ᐂᓮᐊᓯᐅᑉ ᐊᒡᓚᖏᑦ 8:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ, ᑖᑦᓱᒪ ᐃᑦᔪᕐᓁᑦᑑᓂᖓ ᐃᒃᐱᒋᑦᓯᐊᕋᒃᓴᕆᕙᑦ; ᑖᓐᓇ ᓯᕘᕋᒋᔭᒃᓴᕆᕙᑦ, ᑖᓐᓇᓗ ᑭᓯᒥ ᐃᓕᕋᒋᔭᒃᓴᕆᕙᑦ.

ᐂᓮᐊᓯᐅᑉ ᐊᒡᓚᖏᑦ 8:13 Iomraidhean Croise

ᒨᓯᓯ ᓯᕗᓪᓖᑦ 31:53

ᐂᑉᕋᕼᐋᒻ ᒎᑎᖓ ᓇᕼᐅᕆᐅᓪᓗ ᒎᑎᖓ, ᐊᑖᑕᕕᓂᖏᑕᓗ ᒎᑎᖓ, ᐅᕙᑦᑎᓐᓂᒃ ᖃᐅᔨᓴᕐᑎᐅᓂᐊᕐᐳᖅ ᑕᒪᑐᒥᖓ.” ᑕᕝᕙ ᔧᑯ ᐊᖏᒻᒪᕆᒃᐳᖅ ᐊᑖᑕᖓᑕ ᐂᓴᑭᐅᑉ ᒎᑎᖓᑕ ᐊᑎᖓᓂ.

ᐃᓐᖏᕈᑎᑦ 76:7

ᐃᕝᕕᑐᐊᖅ ᓯᕘᕋᒋᔭᐅᔪᒃᓴᐅᕗᑎᑦ; ᑭᓇ ᓇᔪᕐᑕᕐᓂ ᓇᖏᕈᓐᓇᕐᐹ ᓂᓐᖓᒃᑎᓪᓗᑎᑦ?

ᒨᓯᓯ ᐂᑉᐸᖏᑦ 20:20

ᒨᓯᓯᐅᓪᓗ ᑭᐅᕔᑦ, “ᑲᑉᐱᐊᓱᖏᓪᓗᓯ, ᒎᑎ ᑕᒪᐅᓐᖓᕐᓯᒪᕗᖅ ᓱᖅᑯᐃᕐᓯᑦᓯᐊᖁᓪᓗᓯ, ᑖᑦᓱᒥᖓᓗ ᓯᕘᕋᓂᕐᒧᑦ ᐊᔪᕐᑐᓕᖁᓇᑦᓯ.”

ᐂᓮᐊᓯᐅᑉ ᐊᒡᓚᖏᑦ 29:23

ᑭᖑᕚᒥᖕᓂᒃ ᑕᑯᓕᕈᑎᒃ, ᐊᒡᒐᓐᓄᑦ ᓴᓇᓚᐅᕐᑕᓐᓂᒃ, ᐊᑯᓐᓂᕐᒥᖕᓂ ᐊᑎᕋ ᐃᑦᔪᕐᓁᑎᑦᓱᒫᕐᐹᑦ; ᔧᑰᑉ ᐃᑦᔪᕐᓁᑦᑐᖁᑎᖓ ᐃᑦᔪᕐᓁᑎᑦᓱᒫᕐᐹᑦ, ᑕᑕᒥᓐᓂᐊᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 5:16

ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ ᐊᖏᒡᓕᑎᑕᐅᔪᒫᕐᐳᖅ ᐃᖅᑲᕐᑐᐃᑦᓯᐊᕐᓂᒃᑯᑦ, ᒎᑎᓗ ᐃᑦᔪᕐᓁᑦᑐᖅ ᐃᒻᒥᓂᒃ ᓴᖅᑭᑎᑦᓱᒫᕐᐳᖅ ᐃᑦᔪᕐᓁᓐᓂᕐᒥ ᓇᓛᒎᕐᓂᕐᒥᓗ.

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᐱᖓᔪᖏᑦ 22:32

ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓐᓂᐊᕋᓯᐅᒃ; ᐃᑦᔪᕐᓁᑦᑑᓂᕋ ᐅᖃᐅᓯᕆᔭᐅᑦᓯᐊᕐᑐᒃᓴᐅᕗᖅ ᐃᓴᕆᐊᓕᒥᐅᓕᒫᓄᑦ. ᐅᕙᖓ ᐊᑕᓂᐅᒐᒪ, ᐅᕙᖓ ᐃᑦᔪᕐᓁᑦᑑᑎᑉᐸᑦᓯ.

ᒪᓚᑬᑉ ᐊᒡᓚᖏᑦ 2:5

“ᐊᖏᖃᑎᒌᒍᑎᒐ ᑖᑦᓱᒪᓃᒻᒪᑦ ᐃᓅᓯᖅ ᓮᒪᓇᕐᑐᖅ, ᑐᓂᓚᐅᕐᑕᕋ ᐅᕙᓐᓂᒃ ᓯᕘᕋᖁᓪᓗᒍ, ᐅᕙᓐᓂᒃ ᓯᕘᕋᓚᐅᕐᐳᑦ ᐃᓕᕋᓱᒡᓗᓂᓗ ᐊᑎᓐᓂᒃ.

ᒨᓯᓯ ᓯᑕᒪᖏᑦ 27:14

ᐃᓄᖃᖏᑦᑐᒥ ᔨᓐᒥᒃ ᐊᑎᓕᖕᒥ, ᐃᓄᒋᐊᒃᑐᕐᔪᐊᑦ ᐊᑭᕋᕐᑐᕐᑎᓪᓗᒋᑦ, ᐱᖁᔭᓐᓂᒃ ᓈᓚᓚᐅᖏᓐᓇᕕᑦ ᐃᒪᓕᕆᓪᓗᓯ, ᐃᑦᔪᕐᓁᑎᑕᐅᔪᒪᑎᓪᓗᖓ ᐃᓄᐃᑦ ᑕᑯᓐᓇᕐᑎᓪᓗᒋᑦ.” (ᑖᒃᑯᐊ ᐃᒪᐅᕗᑦ ᒥᕆᐸᒥ, ᑲᑎᓯᒥ ᐃᓄᖃᖏᑦᑐᒥ ᐊᑎᖃᕐᑐᒥ ᔨᓐᒥᒃ.)

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᓘᑲᓯᐅᑉ ᐊᒡᓚᖏᑦ 12:5

ᐅᖃᐅᑎᔪᒪᕙᑦᓯ ᓯᕘᕋᒋᔭᕆᐊᖃᕐᑕᑦᓯᓐᓂᒃ: ᑖᓐᓇ ᓯᕘᕋᒋᓯᐅᒃ, ᑐᖁᑦᓯᔭᕇᕈᓂ, ᐱᔪᓐᓇᕐᓂᖃᕐᒥᔪᖅ ᑲᑉᐱᐊᓇᕐᑐᕕᖕᒧᑦ ᐃᒋᑦᓯᓂᕐᒥᒃ; ᐃᓛᒃ, ᐅᖃᐅᑎᕙᑦᓯ ᑖᓐᓇ ᓯᕘᕋᒋᓯᐅᒃ!

ᕉᒪᒥᐅᓄᑦ 4:20

ᐅᒃᐱᕈᓱᑎᐊᖏᓐᓂᕐᒥᒃ ᓴᖑᑦᔪᑎᖃᓚᐅᓐᖏᓚᖅ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ, ᐅᒃᐱᕐᓂᒥᒍᑦ ᓴᓐᖏᔫᓕᕐᐸᓪᓕᐊᓚᐅᕐᐳᖅ ᒎᑎᒥᒃ ᓂᕐᑐᕐᓇᕐᑎᑦᓯᓂᕐᒥᓄᑦ,

ᒨᓯᓯ ᑕᓪᓕᒪᖏᑦ 14:23

ᑕᕝᕙ ᐊᑕᓂᐅᑉ ᒎᑎᑦᓯ ᓵᖓᓂ, ᑐᒃᓯᐊᕐᕕᒃᓴᐅᖁᓪᓗᒍ ᓂᕈᐊᕐᓯᒪᔭᖓᓄᐊᕐᑐᒃᓴᐅᕗᓯ; ᑕᓪᓕᒪᐅᔪᐃᕈᑎᓯ ᓂᕆᔭᒃᓴᕆᕙᓯ ᓂᐊᖂᔭᒃᓮᑦ, ᐅᐂᓃᓪᓗ, ᓇᐹᕐᑐᐃᓪᓗ ᐸᐅᕐᖓᖏᑕ ᐅᕐᓱᖏᑦ, ᐃᒻᒧᒃᓯᐅᒐᖁᑎᑦᓯᓪᓗ ᓰᐱᖁᑎᑦᓯᓗ ᓯᕗᓪᓕᕐᐹᒥᒃ ᐃᕐᓂᐊᕆᓯᒪᔭᖏᑦ. ᑐᑭᓯᕙᓪᓕᐊᖁᓪᓗᓯ ᐊᑕᓂᕐᒥᒃ ᒎᑎᑦᓯᓐᓂᒃ ᑍᒪᓐᖓᓕᒫᖅ ᐃᓕᕋᓱᒋᐊᖃᕐᓂᕐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᓴᒧᐃᓕ ᓯᕗᓪᓖᑦ 11:7

ᑕᕝᕙ ᐃᒻᒧᒃᓯᐅᒑᒃ ᒪᕐᕉᒃ ᑎᒍᓪᓗᒋᒃ, ᐊᒡᒍᕐᐹᒃ ᒥᑭᓈᕐᑎᕐᓗᒋᑦ ᐊᐅᓪᓚᕐᑎᓪᓗᒋᓪᓗ ᐃᓴᕆᐊᓕᒥᐅᓕᒫᓄᑦ ᐅᖃᕆᐊᕐᑐᕐᑐᓂᒃ ᒪᓕᒃᑕᐅᑎᓪᓗᒋᑦ, ᐃᒫᒃ ᐅᖃᖁᓪᓗᒋᑦ: “ᓇᓪᓕᐊᑦ ᒪᓕᖏᑦᑐᖅ ᓴᐅᓕᒥᒃ ᓴᒧᐃᓕᒥᒡᓗ ᐅᓇᑕᕆᐊᕐᑐᕐᑎᓪᓗᒋᑦ ᐃᒻᒧᒃᓯᐅᒐᑎᑐᑦ ᑍᒫᒃ ᐊᕕᒃᑐᕐᑕᐅᔪᒫᕐᐳᑦ!” ᑕᕝᕙ ᐃᓴᕆᐊᓕᒥᐅᑦ ᐃᓄᖏᑦ ᐊᖏᔪᒥᒃ ᓯᕘᕋᓕᕐᐳᑦ ᐊᑕᓂᕐᒥᒃ, ᕾᓚᐅᕐᐳᓪᓗ ᐊᑕᐅᑦᓯᐅᓕᖓᑦᓯᐊᕐᓗᑎᒃ ᐃᓄᒃᑐᑦ ᐊᑕᐅᓯᕐᑐᑦ.