ᐂᓮᐊᓯᐅᑉ ᐊᒡᓚᖏᑦ 9:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓯᕆᐊᒥᐅᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐱᓕᔅᑍᓂᒥᐅᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᑦ; ᐃᓴᕆᐊᓕᒥᐅᓂᒃ ᐄᓯᔪᒫᕐᐳᑦ ᖃᓂᑎᒃ ᐂᑦᑕᕐᓗᒋᑦ. ᑕᒪᒃᑯᐊᓕ ᑕᒪᕐᒥᒃ ᓂᓐᖓᐅᓯᖓᑕ ᓄᖅᑲᐅᑎᒋᔪᒫᓐᖏᓔᑦ, ᓱᓕᓕ ᐊᒡᒐᖏᑦ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 9:12 Iomraidhean Croise

ᐊᑕᓃᑦ ᐂᑉᐸᖏᑦ 16:6

ᑍᑦᓱᒪᓂᐅᑎᓪᓗᒍᑦᑕᐅᖅ ᐄᑐᒥᒥᐅᑦ ᐊᖓᔪᖅᑳᕐᔪᐊᖓᑦ ᕆᔨᓐ ᐅᓇᑕᕐᓂᒃᑯᑦ ᓵᓚᖃᕐᓗᑎᒃ ᐃᓚᑎᒥᐅᓂᒃ ᑎᒍᓯᓚᐅᕐᐳᑦ, ᔫᑕᒥᐅᓪᓗ ᑕᕝᕙᓃᑦᑐᑦ ᕿᒫᓚᐅᕐᐳᑦ ᐃᓚᑎᒥᑦ, ᐄᑐᒥᒥᐅᓪᓗ ᑕᕝᕙᓂ ᓄᓇᑖᓚᐅᕐᐳᑦ, ᐅᓪᓗᒥᒧᑦ ᓱᓕ ᑖᓐᓇ ᓄᓇᒋᕚᑦ.

ᑯᕉᓂᑲ ᐂᑉᐸᖏᑦ 28:18

ᐱᓕᔅᑍᓂᒥᐅᓪᓗ ᑎᑭᑉᐳᑦ ᐃᒡᓗᒐᓴᖕᓄᑦ ᓄᓇᓄᑦ ᐊᑦᑎᖕᓂᕐᓴᓃᑦᑐᓄᑦ ᔫᑕᐅᓪᓗ ᓯᕿᓂᐊᓃᑦᑐᓄᑦ, ᓄᓇᓖᓪᓗ ᐅᑯᐊ ᑎᒍᕔᑦ ᐱᑦ-ᓯᒥᔅ, ᐂᔭᓚᓐ, ᒋᑎᕉᑎ, ᓲᑯ ᓄᓇᓕᖏᓪᓗ, ᑎᒻᓇ ᓄᓇᓕᖏᓪᓗ, ᒋᒻᔪ ᓄᓇᓕᖏᓪᓗ, ᑍᑲᓂᓗ ᓄᓇᑖᕐᓗᑎᒃ.

ᐃᓐᖏᕈᑎᑦ 79:7

ᐃᓄᖁᑎᑎᑦ ᔧᑯᒃᑯᑦ ᓄᖑᓚᐅᕐᐰᑦ; ᐃᒡᓗᖏᓪᓗ ᓯᖁᑦᑎᒻᒪᕆᒃᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 10:4

ᐊᒥᐊᒃᑯᑕᖃᕈᒫᓐᖏᓚᖅ ᐅᑯᔪᐃᓐᓇᐅᔪᒫᕐᒪᑕ ᑎᒍᔭᐅᓯᒪᔪᑦ ᐊᑯᕐᖓᓐᓂ, ᐅᕐᕈᔪᒫᕐᐳᓪᓗ ᑐᖁᑕᐅᓯᒪᔪᑦ ᐊᑯᕐᖓᓐᓄᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 11:14

ᐊᐅᕐᓵᕐᑐᑎᑐᓪᓕ ᐊᒻᒧᐊᒍᒫᕐᐴᒃ ᐱᓕᔅᑍᓂᒥᐅᓄᑦ ᐅᓇᑕᕆᐊᕐᓗᑎᒃ; ᑐᓄᐊᓐᓂᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ; ᑲᑐᑦᔨᓗᑎᒃ ᐊᕐᓵᕐᓂᔪᒫᕐᐳᑦ ᓯᕿᓂᐅᑉ ᓄᐃᕕᐊᓂᒥᐅᓂᒃ; ᐱᔪᓐᓇᕐᓂᖃᕐᓗᑎᒃ ᐅᓇᑕᕆᐊᕈᒫᕐᐳᑦ ᐄᑐᒥᒥᐅᓂᒃ ᒧᐊᐱᒥᐅᓂᒡᓗ, ᐊᒧᓁᑎᒥᐅᓪᓗ ᑖᒃᑯᓂᖓ ᓈᓚᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 31:1

ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᐂᓮᐊᓯᐅᑉ ᐊᒡᓚᖏᑦ 5:25

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᐃᑯᐊᓪᓚᓚᐅᕐᐳᖅ ᐃᓄᖁᑎᒥᓄᑦ, ᑕᓕᓂᓗ ᐃᓴᒃᐹ ᑖᒃᑯᓄᖓ ᐱᒋᐊᕈᒪᓪᓗᒋᑦ, ᖃᖅᑬᑦ ᓴᔪᒃᐱᓗᒃᐳᑦ; ᑎᒥᕕᓂᖏᓪᓗ ᐊᖅᑯᑎᓂ ᐃᒋᑕᐅᓯᒪᔪᑎᑐᑦ ᑍᒤᓕᕐᓗᑎᒃ. ᓂᓐᖓᐅᒪᓂᖓ ᓴᖑᓐᖏᓚᖅ ᐊᒡᒐᖏᑦ ᓱᓕ ᐅᕐᓕᕐᑐᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 9:17

ᑍᒤᒻᒪᑦ ᐊᑕᓂᐅᑉ ᖁᕕᐊᒋᔪᓐᓃᕐᐰᑦ ᐃᓅᓱᒃᑐᖁᑎᖏᑦ, ᓇᒡᓕᒍᓱᒐᓂᓗ ᐃᓕᐊᕐᔪᖁᑎᖏᓐᓂᒃ ᐅᐃᒡᒐᕐᓂᖁᑎᖏᓐᓂᒡᓗ; ᐃᓘᓐᓇᑎᒃ ᑕᒃᑯᕐᒨᕐᒪᑕ ᐱᐅᖏᑦᑐᓕᓪᓗᑎᒡᓗ, ᐃᓘᓐᓇᑎᒡᓗ ᖃᓂᖏᑦ ᐱᐅᖏᑦᑐᐊᓗᖕᓂᒃ ᐅᖃᓪᓚᖃᑦᑕᕐᐳᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 9:21

ᒫᓇᓯᐅᑉ ᑭᖑᕚᖏᑕ ᐃᕗᕅᒥᐅᑉ ᑭᖑᕚᖏᑦ ᓂᕆᔪᒫᕐᐰᑦ, ᐃᕗᕅᒥᐅᓪᓗ ᑭᖑᕚᖏᑦ ᒫᓇᓯᐅᑉ ᑭᖑᕚᖏᑦ ᓂᕆᖕᒥᓗᒋᑦ, ᑖᒃᑯᐊᓗ ᑲᑐᑦᔨᓗᑎᒃ ᔫᑕᐅᑉ ᑭᖑᕚᖏᓐᓄᑦ ᓵᑦᓱᒫᕐᐳᑦ. ᑕᒪᑐᒧᖓᓕ ᓱᓕ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᔪᒫᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 10:25

ᓂᓐᖓᐅᑦᔨᓃᑦ ᑲᔪᓯᑎᓕᕈᒃ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ, ᐊᑎᕐᓄᓪᓗ ᑐᒃᓯᐊᕐᐸᖏᑦᑐᓄᑦ, ᔧᑰᑉ ᑭᖑᕚᖏᓐᓂᒃ ᐊᓯᕈᐃᓯᒪᖕᒪᑕ; ᓄᖑᕈᑎᑦᓯᐊᕐᓗᒍ ᓄᓇᖓᓐᓂᒡᓗ ᓄᓇᒋᔭᒃᓴᐅᔪᓐᓃᕐᑎᑦᓯᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 15:7

ᐱᕈᕐᓰᕕᓕᕆᔩᑦ ᓴᓃᔭᐅᑎᖏᓐᓄᑦ ᑎᒃᑕᐅᕋᕐᑎᑦᓱᒫᕐᐸᑦᓯ ᐊᓄᕆᒧᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᓐᓂ; ᕿᒃᓵᒃᑎᓐᓂᐊᕐᐸᒃᑲ, ᐊᓯᕈᕐᓗᒋᓪᓗ ᐃᓄᖁᑎᒃᑲ; ᐱᐅᓯᕐᒥᖕᓂᒃ ᕿᒤᓚᐅᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 35:11

ᓂᐱᑯᓁᓴᐅᓪᓕ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓄᓇᕗᑦ ᓵᓚᒋᓕᕐᒪᒍ ᐅᖃᓚᐅᕐᐳᖑᑦ, ᔨᕉᓴᓕᒧᐊᕈᒪᓪᓗᑕ ᑲᐅᓪᑎᐊᒥᐅᑦ ᓯᕆᐊᒥᐅᓪᓗ ᐅᓇᑕᕐᑎᖁᑎᖏᓐᓂᑦ ᕿᒫᔪᒪᓪᓗᑕ ᑍᒪᓐᖓᑦ ᑕᕝᕙ ᔨᕉᓴᓕᒥᐅᑕᐅᓕᕐᐳᒍᑦ.”

ᔨᕆᒤᐊᐅᑉ ᐊᒡᓚᖏᑦ 4:8

ᐆᒪᔪᑦ ᒥᖅᑯᕕᓂᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᓕᕆᑦᓯ, ᐅᒡᒍᐊᕐᓂᕐᒧᑦ ᕿᐊᔪᐊᓘᓕᕆᑦᓯ, ᐊᑕᓂᐅᑉ ᓂᓐᖓᕕᒃᔪᐊᕐᓂᖓᑕ ᑐᓄᓐᓂᐊᕈᓐᓃᕐᒪᓯ.”

ᐃᓯᑭᐊᓕᐅᑉ ᐊᒡᓚᖏᑦ 16:27

“ᑕᑯᒋᑦ ᑍᒤᒻᒪᑦ, ᑕᓕᕋ ᐅᕐᓕᓕᕐᐳᖅ ᐃᓕᑦᓯᓐᓄᑦ, ᐱᑖᕆᔭᒃᓴᓯ ᒥᑭᒡᓕᒋᐊᕐᐸᒃᑲ, ᐱᓕᔅᑍᓂᒥᐅᓄᑦ ᑐᓂᕙᑦᓯ ᐱᑖᕈᒪᔪᓄᑦ ᐆᒥᒋᔨᑦᓯᓐᓄᑦ, ᐃᓕᖅᑯᓯᑦᓯᓐᓂᒃ ᓈᒻᒪᖏᑦᑐᓂᒃ ᑲᓐᖑᓲᑎᖃᕐᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 6:14

ᐱᔪᓐᓇᕐᓂᓐᓄᑦ ᓄᓇᒋᔭᖓ ᐱᒋᐊᕈᒫᕐᐸᕋ, ᐃᓄᖃᕈᓐᓃᕐᑎᓪᓗᒍ ᐊᑐᕐᑐᒃᓴᐅᔪᓐᓃᕐᑎᓪᓗᒍᓗ, ᓄᓇᒋᔭᓕᒫᖏᓐᓂ, ᐃᓄᖃᖏᑦᑐᒥᑦ ᕆᑉᓚᒧᑦ ᑎᑭᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᒐᒪ.”

ᕼᐆᓯᐊᑉ ᐊᒡᓚᖏᑦ 7:10

ᐃᓴᕆᐊᓕᒥᐅᑦ ᐃᓄᖏᑕ ᐱᐅᔪᕆᓂᖏᑦ ᐃᒻᒥᖕᓄᑦ ᐊᑭᕋᕐᑐᕐᐳᑦ; ᓱᓕᓕ ᐅᑎᓚᐅᓐᖏᓚᑦ ᐊᑕᓂᕐᒧᑦ ᒎᑎᒥᖕᓄᑦ, ᑖᑦᓱᒥᖓᓗ ᕿᓂᓚᐅᕋᑎᒃ, ᑕᒪᒃᑯᐊ ᐊᑐᕐᑎᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 4:10

“ᖃᓄᐃᓐᓇᕐᑐᓂᒃ ᐱᑎᑦᓯᓚᐅᕐᐳᖓ ᐊᑯᓐᓇᑦᓯᓐᓄᑦ ᐄᑦᔨᑉᑎᒥᐅᑎᑐᑦ, ᐃᓅᓱᒃᑐᖁᑎᓯᓗ ᑐᖁᓚᐅᕐᐸᒃᑲ ᓴᕕᒡᔪᐊᒧᑦ, ᕿᒻᒥᕐᔪᐊᓯᓗ ᑎᒍᔭᕕᓂᓯ ᑐᖁᓚᐅᕐᐸᒃᑲ; ᑕᖕᒫᕐᓯᒪᕕᑦᓯᓗ ᒪᒤᑦᑐᓐᖑᕐᑎᓚᐅᕐᐸᒃᑲ ᑕᒪᑐᒥᖓ ᓁᒪᑎᓚᐅᕐᐸᑦᓯ; ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 4:11

“ᐃᓚᓯ ᐃᓚᖏᑦ ᐊᓯᕈᓚᐅᕐᐸᒃᑲ, ᒎᑎᐅᑉ ᓱᑑᒪᒥᒃ ᒍᒨᕋᒥᒡᓗ ᐊᓯᕈᐃᓂᕆᓚᐅᕐᑕᖓᑎᑐᑦ, ᕿᔪᒃᑐᑦ ᐃᑯᒪᔪᑎᑐᑦ ᑍᒤᓚᐅᕐᐳᓯ ᐃᑯᒪᒥᑦ ᐊᒧᔭᐅᔪᑎᑐᑦ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 4:6

“ᑳᒃᑎᓚᐅᕐᐸᑦᓯ ᐃᒡᓗᒐᓴᓕᒫᓂ, ᓂᕿᒃᓴᖃᕐᑎᓚᐅᓐᖏᓚᑦᓯᓗ ᐃᓂᒋᔭᑦᓯᓐᓂ. ᓱᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 4:8

ᑕᕝᕙ ᒪᕐᕉᒃ ᐱᖓᓱᓪᓘᓐᓃᑦ ᐃᒡᓗᒐᓮᑦ ᐃᓄᖏᑦ ᐃᒡᓗᒐᓴᖕᓄᑦ ᐊᓯᖏᓐᓄᑦ ᐃᒥᕐᓯᐅᕆᐊᓚᐅᕐᐳᑦ ᐃᒥᕈᒪᓪᓗᑎᒃ, ᓇᓂᓯᓚᐅᓐᖏᓚᓪᓕ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 4:9

“ᐱᕈᕐᓰᕕᓯ ᕔᓂᓕᐅᕐᕕᓯᓗ ᖁᐱᕐᕈᓄᑦ ᐅᖁᖕᒧᓪᓗ ᐱᔭᐅᑎᓚᐅᕐᐸᒃᑲ, ᕔᓂᓕᐅᕐᕕᓯ, ᓇᐹᕐᑐᖁᑎᓯᓗ ᐱᒋᓕᒃᓮᑦ, ᓇᐹᕐᑐᖁᑎᓯᓗ ᐅᕐᓱᒃᓴᓖᑦ, ᐱᒡᓕᕐᑕᐅᔮᕐᑐᓄᑦ ᓇᐹᕐᑐᐃᑦ ᓂᕆᔭᐅᑎᓚᐅᕐᐸᒃᑲ, ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᔨᐸᓁᐊᐅᑉ ᐊᒡᓚᖏᑦ 1:6

ᐊᑕᓂᖕᒥᒡᓗ ᕿᒤᓯᒪᔪᑦ ᒪᓕᒃᑐᕕᓂᐅᒐᓗᐊᕐᓗᑎᒃ, ᐊᑕᓂᕐᒥᒡᓗ ᕿᓂᖏᑦᑐᑦ ᖃᐅᔨᓇᓱᐊᖏᑦᑐᓪᓗ.”

ᔨᐸᓁᐊᐅᑉ ᐊᒡᓚᖏᑦ 3:2

ᓈᓚᓚᐅᖏᒻᒪᑦ ᐊᑕᓂᐅᑉ ᓂᐱᖓᓂᒃ, ᐋᖅᑭᒋᐊᕐᑕᐅᔪᒪᓚᐅᖏᒻᒪᓗ, ᑕᑎᖃᓚᐅᖏᒻᒪ ᐊᑕᓂᕐᒥᒃ, ᒎᑎᒥᓄᑦ ᖃᓪᓕᒋᐊᓚᐅᖏᒻᒪᑦ.

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’