪᒧᑦ.

ᒐᓔᑎᐊᒥᐅᓄᑦ 5:1

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᕗᒍᑦ ᙭ᔅᑑᓯᐅᑉ ᕿᓚᕈᑦᔮᓚᐅᕐᒪᑎᒍᑦ; ᑍᒤᒻᒪᑦ ᓂᑯᕕᖓᑦᓯᐊᕐᓗᓯ ᐃᓅᓕᕆᑦᓯ, ᐃᓕᑦᓯᓐᓂᒡᓗ ᓯᐊᓛᕆᔭᐅᓂᕐᒧᑦ ᑐᓂᒃᑲᓐᓂᕐᑍᓕᓕᕆᑦᓯ.

ᒐᓔᑎᐊᒥᐅᓄᑦ 6:2

ᐅᖁᒤᑦᑐᑎᒍᑦ ᐃᑲᔪᖃᑦᑕᐅᑎᖃᑦᑕᕆᑦᓯ, ᑍᒤᓕᐅᕈᑦᓯ ᑕᕝᕙ ᙭ᔅᑑᓯᐅᑉ ᐱᖁᔭᖓᓂᒃ ᓈᓚᖕᓂᐊᕐᐳᓯ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑎᒧᑎᒧᑦ ᓯᕗᓪᓖᑦ 2:15

ᐊᕐᓇᕐᓕ ᐱᐅᓕᔭᐅᔪᒫᕐᐳᖅ ᕿᑐᕐᖓᕐᑖᖃᑦᑕᕐᓗᓂ, ᐅᒃᐱᕐᓂᕐᒦᖏᓇᕈᓂ ᓇᒡᓕᖕᓂᕐᒥᓗ ᐃᑦᔪᕐᓁᓐᓂᕐᒥᓗ, ᐱᐅᔪᕆᖏᓪᓗᓂ.

ᑎᒧᑎᒧᑦ ᓯᕗᓪᓖᑦ 4:16

ᐃᓕᖕᓂᒃ ᐊᔪᕆᕐᓱᖃᓯᐅᔨᓴᑦᓯᐊᕆᑦ ᐊᔪᕆᕐᑐᐃᓂᕐᓂᒡᓗ. ᑕᒪᒃᑯᐊ ᐊᓯᐊᓄᐊᕐᑍᓕᒋᑦ, ᑍᒤᒃᑯᕕᑦ ᐃᓕᖕᓂᒃ ᐱᐅᓕᓂᐊᕐᐳᑎᑦ ᐊᔪᕆᕐᑐᕐᑕᕐᓂᒡᓗ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᔧᒥᓯᐅᑉ ᐊᒡᓚᖏᑦ 2:12

ᐅᖃᕅᒍᑦᓯ ᐱᓇᓱᐊᕈᑦᓯᓗ ᐃᖅᑲᕐᑐᕐᑕᐅᔪᒫᕐᑐᑎᑐᑦ ᐱᓇᓱᐊᖃᑦᑕᕆᑦᓯ ᐱᖁᔭᓄᑦ ᕿᓚᕈᑦᔮᕐᑎᑦᓯᔪᓄᑦ.

ᐲᑦᑐᕉᓯ ᓯᕗᓪᓖᑦ 2:16

ᕿᓚᕈᑦᔮᕐᑕᐅᓯᒪᔪᑎᑐᑦ ᐃᓅᒋᑦᓯ, ᕿᓚᕈᑦᔮᕐᑕᐅᓯᒪᓂᓯᓕ ᐃᔨᕋᑦᑐᕈᑎᒋᑦᑍᓕᓯᐅᒃ ᐱᐅᖏᑦᑐᒥᒃ ᐱᓇᓱᐊᕈᑎᑖᕆᓗᒍ; ᐃᓅᓯᖃᕆᑦᓯᓕ ᒎᑎᐅᑉ ᐱᔨᖏᑎᑐᑦ.

ᔪᐊᓇᓯ ᓯᕗᓪᓖᑦ 2:24

ᐱᒋᐊᕐᓂᖓᓂᑦ ᑐᓴᕐᓯᒪᔭᓯ ᐃᓕᑦᓯᓃᖏᓐᓇᕐᓕ. ᐱᒋᐊᕐᓂᖓᓂᑦ ᑐᓴᕐᓯᒪᔭᓯ ᐱᓯᒤᓐᓇᕈᑦᓯᐅ, ᑕᕝᕙ ᐃᕐᓂᕐᒦᖏᓐᓇᕐᓂᐊᕐᐳᓯ ᐊᑖᑕᒦᓪᓗᓯᓗ

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:13

ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.” ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.

ᓴᒧᐃᓕ ᓯᕗᓪᓖᑦ 12:14

ᐊᑕᓂᖅ ᐃᓕᕋᒋᓂᐊᕈᑦᓯᐅᒃ ᐱᔨᑦᓯᕐᓗᒍᓗ ᓂᐱᐊᓗ ᓈᓚᖕᓂᐊᕈᑦᓯᐅᒃ, ᐊᑭᕋᕐᑐᓕᕐᓂᐊᖏᒃᑯᑦᓯᓗ ᐊᑕᓂᐅᑉ ᐱᖁᔭᖏᓐᓂᒃ, ᐃᓕᑦᓯᓗ ᐊᖓᔪᖅᑳᕐᔪᐊᓯᓗ ᐃᓕᑦᓯᓐᓂᑦ ᐊᐅᓚᑦᓯᔪᖅ ᒪᓖᓐᓇᕐᓂᐊᕈᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ, ᑕᕝᕙ ᖃᓄᐃᖏᑦᓯᐊᕈᓐᓇᕐᓂᐊᕐᐳᓯ;