ᐂᓮᐊᓯᐅᑉ ᐊᒡᓚᖏᑦ 9:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᓄᑐᖃᐅᔪᑦ ᐅᐱᒋᔭᐅᔪᓪᓗ ᑕᕝᕙ ᓂᐊᖂᕗᑦ, ᓱᓕᖏᑦᑐᒥᒃ ᓇᓚᐅᑦᑍᕙᒃᑐᑦ ᐃᓕᓮᕙᒃᑐᓪᓗ ᑕᕝᕙ ᐸᒥᐅᖑᕗᑦ;

ᐂᓮᐊᓯᐅᑉ ᐊᒡᓚᖏᑦ 9:15 Iomraidhean Croise

ᐊᑕᓃᑦ ᓯᕗᓪᓖᑦ 13:18

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖃᖓ ᐱᑦᑎᓕᒥᐅᑕᖅ ᐅᖃᓕᕐᐳᖅ ᑖᑦᓱᒧᖓ, “ᐅᕙᖓᑦᑕᐅᖅ ᒎᑎᒧᑦ ᐅᖃᕐᑎᒋᔭᐅᕗᖓ ᐃᕝᕕᑎᑐᑦ, ᐊᑕᓂᖅ ᑎᓕᓯᓯᒪᕗᖅ ᐂᖏᓕᒥᒃ ᐅᖃᐅᑎᔭᐅᖁᓪᓗᑎᑦ ᐊᖏᕐᕋᐅᖃᑎᒋᔭᕆᐊᖃᕋᒃᑭᑦ ᓂᕆᓗᑎᑦ ᐃᒥᕈᓐᓇᖁᓪᓗᑎᑦ.” ᑭᓯᐊᓂ ᑖᓐᓇ ᓴᒡᓗᓪᓗᓂ ᑍᒫᒃ ᐅᖃᕐᐳᖅ.

ᔫᐱᐅᑉ ᐊᒡᓚᖏᑦ 22:8

ᐱᔪᓐᓇᕐᓂᓕᐊᓘᓯᒪᒐᕕᑦ ᓄᓇᖁᑎᖃᕐᓗᑎᓪᓗ, ᐅᐱᒋᔭᐅᓪᓗᑎᓪᓗ ᑕᕝᕙᓂ ᓄᓇᒋᔭᕐᓂ.

ᐂᓮᐊᓯᐅᑉ ᐊᒡᓚᖏᑦ 19:15

ᐄᑦᔨᑉᑎᓕᒫᒥ ᓱᓇᒥᒡᓘᓐᓃᑦ ᐱᓪᓚᕆᒃᑕᖃᕈᓐᓃᕈᒫᕐᐳᖅ ᓯᕗᓕᕐᑎᐅᒐᓗᐊᕈᓂ ᐃᓄᑐᐃᓐᓇᐅᒐᓗᐊᕈᓂᓗ, ᓇᐹᕐᑑᑉ ᐹᒥᒥᒃ ᐊᑎᓕᐅᑉ ᐊᕙᓚᖓᔪᖓ ᐅᕝᕙᓗ ᐃᕕᒡᔪᐊᖅ ᐃᑲᔪᕐᓯᕆᐊᕈᑎᒃᓴᖃᕈᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 23:9

ᐊᑕᓂᐅᑉ ᐊᔪᒐᖄᖏᑦᑑᑉ ᑕᒪᓐᓇ ᐃᓱᒪᓕᐊᕆᓚᐅᕐᐹ, ᐱᔪᓐᓇᕋᓱᒋᓗᐊᕐᓂᖏᑦ ᓇᕐᕈᓇᕐᓯᖁᓪᓗᒋᑦ, ᐃᓄᖏᑕᓗ ᐅᐱᒋᔭᐅᓗᐊᕐᓂᖏᑦ ᑕᒪᕐᒥᒃ ᓇᓗᖅᑯᑎᑦᔪᑎᒃᓴᓐᖑᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 28:15

ᐅᖃᓚᐅᕋᑦᓯ, “ᑐᖁ ᐊᖏᖃᑎᒌᒍᑎᓕᐅᕐᕕᒋᓯᒪᕙᕗᑦ, ᑐᖁᖓᔪᓪᓗ ᐃᓂᖓᑦ ᐊᖏᖃᑎᒋᓯᒪᕙᕗᑦ; ᑏᒐᕈᑎᒧᑦ ᑏᒐᕆᐊᕐᑕᐅᒐᓗᐊᕈᑦᑕ ᐅᕙᑦᑎᓐᓄᑦ ᑎᑭᐅᑎᓂᐊᓐᖏᓚᑦ; ᓴᒡᓗᕿᑦᓯᓂᕐᒥᒃ ᕿᒫᕕᒃᓴᓕᐅᕐᓯᒪᒐᑦᑕ, ᓯᓔᕐᕆᒃᓯᓂᒃᑯᓪᓗ ᓱᓕᖏᑦᑐᒃᑯᑦ ᐅᕙᑦᑎᓐᓂᒃ ᐃᔨᕐᓯᒪᕕᒃᓴᖃᕐᓗᑕ.”

ᐂᓮᐊᓯᐅᑉ ᐊᒡᓚᖏᑦ 28:17

ᓱᓕᔪᒥᒡᓗ ᐃᖅᑲᕐᑐᐃᓂᖅ ᐆᒃᑐᕋᐅᑎᒋᔪᒫᕐᐸᕋ, ᓇᓛᒎᕐᓂᕐᓗ ᒪᑭᑕᑦᓯᐊᓕᕐᑐᕐᓯᐅᑎᒋᓗᒍ, ᑕᕝᕙ ᓇᑕᖅᑯᕐᓁᑦ ᓴᒡᓗᕿᑦᓯᓂᒃᑯᑦ ᕿᒫᕕᐅᕐᓯᒪᔪᓂᒃ ᐲᔧᔪᒫᕐᐳᑦ, ᐃᔨᕐᓯᒪᕕᐅᔪᓪᓗ ᐃᒪᕐᒧᑦ ᑕᑕᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 28:7

ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᐋᖓᔮᓗᐊᕐᓂᕐᒧᑦ ᐅᕐᕈᔮᓕᕐᐳᑦ, ᐃᒥᓗᐊᕐᓂᕐᒧᓪᓗ ᕔᓂᒥᒃ ᓴᓐᖏᔪᒥᒡᓗ ᐅᕐᕈᖃᑦᑕᑐᐃᓐᓇᓕᕐᐳᑦ; ᕔᓂᑐᕐᓂᕐᒧᑦ ᓇᓗᓕᕐᓯᒪᓕᕐᐳᑦ, ᐅᕐᕈᔮᕐᐳᑦ ᐃᒥᓗᐊᒧᑦ ᓴᓐᖏᔪᒧᑦ; ᑕᑯᓐᓇᕐᑕᖏᑦ ᐱᐅᔪᓐᓃᕐᓗᑎᒃ, ᑕᒻᒪᖃᑦᑕᓕᕐᐳᑦ ᐃᖅᑲᕐᑐᐃᓇᓱᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 29:10

ᐊᑕᓂᐅᑉ ᐊᓂᕐᓂᕐᒥᒃ ᑯᕕᓯᕕᒋᖕᒪᓯ ᐃᑎᔪᒥᒃ ᓯᓂᒃᑎᑦᓯᔪᒥᒃ, ᐃᔨᓯᓗ ᐅᐃᑕᔪᓐᓁᓪᓕᑎᓪᓗᒋᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᑕ ᓂᐊᖁᓯ ᐅᓕᒃᐰᑦ, ᓯᕗᓂᒃᓴᒥᒃ ᓇᓚᐅᑦᑍᔩᑦ.

ᐂᓮᐊᓯᐅᑉ ᐊᒡᓚᖏᑦ 3:12

ᐃᓄᖁᑎᒪᓕ ᓱᕈᓰᑦ ᐅᖁᒤᒃᓴᕐᑎᑦᓯᔨᒋᕔᑦ, ᐊᕐᓇᓄᓪᓗ ᐊᐅᓚᑕᐅᓪᓗᑎᒃ. ᐃᓄᖁᑎᒃᑳ, ᑕᓯᐅᕐᑎᑦᓯᓐᓄᑦ ᑕᒻᒪᕐᑎᑕᐅᓯᒪᕗᓯ, ᐊᖅᑯᑎᒋᔭᕆᐊᖃᕐᑕᑦᓯᓐᓂᒡᓗ ᓇᓗᓕᕐᑎᑕᐅᓯᒪᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 3:5

ᐃᓄᐃᑦ ᐃᒻᒥᖕᓄᑦ ᐅᖁᒤᒃᓴᕐᑎᖃᑦᑕᐅᑎᔪᒫᕐᐳᑦ, ᐊᑐᓂᑦ ᐃᓅᖃᑎᒥᖕᓄᑦ, ᓄᓇᖃᑎᒥᖕᓄᓪᓗ; ᐃᓅᓱᒃᑐᐃᑦ ᐅᐱᒍᓱᒍᓐᓃᕈᒫᕐᐳᑦ ᐃᓄᑐᖃᕐᓂᒃ, ᓱᓇᐅᒃᓴᕈᓐᓃᕐᓗᑎᒡᓗ ᐅᐱᒋᔭᐅᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 43:27

ᓯᕗᓕᑦᓯ ᓯᕗᓪᓕᕐᐹᕕᓂᖓᑦ ᐊᔪᕐᑐᓕᓚᐅᕐᐳᖅ, ᐃᑲᔪᕐᑎᒋᔭᓯᓗ ᐊᔪᕐᑐᓕᓚᐅᕐᐳᑦ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 5:13

ᑍᒤᒻᒪᑦ ᐃᓄᖁᑎᒃᑲ ᐊᐅᓪᓚᕈᑦᔭᐅᓚᐅᕐᐳᑦ ᑎᒍᔭᐅᓪᓗᑎᒃ, ᖃᐅᔨᒪᓇᓱᓚᐅᖏᓐᓇᒥᒃ; ᐊᖑᑎᑦ ᐅᐱᓐᓇᕐᑐᖁᑎᖏᑦ ᑳᖕᓂᕐᒧᑦ ᐱᕐᓕᓕᕐᐳᑦ, ᐃᓄᒐᓴᒡᔪᐊᖁᑎᖏᓪᓗ ᐃᒥᕈᖕᓂᕐᒧᑦ ᖀᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 59:3

ᐊᒡᒐᓯ ᐊᐅᖕᒧᑦ ᓴᓗᒤᓕᓯᒪᖕᒪᑕ, ᐊᒡᒐᑦᓯᓗ ᐃᓄᒐᓐᖑᐊᖏᑦ ᐊᔪᕐᑐᓕᓂᕐᒧᑦ ᓴᓗᒤᓕᓯᒪᕗᑦ; ᖃᓂᓯ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕐᐳᑦ, ᐅᖃᓯᓗ ᐊᔪᕐᑐᓕᔪᒪᓂᕐᒥᒃ ᐅᖃᐅᓯᖃᕐᐸᒃᓗᓂ.

ᐂᓮᐊᓯᐅᑉ ᐊᒡᓚᖏᑦ 59:4

ᓈᒻᒪᑦᓯᐊᕐᑐᒥᒃ ᐊᑐᕋᓱᐊᕐᑐᖃᓐᖏᓚᖅ ᐃᖅᑲᕐᑐᐃᕕᖕᒥ, ᐱᖁᔭᓕᕆᕕᖕᒥ ᓱᓕᖏᑦᑐᓂᒃ ᐅᖃᕐᐸᒃᐳᑦ; ᓱᓕᓂᖃᖏᑦᑐᓂᒃ ᓴᐳᓐᓂᐊᕈᑎᖃᕐᐸᒃᐳᑦ ᓴᒡᓗᕙᒃᓗᑎᒡᓗ; ᐱᐅᖏᑦᑐᒥᒃ ᓄᑕᕋᒃᓴᓕᐅᕋᒥᒃ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐸᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 23:32

ᑕᑯᒋᑦ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᓱᓕᖏᑦᑐᓂᒡᓗ ᓯᓐᓇᒃᑐᕐᓂᕋᖃᑦᑕᕐᑐᑦ, ᐊᑕᓂᖅ ᐅᖃᕐᐳᖅ, ᐅᖃᐅᓯᕐᒥᖕᓄᑦ ᐃᓄᖁᑎᒃᑲ ᑕᒻᒪᕐᑎᑉᐰᑦ ᓱᓕᖏᑦᑐᓂᒃ ᐅᖃᐅᓯᖃᕐᓂᕐᒥᖕᓄᑦ ᐱᐅᔪᕆᑦᔪᑎᒋᓪᓗᒋᓪᓗ, ᑎᓕᓯᒪᓐᖏᓚᒃᑲ ᐅᖃᖁᓗᒋᑦ; ᑍᒤᒻᒪᑦ ᐅᖃᓪᓚᖃᑦᑕᕐᓂᖏᑦ ᐃᓄᖁᑎᓐᓄᑦ ᐱᕚᓪᓕᕈᑕᐅᖏᑦᓯᐊᕐᐳᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 23:9

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᓪᓗᒋᑦ: ᐆᒻᒪᑎᒐ ᐃᓗᓐᓂ ᓯᖁᒥᓯᒪᕗᖅ, ᓴᐅᓂᒃᑲᓗ ᓴᔪᒡᐳᑦ; ᐋᖓᔮᕐᑐᑎᑐᑦ ᑍᒤᓕᕐᐳᖓ, ᕔᓂᒥᒃ ᐃᒥᓗᐊᕐᑐᕕᓂᕐᑎᑐᑦ, ᐊᑕᓂᖅ ᐱᑦᔪᑎᒋᓪᓗᒍ ᐅᖃᐅᓯᖏᓪᓗ ᐃᑦᔪᕐᓁᑦᑐᑦ ᐱᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:14

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑕ ᑕᑯᑎᑕᐅᓂᖏᑦ ᓱᓕᓐᓂᖏᒻᒪᑕ ᐊᑑᑎᖃᕋᑎᒡᓗ, ᐊᔪᕐᑐᓕᓯᒪᓂᑦᓯᓐᓂᒃ ᑕᑯᑎᑦᓯᓚᐅᖏᒻᒪᑕ ᑎᒍᔭᐅᖁᓇᓯ, ᐊᔪᕆᕐᑐᐃᑦᔪᑎᒋᔭᖏᑦ ᓱᓕᖏᒻᒪᑕ ᑕᒻᒪᕐᑎᑦᓯᓪᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 13:19

ᓇᕐᕈᓇᕐᑎᑉᐸᑦᓯᓐᖓ ᐃᓄᖁᑎᒪ ᐊᑯᕐᖓᓐᓂ ᓂᐊᖂᔭᒃᓴᓄᑦ ᑎᒍᒥᐊᓪᓗᐊᕐᑕᑦᓯᓐᓄᑦ ᓂᐊᖂᔭᓄᓪᓗ ᐊᒡᒍᕐᓂᑯᓄᑦ, ᑐᖁᒐᔭᖏᑦᑐᓂᒃ ᑐᖁᑎᑦᓯᖃᑦᑕᕐᐳᓯ ᐃᓅᔭᕆᐊᖃᖏᑦᑐᓂᒡᓗ ᐃᓅᑎᑦᓯᕙᒃᓗᓯ, ᓱᓕᖏᑦᑐᓂᒃ ᐃᓄᖁᑎᒃᑲ ᐅᖃᐅᑎᖃᑦᑕᕋᑦᓯᐅᒃ, ᓈᓚᒃᐸᒃᓗᑎᒡᓗ ᓴᒡᓗᓂᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 13:22

“ᓴᐱᓕᕐᑎᑦᓯᖃᑦᑕᕋᑦᓯ ᐃᓄᖕᓂᒃ ᐃᓱᐊᕐᑐᓕᔪᓂᒃ ᓱᓕᖏᑦᑐᓄᑦ, ᓴᐱᓕᕐᑎᓯᒪᓐᖏᑕᓐᓂᒃ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᕐᒧᑦ ᑲᔪᖏᕐᓴᖃᑦᑕᕋᑦᓯᒋᒃ, ᕿᒤᖁᔨᖃᑦᑕᖏᓐᓇᑦᓯ ᐱᐅᖏᑦᑐᓕᓂᕐᒥᖕᓂᒃ ᐃᓅᓯᕐᒥᖕᓂᒃ ᐱᐅᓕᓯᖁᓇᒋᑦ;

ᕼᐆᓯᐊᑉ ᐊᒡᓚᖏᑦ 9:8

ᐃᕗᕅᑎᐅᑉ ᖃᐅᔨᓴᕐᑎᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᒋᕚ, ᒎᑎᒪ ᐃᓄᖁᑎᖏᓐᓂ, ᑍᒪᓐᖓᓪᓕ ᓂᒐᕐᑎᑕᐅᓇᓱᐊᕐᐳᖅ ᐆᒥᓱᒃᑎᒧᑦ, ᒎᑎᖓᑕᓗ ᐃᒡᓗᖓᓂ ᐆᒥᒋᔭᐅᕗᖅ.

ᐂᒨᓯᐅᑉ ᐊᒡᓚᖏᑦ 2:4

“ᔫᑕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᓇᕐᕈᓕᓚᐅᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᒪᓕᒃᑕᐅᖁᔭᖏᓐᓂᒡᓗ. ᓱᓕᖏᑦᑐᓄᑦ ᐃᒻᒥᖕᓂᒃ ᑕᒻᒪᕐᑎᒻᒪᑕ, ᓯᕗᓕᖏᑕ ᐱᐅᓯᕆᓚᐅᕐᑕᖏᑎᑐᑦ.

ᒤᑲᐅᑉ ᐊᒡᓚᖏᑦ 3:5

“ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐃᓄᖁᑎᒃᑲ ᑕᒻᒪᕐᑎᑕᐅᕗᑦ ᓇᓚᐅᑦᑍᓂᕐᓗᒃᑐᓄᑦ, ᓮᓕᑦᓯᐊᕐᓂᕐᒥᒃ ᐊᖏᕈᑎᖃᕐᐸᒃᐳᑦ ᓂᕆᑎᑦᓯᔨᒥᖕᓂᒡᓗ, ᓂᕿᒃᓴᖃᕐᑎᑦᓯᖏᑦᑐᓄᓪᓗ ᓯᕘᕋᓵᕆᕙᒃᑐᑦ ᐅᓇᑕᕆᐊᕐᑐᕐᓂᐊᕐᓂᕋᕐᓗᒋᑦ.

ᒪᓚᑬᑉ ᐊᒡᓚᖏᑦ 2:9

ᑍᒤᒻᒪᑦ ᓇᕐᕈᒋᔭᐅᓕᕐᑎᑉᐸᑦᓯ ᐃᓕᕋᒃᑯᓐᓇᕐᓯᑎᓪᓗᓯᓗ ᐃᓄᐃᑦ ᓯᕗᕌᓂ, ᐊᖅᑯᑎᒋᔭᐅᖁᔭᒃᑲ ᐊᑐᓚᐅᖏᓐᓇᑦᓯᐅᒃ ᐱᖁᔧᓪᓗ ᐃᓔᓐᓇᖏᓐᓂᒃ ᐊᔪᕆᕐᑐᐃᓚᐅᕋᑦᓯ.”

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᔪᐊᓇᓯ ᓯᕗᓪᓖᑦ 4:1

ᓇᒡᓕᒋᔭᒃᑲ, ᐊᓂᕐᓃᑦ ᑕᒪᕐᒥᒃ ᐅᒃᐱᕆᓂᐊᕋᓯᒋᒃ, ᐊᓂᕐᓃᓪᓕ ᐆᒃᑐᕐᓯᒋᒃ ᒎᑎᒥᑦ ᐱᖕᒪᖔᑕ; ᐊᒥᓱᑦ ᓇᓚᐅᑍᔫᓐᖑᐊᕐᑐᑦ ᓇᒧᑐᐃᓐᓇᖅ ᐂᓯᒪᖕᒪᑕ ᓯᓚᕐᔪᐊᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᓴᒧᐃᓕ ᓯᕗᓪᓖᑦ 9:6

ᐱᔨᖓ ᑭᐅᕗᖅ, “ᑕᑯᒋᑦ, ᑕᕝᕙᓂ ᐃᒡᓗᒐᓴᖕᓂ ᐊᖑᒻᒥᒃ ᒎᑎ ᐃᓄᖁᑎᖃᕐᐳᖅ, ᐃᒃᐱᒋᔭᐅᑦᓯᐊᕐᑐᒥᒃ; ᐅᖃᕐᑕᕕᓂᓕᒫᖏᓪᓗ ᓇᓪᓕᐅᑦᓯᕙᒃᓗᑎᒃ. ᑍᑯᓐᖓᓚᐅᕐᑕ; ᐃᒻᒪᖄ ᐅᖃᐅᑎᔪᓐᓇᕐᐹᑎᒍᑦ ᓇᒧᓐᖓᕐᑐᒃᓴᐅᓂᑦᑎᓐᓂᒃ.”