ᐂᓮᐊᓯᐅᑉ ᐊᒡᓚᖏᑦ 7:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ “ᐅᓪᓗᒥᓗ ᑕᕝᕙᓂ ᐃᒤᑦᑐᖃᕈᒫᕐᐳᖅ, ᕔᓂᒃᓴᖃᕐᐸᓚᐅᕐᑐᒥ ᓇᐹᕐᑐᓂᒃ 1,000ᓂᒃ, ᑮᓇᐅᔭᓕᐅᕈᑕᐅᔪᓐᓇᕐᑐᓂᒃ ᓯᐅᓪᕕᕆᓂᒃ 1,000ᓂᒃ, ᐃᓂᖏᓐᓂ ᐱᕈᕐᑐᖃᓕᕈᒫᕐᐳᖅ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒃ;

ᐂᓮᐊᓯᐅᑉ ᐊᒡᓚᖏᑦ 7:23 Iomraidhean Croise

ᒨᓯᓯ ᓯᕗᓪᓖᑦ 3:18

ᑲᑭᓪᓚᕐᓇᕐᑐᑦ ᐅᕐᐱᒊᑦ ᐊᓯᖏᓪᓗ ᑲᑭᓪᓚᕐᓇᕐᑐᑦ ᓄᓇᖕᓂ ᐱᕈᖃᑦᑕᕈᒫᓕᕐᐳᑦ; ᓇᑎᕐᓇᒥᑦ ᐱᕈᕐᑐᓂᒃ ᓂᕿᖃᕐᐸᖕᓂᐊᓕᕐᐳᑎᑦ.

ᐂᓮᐊᓯᐅᑉ ᐊᒡᓚᖏᑦ 32:10

ᐊᕐᕌᒍ ᐊᓂᒍᕐᓯᒪᓕᕐᐸᑦ ᐅᓪᓗᐃᑦ ᐃᓚᖏᓐᓂ, ᓴᔪᒍᒫᕐᐳᓯ ᐃᓕᑦᓯ ᐊᕐᓁᑦ ᓈᒻᒪᑦᓯᐊᕐᑐᒥ ᐃᓂᖃᕐᑐᓯ; ᖁᐊᕐᓵᖓᓇᕐᑐᒧᑦ ᑎᑭᑦᓱᒫᕐᐳᓯ, ᐸᐅᕐᖎᑦ ᕔᓂᒃᓮᑦ ᐱᕈᕈᒫᖏᒻᒪᑕ, ᕔᓂᒃᓴᓂᒡᓗ ᑲᑎᕐᓱᐃᕕᒃ ᐱᑕᖃᕈᒫᖏᒻᒪᑦ.

ᐂᓮᐊᓯᐅᑉ ᐊᒡᓚᖏᑦ 5:10

ᐱᕈᕐᓰᕖᑦ ᕔᓂᒃᓴᕐᑕᓖᑦ ᐊᖏᓂᖃᕐᑐᑦ ᐃᒡᓗᓕᐅᕐᕕᐅᔪᓐᓇᕐᑐᒧᑦ 40ᓂᒃ ᕔᓂᑖᕐᕕᐅᔪᒫᕐᐳᖅ ᖃᓪᓗᑎᓂᒃ ᑕᓪᓕᒪᓂᒃ, ᐱᕈᕐᓯᐊᒃᓮᓪᓗ ᑲᓐᖓᕐᓲᑎᒃᓴᖏᑦ ᖃᑦᑕᐅᔧᑦ 10 ᐱᕈᕐᑎᑦᓯᔪᒫᕐᐳᑦ ᖃᑦᑕᒧᑦ ᐊᑕᐅᓯᕐᒧᑦ ᓈᒻᒪᒃᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᐂᓮᐊᓯᐅᑉ ᐊᒡᓚᖏᑦ 7:24

ᐃᓄᐃᓪᓗ ᐱᑎᒃᓯᓖᑦ ᖃᕐᔪᖃᕐᑐᓪᓗ ᑕᒫᓃᓕᕈᒫᕐᐳᑦ, ᓄᓇ ᐅᕐᐱᒐᓕᐊᓘᓕᕈᒫᕐᒪᑦ ᑲᑭᓪᓚᕐᓇᕐᑐᓕᖕᓂᒃ ᓇᓂᑐᐃᓐᓇᖅ;

ᔨᕆᒤᐊᐅᑉ ᐊᒡᓚᖏᑦ 4:26

ᓄᓇᓗ ᕿᒥᕐᕈᒐᒃᑯ, ᐱᕈᕐᑐᖃᓚᐅᕐᑐᖅ ᐸᓂᕐᓗᓂ ᓱᓇᑕᖃᓐᖏᓚᖅ, ᓄᓇᖃᕐᕕᕕᓃᓪᓗ ᓄᓇᓕᕕᓂᑐᐃᓐᓇᐅᓕᕐᐳᑦ, ᐊᑕᓂᐅᑉ ᓵᖓᓂ, ᐊᑕᓂᐅᑉ ᓂᓐᖓᒡᕕᒋᓚᐅᕐᒪᒋᑦ. (

ᐃᓯᑭᐊᓕᐅᑉ ᐊᒡᓚᖏᑦ 12:20

ᐃᒡᓗᒐᓴᒡᔪᐊᑦ ᒫᓐᓇ ᐃᓄᓖᑦ ᓱᒃᑯᑎᕐᑕᐅᔪᒫᕐᐳᑦ, ᓄᓇᓗ ᑕᒪᓐᓇ ᓱᓇᑕᖃᕈᓐᓃᕐᓗᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.”

ᕼᐆᓯᐊᑉ ᐊᒡᓚᖏᑦ 2:12

ᒪᓂᖅᑭᑎᕐᓂᐊᕐᐸᒃᑲᓗ ᕔᓂᓕᒃᓴᓄᑦ ᐸᐅᕐᖓᓄᑦ ᐱᕈᕐᓰᕕᖏᑦ ᐱᕈᕐᑐᓖᓪᓗ ᐱᒋᓕᖕᓂᒃ ᓇᐹᕐᑐᐃᑦ, ᐅᖃᐅᓯᕆᓚᐅᕐᑕᖏᑦ, ‘ᒪᑯᐊ ᐊᑭᓕᕐᑕᐅᑦᔪᑎᒋᓯᒪᔭᒃᑲ ᐱᖃᑎᒋᕙᒃᑕᒪ ᑐᓂᓚᐅᕐᑕᖏᑦ.’ ᑕᒪᒃᑯᐊ ᓇᐹᕐᑐᓕᒡᔪᐊᓐᖑᕐᑎᑦᓱᒫᕐᐸᒃᑲ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᔪᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 9:6

ᑕᑯᒋᑦ, ᐊᓯᕈᕐᑕᐅᓂᕐᒥᑦ ᕿᒫᓇᓱᐊᕐᐳᑦ; ᐄᑦᔨᑉᑎᒥᐅᓪᓕ ᑲᑎᕐᓱᕈᒫᕐᐰᑦ, ᒥᒻᐱᓯᒥᐅᓪᓗ ᐃᓗᕕᕈᒫᕐᐰᑦ. ᓯᐅᓪᕕᕆᖁᑎᖏᑕᓗ ᐃᓂᖏᑦ ᐱᕈᕐᓂᕐᓗᒃᑐᓄᑦ ᐱᕈᕐᕕᐅᔪᒫᕐᐳᑦ, ᐅᕐᐱᒊᓪᓗ ᑲᑭᓪᓚᕐᓇᕐᑐᑦ ᑐᐱᖏᓐᓂ ᐱᕈᕈᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 21:33

ᔩᓱᓯ ᐅᖃᕐᐳᖅ, “ᑐᓴᒃᑲᓐᓂᓚᐅᕆᑦᓯ ᐊᑦᔨᐅᔫᑉ ᐊᓯᐊᓂᒃ; ᑍᑦᓱᒪᓂ ᓄᓇᖁᑎᓕᒃ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᒥᓂ ᑲᓐᖓᕐᓱᐃᓚᐅᕐᐳᖅ, ᑖᓐᓇ ᐱᕈᕐᓰᕕᖁᑎᓂ ᐊᕙᓗᓕᐅᕐᐹ, ᐃᑎᕐᓴᓕᐅᕐᓗᒋᓪᓗ ᐅᐂᓂᖃᐅᑎᒃᓴᓂᒃ ᐋᖅᑭᒃᓱᐃᓚᐅᕐᐳᖅ, ᐳᕐᑐᔪᒥᒃ ᖃᐅᔨᓴᕐᕕᒃᓴᒥ ᓴᓇᓪᓗᓂ, ᐱᕈᕐᓰᕕᒃ ᐊᑐᕐᑕᐅᑎᑉᐹ ᐱᕈᕐᓰᕕᖕᒥᒃ ᑲᒪᔨᓄᑦ, ᓄᓇᐅᓪᓗ ᐊᓯᐊᓄᑦ ᐊᐅᓪᓚᕐᖢᓂ.

ᐄᑉᕈᐃᓄᑦ 6:8

ᓄᓇᓕ ᑲᑭᓪᓚᕐᓇᕐᑐᓂᒃ ᐱᕈᕐᓂᕐᓗᒃᑐᓂᒡᓗ ᐱᕈᕐᕕᐅᒃᐸᑦ ᐊᑑᑎᒃᓴᖃᓐᖏᓚᖅ ᓇᕐᕈᒋᔭᐅᓂᖓ ᓇᓗᓇᕈᓐᓃᕐᐸᒃᐳᖅ. ᑭᖑᓪᓕᕐᐹᒥᒃ ᐃᑯᐊᓚᒐᒃᓴᑐᐃᓐᓇᐅᓕᕐᓗᓂ.