ᔧᒥᓯᐅᑉ ᐊᒡᓚᖏᑦ 1:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᔧᒥᓯᐅᑉ ᐊᒡᓚᖏᑦ 1:12 Iomraidhean Croise

ᒨᓯᓯ ᓯᕗᓪᓖᑦ 22:1

ᑕᒪᒃᑯᐊ ᖄᖏᕐᓯᒪᓕᕐᑎᓪᓗᒋᑦ ᒎᑎᐅᑉ ᐂᑉᕋᕼᐋᒻ ᖃᐅᔨᓴᓚᐅᕐᐹ, ᐅᖃᐅᑎᓪᓗᒍᓗ, “ᐂᑉᕋᕼᐋᒻ!” ᐂᑉᕋᕼᐋᒻᓗ ᑭᐅᕚ, “ᒫᓃᑉᐳᖓ.”

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᔫᐱᐅᑉ ᐊᒡᓚᖏᑦ 2:10

ᔫᐱᐅᓪᓕ ᑭᐅᕚ, “ᓯᓔᑦᑐᑐᑦ ᐊᕐᓇᑐᑦ ᐅᖃᓪᓚᓕᕐᐳᑎᑦ. ᒎᑎ ᐅᕙᑦᑎᓐᓄᑦ ᐱᐅᔪᒥᒃ ᑐᓂᓯᖃᑦᑕᕐᐳᖅ, ᓱᖕᒪᓪᓕ ᓈᒻᒪᒃᓴᖏᓪᓗᑕ ᐅᖃᕐᕕᒋᒐᔭᕐᐸᕗᑦ ᐱᐅᖏᑦᑐᒧᑦ ᐱᑎᑉᐸᑎᒎᑦ?” ᔫᐱᓕ ᑕᒪᐅᓈᕋᓗᐊᕋᒥ ᐊᔪᕐᑐᓕᓚᐅᓐᖏᓚᖅ ᐅᖃᐅᓯᕐᒥᒍᑦ.

ᔫᐱᐅᑉ ᐊᒡᓚᖏᑦ 5:17

ᑕᑯᒋᑦ, ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᒎᑎᐅᑉ ᐋᖅᑭᒋᐊᕐᑕᖓ; ᑍᒤᒻᒪᑦ ᓇᕐᕈᒋᓂᐊᕐᓇᒍ ᐊᔪᒐᖃᖏᑦᑐᒧᑦ ᓱᒋᐊᕐᑕᐅᒍᕕᑦ.

ᐃᓐᖏᕈᑎᑦ 11:5

ᐊᑕᓂᐅᑉ ᐱᓇᓱᐊᑦᓯᐊᕐᑐᖅ ᖃᐅᔨᓴᕐᐹ, ᐱᐅᖏᑦᑐᓕᔪᓪᓕ, ᑲᑉᐱᐊᓱᒃᑎᑦᓯᓂᕐᒥᒡᓗ ᖁᕕᐊᒋᔭᖃᕐᑐᑦ ᐆᒥᒋᕔᑦ.

ᐃᓐᖏᕈᑎᑦ 119:67

ᐃᓕᖕᓄᑦ ᐋᓐᓂᐊᑎᑕᐅᓚᐅᖅᑳᕐᓇᖓ ᑕᒻᒪᕐᓯᒪᓚᐅᕐᐳᖓ; ᒫᓐᓇᓕ ᐅᖃᐅᓯᕐᑎᑦ ᓈᓚᓕᕐᐸᒃᑲ.

ᐃᓐᖏᕈᑎᑦ 119:71

ᐅᕙᓐᓄᑦ ᐱᐅᔫᕗᖅ ᐋᓐᓂᐊᑎᑕᐅᓯᒪᓂᕋ, ᐃᓕᑦᓯᔪᓐᓇᕐᓯᑎᑕᐅᓯᒪᒐᒪ ᐊᑐᕐᑕᐅᖁᔭᕐᓂᒃ.

ᐃᓐᖏᕈᑎᑦ 119:75

ᐊᑕᓃᖅ, ᖃᐅᔨᒪᕗᖓ ᐋᖅᑭᒃᓱᐃᓃᑦ ᓈᒻᒪᓈᕐᓯᒪᖕᒪᑦ, ᓱᖁᓯᔪᐃᑦᑑᓂᕐᓄᑦ ᐋᓐᓂᐊᑎᑕᐅᓂᒃᑯᑦ ᐋᖅᑭᒋᐊᓚᐅᕋᕕᖓ.

ᐃᓐᖏᕈᑎᑦ 5:11

ᐃᓕᖕᓂᒡᓕ ᑕᑎᖃᕐᑐᓕᒫᑦ ᖁᕕᐊᓱᒡᓕᑦ; ᓂᐱᖃᓕᕐᓕᑦ ᖁᕕᐊᓱᖕᓂᕐᒥᒃ, ᐃᕝᕕᑦ ᓴᐳᑎᒐᕕᒋᑦ; ᐊᑎᕐᓂᒃ ᓇᒡᓕᒍᓱᒃᑐᑦ ᐃᓕᖕᓂᒃ ᖁᕕᐊᓲᑎᖃᓕᕐᓕᑦ.

ᐃᓐᖏᕈᑎᑦ 94:12

ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᓱᒋᐊᕐᑕᐅᔪᖅ ᐃᓕᖕᓄᑦ ᐊᑕᓃᖅ, ᐊᔪᕆᕐᑐᕐᑍᓪᓗ ᐱᖁᔭᕐᓂᑦ ᐱᔪᒥᒃ.

ᒨᓯᓯ ᐂᑉᐸᖏᑦ 20:6

ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:3

ᐊᐅᒃᑎᑦᓯᕕᒃ ᐊᑐᕐᐳᖅ ᓯᐅᓪᕕᕆᒧᑦ, ᐃᑯᐊᓚᑦᓯᕕᒡᓗ ᒎᓗᒧᑦ ᐊᐅᒃᑎᑦᓯᕕᐅᓪᓗᓂ, ᐊᑕᓂᕐᓕ ᐆᒃᑐᕋᕐᑎᐅᕗᖅ ᐆᒻᒪᑎᓂᒃ.

ᐂᓮᐊᓯᐅᑉ ᐊᒡᓚᖏᑦ 64:4

ᑍᑦᓱᒪᓂᐊᓗᖕᓂᑦ ᑐᓴᕐᑐᖃᓚᐅᕐᓯᒪᓐᖏᓚᖅ ᓯᐅᑎᒥᖕᓄᓪᓗ ᑐᑭᓯᔪᖃᓚᐅᕐᓯᒪᓇᓂ, ᐃᔩᖕᓄᓪᓗ ᑕᑯᔪᖃᓚᐅᕐᓯᒪᓐᖏᓚᖅ ᒎᑎᒥᒃ ᐊᓯᖕᓂᒃ, ᐱᓇᓱᐊᕈᑦᔨᓲᒥᒃ ᐅᑕᖅᑭᔨᒥᓄᑦ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒫᑎᐅᓯᐅᑉ ᐊᒡᓚᖏᑦ 10:22

ᐃᓄᓕᒫᓄᑦ ᐆᒥᒋᔭᐅᓕᕈᒫᕐᐳᓯ ᐅᕙᖓ ᐱᓪᓗᖓ. ᐅᒃᐱᕐᓂᕐᒥᓂᒡᓕ ᑎᒍᒥᐊᖏᓐᓇᕐᓗᓂ ᐃᓱᐊᓄᑦ, ᑖᓐᓇ ᐱᐅᓕᔭᐅᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᓘᑲᓯᐅᑉ ᐊᒡᓚᖏᑦ 6:22

“ᓮᒪᕐᑎᑕᐅᓇᕐᑐᒦᑉᐳᓯ ᐃᓄᐃᑦ ᐆᒥᒋᒃᐸᓯ, ᓇᕐᕈᒋᒃᐸᓯᓗ ᐅᖃᕐᓂᕐᓘᑎᒋᒃᐸᓯᓗ, ᐱᐅᖏᑦᑐᐊᓘᓂᕋᕐᐸᓯᓗ, ᐃᓅᑉ ᐃᕐᓂᖓ ᐱᑦᔪᑎᒋᓪᓗᒍ!

ᕉᒪᒥᐅᓄᑦ 5:4

ᕿᓄᐃᓵᕐᓂᕐᓗ ᐃᓕᖅᑯᓯᑦᓯᐊᕆᖕᓂᕐᒥᒃ ᐱᑎᑦᓯᕗᖅ, ᐃᓕᖅᑯᓯᑦᓯᐊᕆᖕᓂᕐᓗ ᓂᕆᐅᖕᓂᕐᒥᒃ ᐱᑎᑦᓯᕗᖅ,

ᕉᒪᒥᐅᓄᑦ 8:28

ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:9

ᐊᒡᓚᖕᓂ ᑎᑎᕋᕐᓯᒪᖕᒪᑦ: “ᓇᓪᓕᐊᓐᓄᑦ ᑕᑯᔭᐅᓚᐅᖏᑦᑐᖅ ᑐᓴᕐᑕᐅᓚᐅᖏᑦᑐᕐᓘᓐᓃᑦ, ᓇᓪᓕᐊᓐᓄᓪᓘᓐᓃᑦ ᐃᓱᒪᒋᔭᐅᓚᐅᖏᑦᑐᖅ ᐱᒐᔭᕐᒪᖔᑦ, ᑕᒪᓐᓇ ᒎᑎᐅᑉ ᐅᐸᓗᖕᒊᕈᑎᒋᓯᒪᓚᐅᕐᐹ ᐱᓐᓇᕆᔨᒥᓄᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:3

ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:25

ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᕙᒃᑐᑦ ᐃᒻᒥᖕᓂᒃ ᐊᒃᓱᕈᕐᑎᓪᓗᑎᒃ ᐃᕾᓕᓴᕋᓱᐊᕐᐸᖕᒪᑕ; ᓂᐊᖂᓯᕐᑕᐅᓂᕐᒥᒃ ᓄᖑᓐᓂᐊᕐᑐᒥᒃ ᐱᔪᒪᓪᓗᑎᒃ, ᐅᕙᒍᓪᓕ ᓂᐊᖂᓯᕐᑕᐅᓂᖅ ᓄᖑᓐᓂᐊᖏᑦᑐᖅ ᐱᓇᓱᐊᕐᐸᕗᑦ.

ᒨᓯᓯ ᑕᓪᓕᒪᖏᑦ 13:3

ᑍᒤᑦᑐᑦ ᑕᒪᒃᑯᐊ ᓈᓚᒐᒃᓴᕆᓐᖏᓚᓯ ᐅᖃᐅᓯᕆᔭᖏᑦ. ᐊᑕᓂᐅᑉ ᒎᑎᑦᓯ ᐊᑐᑐᐃᓐᓇᕐᒪᒋᑦ ᐆᒃᑐᕐᑕᐅᖁᓪᓗᓯ, ᐊᑕᓂᕐᒥᒃ ᒎᑎᑦᓯᓐᓂᒃ ᐱᓐᓈᕆᔭᖃᓪᓚᕆᖕᒪᖔᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ.

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,

ᒨᓯᓯ ᑕᓪᓕᒪᖏᑦ 8:2

ᐃᖅᑲᐅᒪᔪᒃᓴᐅᕗᓯᑦᑕᐅᖅ ᐊᑕᓂᐅᑉ ᒎᑎᑦᓯ ᖃᓄᖅ ᑕᓯᐅᓚᐅᕐᒪᖔᓯ ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒃᑯᑦ, ᐃᓕᑦᓯᓐᓂᒃ ᒥᑭᒡᓕᑎᕈᓐᓇᕐᓯᖁᓪᓗᓯ, ᖃᐅᔨᓴᕈᒪᓪᓗᓯᓗ ᖃᓄᖅ ᐆᒻᒪᒻᒥᐅᑕᖃᕐᒪᖔᑦᓯ, ᐱᖁᔭᖏᓐᓂᒡᓗ ᓈᓚᒍᒪᓂᐊᕐᒪᖔᑦᓯ, ᓈᓚᒍᒪᓂᐊᖏᒻᒪᖔᑦᓯᓗ.

ᑎᒧᑎᒧᑦ ᐂᑉᐸᖏᑦ 2:15

ᒎᑎᒧᓪᓕ ᐃᒻᒥᓂᒃ ᑐᓂᓕᕆᑦ ᓈᒻᒪᒋᔭᐅᔪᑎᑐᑦ, ᐱᓇᓱᐊᕐᑎ ᐱᓇᓱᐊᒐᕐᒥᓂᒃ ᑲᓐᖑᓲᑎᖃᕆᐊᖃᖏᒻᒪᑦ, ᓱᓕᔪᑦ ᐅᖃᐅᓰᑦ ᐊᑐᑦᓯᐊᕐᓗᒋᑦ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᐄᑉᕈᐃᓄᑦ 10:32

ᐃᖅᑬᓚᐅᕆᑦᓯ ᐊᑐᓚᐅᕐᑕᑦᓯᓐᓂᒃ, ᑍᑦᓱᒪᓂ ᒎᑎᐅᑉ ᖃᐅᒪᓂᖓᓄᑦ ᑐᑭᓯᑎᑕᐅᓯᒪᓕᕐᑎᓪᓗᓯ, ᖃᓄᑐᐃᓐᓈᓗᒃ ᐅᖁᒤᒃᓴᕐᑎᑕᐅᓚᐅᕋᑦᓯ ᐋᓐᓂᐊᑎᑕᐅᓪᓗᓯᓗ,

ᐄᑉᕈᐃᓄᑦ 11:17

ᐅᒃᐱᕐᓂᑯᑦ ᐂᑉᕋᕼᐋᒻ, ᐃᕐᓂᕐᒥᓂᒃ ᐂᓴᑭᒥᒃ ᑐᓂᕐᕈᓯᕋᓱᐊᓚᐅᕐᐳᖅ, ᒎᑎᒧᑦ ᖃᐅᔨᓴᕐᑕᐅᓪᓗᓂ, ᐊᖏᕐᕕᐅᓯᒪᒐᓗᐊᕐᓗᓂ ᐃᕐᓂᑐᐊᓂ ᑐᓂᕐᕈᓯᐅᑎᑐᐃᓐᓇᕆᐊᖃᓕᓚᐅᕐᐹ.

ᐄᑉᕈᐃᓄᑦ 12:5

ᐳᐃᒍᕐᐱᓯᐅᒃ ᐅᖃᐅᓰᑦ ᐱᕙᓪᓕᕐᓇᕐᑐᑦ ᐃᓕᑦᓯᓐᓄᑦ ᐅᖃᐅᓯᐅᓯᒪᔪᑦ ᕿᑐᕐᖓᖃᕐᓂᕋᕐᑐᑦ? “ᐃᕐᓃᒃ, ᐊᑕᓂᐅᑉ ᐋᖅᑭᒋᐊᕐᓯᓂᖓᓂᒃ ᓇᕐᕈᑦᑍᓕᒋᑦ, ᓴᐱᓕᕐᑍᓕᒋᓪᓗ ᑖᑦᓱᒧᖓ ᓱᐊᖓᔭᐅᒍᕕᑦ.

ᐄᑉᕈᐃᓄᑦ 6:15

ᐂᑉᕋᕼᐊᒻᓗ ᕿᓄᐃᓵᓚᐅᕐᓗᓂ, ᐊᖏᕈᑕᐅᓯᒪᔪᒥᒃ ᐱᑎᑕᐅᓚᐅᕐᐳᖅ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᔧᒥᓯᐅᑉ ᐊᒡᓚᖏᑦ 5:11

ᑕᑯᒋᑦ, ᓮᒪᓇᕐᑐᒥᒃ ᐃᓅᓯᖃᓚᐅᕐᓂᕋᕐᐸᕗᑦ ᕿᓄᐃᓵᓚᐅᕐᓂᖏᓐᓄᑦ. ᑐᓴᐅᒪᕙᓯ ᔫᐱᐅᑉ ᕿᓄᐃᓵᕐᓂᕆᓚᐅᕐᑕᖓ, ᑭᖑᓂᖓᒍᓪᓗ ᐊᑕᓂᕐᒧᑦ ᑐᓂᓯᕕᐅᓚᐅᕐᓂᖓ, ᐊᑕᓂᖅ ᓇᓪᓕᒍᓱᒃᔪᐊᕐᒪᑦ ᓂᑲᒍᓱᖕᓂᕐᔪᐊᖃᕐᓗᓂᓗ.

ᐲᑦᑐᕉᓯ ᓯᕗᓪᓖᑦ 3:14

ᐊᒃᓱᕈᕐᑎᑕᐅᒐᓗᐊᕈᑦᓯ ᐃᓗᐊᕐᑐᓕᓂᖅ ᐱᑦᔪᑎᒋᓗᒍ, ᓮᒻᒪᕐᑎᑕᐅᓂᐊᕐᐳᓯ. ᓇᓪᓕᐊᓐᓂᒡᓘᓐᓃᑦ ᓯᕘᕋᓂᐊᕋᓯ, ᐃᓱᒪᔮᕐᓂᐊᕋᓯᓗ.

ᐲᑦᑐᕉᓯ ᓯᕗᓪᓖᑦ 4:13

ᖁᕕᐊᓲᑎᒋᓯᐅᒡᓕ ᙭ᔅᑑᓯᐅᑉ ᓯᕐᓕᕿᑎᑕᐅᓂᕆᓚᐅᕐᑕᖓᓂᒃ ᐃᓚᖏᐅᑎᑎᑕᐅᒐᑦᓯ ᑕᒪᑐᒧᖓ, ᖁᕕᐊᓲᑎᖃᒻᒪᕆᒍᓐᓇᖁᓪᓗᓯ ᓯᕆᓗᓯᓗ ᑖᑦᓱᒪ ᓂᕐᑐᕐᓇᕐᓂᕐᔪᐊᖓ ᓴᖅᑭᑎᑕᐅᒃᐸᑦ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᐲᑦᑐᕉᓯ ᓯᕗᓪᓖᑦ 5:4

ᐰᕐᓯᔩᑦ ᐊᖓᔪᖅᑳᖓᑦ ᓴᖅᑭᑉᐸᑦ ᑕᕝᕙ ᓂᕐᑐᕐᓇᕐᑐᒥᒃ ᓂᐊᖂᓯᕐᑕᐅᔪᒫᕐᐳᓯ ᐱᓐᓇᕐᓇᕐᑐᒥᒃ ᐊᓯᐅᓂᐊᖏᑦᑐᒥᒃ.

ᔪᐊᓇᓯ ᓯᕗᓪᓖᑦ 4:19

ᓇᒡᓕᖕᓂᖃᕐᐳᒍᑦ, ᑖᑦᓱᒪ ᓇᒡᓕᒋᖅᑳᓚᐅᕐᒫᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.