ᐂᓮᐊᓯᐅᑉ ᐊᒡᓚᖏᑦ 7:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑍᒤᒻᒪᑦ, ᐊᑕᓂᐅᑉ ᓇᖕᒥᓂᖅ ᓇᓗᓁᒃᑯᑕᒃᓴᒥᒃ ᑐᓂᓯᕕᒋᔪᒫᕐᐹᓯ: ᑕᑯᒋᑦ, ᐊᕐᓇᖅ ᐃᓅᓱᒃᑐᖅ ᓄᑕᕋᒃᓴᕐᑖᕈᒫᕐᐳᖅ ᐃᕐᓂᕐᑖᕆᔭᓂᓗ ᐊᑦᓯᕈᒫᕐᐹ ᐃᒪᓐᔪᐃᓕᒥᒃ.

ᐂᓮᐊᓯᐅᑉ ᐊᒡᓚᖏᑦ 7:14 Iomraidhean Croise

ᒨᓯᓯ ᓯᕗᓪᓖᑦ 16:11

ᐊᑕᓂᐅᓪᓗ ᐂᖏᓕᖓᑕ ᐅᖃᐅᑎᕚ: “ᑕᑯᒋᑦ, ᕿᑐᕐᖓᒃᓴᖃᕐᐳᑎᑦ ᐃᕐᓂᕐᑖᓛᕐᐳᑎᓪᓗ; ᑖᓐᓇᓗ ᐊᑦᓯᕈᒫᕐᐸᑦ ᐃᓯᒥᐅᓪᒥᒃ; ᐃᓛᒃ ᐊᑕᓂᐅᑉ ᑐᓴᓚᐅᕐᒪᑎᑦ ᐅᖁᒤᒃᓴᕕᒡᔪᐊᕈᑎᖕᓂᒃ.

ᒨᓯᓯ ᓯᕗᓪᓖᑦ 29:32

ᓕᐊᓗ ᓯᖎᓕᕐᐳᖅ ᐃᕐᓂᕐᑖᕐᓗᓂᓗ, ᐊᑦᓯᕐᐹᓗ ᕉᐱᓂᒥᒃ; ᐅᖃᕋᒥ, “ᐊᑕᓂᐅᑉ ᐃᓱᒫᓗᖕᓂᓐᓂᒃ ᑕᑯᓐᓇᕐᐹᖓ, ᑕᕝᕙ ᐅᐃᒪ ᓇᒡᓕᒋᓂᐊᓕᕐᐹᖓ.”

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᒨᓯᓯ ᓯᕗᓪᓖᑦ 30:6

ᕅᒋᓕᓗ ᐅᖃᕐᐳᖅ, “ᒎᑎᐅᑉ ᓈᒻᒪᒋᔭᓐᓂᒃ ᐱᓂᐊᕐᕕᒋᕚᖓ; ᑐᒃᓯᐊᕐᓂᓐᓂᒡᓗ ᑐᓴᕐᓯᒪᕚᖓ ᐃᕐᓂᕐᑖᕐᑎᓪᓗᓂᖓᓗ”; ᑍᒤᒻᒪᑦ ᐊᑦᓯᕐᐹ ᑖᓐᒥᒃ.

ᒨᓯᓯ ᓯᕗᓪᓖᑦ 30:8

ᕅᒋᓕᓗ ᐅᖃᕐᐳᖅ, “ᐊᒃᓱᕈᒻᒪᕆᒃᓗᖓ ᐊᖓᔪᓐᓂᒃ ᐅᓇᑕᕆᐊᖃᓚᐅᕋᒪ, ᒫᓐᓇᓕ ᓵᓚᖃᕐᐳᖓ”; ᑍᒤᒻᒪᑦ ᐊᑦᓯᕐᐹ ᓈᑉᑕᓕᒥᒃ.

ᒨᓯᓯ ᓯᕗᓪᓖᑦ 4:25

ᐋᑕᒥᐅᑉ ᓄᓕᐊᓂ ᐱᖃᑎᒋᒃᑲᓐᓂᕐᒪᒍ, ᓄᓕᐊᖓ ᐃᕐᓂᕐᑖᓚᐅᕐᐳᖅ ᐋᑕᒥᐅᑉ ᐊᑎᖃᕐᑎᑉᐹ ᓰᑎᒥᒃ, ᐄᕕ ᐅᖃᓚᐅᕐᒪᑦ, “ᒎᑎᐅᑉ ᐃᕐᓂᕐᒥᒃ ᑐᓂᓯᕕᒋᕚᖓ ᐂᐱᓕ ᐃᓇᖏᕐᓗᒍ, ᑬᓂᐅᑉ ᑐᖁᓚᐅᕐᒪᒍ.”

ᐊᑕᓃᑦ ᓯᕗᓪᓖᑦ 13:3

ᓇᓗᓁᒃᑯᑕᕐᒥᒃ ᐊᑐᓛᕐᑐᒥᒃ ᐅᓪᓗᖅ ᓇᓪᓕᐊᑎᒃᐸᑦ ᐅᖃᕐᓗᓂ, “ᐅᓇ ᑕᕝᕙ ᓇᓗᓁᒃᑯᑕᐅᓛᕐᑐᖅ ᐊᑕᓂᐅᑉ ᐅᖃᕐᓂᖓᓄᑦ: ‘ᑕᑯᒋᑦ, ᑐᓂᕐᕈᓯᕐᕕᒃ ᓯᖁᒥᑕᐅᔪᒫᕐᐳᖅ, ᐊᕐᔭᓕᓃᓪᓗ ᐃᓗᐊᓃᑦᑐᑦ ᓈᕕᓪᓗᑎᒃ ᒪᓂᖅᑲᒧᑦ.’”

ᐃᓐᖏᕈᑎᑦ 46:8

ᕾᒋᑦᓯ ᐊᑕᓂᐅᑉ ᐱᓂᐊᕐᓂᖏᓐᓂᒃ ᑕᑯᔭᕐᑐᕐᓗᓯ, ᑖᑦᓱᒪ ᓄᓇ ᐊᓯᕈᕐᑕᐅᓂᕐᒧᑦ ᑎᑭᑎᒻᒪᒍ.

ᐂᓮᐊᓯᐅᑉ ᐊᒡᓚᖏᑦ 38:7

ᐊᑕᓂᐅᑉ ᓇᓗᓁᒃᑯᑕᕐᒥᒃ ᑕᑯᑎᓐᓂᐊᕐᐹᑎᑦ ᐱᔪᖃᓛᕐᑐᒥᒃ ᐅᖃᕐᑕᖓᑕ ᓱᓕᓂᖓᓂᒃ ᖃᐅᔨᒪᐅᑎᒋᓂᐊᕐᑕᕐᓂᒃ:

ᐂᓮᐊᓯᐅᑉ ᐊᒡᓚᖏᑦ 8:10

ᐃᓕᑦᓯᓐᓄᑦ ᐅᖃᖃᑎᒌᓕᕆᑦᓯ, ᑲᑎᒪᑦᔪᑎᓯᓕ ᑲᔪᓯᓂᐊᓐᖏᓚᖅ; ᐅᖃᐅᓯᕐᒥᒃ ᐅᖃᕋᓗᐊᕈᑦᓯ, ᓱᓕᓂᐊᓐᖏᓚᖅ, ᒎᑎᐅᑉ ᐃᓚᒋᖕᒪᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 8:8

ᔫᑕᓗ ᑎᑭᑕᐅᔪᒫᕆᕗᖅ, ᖄᒥᑕᐅᓗᓂ ᐅᓗᑦᔭᐅᔪᒫᕐᐳᖅ ᐊᖅᑯᓵᕐᑕᐅᓗᓂ, ᐃᓄᐃᑦ ᖁᖓᓯᖏᓐᓄᑦ ᑎᑭᓪᓗᓂ ᐊᒡᓛᑦ; ᐃᓴᕉᖕᓂᓗ ᐃᓯᕕᓪᓗᒋᒃ ᓄᓇᖁᑏᑦ ᑕᒪᕐᒥᒃ ᐅᓕᒍᒫᕐᐹ, ᐆ ᐃᒫᓐᔪᐃᓕ.”

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᔨᕆᒤᐊᐅᑉ ᐊᒡᓚᖏᑦ 31:22

ᖃᓄᖅ ᐊᑯᓂᐅᑎᒋᔪᖅ ᐱᔭᕐᓂᖏᑦᑑᒐᓱᐊᕐᓂᐊᕐᐱᓰ? ᐅᒃᐱᕈᓱᒍᓐᓇᖏᑦᑐᓯ, ᐊᑕᓂᖅ ᓄᑖᒥᒃ ᓴᖅᑭᑎᑦᓯᓂᐊᕐᐳᖅ ᐊᖑᒻᒥᒃ ᐊᕐᓇᒧᑦ ᓴᐳᑦᔭᐅᓯᒪᖔᕐᑐᑎᑐᑦ ᑍᒤᑦᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 44:29

ᐃᓕᑦᓯᓐᓄᑦ ᓇᓗᓁᒃᑯᑕᐅᓕᕐᓕ ᑕᕝᕙᓂ ᓄᓇᒋᔭᑦᓯᓐᓂ ᓱᒋᐊᕈᒫᕋᑦᓯ, ᐊᑕᓂᖅ ᐅᖃᕐᐳᖅ, ᓯᕘᕋᓮᓂᕆᔭᒃᑲ ᐃᓕᑦᓯᓐᓂᒃ ᑍᒤᓕᖕᒊᓐᓇᕐᓂᐊᕐᒪᑕ ᐊᑐᓕᖏᓐᓂᓕᒫᒥᖕᓂ.

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒫᑎᐅᓯᐅᑉ ᐊᒡᓚᖏᑦ 1:23

“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.

ᓘᑲᓯᐅᑉ ᐊᒡᓚᖏᑦ 1:31

ᑕᑯᒋᑦ, ᓄᑕᕋᒃᓴᖃᓕᕐᓂᐊᕐᐳᑎᑦ ᐃᕐᓂᕐᑖᕈᒫᕐᓗᑎᓪᓗ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ.

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 2:12

ᐃᒫᒃ ᖃᐅᔨᒪᑦᔪᑎᖃᕐᓂᐊᕐᐳᓯ; ᓄᑕᕋᑯᓗᒃ ᑕᑯᓂᐊᕐᐸᓯ ᐊᓐᓄᕌᕕᓂᕐᓂᒃ ᐃᒻᒧᓯᕐᓯᒪᔪᖅ ᐆᒪᔪᐃᓪᓗ ᓂᕐᕆᕕᐊᓂ ᐃᓕᓯᒪᔪᖅ.”

ᓘᑲᓯᐅᑉ ᐊᒡᓚᖏᑦ 20:44

ᑍᕕᑎᐅᑉ ᐊᑕᓂᕐᒥᒃ ᑍᒐᒥᐅᒃ; ᖃᓄᕐᓕ ᑕᕝᕙ ᙭ᔅᑑᓯ ᑭᖑᕚᕆᔪᓐᓇᕐᐸᐅᒃ?”

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᕉᒪᒥᐅᓄᑦ 9:5

ᑭᖑᕚᕆᔭᐅᕗᑦ ᐱᒋᐊᕐᕕᐅᓚᐅᕐᑐᓄᑦ ᓯᕗᓕᕕᓂᑦᑎᓐᓄᑦ, ᔫᑎᐅᓪᓗᑎᒡᓗ, ᙭ᔅᑑᓯᐅᑉ ᑎᒥᑖᕐᓂᖓᓄᑦ ᐃᓅᖃᑎᒋᔭᐅᕗᑦ. ᑖᓐᓇ ᒎᑎᐅᔪᖅ ᑕᒤᓐᓄᑦ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 6:36

ᒋᑎᐅᓂᓕ ᐅᖃᕐᐳᖅ ᒎᑎᒧᑦ, “ᐃᓴᕆᐊᓕᓂᒃ ᓴᐳᑦᔨᓂᐊᕈᕕᑦ ᐊᑐᕐᓗᖓ ᐅᖃᐅᓰᑦ ᒪᓕᒡᓗᒍ.

ᓴᒧᐃᓕ ᓯᕗᓪᓖᑦ 1:20

ᑕᒪᑐᒪ ᑭᖑᓂᖓᒍᑦ ᕼᐋᓇ ᓄᑕᕋᒃᓴᕐᑖᕐᐳᖅ, ᕿᑐᕐᖓᕐᑖᕐᕕᒃᓴᖓᓗ ᓇᓪᓕᐅᑎᖕᒪᑦ ᐃᕐᓂᕐᑖᕐᐳᖅ, ᐊᑦᓯᕐᐹᓗ ᓴᒧᐃᓕᒥ, ᐅᖃᕐᓗᓂ, “ᐊᑕᓂᖅ ᕿᓄᕕᒋᓚᐅᕋᒃᑯ ᑖᑦᓱᒥᖓ.”

ᓴᒧᐃᓕ ᓯᕗᓪᓖᑦ 4:21

ᑕᕝᕙ ᐃᕐᓂᕐᑖᓂ ᐊᑦᓯᕐᐹ ᐃᑲᐸᑦᒥᒃ, ᐅᖃᕐᓗᓂᓗ, “ᐊᑕᓂᐅᑉ ᐱᓐᓇᕐᓇᕐᓂᖓᑕ ᐃᓴᕆᐊᓕᒥᐅᑦ ᕿᒪᖕᒪᒋᑦ!” ᐱᑦᔪᑎᖃᕐᓗᓂ ᐊᖏᕈᑎᐅᑉ ᐃᒃᓯᕐᕕᖓᑕ ᑎᒍᔭᐅᓂᖓᓂᒃ ᓴᑭᖓᑕᓗ ᐅᐃᖓᑕᓗ ᑐᖁᓂᖏᓐᓂᒃ.