ᐂᓮᐊᓯᐅᑉ ᐊᒡᓚᖏᑦ 7:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ “ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᕿᐅᕐᑍᔨᒃᓴᒥᒃ ᑰᒑᓘᑉ ᐊᑭᐊᓂᑦ ᑎᓕᓯᔪᒫᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᒻᒪᕆᖓᓐᓂᒃ, ᑖᑦᓱᒪᓗ ᐅᓐᖏᔭᕐᑕᐅᑎᑦᓱᒫᕐᐹᓯ ᕿᐅᕐᑕᕐᑕᐅᑎᓪᓗᓯᓗ, ᓂᐅᓯᓗ ᒥᖅᑯᐃᔭᕐᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 7:20 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 1:5

ᓱᖕᒪᑦ ᓱᒋᐊᕐᑕᐅᔪᒤᓐᓇᕐᐱᓰ? ᐊᑭᕋᕐᑐᐃᓐᓇᕐᓂᑦᓯᓐᓄᑦ? ᓂᐊᖁᓯ ᐊᑕᖏᕐᓗᑎᒃ ᖃᓂᒪᕗᑦ, ᐆᒻᒪᑎᓯᓗ ᐊᑕᖏᕐᓗᑎᒃ ᓄᑭᑮᑦᑑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 10:15

ᐅᓕᒪᐅᑦ ᐱᔪᓐᓇᕐᓂᕐᓴᐅᓂᕋᕈᓐᓇᕐᐹ ᐅᓕᒪᕐᑐᒥᑦ? ᐅᕝᕙᓗ ᑭᓪᓘᑦ ᐊᖏᓂᕐᓴᐅᑎᑦᓱᓐᓇᕐᐹ ᑭᓪᓗᕐᑐᒥᑦ? ᐊᓇᐅᑕᖅ ᐃᓄᖕᒥᒃ ᐊᐅᓚᑦᓯᔪᓐᓇᕐᐹ ᑎᒍᒥᐊᕐᑎᒋᔭᒥᓂᒃ? ᐊᔭᐅᑉᐱᐊᖅ ᑭᕕᒃᓯᔪᓐᓇᕐᐹ ᐃᓄᖕᒥᒃ ᕿᔫᖏᑦᑐᒥᒃ?

ᐂᓮᐊᓯᐅᑉ ᐊᒡᓚᖏᑦ 11:15

ᐊᑕᓂᐅᓪᓗ ᐊᓯᕈᑦᓯᐊᕈᒫᕐᐹ ᐄᑦᔨᑉᑎᐅᑉ ᐃᒪᖓᑕ ᑲᖏᕐᓱᐊ; ᐊᓄᕆᕐᔪᐊᖃᕐᑎᑦᓯᓗᓂ ᐆᓇᕐᑐᒥᒃ ᐃᕗᕅᑎᐅᑉ ᑰᒡᔪᐊᖓ ᓵᓐᖓᔪᒫᕐᐹ, ᐊᓇᐅᔪᒫᕐᐹ 7ᐅᓕᖅᑲᖓᔪᓂᒃ ᑰᖃᓕᕐᑎᓪᓗᒍ, ᐃᓄᐃᓪᓗ ᐃᑳᖃᑦᑕᓕᕈᒫᕐᐳᑦ ᐱᓱᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 36:1

ᕼᐃᓯᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᐃᑦ 14ᒋᓕᕐᑕᖓᓐᓂ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓯᓇᑯᕆᑉ ᐅᓇᑕᕆᐊᕐᑐᓚᐅᕐᐳᖅ ᔫᑕᐅᑉ ᓄᓇᖓᓂ ᓄᓇᓖᑦ ᐊᕙᓗᕐᔪᐊᓖᑦ ᓵᓚᒋᓪᓗᒋᑦ ᐃᓄᖏᑦ ᑎᒍᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 8:7

ᑍᒤᒻᒪᑦ, ᑕᑯᒋᑦ ᐊᑕᓂᐅᑉ ᑎᑭᑕᐅᑎᓐᓂᐊᓕᕐᐰᑦ ᑰᖕᒧᑦ ᐃᒪᕐᔪᐊᕐᒧᑦ, ᓲᖑᔪᕐᔪᐊᒧᑦ ᐊᖏᔪᕐᔪᐊᒧᓪᓗ, ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᓐᓇᕐᓇᕐᓂᕐᔪᐊᖓᓄᓪᓗ; ᑰᖕᒧᑦ ᖄᒥᑕᐅᔪᑎᑐᑦ ᕾᕈᓱᓕᒫᖏᑦ ᓱᓪᓗᓕᒫᖏᓪᓗ ᑰᒐᓛᓕᒫᖏᓪᓗ ᑕᑕᑕᐅᔪᒫᕐᐳᖅ ᐅᓕᒃᑕᐅᓗᑎᒃ;

ᐂᓮᐊᓯᐅᑉ ᐊᒡᓚᖏᑦ 9:13

ᐃᓄᖏᓪᓕ ᓱᒋᐊᕐᑎᒋᔭᒥᖕᓄᑦ ᓵᒋᐊᓚᐅᓐᖏᓚᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᓱᓕ ᕿᓂᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 2:18

ᓱᓇᒥᒃ ᐱᕚᓪᓕᕋᔭᕐᐱᓯ ᐄᑦᔨᑉᑎᒧᓐᖓᐅᒍᓰ? ᓴᕼᐊᕆᐅᑉ ᑰᖓᓂᑦ ᐃᒥᕈᒪᓪᓗᓰ? ᓱᖕᒪᓪᓗ ᐊᓯᕆᐊᒧᑦ ᐂᕕᓯ ᑰᖏᓐᓂᑦ ᐃᒥᕈᒪᓪᓗᓰ?

ᐃᓯᑭᐊᓕᐅᑉ ᐊᒡᓚᖏᑦ 29:18

“ᐃᓅᑉ ᐃᕐᓂᖓ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᓂᐱᑯᓁᓴ ᐅᓇᑕᕐᑎᖁᑎᒥᓂᒃ ᐊᒃᓱᕈᕐᑎᑦᓯᓪᓗᓂ ᐊᑐᐃᓐᓇᕈᕐᑎᓕᕐᐳᖅ ᐅᓇᑕᕆᐊᕈᒪᓪᓗᓂ ᑍᕆᒥᒃ; ᐅᓇᑕᕐᑎᖁᑎᓕᒫᖏᑦ ᓄᔧᔭᕐᑕᐅᓯᒪᓕᕐᐳᑦ ᑐᐃᖏᓪᓗ ᐊᒦᕈᑎᓪᓗᑎᒃ; ᐊᖓᔪᖅᑳᕐᔪᐊᖓᓪᓕ ᐅᓇᑕᕐᑎᖁᑎᖏᓪᓗ ᐊᒃᓱᕈᕈᑎᒋᓚᐅᕐᑕᒥᖕᓄᑦ ᓱᓕ ᐊᑭᓕᕐᑕᐅᓚᐅᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 29:20

ᐄᑦᔨᑉᑎᒥᒃ ᐊᑭᓖᕕᒋᓂᐊᕐᐸᕋ ᐅᓇᑕᕆᐊᕐᓂᕆᓚᐅᕐᑕᖓ ᐱᑦᔪᑎᒋᓪᓗᒍ, ᐅᓇᑕᕐᑎᖁᑎᖏᑦ ᐱᓇᓱᐊᕐᑎᖁᑎᒋᓚᐅᕋᒃᑭᑦ, ᐅᖃᕐᐳᖅ ᐊᑕᓂᖅ ᒎᑎ.