ᐂᓮᐊᓯᐅᑉ ᐊᒡᓚᖏᑦ 9:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐊᔪᕐᑐᓕᓃᑦ ᐃᑯᐊᓚᖕᒪᑕ ᐃᑯᒪᑎᑐᑦ, ᓄᖒᑦᓯᓪᓗᓂ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒡᓗ; ᐃᑯᐊᓪᓔᓪᓗᑎᒡᓗ ᓇᐹᕐᑐᒐᓴᒡᔪᐊᓂᒃ ᐊᑯᓔᑦᑐᓂᒃ; ᐃᓯᕐᓗᒡᔪᐊᕐᒥᒃ ᖁᒻᒧᐊᒃᑎᑦᓯᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 9:18 Iomraidhean Croise

ᐊᑕᓃᑦ ᓯᕗᓪᓖᑦ 16:21

ᐃᓴᕆᐊᓕᒥᐅᑦ ᐃᓄᖏᑦ ᒪᕐᕈᐃᓕᕗᑦ, ᐊᕝᕙᖏᑦ ᒪᓕᒃᐳᑦ ᑎᑉᓂᒥᒃ ᒋᓇᑎᐅᑉ ᐃᕐᓂᖓᓂᒃ, ᐊᖓᔪᖅᑳᕐᔪᐊᓐᖑᕐᑎᑦᓱᒪᓪᓗᒍ, ᐊᕝᕙᖏᓪᓗ ᒪᓕᒃᐳᑦ ᐅᒻᕆᒥᒃ.

ᐃᓐᖏᕈᑎᑦ 37:20

ᐱᐅᖏᑦᑐᓕᔪᓪᓕ ᐊᓯᕈᕈᒫᕐᐳᑦ; ᐊᑕᓂᐅᓪᓗ ᐊᑭᕋᕐᑐᕐᑎᖏᑦ ᐊᓯᕈᕈᒫᕆᕗᑦ.

ᐃᓐᖏᕈᑎᑦ 68:2

ᐳᔪᖅ ᐅᖓᕙᕐᐸᕐᒪᑦ, ᑍᒫᒃᑕᐅᖅ ᐅᖓᕙᕐᑎᒃᑭᑦ; ᐳᓐᓂᕐᓗ ᐊᐅᒃᐸᖕᒪᑦ ᐃᑯᒪᒧᑦ, ᑍᒫᒃᑕᐅᖅ ᐱᐅᖏᑦᑐᓕᔪᑦ ᓄᖑᑕᐅᓕᑦ ᒎᑎᐅᑉ ᓇᔫᑎᓂᖓᓂ.

ᐃᓐᖏᕈᑎᑦ 83:14

ᓲᕐᓗ ᐃᑯᒪᐅᒃ ᓇᐹᕐᑐᑦ ᐃᑭᑎᒻᒪᒋᑦ, ᓲᕐᓗᑦᑕᐅᖅ ᐃᑯᐊᓚᔪᒧᑦ ᖃᖅᑬᑦ ᐃᑭᑎᑕᐅᕙᖕᒪᑕ,

ᐂᓮᐊᓯᐅᑉ ᐊᒡᓚᖏᑦ 1:31

ᓴᓐᖏᔪᑦ ᐃᑯᐊᓪᓚᒃᓴᐅᑎᐅᔪᒫᕐᐳᑦ, ᐱᓇᓱᐊᕐᓂᖏᓪᓗ ᐊᐅᒫᒡᒋᕐᑐᑎᑐᑦ ᑍᒤᓕᕐᓗᑎᒃ, ᑕᒪᕐᒥᒃ ᑖᒃᑯᐊᒃ ᐃᑯᐊᓚᔪᒫᕐᐴᒃ, ᑭᓇᒧᓪᓘᓐᓃᑦ ᖃᒥᑕᐅᔪᓐᓇᖏᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 1:7

“ᓄᓇᓯ ᐃᓄᖃᕋᓂ ᐊᓯᕈᕐᑕᐅᓯᒪᕗᖅ, ᐃᒡᓗᒐᓴᖁᑎᓯᓗ ᐃᑯᒪᒧᑦ ᓄᖑᑕᐅᓯᒪᕗᑦ; ᑕᑯᓐᓈᕐᑎᓪᓗᓯ ᓄᓇᓕᑐᖃᐅᖏᑦᑐᓄᑦ ᓄᓇᑦᓯᓐᓂᒃ ᐊᕐᓵᕐᑕᐅᓯᒪᕗᓯ; ᐃᓄᖃᕈᓐᓃᕐᑎᑕᐅᓯᒪᕗᖅ, ᓵᓚᐅᓯᒪᓪᓗᓂᓗ ᓄᓇᖃᑎᒋᓐᖏᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 27:4

ᒫᓐᓇ ᑖᑦᓱᒧᖓ ᓂᓐᖓᒃᓯᒪᓐᖏᓚᖓ, ᐅᕐᐱᒐᕐᓂᒃ ᑲᑭᓐᓇᕐᑐᖃᕐᑐᓂᒃ ᐱᕈᕐᕕᐅᓕᕌᖓᑦ ᐃᓱᐊᖏᑦᔪᑎᒃᓴᐅᓂᐊᕐᑐᓂᒃ ᐃᑯᐊᓪᓚᒃᐸᒃᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 3:5

ᐃᓄᐃᑦ ᐃᒻᒥᖕᓄᑦ ᐅᖁᒤᒃᓴᕐᑎᖃᑦᑕᐅᑎᔪᒫᕐᐳᑦ, ᐊᑐᓂᑦ ᐃᓅᖃᑎᒥᖕᓄᑦ, ᓄᓇᖃᑎᒥᖕᓄᓪᓗ; ᐃᓅᓱᒃᑐᐃᑦ ᐅᐱᒍᓱᒍᓐᓃᕈᒫᕐᐳᑦ ᐃᓄᑐᖃᕐᓂᒃ, ᓱᓇᐅᒃᓴᕈᓐᓃᕐᓗᑎᒡᓗ ᐅᐱᒋᔭᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 33:12

ᐃᓄᐃᑦ ᕿᔪᒃᑎᑐᑦ ᐃᑯᒪᒧᑦ ᐊᕐᔭᓕᓂᓐᖑᕐᓯᒪᔪᑎᑐᑦ ᑍᒤᑦᓱᒫᕐᐳᑦ, ᑲᑭᓪᓚᐅᑎᓕᒃᑎᑐᑦ ᓇᑲᑎᕐᑕᐅᓗᑎᒃ ᐃᑯᐊᓪᓚᒃᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 33:14

ᐊᔪᕐᑐᓕᔪᑦ ᓮᐅᓂᒦᑦᑐᑦ ᑲᑉᐱᐊᓱᓕᕐᐳᑦ; ᒎᑎᖃᖏᑦᑐᓪᓗ ᓴᔪᓕᕐᓗᑎᒃ; ᓇᓕᕐᐳᑦ ᐃᓅᔪᓐᓇᕐᐹ ᐃᑯᐊᓚᔪᒥ ᓄᖒᑦᓯᔪᒥ? ᓇᓕᕐᐳᓪᓗ ᐃᓂᖃᕈᓐᓇᕐᐹ ᐃᓱᖃᖏᑦᑐᒧᑦ ᐃᑯᐊᓚᔪᒥ?

ᐂᓮᐊᓯᐅᑉ ᐊᒡᓚᖏᑦ 5:24

ᑍᒤᒻᒪᑦ, ᓲᕐᓗ ᐃᑯᒪᐅᑉ ᐃᑯᐊᓚᔫᑉ ᐃᕕᖕᓂᒃ ᑭᓪᓗᐃᕕᐅᔪᕕᓃᑦ ᓄᖑᒻᒪᒋᑦ, ᓲᕐᓗᓗ ᐃᕕᒃᓱᒐᖅ ᐸᓂᕐᑐᖅ ᐃᑯᒪᒧᑦ ᓄᖑᑕᐅᖕᒪᑦ, ᑍᒫᒃᑕᐅᖅ ᐊᒫᖏᑦ ᐊᐅᓂᐅᓕᕈᒫᕐᐳᑦ, ᐱᕈᕐᑐᖏᑕᓗ ᓂᐊᖁᖏᑦ ᐳᔪᕋᕐᑎᑐᑦ ᑎᒃᑕᐅᔪᒫᕐᐳᑦ; ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᖁᔭᖏᑦ ᒪᓕᒍᒪᓚᐅᖏᒻᒪᒋᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᖁᑎᖓᑕ ᐅᖃᐅᓯᖓ ᓇᕐᕈᒋᓚᐅᕐᒪᑦᔪᒃ.

ᐂᓮᐊᓯᐅᑉ ᐊᒡᓚᖏᑦ 50:11

ᑕᑯᒋᑦ, ᐃᑯᒪᒥᒃ ᐃᑯᐊᓪᓔᔪᓕᒫᑦ, ᖃᕐᔪᓂᒡᓗ ᐃᑯᒪᑎᑦᓯᓪᓗᑎᒃ ᐊᕙᑖᒍᑦ ᐱᓱᒃᑐᑦ: ᐱᓱᒃᐳᓯ ᐃᑯᒪᑎᑕᑦᓯ ᖃᐅᒪᑎᑕᖓᒍᑦ, ᖃᕐᔪᓄᓪᓗ ᐃᑯᒪᑎᑕᑦᓯᓐᓄᑦ! ᑍᒤᑦᑐᒥᒃ ᐱᑎᑕᐅᔪᒫᕐᐳᓯ ᐊᒡᒐᓐᓂᑦ: ᓇᓚᔪᒫᕐᐳᓯᓗ ᐋᓐᓂᐊᑎᑕᐅᓇᕐᑐᒥ.

ᔨᕆᒤᐊᐅᑉ ᐊᒡᓚᖏᑦ 9:3

ᐅᖃᕐᑎᒃ ᐱᑎᒃᓯᑐᑦ ᓂᐅᓐᖓᒃᑎᑉᐰᑦ, ᐅᖃᕆᐊᕈᒪᓪᓗᑎᒃ ᓱᓕᖏᑦᑐᓂᒃ; ᓄᓇᖓᓐᓂ ᓴᒡᓗᓂᖅ ᓵᓚᖃᖔᓕᕐᐳᖅ ᓱᓕᓂᕐᒥᒃ. “ᐃᓄᖁᑎᒃᑲ ᐊᔪᕐᑐᓕᓂᕐᒥᑦ ᐊᔪᕐᑐᓕᓂᕐᒧᑦ ᐅᑎᕐᑕᑐᐃᓐᓇᓕᕐᒪᑕ ᐊᕙᒻᒧᑦ, ᐅᕙᓐᓂᒃ ᐅᖃᐅᓯᖃᕐᑐᖃᓐᖏᓚᖅ ᒎᑎᐅᓂᕋᕐᓗᖓ,” ᐊᑕᓂᖅ ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 13:3

ᑍᒤᒻᒪᑦ ᐊᑦᔨᖃᕈᒫᕐᐳᑦ ᐅᓪᓛᒥ ᐳᔪᕐᑎᑐᑦ ᐅᕝᕙᓗ ᐅᓪᓛᒃᑯᑦ ᖃᑯᐊᕐᓯᒪᔪᑎᑐᑦ ᐊᐅᒃᑕᐅᓕᕋᒥ ᐊᓯᐅᕙᓪᓕᐊᔪᑐᑦ, ᓂᐊᖂᔭᒃᓴᐅᑉ ᓯᓚᑉᐱᐊᖓᑐᑦ ᑎᒃᑕᐅᔪᑎᑐᑦ ᐃᕖᔧᕕᖕᒥᑦ ᐅᕝᕙᓗ ᐳᔫᕐᑐᑎᑐᑦ ᐃᒐᓛᒃᑯᑦ.

ᔪᐃᓕᐅᑉ ᐊᒡᓚᖏᑦ 2:20

ᐅᓇᑕᕐᑐᒃᓮᑦ ᐅᓐᓄᐊᑉ ᓇᓛᓂᑦ ᐱᔪᑦ ᐅᖓᓯᒋᔭᑦᓯᓐᓄᑦ ᐊᐅᓪᓚᕐᑎᑦᓱᒫᕐᐸᒃᑲ, ᓯᖏᓪᓗᒋᑦ ᐃᓄᖃᔪᐃᑦᑐᒧᑦ ᓯᐅᕅᓐᓇᕐᒧᑦ, ᓯᕗᓪᓖᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓄᐃᕕᐊᓄᑦ ᐂᑎᓐᓂᐊᕐᐸᒃᑲ, ᑭᖑᓪᓖᑦ ᐃᒪᕐᔪᐊᕐᒧᑦ ᓯᕿᓂᐅᑉ ᓂᐱᕕᐊᓄᑦ ᐂᑎᓪᓗᒋᑦ. ᑕᕝᕙᓂᓗ ᐃᒍᓇᕈᒫᕐᐳᑦ ᑎᐹᕿᓗᑎᒃ ᐱᐅᖏᑦᑐᐊᓗᖕᒥᒃ ᐃᓕᑦᓯᓐᓄᑦ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᔪᐃᓕᐅᑉ ᐊᒡᓚᖏᑦ 2:3

ᐃᑯᒪᒧᑦ ᓄᖑᑕᐅᕗᑦ ᓯᕗᓂᐊᓃᑦᑐᑦ ᑭᖑᓂᐊᓃᑦᑐᓪᓗ ᐃᑯᐊᓚᕗᑦ; ᓄᓇᓗ ᓯᕗᓂᐊᓃᑦᑐᖅ ᐱᕈᕐᓰᕕᒃ ᐄᑕᓂᒥᐅᖑᔮᕐᑐᖅ, ᑭᖑᓂᐊᓂᓗ ᓄᓇ ᐃᓄᖃᔪᐃᑦᑐᑐᑦ ᑍᒤᓕᕐᐳᖅ, ᑭᓇᓘᓐᓃᑦ ᕿᒫᔪᓐᓇᕐᓂᐊᓐᖏᓚᖅ.

ᐂᒨᓯᐅᑉ ᐊᒡᓚᖏᑦ 7:4

ᐃᒫᒃ ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᒎᑎ ᐱᖁᔨᓚᐅᕐᐳᖅ ᐃᖅᑲᕐᑐᐃᓂᕐᒥᒃ ᐃᑯᒪᒧᑦ, ᑕᕆᐅᖅ ᐃᑎᔪᕐᔪᐊᖅ ᐃᑯᐊᓪᓚᓚᐅᕐᐹ ᓄᓇᓗ ᐃᑯᐊᓪᓚᖃᓯᐅᑎᓕᕐᓗᓂ.

ᐅᐸᑍᐊᑉ ᐊᒡᓚᖏᑦ 1:18

ᔧᑰᑉ ᑭᖑᕚᖏᑦ ᐃᑯᐊᓚᔪᒫᕐᐳᑦ, ᔫᓯᐱᐅᓪᓗ ᑭᖑᕚᖏᑦ ᐃᑯᒪᐅᔪᒫᕐᓗᑎᒃ; ᐄᓴᐅᓪᓗ ᑭᖑᕚᖏᑦ ᑭᑉᐸᑯᑎᑐᑦ ᑍᒤᑦᓱᒫᕐᐳᑦ; ᐊᒥᐊᒃᑯᖃᕈᒫᓐᖏᓚᓪᓗ ᐄᓴᐅᑉ ᑭᖑᕚᖏᑦ; ᐊᑕᓂᖅ ᑍᒫᒃ ᐅᖃᕐᒪᑦ.

ᓇᕼᐅᒥᐅᑉ ᐊᒡᓚᖏᑦ 1:10

ᑲᑭᓪᓚᕐᓇᕐᑎᑐᑦ ᓂᒐᕕᓯᒪᑎᓪᓗᒋᑦ, ᐋᖓᔮᕐᑎᑎᑐᓪᓗ ᐋᖓᔮᕐᑎᓪᓗᒋᑦ, ᓄᖑᑕᐅᔪᒫᕐᐳᑦ ᐃᑯᒪᒧᑦ ᐃᕕᒃᓱᒐᕐᑎᑐᑦ ᑭᓪᓗᕐᑕᐅᓯᒪᓪᓗᑎᒃ ᐸᓂᕐᑐᑎᑐᑦ.

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᒨᓯᓯ ᑕᓪᓕᒪᖏᑦ 32:22

ᓂᓐᖓᐅᓯᕋ ᐃᑯᒪᑎᑐᑦ ᐃᑯᐊᓪᓚᒃᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒦᑦᑐᓕᒫᓂᒡᓗ ᐃᑯᐊᓪᓚᒃᑎᑦᓯᓂᐊᕐᐳᖅ. ᐊᒡᓛᑦ ᓄᓇᕐᔪᐊᑉ ᐊᒃᐸᓯᖕᓂᖓᓃᑦᑐᑦ ᑎᑭᓪᓗᒋᑦ ᖃᖅᑬᓪᓗ ᑐᓐᖓᕕᖏᑦ ᐊᒡᓛᑦ ᑎᑭᓪᓗᒋᑦ.

ᐄᑉᕈᐃᓄᑦ 6:8

ᓄᓇᓕ ᑲᑭᓪᓚᕐᓇᕐᑐᓂᒃ ᐱᕈᕐᓂᕐᓗᒃᑐᓂᒡᓗ ᐱᕈᕐᕕᐅᒃᐸᑦ ᐊᑑᑎᒃᓴᖃᓐᖏᓚᖅ ᓇᕐᕈᒋᔭᐅᓂᖓ ᓇᓗᓇᕈᓐᓃᕐᐸᒃᐳᖅ. ᑭᖑᓪᓕᕐᐹᒥᒃ ᐃᑯᐊᓚᒐᒃᓴᑐᐃᓐᓇᐅᓕᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:11

ᐳᔪᕐᓗ ᐋᓐᓂᐊᑎᑕᐅᑦᔪᑎᒋᔭᖓᑦ ᖁᒻᒧᐊᖕᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᑕᕾᕐᓯᕐᕕᒃᓴᖃᕐᓂᐊᓐᖏᓚᑦ, ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐆᒪᔪᐊᓗᖕᒥᒃ ᐊᑦᔨᖓᓂᒡᓗ ᓴᓇᓯᒪᔪᒥᒃ ᑐᒃᓯᐊᕐᕕᖃᕐᐸᒃᑐᑦ, ᓇᓗᓁᒃᑯᓯᕐᑕᐅᓯᒪᔪᓕᒫᑦ ᐆᒪᔪᐊᓘᑉ ᐊᑎᖓᑕ ᓇᓗᓁᒃᑯᑕᖓᓂᒃ.”