ᐂᓮᐊᓯᐅᑉ ᐊᒡᓚᖏᑦ 8:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑕᑯᒋᑦ, ᐅᕙᖓ ᓱᕈᓯᕐᓂᒃ ᐃᓚᖃᕐᐳᖓ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᐅᕙᓐᓄᑦ! ᓇᓗᓁᒃᑯᑕᐅᕗᒍᑦ ᑲᒪᓇᕐᑐᓕᓂᐅᓪᓗᑕᓗ ᐃᓴᕆᐊᓕᒥ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ, ᓮᐅᓂᒥ ᖃᖅᑲᒥ ᐃᓂᖃᕐᑐᒥᑦ.

ᐂᓮᐊᓯᐅᑉ ᐊᒡᓚᖏᑦ 8:18 Iomraidhean Croise

ᒨᓯᓯ ᓯᕗᓪᓖᑦ 33:5

ᐄᓴᓗ ᑕᑯᓴᕋᒥ ᑕᑯᕗᖅ ᐊᕐᓇᓂᒃ ᕿᑐᕐᖓᖏᓐᓂᒡᓗ, ᐊᐱᕆᓪᓗᓂᓗ, “ᐅᑯᐊᓕ ᑭᓇᒃᑯᑦ ᐃᓚᒋᔭᑎᑦ?” ᔧᑰᑉ ᑭᐅᕚ, “ᐅᑯᐊ ᒎᑎᐅᑉ ᐱᑦᓯᐊᕐᓂᕐᒥᓄᑦ ᐱᔨᖕᓄᑦ ᑐᓂᓯᒪᔭᖏᑦ.”

ᑯᕉᓂᑲ ᓯᕗᓪᓖᑦ 23:25

ᑍᕕᑎ ᐅᖃᓚᐅᕐᒪᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐃᓄᖁᑎᒥᓂᒃ ᐅᓇᑕᕐᑕᐅᔪᓐᓃᕐᑎᑦᓯᕗᖅ; ᐃᓂᖃᖁᓪᓗᒋᑦ ᔨᕉᓴᓕᒥ ᐃᓱᖃᖏᑦᑐᒧᑦ;

ᐃᓐᖏᕈᑎᑦ 22:30

ᑭᖑᕚᖃᕈᒫᕐᐳᖅ ᐱᔨᑦᓯᕐᑐᓂᒃ ᑖᑦᓱᒥᖓ; ᓯᕗᓂᕐᒥ ᐃᓅᔪᒫᕐᑐᑦ ᐊᑕᓂᕐᒥᒃ ᐅᖃᐅᑎᔭᐅᔪᒫᕐᐳᑦ.

ᐃᓐᖏᕈᑎᑦ 71:7

ᐅᓄᕐᑐᓄᑦ ᑲᒪᓂᐊᕈᑕᐅᕙᒃᐳᖓ, ᐃᕝᕕᓪᓕ ᓴᓐᖏᔫᓪᓗᑎᑦ ᕿᒫᕕᒃᓴᕆᕙᒋᑦ.

ᐃᓐᖏᕈᑎᑦ 9:11

ᐊᑕᓂᖅ ᓂᕐᑐᕈᑎᓂᒃ ᐃᓐᖏᕐᕕᒋᓯᐅᒃ, ᓮᐅᓂᒥ ᐃᓂᖃᕐᑐᖅ: ᐱᓂᐊᕐᓂᖏᓪᓗ ᐃᓄᖕᓄᑦ ᐅᖃᐅᑎᒋᓕᕐᓯᐅᒃ.

ᐃᓐᖏᕈᑎᑦ 9:12

ᑐᖁᑦᓯᔪᕕᓂᕐᓂᒃ ᐊᑭᓂᐊᕐᐸᒃᑑᑉ, ᑖᒃᑯᐊ ᐃᓱᒪᒋᕙᒃᐰᑦ; ᐅᖁᒤᒃᓴᕐᑎᑕᐅᓂᕐᒧᓪᓗ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓂᖏᑦ ᐳᐃᒍᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 14:32

ᖃᓄᕐᓕ ᑭᐅᔭᐅᓂᐊᓕᕐᐹᑦ ᐱᓕᔅᑎᐊᒥᑦ ᑐᓴᕐᑎᑦᓯᔭᕐᑐᕐᑐᑦ? “ᐅᖃᐅᑎᔪᒫᕐᐸᕗᑦ ᐊᑕᓂᖅ ᐃᓂᖃᕐᓂᕋᕐᓗᒍ ᓮᐅᓂᒥ ᐃᓄᖁᑎᖏᓪᓗ ᐊᒃᓱᕈᕐᑎᑕᐅᓯᒪᔪᑦ ᓮᓕᓇᕐᑐᒥᒃ ᐃᓂᒃᓴᕐᓯᔪᒫᕐᐳᑦ ᑍᑲᓂ.”

ᐂᓮᐊᓯᐅᑉ ᐊᒡᓚᖏᑦ 20:3

ᑕᕝᕙ ᐊᑕᓂᖅ ᐅᖃᕐᐳᖅ, “ᐱᔨᒐ ᐂᓮᐊᓯ ᐊᕐᕌᒍᓂᒃ ᐱᖓᓱᓂᒃ ᐱᓱᑲᑕᖃᑦᑕᓚᐅᕐᐳᖅ ᐃᑎᒐᒍᑎᖃᕋᓂ ᐊᓐᓄᕌᖃᕋᓂᓗ, ᑕᒪᓐᓇ ᓇᓗᓁᒃᑯᑕᐅᕗᖅ ᑲᒪᓇᕐᑑᓪᓗᓂᓗ ᐄᑦᔨᑉᑎᒥᐅᑦ ᐃᑎᐅᐱᐊᒥᐅᓪᓗ ᐱᐅᓯᕆᔪᒫᕐᑕᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 24:23

ᑕᖅᑭᖅ ᑖᕐᓯᔪᒫᕐᐳᖅ ᓯᕿᓂᕐᓗ ᖃᐅᒪᔪᓐᓃᕐᓗᓂ, ᐊᑕᓂᖅ ᐊᔪᒐᖃᖏᑦᑐᖅ ᐊᐅᓚᑦᓯᓕᕈᒫᕐᒪᑦ, ᔨᕉᓴᓕᒥ ᓮᐅᓂᐅᑉ ᖃᖅᑲᖓᓂ, ᐃᓄᐃᓪᓗ ᐊᖓᔪᖅᑳᖏᑕ ᐱᓐᓇᕐᓇᕐᓂᕐᔪᐊᖓ ᑕᑯᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 53:10

ᐊᑕᓂᐅᓪᓕ ᐱᔪᒪᔭᕆᓚᐅᕐᒪᒍ ᑎᒡᓘᔭᓕᕐᑎᑕᐅᓚᐅᕐᐳᖅ; ᕿᒃᓵᖕᓇᕐᑐᒦᑎᑕᐅᓪᓗᓂ; ᐃᒻᒥᓂᒃ ᑐᓂᕐᕈᓯᐅᑎᓪᓗᓂ ᐊᔪᕐᑐᓕᓂᕐᓄᑦ, ᑭᖑᕚᒥᓂᒡᓕ ᑕᑯᔪᒫᕆᕗᖅ, ᐃᓅᓯᖓᓗ ᐅᐃᒍᔭᐅᔪᒫᕐᐳᖅ; ᐊᑕᓂᐅᓪᓗ ᐱᔪᒪᔭᖓ ᐊᔪᖏᑦᓯᐊᕐᓗᓂ ᐱᓇᓱᐊᕈᑎᒋᔪᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 7:16

ᓄᑲᑉᐱᐊᕐᓗ ᓇᖕᒥᓂᕐᓱᕐᓗᓂ ᐊᑐᕆᐊᖃᕐᑕᒥᓂᒃ ᓂᕈᐊᕈᓐᓇᓕᖅᑳᕐᑎᓐᓇᒍ ᐱᐅᖏᑦᑐᖅ ᓇᕐᕈᒋᓗᒍ ᐱᐅᔪᕐᓕ ᓂᕈᐊᖔᕐᓗᒍ, ᑍᒃᑯᐊᒃ ᐊᖓᔪᖅᑳᕐᔪᐊᒃ ᐃᓕᖕᓂᒃ ᓯᕘᕋᓵᕆᔫᒃ ᓄᓇᒋᔭᖏᒃ ᐃᓄᖃᕈᓐᓃᕈᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 7:3

ᑕᕝᕙ ᐊᑕᓂᖅ ᐂᓮᐊᓯᒧᑦ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᐂᕼᐊᔅ ᐅᐸᓚᐅᕈᒃ ᐃᕐᓃᑦ ᓯᐊ-ᔭᓲᑉ ᐱᖃᑎᒋᓗᒍ, ᑕᓯᐅᑉ ᖁᓪᓕᐅᑉ ᐊᖅᑯᑎᖓᓂ ᑕᑯᓂᐊᕐᐸᓯᒃ, ᑰᓕᐊᕆᓯᒪᔫᑉ ᐃᓱᐊᓂ ᐃᕐᕈᕐᑐᐃᕕᖕᒥᑦ ᑰᒃᑐᒥ.

ᐂᓮᐊᓯᐅᑉ ᐊᒡᓚᖏᑦ 8:3

ᑭᖑᓂᖓᒍᓪᓕ ᐊᕐᓇᒧᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᐊᕐᐳᖓ ᓄᑕᕋᒃᓴᕐᑖᕐᐳᕐᓗ, ᐃᕐᓂᕐᒥᒡᓗ ᐃᕐᓂᕗᖅ, ᐊᑕᓂᐅᑉ ᐅᖃᐅᑎᕚᖓ, “ᐊᑎᖃᕐᑎᑦᔪᒃ ‘ᑮᓇᐅᔭᕐᑖᑲᐅᕐᑐᕐᓂᖅ, ᐊᓯᐅᔨᑲᐅᕐᑐᕐᓂᕐᓗ,’ ‘ᒥᕼᐊ-ᓴᕼᐊᓚ-ᕼᐊᔅ-ᐸᔾ’;

ᔨᕆᒤᐊᐅᑉ ᐊᒡᓚᖏᑦ 44:29

ᐃᓕᑦᓯᓐᓄᑦ ᓇᓗᓁᒃᑯᑕᐅᓕᕐᓕ ᑕᕝᕙᓂ ᓄᓇᒋᔭᑦᓯᓐᓂ ᓱᒋᐊᕈᒫᕋᑦᓯ, ᐊᑕᓂᖅ ᐅᖃᕐᐳᖅ, ᓯᕘᕋᓮᓂᕆᔭᒃᑲ ᐃᓕᑦᓯᓐᓂᒃ ᑍᒤᓕᖕᒊᓐᓇᕐᓂᐊᕐᒪᑕ ᐊᑐᓕᖏᓐᓂᓕᒫᒥᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 12:6

ᑕᑯᓐᓇᕐᑎᓪᓗᒋᑦ ᓇᒃᓴᒐᒃᓴᑎᑦ ᐃᕐᓲᑎᔭᒃᓴᕆᕙᑎᑦ, ᑖᕐᑎᓪᓗᒍ ᐃᕐᓱᓕᕐᓗᒋᑦ; ᒪᑐᐊᕐᑐᒃᓴᐅᕗᑎᑦ ᓄᓇ ᑕᑯᓐᓇᕐᓂᐊᖏᓐᓇᕕᐅᒃ; ᓇᓗᓁᒃᑯᑕᒃᓴᓐᖑᕐᑎᓐᓇᒃᑭᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ.”

ᐃᓯᑭᐊᓕᐅᑉ ᐊᒡᓚᖏᑦ 14:8

ᑍᒤᓕᐅᕐᑐᖅ ᓵᓐᓂᐊᕐᐸᕋ, ᓇᓗᓁᒃᑯᑕᓐᖑᕐᑎᓪᓗᒍ ᐅᖃᐅᓯᐅᖃᑦᑕᕐᓗᓂ ᐅᓗᕆᐊᒋᔭᒃᓴᐅᖁᓪᓗᒍ ᐃᓄᖁᑎᓐᓄᓪᓗ ᐃᓚᒋᔭᐅᔪᓐᓃᕐᑎᓪᓗᒍ; ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 4:3

ᓵᑦᑑᔭᐅᒻᒥᒃ ᓴᕕᕋᔭᖕᒥᒃ ᐱᓗᑎᑦ ᐃᒡᓗᒐᓴᒡᔪᐊᓕᐊᓐᖑᐊᕐᐱᑦ ᐃᕝᕕᓪᓗ ᐊᑯᓐᓂᑦᓯᓐᓄᐊᕐᓗᒍ ᐊᕙᓗᕐᔪᐊᓐᖑᐊᖑᓂᐊᕐᒪᑦ, ᐃᒡᓗᒐᓴᒡᔪᐊᑦ ᓵᓐᖓᓗᒋᑦ, ᐊᕙᓗᓯᓯᒪᔪᓂᒃ ᐃᕝᕕᑦ ᓵᓐᖓᓯᓐᖑᐊᕐᓗᑎᑦ. ᑕᒪᓐᓇ ᐃᓴᕆᐊᓕᐅᑉ ᑭᖑᕚᖏᓐᓄᑦ ᓇᓗᓁᖁᑕᐅᓂᐊᕐᒪᑦ.

ᓴᑲᕅᐊᐅᑉ ᐊᒡᓚᖏᑦ 3:8

ᔮᓱᐊ ᓈᓚᑦᓯᐊᕆᑦ, ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᑎᑦ; ᐃᓕᑦᓯᓗ ᑐᓂᕐᕈᓯᕐᑎᑦᓯᔨᐅᔪᓯ ᑖᑦᓱᒥᖓ ᐊᖓᔪᖅᑳᖃᕐᑐᓯ ᓈᓚᑦᓯᐊᕆᓯ, ᓯᕗᓂᒃᓴᒧᑦ ᑕᑯᔭᒃᓴᑦᓯᐊᕙᐅᔪᓯ: ᐱᔨᒐ ᓴᖅᑭᑎᑦᓱᒪᒐᒃᑯ ᑍᔭᐅᔪᖅ ᓇᐹᕐᑑᑉ ᐊᕙᓚᖓᔪᐊᓂᒃ.

ᓴᑲᕅᐊᐅᑉ ᐊᒡᓚᖏᑦ 8:3

ᐃᒫᒃ ᐊᑕᓂᖅ ᐅᖃᕐᐳᖅ, ᓮᐅᓂᒧᑦ ᐅᑎᕐᓂᐊᕐᐳᖓ ᔨᕉᓴᓕᒥᓗ ᐃᓂᖃᓕᕐᓗᖓ. ᓄᓇᓕᒡᔪᐊᑦ ᑕᕝᕙᓂ ᑍᔭᐅᓕᕈᒫᕐᐳᑦ ᓱᖁᓯᔪᐃᑦᑐᒥᒃ, ᖃᖅᑲᕐᓗ ᓄᓇᓖᑦ ᐃᓂᒋᔭᖓ ᑍᔭᐅᓕᕈᒫᕐᐳᖅ ᐊᑕᓂᐅᑉ ᖃᖅᑲᖓᓂᒃ ᐃᑦᔪᕐᓁᑦᑐᒥᒃ.

ᓘᑲᓯᐅᑉ ᐊᒡᓚᖏᑦ 2:18

ᑐᓴᕐᑐᓕᒫᑦ ᑲᒪᓂᐊᕐᐳᑦ ᓰᐱᓕᕆᔩᑦ ᐅᖃᐅᓯᖏᓐᓂᒃ.

ᓘᑲᓯᐅᑉ ᐊᒡᓚᖏᑦ 2:34

ᓯᒥᐅᓂᐅᑉ ᓮᒻᒪᕐᑎᑉᐰᑦ ᐊᓈᓇᖓᓄᑦ ᒥᐊᕆᒧᑦ ᐅᖃᕐᓗᓂ, “ᑕᑯᒋᑦ, ᐅᓇ ᓄᑕᕋᑯᓗᒃ ᐅᓄᕐᑐᓄᑦ ᐃᓴᕆᐊᓕᒥᐅᓄᑦ ᑲᑕᒍᑕᐅᔪᒫᕐᐳᖅ ᒪᑭᑦᔪᑕᐅᔪᒫᕐᓗᓂᓗ, ᓇᓗᓁᒃᑯᑕᐅᔪᒫᕐᐳᖅ ᐊᑭᕋᕐᑐᑕᐅᓗᓂ.

ᒨᓯᓯ ᑕᓪᓕᒪᖏᑦ 28:46

ᑕᒪᒃᑯᐊᓗ ᓇᓗᓁᒃᑯᑕᐅᔪᒫᕐᐳᑦ ᒎᑎᐅᑉ ᐃᓕᑦᓯᓐᓂᒃ ᓱᒋᐊᕐᓯᓂᖓᓂᒃ ᑭᖑᕚᓯ ᐱᖃᓯᐅᑎᓗᒋᑦ ᐃᓱᖃᖏᑦᑐᒧᑦ.

ᐄᑉᕈᐃᓄᑦ 10:33

ᐃᓚᖓᒍᑦ ᑲᑎᒪᔪᓂ ᒥᑕᐅᑎᒋᔭᐅᖃᑦᑕᓚᐅᕋᑦᓯ ᐱᑦᓯᐊᕐᑕᐅᓇᓯᓗ, ᐃᓛᓯᒍᓪᓗ ᐃᓚᐅᓚᐅᕋᑦᓯ ᑍᒤᑦᑐᑎᒍᑦ ᐊᒃᓱᕈᕐᑎᑕᐅᔪᓄᑦ.

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,