ᐂᓮᐊᓯᐅᑉ ᐊᒡᓚᖏᑦ 9:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᓕᕐᐱᖕᒥᖕᓄᑦ ᓂᕿᒃᓴᓂᒃ ᐊᕐᓵᕐᓯᒐᓗᐊᕐᐳᑦ, ᓱᓕᓕ ᑳᒃᓗᑎᒃ; ᓴᐅᒥᖕᒥᖕᓄᑦ ᓂᕆᓪᓗᑎᒃ ᓄᖒᑦᓯᖓᓗᐊᕐᐳᑦ, ᓱᓕᓕ ᐊᑭᐊᑦᑐᓐᖏᓚᑦ; ᐃᓄᐃᓪᓗ ᐊᑐᓂᑦ ᐊᒡᓛᑦ ᐃᓅᖃᑎᒥ ᑎᒥᖏᓐᓂᒃ ᓂᕆᕗᑦ.

ᐂᓮᐊᓯᐅᑉ ᐊᒡᓚᖏᑦ 9:20 Iomraidhean Croise

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:5

ᓯᓔᑦᑑᑉ ᐊᒡᒐᓂ ᐸᑎᒃᑎᑉᐰᑦ ᐃᒻᒥᓂᒡᓗ ᐅᒋᐊᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 10:4

ᐊᒥᐊᒃᑯᑕᖃᕈᒫᓐᖏᓚᖅ ᐅᑯᔪᐃᓐᓇᐅᔪᒫᕐᒪᑕ ᑎᒍᔭᐅᓯᒪᔪᑦ ᐊᑯᕐᖓᓐᓂ, ᐅᕐᕈᔪᒫᕐᐳᓪᓗ ᑐᖁᑕᐅᓯᒪᔪᑦ ᐊᑯᕐᖓᓐᓄᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 14:30

ᐊᒃᓗᔪᓂᑦ ᐊᔪᕐᓴᕐᓂᕐᐹᑦ ᐃᕐᓂᐊᖑᖅᑳᕐᑐᖁᑎᖏᑦ ᓂᕆᓇᓱᐊᕈᒫᕐᐳᑦ, ᐊᔪᕐᓴᕐᑐᓪᓗ ᓇᓚᔪᒫᕐᐳᑦ ᓯᕘᕋᒋᔭᖃᖏᓪᓗᑎᒃ; ᑐᓐᖓᕕᒃᓯᓕ ᑐᖁᑦᓱᒫᕐᐸᒃᑲ ᑳᖕᓇᕐᑐᕐᔪᐊᒧᑦ, ᐊᒥᐊᒃᑯᖏᓪᓗ ᑐᖁᕋᕈᒫᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 3:1

ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐊᕐᓵᕐᓯᓕᕐᐳᖅ ᔨᕉᓴᓕᒥᑦ ᔫᑎᐊᒥᓪᓗ ᓂᐅᕕᐊᒃᓴᖃᕐᕕᖕᓂᒃ ᓂᐅᕕᕐᕕᖕᓂᒡᓗ, ᓂᐊᖂᔭᒃᓴᓕᒫᓂᒃ ᐃᒥᒃᓴᓕᒫᓂᒡᓗ.

ᐂᓮᐊᓯᐅᑉ ᐊᒡᓚᖏᑦ 49:26

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”

ᐂᓮᐊᓯᐅᑉ ᐊᒡᓚᖏᑦ 5:25

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᐃᑯᐊᓪᓚᓚᐅᕐᐳᖅ ᐃᓄᖁᑎᒥᓄᑦ, ᑕᓕᓂᓗ ᐃᓴᒃᐹ ᑖᒃᑯᓄᖓ ᐱᒋᐊᕈᒪᓪᓗᒋᑦ, ᖃᖅᑬᑦ ᓴᔪᒃᐱᓗᒃᐳᑦ; ᑎᒥᕕᓂᖏᓪᓗ ᐊᖅᑯᑎᓂ ᐃᒋᑕᐅᓯᒪᔪᑎᑐᑦ ᑍᒤᓕᕐᓗᑎᒃ. ᓂᓐᖓᐅᒪᓂᖓ ᓴᖑᓐᖏᓚᖅ ᐊᒡᒐᖏᑦ ᓱᓕ ᐅᕐᓕᕐᑐᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 51:19

ᑖᒃᑯᐊ ᒪᕐᕈᐃᑦ ᐃᓕᖕᓄᑦ ᑎᑭᐅᑎᓯᒪᕘᒃ; ᑭᐊᓕ ᕿᒃᓵᖃᑎᒋᓂᐊᕐᐹᑎᑦ? ᓄᖑᕈᑦᔭᐅᓯᒪᒐᕕᑦ ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᓪᓗᑎᒃ, ᑳᖕᓇᕐᑐᕐᔪᐊᖃᓕᕐᐳᑦ, ᐅᓇᑕᕐᓃᓪᓗ; ᑭᓇᒧᓕ ᓮᒻᒪᕐᓴᕐᑕᐅᓂᐊᓕᕐᐲ?

ᐂᓮᐊᓯᐅᑉ ᐊᒡᓚᖏᑦ 8:21

ᓄᓇᒥ ᐃᓐᖏᕐᕋᔪᒫᕐᐳᑦ ᐅᑯᒤᒃᓴᕐᓗᑎᒃ, ᑳᒡᓗᑎᒡᓗ; ᑳᖕᓂᕐᒧᓪᓗ ᓂᓐᖓᐅᒪᓗᑎᒃ ᐅᖃᕐᓂᕐᓘᑦᔨᔪᒫᕐᐳᑦ ᐊᖓᔪᖅᑳᕐᔪᐊᕐᒥᖕᓂᒃ ᒎᑎᒥᖕᓂᒡᓗ, ᖁᒻᒧᓪᓗ ᑕᑯᓴᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 8:22

ᑭᖑᓂᖓᒍᑦ ᐊᒻᒧᑦ ᑕᑯᓴᕈᒫᕐᐳᑦ ᓄᓇᒧᑦ, ᑕᑯᓗᑎᒡᓗ ᐅᖁᒤᑦᑐᕐᔪᐊᓂᒃ ᑖᕐᑐᕐᔪᐊᒥᒡᓗ, ᐃᓱᒪᔮᕐᓇᕐᑐᒧᑦ ᑖᕐᑐᒧᑦ, ᐂᑎᑕᐅᓗᑎᒃ ᑖᕐᑐᕐᔪᐊᒧᑦ.

ᔨᕆᒤᐊᐅᑉ ᐊᒡᓚᖏᑦ 13:14

ᐃᒻᒥᖕᓅᕐᑎᑦᓱᒫᕐᐸᒃᑲ ᓯᖁᑦᑎᖃᑦᑕᐅᑎᖁᓪᓗᖏᑦ, ᐃᕐᓂᕇᑦ ᐊᑖᑕᒋᑦ, ᐊᑕᓂᖅ ᐅᖃᕐᐳᖅ, ᓂᑲᒋᓂᐊᓐᖏᓚᒃᑲ ᓇᒡᓕᒋᓂᐊᓐᖏᓚᒃᑲᓘᓐᓃᑦ, ᐊᓯᕈᕐᑕᐅᖁᓪᓗᒋᑦ.’”

ᔨᕆᒤᐊᐅᑉ ᐊᒡᓚᖏᑦ 19:9

ᕿᑐᕐᖓᒥᖕᓂᒡᓗ ᓂᕿᖃᓕᕈᒫᕐᐳᑦ, ᐃᒻᒥᖕᓄᓪᓗ ᓂᕆᖃᑦᑕᐅᑎᓕᕐᑎᓪᓗᒋᑦ ᐊᑭᕋᒥᖕᓄᑦ ᐃᓗᔭᐅᓯᒪᓗᑎᒃ ᓴᐱᔭᐅᓯᒪᓂᕐᒥᖕᓄᑦ, ᐊᑭᕋᕐᒥᖕᓂᑦ ᑐᖁᑦᓯᔪᒪᔪᓂᑦ ᑍᒤᑎᑕᐅᓗᑎᒃ.’

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:10

ᐊᓯᕈᕐᑕᐅᓇᕐᑐᑦ ᐃᓄᖁᑎᓐᓄᑦ ᑎᑭᓚᐅᕐᑐᑦ ᑲᑉᐱᐊᓇᕐᑐᕐᔪᐊᖑᓯᒪᓂᖓᓄᑦ ᐊᓈᓇᐅᔪᑦ ᕿᑐᕐᖓᒥᖕᓂᒃ ᓇᒡᓕᒍᓱᒃᑑᒐᓗᐊᑦ ᕿᑐᕐᖓᑎᒃ ᐆᔪᓕᐅᕐᐸᒡᓗᒋᑦ ᓂᕿᒋᓕᓚᐅᕐᐰᑦ.

ᒤᑲᐅᑉ ᐊᒡᓚᖏᑦ 6:14

ᓂᕆᒐᓗᐊᕈᑦᓯ ᐊᕿᐊᑦᑐᕈᓐᓁᓪᓕᓂᐊᕐᐳᓯ, ᑳᖏᓐᓇᓕᕐᓗᓯ ᐊᕿᐊᕈᓯ ᓂᒪᑐᐃᓐᓇᓕᕐᓗᓂ; ᐱᖁᑎᓪᓗ ᑲᑎᕐᓱᕐᑕᕋᓗᐊᓯ ᐊᓯᐅᔨᕙᓪᓕᐊᓗᒋᑦ, ᐱᐅᓕᐊᕋᓗᐊᓯᓗ ᐊᑭᕋᑦᓯᓐᓄᑦ ᐱᔭᐅᔪᒫᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 11:9

ᐅᖃᓚᐅᕐᐳᖓ, “ᓂᕆᑎᓐᓂᐊᕈᓐᓁᕐᐸᑦᓯ, ᑐᖁᓕᕐᑐᑦ ᑐᖁᓕᕐᓕᑦ, ᐊᓯᐅᓕᕐᑐᓪᓗ ᐊᓯᐅᓕᕐᓕᑦ. ᐊᒥᐊᒃᑯᑦ ᐃᓅᖃᑎᒥᖕᓂᒃ ᓂᕿᖃᓕᕐᓕᑦ!”

ᒫᑯᓯᐅᑉ ᐊᒡᓚᖏᑦ 3:24

ᓄᓇᖁᑎᒋᔭᐅᔪᖅ ᐊᖓᔪᖅᑲᐅᕕᖕᓄᑦ ᐊᕕᒃᑐᕐᓗᑎᒃ ᐃᒻᒥᖕᓄᑦ ᐊᑭᕋᕐᑑᑎᓕᕐᐸᑕ, ᑖᒃᑯᐊ ᓄᓇᖃᑎᒌᖑᔪᑦ ᐊᕕᒃᑐᕈᑎᒃ ᐃᓅᖃᑎᒋᒍᓐᓁᓕᓂᐊᕐᐳᑦ.