ᐂᓮᐊᓯᐅᑉ ᐊᒡᓚᖏᑦ 8:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑍᒤᒻᒪᑦ, ᑕᑯᒋᑦ ᐊᑕᓂᐅᑉ ᑎᑭᑕᐅᑎᓐᓂᐊᓕᕐᐰᑦ ᑰᖕᒧᑦ ᐃᒪᕐᔪᐊᕐᒧᑦ, ᓲᖑᔪᕐᔪᐊᒧᑦ ᐊᖏᔪᕐᔪᐊᒧᓪᓗ, ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᓐᓇᕐᓇᕐᓂᕐᔪᐊᖓᓄᓪᓗ; ᑰᖕᒧᑦ ᖄᒥᑕᐅᔪᑎᑐᑦ ᕾᕈᓱᓕᒫᖏᑦ ᓱᓪᓗᓕᒫᖏᓪᓗ ᑰᒐᓛᓕᒫᖏᓪᓗ ᑕᑕᑕᐅᔪᒫᕐᐳᖅ ᐅᓕᒃᑕᐅᓗᑎᒃ;

ᐂᓮᐊᓯᐅᑉ ᐊᒡᓚᖏᑦ 8:7 Iomraidhean Croise

ᒨᓯᓯ ᓯᕗᓪᓖᑦ 6:17

ᑕᑯᒋᑦ, ᐅᓕᕕᒃᔪᐊᖃᕐᑎᑦᓱᒫᕐᐸᕋ ᓄᓇᕐᔪᐊᓕᒫᖅ, ᐆᒪᔪᓕᒫᑦ ᓄᓇᒥ ᓄᖑᑕᐅᖁᓪᓗᒋᑦ, ᑕᒪᕐᒥᒃ ᐊᓂᕐᓂᖃᕐᑐᑦ ᕿᓚᐅᑉ ᐊᑖᓂ; ᓱᓇᑐᐃᓐᓁᓪᓗ ᓄᓇᒦᑦᑐᓕᒫᑦ ᑐᖁᖁᓪᓗᒋᑦ.

ᐊᑕᓃᑦ ᐂᑉᐸᖏᑦ 19:32

ᑍᒤᒻᒪᑦ ᑕᕝᕙ ᐊᑕᓂᐅᑉ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᐅᓯᕆᓚᐅᕐᐹ, ᐃᒡᓗᒐᓴᒡᔪᐊᓄᑦ ᐃᑎᕐᓂᐊᓐᖏᓚᖅ ᖃᕐᔪᒥᒡᓘᓐᓃᑦ ᐊᑕᐅᓯᕐᒥᒃ ᐱᓯᒋᐊᕈᑎᖃᕐᓂᐊᓐᖏᓚᖅ, ᐅᓇᑕᕐᑎᒥᒃ ᐊᒡᕖᕋᐅᓯᔭᕐᑐᒥᒃ ᐊᑕᐅᓯᕐᒥᒡᓘᓐᓃᑦ ᐃᒡᓗᒐᓴᒡᔪᐊᑦ ᖃᓂᒋᔭᖓᓄᐊᕐᑐᖃᕐᓂᐊᓐᖏᓚᖅ, ᐊᕙᑕᖏᕐᓯᓯᒪᑦᔪᑎᓂᒃ ᐃᓂᓕᐅᕆᓯᒪᓂᐊᓐᖏᓚᑦ ᐊᔪᓕᕐᑎᑦᓯᓯᒪᑦᔪᑎᒋᓇᓱᐊᕐᑕᒥᓂᒃ.

ᐄᓱᕋᐅᑉ ᐊᒡᓚᖏᑦ 4:10

ᐃᓅᖃᑎᒌᑦ ᐊᓯᖏᑦ ᐃᓚᒋᓪᓗᒋᑦ ᑖᑦᓱᒪ ᐱᓯᑎᒻᒪᕆᐊᓘᑉ ᐋᓐᓴᓈᐸᐅᑉ ᐊᐅᓪᓚᐅᑎᔭᕕᓂᖏᑦ ᓄᓇᖏᓐᓂᑦ ᓄᓇᑖᕐᑎᓪᓗᒋᓪᓗ ᐃᒡᓗᖓᓴᖕᓂ ᓴᒥᐊᕆᐊᒥ ᐊᓯᖏᓐᓂᓗ ᐃᕗᕅᑎᐅᑉ ᓴᐅᒥᖔᖓᓂᒥᐅᑦ ᓄᓇᖓᓂ.”

ᐃᓐᖏᕈᑎᑦ 46:4

ᑰᒃᑕᖃᕐᐳᖅ, ᑰᒐᓛᖏᑦ ᖁᕕᐊᓱᒃᑎᑦᓯᔪᓂᒃ ᒎᑎᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᐃᑦᔪᕐᓁᑦᑐᕕᒃ ᑐᐱᕐᔪᐊᖅ ᖁᑦᓯᖕᓂᕐᐹᑉ ᐃᓂᖓ,

ᐃᓐᖏᕈᑎᑦ 72:8

ᐊᖓᔪᖅᑲᐅᕕᖃᕈᒫᕐᐳᖅ ᐃᒪᕐᐱᖕᒥᑦ ᐃᒪᕐᐱᖕᒧᑦ ᑎᑭᓪᓗᒍ, ᑰᖕᒥᓪᓗ ᐃᕗᕅᑎᒥᑦ ᓄᓇᕐᔪᐊᑉ ᐃᓱᐊ ᑎᑭᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 10:16

ᑍᒤᒻᒪᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖃᓂᒻᒪᓯᕐᒥᒃ ᓴᓗᒃᑎᓐᓇᕐᑐᒥᒃ ᑎᑭᑎᑦᓯᔪᒫᕐᐳᖅ ᐅᓇᑕᕐᑐᒃᓴᓄᑦ ᖁᐃᓂᔪᓄᑦ, ᑖᑦᓱᒪᓗ ᐱᓐᓇᕐᓇᕐᓂᖓᑕ ᐊᐅᓚᑕᖓᓂ ᐃᑯᐊᓪᓚᒃᑐᖃᕈᒫᕐᐳᖅ, ᐃᑯᒪᐅᑉ ᐃᑯᐊᓚᓂᖓᑐᑦ ᑍᒤᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 10:5

ᑲᑉᐱᐊᓐᓇᒦᒃ ᐊᓯᕆᐊ, ᓂᓐᖓᐅᓯᕐᒪ ᐊᓇᐅᓕᕈᑎᒋᔭᖓ, ᐊᔭᐅᑉᐱᐊᓐᓂᒡᓗ ᑎᒍᒥᐊᕐᑎᑕᕋ ᓂᓐᖓᐅᒪᕕᒋᔭᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 11:15

ᐊᑕᓂᐅᓪᓗ ᐊᓯᕈᑦᓯᐊᕈᒫᕐᐹ ᐄᑦᔨᑉᑎᐅᑉ ᐃᒪᖓᑕ ᑲᖏᕐᓱᐊ; ᐊᓄᕆᕐᔪᐊᖃᕐᑎᑦᓯᓗᓂ ᐆᓇᕐᑐᒥᒃ ᐃᕗᕅᑎᐅᑉ ᑰᒡᔪᐊᖓ ᓵᓐᖓᔪᒫᕐᐹ, ᐊᓇᐅᔪᒫᕐᐹ 7ᐅᓕᖅᑲᖓᔪᓂᒃ ᑰᖃᓕᕐᑎᓪᓗᒍ, ᐃᓄᐃᓪᓗ ᐃᑳᖃᑦᑕᓕᕈᒫᕐᐳᑦ ᐱᓱᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 28:15

ᐅᖃᓚᐅᕋᑦᓯ, “ᑐᖁ ᐊᖏᖃᑎᒌᒍᑎᓕᐅᕐᕕᒋᓯᒪᕙᕗᑦ, ᑐᖁᖓᔪᓪᓗ ᐃᓂᖓᑦ ᐊᖏᖃᑎᒋᓯᒪᕙᕗᑦ; ᑏᒐᕈᑎᒧᑦ ᑏᒐᕆᐊᕐᑕᐅᒐᓗᐊᕈᑦᑕ ᐅᕙᑦᑎᓐᓄᑦ ᑎᑭᐅᑎᓂᐊᓐᖏᓚᑦ; ᓴᒡᓗᕿᑦᓯᓂᕐᒥᒃ ᕿᒫᕕᒃᓴᓕᐅᕐᓯᒪᒐᑦᑕ, ᓯᓔᕐᕆᒃᓯᓂᒃᑯᓪᓗ ᓱᓕᖏᑦᑐᒃᑯᑦ ᐅᕙᑦᑎᓐᓂᒃ ᐃᔨᕐᓯᒪᕕᒃᓴᖃᕐᓗᑕ.”

ᐂᓮᐊᓯᐅᑉ ᐊᒡᓚᖏᑦ 28:17

ᓱᓕᔪᒥᒡᓗ ᐃᖅᑲᕐᑐᐃᓂᖅ ᐆᒃᑐᕋᐅᑎᒋᔪᒫᕐᐸᕋ, ᓇᓛᒎᕐᓂᕐᓗ ᒪᑭᑕᑦᓯᐊᓕᕐᑐᕐᓯᐅᑎᒋᓗᒍ, ᑕᕝᕙ ᓇᑕᖅᑯᕐᓁᑦ ᓴᒡᓗᕿᑦᓯᓂᒃᑯᑦ ᕿᒫᕕᐅᕐᓯᒪᔪᓂᒃ ᐲᔧᔪᒫᕐᐳᑦ, ᐃᔨᕐᓯᒪᕕᐅᔪᓪᓗ ᐃᒪᕐᒧᑦ ᑕᑕᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 28:2

ᑕᑯᒋᑦ, ᐊᑕᓂᖅ ᓂᕈᐊᕐᓯᓯᒪᓕᕇᕐᐳᖅ ᓴᓐᖏᔪᕐᔪᐊᒥᒃ ᓯᕘᕋᔪᐃᑦᑐᒥᒃ; ᑎᑭᑲᓪᓚᒍᓐᓇᕐᑐᒥᒃ ᓇᑕᖅᑯᕐᓇᓕᕐᑐᑎᑐᑦ ᐊᖅᑯᓇᕐᔪᐊᑎᑐᓪᓗ, ᓯᓚᓗᕕᒡᔪᐊᕐᑐᑎᑐᓪᓗ, ᐅᓗᑦᔭᐅᔪᑐᓪᓘᓐᓃᑦ, ᑖᑦᓱᒪ ᓄᓇᕐᔪᐊᖅ ᑕᒪᒃᑯᓂᖓ ᑎᑭᑕᐅᑎᑦᓱᒫᕐᐹ ᑲᑉᐱᐊᓇᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 59:19

ᓯᕿᓂᐅᑉ ᓂᐱᕕᐊᑕ ᓇᓛᓂᒥᐅᑦ ᐃᓄᖏᑦᑕ ᐊᑕᓂᐅᑉ ᐊᑎᖓ ᓯᕘᕋᒋᔪᒫᕐᐹᑦ, ᓯᕿᓂᐅᓪᓗ ᓄᐃᕕᐊᑕ ᓇᓛᓂᒥᐅᑦ ᐃᓄᖏᑦᑕ ᓂᕐᑐᕐᓇᕐᓂᖓ ᐃᓕᕋᒋᔪᒫᕐᐸᑦ; ᐊᑭᕋᕐᑐᕐᑎᖓ ᑎᑭᑉᐸᑦ ᓱᑲᑦᑐᒥᒃ ᑰᒃᑐᑎᑐᑦ, ᐊᑕᓂᐅᑉ ᐊᓂᕐᓂᖓ ᒪᑭᓪᓗᓂ ᓵᑦᓯᔪᒫᕐᐳᖅ ᑖᑦᓱᒥᖓ.

ᐂᓮᐊᓯᐅᑉ ᐊᒡᓚᖏᑦ 7:17

“ᐊᑕᓂᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓂᒃ ᑎᑭᑎᑦᓯᓛᖕᒪᑦ ᐃᓕᖕᓄᑦ ᐃᓄᖁᑎᑦᓯᓐᓄᓪᓗ ᓯᕗᓕᕕᓂᑦᓯᓗ ᑭᖑᕚᖏᓐᓄᑦ ᑲᑉᐱᐊᓇᕐᑐᒥᒃ ᑍᒫᒃ ᑲᑉᐱᐊᓇᕐᑎᒋᔪᖃᓚᐅᕐᓯᒪᓐᖏᓚᖅ ᐃᕗᕅᒥᐅᑦ ᔫᑕᒥᑦ ᐊᕝᕗᑎᓚᐅᕐᓂᖓᑕ ᑭᖑᓂᖓᒍᑦ.

ᐂᓮᐊᓯᐅᑉ ᐊᒡᓚᖏᑦ 7:20

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᕿᐅᕐᑍᔨᒃᓴᒥᒃ ᑰᒑᓘᑉ ᐊᑭᐊᓂᑦ ᑎᓕᓯᔪᒫᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᒻᒪᕆᖓᓐᓂᒃ, ᑖᑦᓱᒪᓗ ᐅᓐᖏᔭᕐᑕᐅᑎᑦᓱᒫᕐᐹᓯ ᕿᐅᕐᑕᕐᑕᐅᑎᓪᓗᓯᓗ, ᓂᐅᓯᓗ ᒥᖅᑯᐃᔭᕐᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 47:2

“ᐃᒫᒃ ᐊᑕᓂᖅ ᐅᖃᕐᐳᖅ: ᑕᑯᒋᑦ ᐅᓐᓄᐊᓪᓗᐊᑉ ᓇᓛᓂᑦ ᐃᒪᕐᑎᑐᑦ ᐅᓕᑉᐸᓪᓕᐊᔪᑎᑐᑦ ᑍᒤᑦᑐᕐᑕᖃᓕᕐᐳᖅ. ᓄᓇᓕᓕᒫᑦ ᐃᒪᐅᑦᔭᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᐃᑲᔪᕐᑕᐅᔪᒪᓗᑎᒃ, ᓄᓇᖃᕐᑐᑦ ᕿᐊᔪᐊᓘᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:42

ᑕᕆᐅᑉ ᐅᓕᑎᓐᓂᖓᓄᑦ ᐹᐱᓘᓂᒥᐅᑦ ᑎᑭᑕᐅᔪᒫᕐᐳᑦ, ᐃᖏᐅᓕᒡᔪᐊᖏᓐᓄᓪᓗ ᐅᓕᒃᑕᐅᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 26:19

“ᑕᕝᕙ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᒡᓗᒐᓴᓯ ᓯᖁᑦᑎᕐᑕᐅᑎᒃᑯᒃᑭᑦ, ᐃᒡᓗᒐᓴᒃᑎᑐᑦ ᐃᓄᖃᕈᓐᓃᕐᑐᑎᑐᑦ, ᐃᑎᔪᒧᑦ ᑎᑭᑕᐅᑎᒃᑯᒃᑭᑦ, ᐃᒪᕐᔪᐊᕐᒧᓪᓗ ᐅᓕᒃᑕᐅᒍᕕᑦ,

ᑖᓂᐊᓕᐅᑉ ᐊᒡᓚᖏᑦ 11:10

“ᑖᑦᓱᒪᓕ ᐃᕐᓂᖏᑦ ᐸᕐᓇᓕᕈᒫᕆᕗᑦ ᐅᓇᑕᕐᑐᒃᓴᓂᒡᓗ ᐅᓄᕐᑐᕐᔪᐊᓂᒃ ᑲᑎᑦᓯᓗᑎᒃ, ᐃᖏᕐᕋᔪᒫᕐᐳᑦ ᐃᒪᕐᑐᑦ ᐊᑭᕋᕐᑐᕐᑕᐅᔪᓐᓇᖏᓪᓗᓂ ᐅᓕᒃᓯᕙᓪᓕᐊᔪᑎᑐᑦ, ᐅᓇᑕᕈᒫᕐᐳᓪᓗ ᓄᓇᓕᒃᔪᐊᖏᑦ ᑎᑭᐅᒪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 11:22

ᐅᓇᑕᕐᑐᒃᓴᒐᓴᒡᔪᐊᑦ ᓴᓂᕐᑕᐅᔪᑎᑐᑦ ᓵᓚᒋᔪᒫᕐᐰᑦ; ᐊᖓᔪᖅᑳᕐᔪᐊᒃᓴᕐᓗ ᐊᖏᖃᑎᒌᒍᑕᐅᓯᒪᔪᖅ ᑐᖁᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 9:26

ᓇᓪᓕᐅᓐᓃᑦ 62 7ᐃᕐᑐᕐᓯᒪᔪᑦ ᐊᓂᒍᕐᐸᑕ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᑐᖁᑕᐅᔪᒫᕐᐳᖅ ᐃᒻᒥᓂᒃ ᐱᑦᔪᑎᒋᓇᓂ: ᐊᖓᔪᖅᑳᕐᓗ ᑎᑭᑦᓱᒫᕐᐳᖅ ᐃᒡᓗᒐᓮᑦ ᓱᕋᒃᑎᕐᓗᒋᑦ ᐃᑦᔪᕐᓁᑦᑐᕕᒡᓗ. ᐃᓱᐊ ᑕᕝᕙ ᓇᓪᓕᐅᑎᔪᒫᕐᐳᖅ ᓄᓇᑐᑦ ᖄᒥᑦᑐᒥᑦ ᑎᑭᑕᐅᔪᑐᑦ; ᐅᓇᑕᕐᓂᕐᓗ ᑲᔪᓰᓐᓇᕈᒫᕐᐳᖅ ᐃᓱᐊᓄᑦ, ᑲᑉᐱᐊᓇᕐᑐᑦ ᐊᑐᕈᒫᕐᓂᖏᑦ ᐋᖅᑭᒃᑕᐅᔭᕇᕐᒪᑕ.

ᐂᒨᓯᐅᑉ ᐊᒡᓚᖏᑦ 8:8

ᓄᓇ ᑕᒪᑐᒧᖓ ᓴᔪᒃᐱᓪᓚᖕᓂᐊᓐᖏᓛᖅ? ᓄᓇᖃᕐᑐᓪᓗ ᑕᒫᓂ ᐅᒡᒍᐊᕐᓂᐊᓐᖏᓛᑦ? ᑰᒃᑎᑐᑦ ᓁᓕᑐᑦ ᖄᒥᑦᓱᒫᕐᐳᖅ, ᖃᑉᐳᑑᕐᓂᖓᓄᓪᓗ ᐃᖅᑲᑦᑕᕐᑕᐅᓚᐅᕐᓗᑎᒃ, ᑰᑭᒡᓕᖕᒥᓗᓂᓗ ᓁᓕᑐᑦ ᐄᑦᔨᑉᑎᐅᑉ ᑰᖓᑐᑦ.”

ᐂᒨᓯᐅᑉ ᐊᒡᓚᖏᑦ 9:5

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ, ᓄᓇᕐᔪᐊᖅ ᐊᒃᑐᕐᒪᒍ ᐊᐅᒃᐳᖅ, ᓄᓇᖃᕐᑐᓪᓗ ᑕᕝᕙᓂ ᑕᒪᕐᒥᒃ ᐃᓚᓐᖓᕐᑐᑐᑦ ᕿᐊᓕᕐᐳᑦ, ᓄᓇᓕᒫᖅ ᑰᒃᑐᑦ ᓁᓕᑐᑦ ᖄᒥᑦᑐᑐᑦ ᑍᒤᓕᕐᐳᖅ; ᐃᒤᕐᒥᓗᓂᓗ ᐄᑦᔨᑉᑎᐅ ᑰᖓᑐᑦ ᓁᓕᑐᑦ.

ᒤᑲᐅᑉ ᐊᒡᓚᖏᑦ 1:9

ᔫᑕᐅᑉ ᑭᓪᓕᖏᑦ ᒪᒥᑎᑕᐅᔪᓐᓇᓐᖏᓚᑦ; ᐊᓯᕈᕐᑕᐅᓂᖅ ᔨᕉᓴᓕᐅᑉ ᐃᑎᕐᑕᕐᕕᖓᓃᓕᕐᐳᑦ, ᐃᓄᖁᑎᒪ ᓄᓇᖓᓂ.

ᒤᑲᐅᑉ ᐊᒡᓚᖏᑦ 5:4

ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

ᓇᕼᐅᒥᐅᑉ ᐊᒡᓚᖏᑦ 1:8

ᐅᓗᑦᔭᐅᔪᑎᑐᑦ ᐊᑭᕋᕐᑐᕐᑎᓂ ᐊᑕᖏᕐᓗᒋᑦ ᓄᖑᑦᓱᒫᕐᐰᑦ, ᐊᑭᕋᕐᑐᕐᑎᓂᓗ ᕿᒫᑎᑦᓱᒫᕐᐰᑦ ᑖᕐᑐᕐᔪᐊᕐᒧᑦ.

ᓘᑲᓯᐅᑉ ᐊᒡᓚᖏᑦ 6:48

ᐃᒫᒃ ᐊᑦᔨᖃᕐᐳᑦ; ᐃᓄᒃ ᐃᒡᓗᓕᐅᕐᑐᖅ; ᓄᓇ ᐃᓗᑐᔪᒥᒃ ᐃᑎᕐᓴᓕᐅᕐᓗᒍ, ᕾᕐᑐᖅ ᑎᑭᓐᓇᒥᐅᒃ ᑐᓐᖓᕕᓕᐊᕆᕚ ᐃᒡᓗᓕᐊᒥᓄᑦ; ᑰᒑᓗᒃ ᖄᒥᓕᕐᒪᑦ, ᐃᒡᓗᒧᓪᓗ ᑰᓕᕐᒪᑦ, ᐃᒡᓗ ᐊᐅᓚᑦᔭᒍᓐᓇᓐᖏᓚᖅ ᑐᖓᕕᖃᑦᓯᐊᕐᒪᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:15

ᐂᖏᓕᐅᓪᓗ ᐅᖃᐅᑎᕚᖓ, “ᐃᒪᕐᔪᐊᑦ ᑕᑯᓯᒪᔭᑎᑦ, ᐊᕐᓇᐅᑉ ᐊᖑᓐᓂᐊᕐᑎᐅᑉ ᐃᒃᓯᕚᕐᕕᒋᔭᖏᑦ, ᐃᓅᕗᑦ ᐃᓄᒐᓴᒡᔪᐊᖑᓪᓗᑎᒡᓗ ᐃᓅᖃᑎᒌᒡᔪᐊᖑᕗᑦ ᐅᖃᐅᓯᖃᖃᑎᒌᖏᑦᑐᑦ.