ᐂᓮᐊᓯᐅᑉ ᐊᒡᓚᖏᑦ 7:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᖓᔪᖅᑳᕐᔪᐊᖅ ᐂᕼᐊᔅ ᔪᑖᒥᐅᑉ ᐃᕐᓂᖓ, ᐅᓮᐊᐅᑉ ᐃᕐᖑᑕᖓ, ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒻ, ᕆᔨᓐ ᐊᖓᔪᖅᑳᕐᔪᐊᖑᑎᓪᓗᒍ ᓯᕆᐊᒥ ᐲᑲᓗ ᕆᒪᓔᐊᐅᑉ ᐃᕐᓂᖓ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᐅᓇᑕᕆᐊᓚᐅᕐᐳᑦ ᔨᕉᓴᓕᒧᑦ, ᓵᓚᒋᔪᓐᓇᓚᐅᓐᖏᓛᓪᓕ.

ᐂᓮᐊᓯᐅᑉ ᐊᒡᓚᖏᑦ 7:1 Iomraidhean Croise

ᐊᑕᓃᑦ ᐂᑉᐸᖏᑦ 15:25

ᐱᑲᕼᐂᐊᐅᑉ ᐊᖓᔪᖅᑳᖁᑎᖓᑦᑕ ᐃᓚᖓᑦ ᐲᑲ ᕆᒪᓔᐊᐅᑉ ᐃᕐᓂᖓ, ᐃᔨᕋᕐᑐᕐᓗᓂ ᑐᖁᑦᓯᔪᒪᓕᓚᐅᕐᐳᑦ, ᐊᖑᑎᓂᒃ 50ᓂᒃ ᒋᓕᐊᑎᒥᐅᑕᕐᓂᒃ ᐃᓚᖃᕐᓗᓂ, ᐱᑲᕼᐂᔭᒥᒃ ᑐᖁᑦᓯᓚᐅᕐᐳᑦ ᐊᖓᔪᖅᑳᕐᔪᐊᑉ ᐃᒡᓗᖓᓂ ᓴᒥᐊᕆᐊᒥ, ᐃᓂᖓᓂᓗ ᐊᖓᔪᖅᑳᕐᔪᐊᓐᖑᕐᓗᓂ.

ᐊᑕᓃᑦ ᐂᑉᐸᖏᑦ 15:27

ᐊᖓᔪᖅᑳᕐᔪᐊᑉ ᐊᔭᕅᐊᐅᑉ ᐊᐅᓚᑦᓯᓂᖏᑕ ᐊᕐᕌᒍᐃᑦ 52ᖓᓐᓂ ᔫᑕᒧᑦ, ᐲᑲ ᕆᒪᓔᐊᐅᑉ ᐃᕐᓂᖓ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᓴᒥᐊᕆᐊᒦᓪᓗᓂ, ᐊᕐᕌᒍᓂᒡᓗ 20ᓂᒃ ᐊᖓᔪᖅᑳᕐᔪᐊᖑᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 15:37

ᔫᑕᒻ ᐊᖓᔪᖅᑳᕐᔪᐊᖑᑎᓪᓗᒍ ᐊᑕᓂᐅᑉ ᑎᑭᑕᐅᑎᓚᐅᕐᐹ ᕆᔨᓐᒧᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐲᑲᒧᓪᓗ ᕆᒪᓔᐊᐅᑉ ᐃᕐᓂᖓᓄᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᒃᑯᐊᒡᓗ ᐅᓇᑕᕆᐊᓚᐅᕐᐳᑦ ᔫᑕᒥᒃ.

ᐊᑕᓃᑦ ᐂᑉᐸᖏᑦ 16:1

ᐊᖓᔪᖅᑳᕐᔪᐊᑉ ᐲᑲᐅᑉ ᕆᒪᓔᐊᐅᑉ ᐃᕐᓂᖓᑕ ᐊᐅᓚᑦᓯᓂᖓᑕ ᐃᓴᕆᐊᓕᒥᐅᓄᑦ ᐊᕐᕌᒍᐊᑕ 17ᖓᓐᓂ, ᐂᕼᐊᔅ ᔫᑕᒥᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᓕᓚᐅᕐᐳᖅ ᔫᑕᒧᑦ.

ᐊᑕᓃᑦ ᐂᑉᐸᖏᑦ 16:5

ᕆᔨᓐ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐲᑲᓗ ᕆᒪᓔᐊᐅᑉ ᐃᕐᓂᖓ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᑲᑐᑦᔨᓪᓗᑎᒃ ᐅᓇᑕᕆᐊᓚᐅᕐᐳᑦ ᔨᕉᓴᓕᒥᒃ ᐊᕙᓗᓯᒪᓕᕐᓗᒍᓗ ᐅᓇᑕᕐᑎᖁᑎᒥᓄᑦ, ᑭᓯᐊᓂᓕ ᓵᓚᖃᕈᓐᓇᐃᓕᓚᐅᕐᐳᑦ ᐂᕼᐊᔅᑯᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 1:1

ᐅᑯᐊ ᐅᖃᐅᓰᑦ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᑎᑦᔪᑎᒃᑯᑦ ᑕᑯᓚᐅᕐᑕᖏᑦ ᔫᑕᒻ ᔨᕉᓴᓕᒻᓗ ᐱᑦᔪᑎᒋᓪᓗᒋᑦ ᐅᑯᐊ ᐊᖓᔪᖅᑳᕐᔪᐊᕆᔭᐅᑎᓪᓗᒋᑦ ᐅᓮᐊ, ᔫᑕᒪᓗ, ᐂᕼᐊᔅᓗ, ᕼᐃᓯᑬᐊᓗ ᔫᑕᐅᑉ ᐊᖓᔪᖅᑳᕐᔪᐊᖏᑦ.

ᐂᓮᐊᓯᐅᑉ ᐊᒡᓚᖏᑦ 8:6

“ᐅᑯᐊ ᐃᓄᐃᑦ ᓮᓗᐊᑉ ᑕᓯᖓᓂᑦ ᑰᑦᓯᐊᕐᑐᒥᒃ ᐃᒥᕈᒪᖏᒻᒪᑕ, ᕆᔨᓂᐅᑉ ᓵᖓᓂ ᕆᒪᓔᐊᐅᓪᓗ ᐃᕐᓂᖓᑕ ᓵᖓᓂ ᓯᕘᕋᓂᕐᒧᑦ ᓴᔪᒍᒫᕐᐳᑦ;

ᐂᓮᐊᓯᐅᑉ ᐊᒡᓚᖏᑦ 9:11

ᑍᒤᒻᒪᑦ ᐊᑕᓂᖅ ᕆᔨᓐᑯᑦ ᐊᑭᕋᕐᑐᕐᑎᖏᓐᓂᒃ ᓴᖅᑭᑎᑦᓯᓕᕐᐳᖅ, ᐊᑭᕋᕐᑐᕐᑎᖏᑦ ᑲᔪᖏᕐᓴᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 27:16

ᐱᖁᑎᓕᐊᓘᒐᑦᓯ ᓯᕆᐊᒥᐅᑦ ᓂᐅᕕᐊᕆᕙᒃᐰᑦ; ᑕᐅᕐᓯᐅᑎᔭᐅᕙᒃᐳᑦ ᐅᔭᕋᖕᓄᑦ ᑕᑯᒥᓇᕐᑐᓄᑦ ᐃᒧᕋᐅᓪᓄᑦ, ᖃᓪᓗᓈᕐᑕᑦᓯᐊᓄᓪᓗ ᐊᐅᐸᓪᓚᕆᒃᑐᓄᑦ, ᓵᑦᑐᓄᓪᓗ ᑕᕐᓯᕐᑐᕐᓯᒪᔪᓄᑦ ᖃᓪᓗᓈᕐᑕᓄᑦ ᓵᑦᑐᓄᑦ, ᐃᒪᕐᒥᐅᑕᓄᑦ ᐅᔭᕋᕈᕐᓂᑯᓄᑦ, ᐊᓕᒎᔭᕐᓄᑦ ᐊᐅᐸᕐᑐᓄᑦ ᐊᑭᓕᕐᑕᐅᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 1:1

ᐊᑕᓂᐅᑉ ᐅᖃᐅᓯᖓ ᕼᐆᓯᐊᒧᑦ ᑎᑭᑉᐳᖅ ᐲᕆᐅᑉ ᐃᕐᓂᖓᓄᑦ, ᐅᑯᐊ ᔫᑕᒥ ᑭᖑᓕᕇᒃᓗᑎᒃ ᐊᖓᔪᖅᑳᕐᔪᐊᖑᑎᓪᓗᒋᑦ ᐅᓮᐊ, ᔫᑕᒻ, ᐂᕼᐊᔅ, ᕼᐃᓯᑬᐊᓗ, ᐊᖓᔪᖅᑳᕐᔪᐊᖑᑎᓪᓗᒋᑦ ᔫᑕᒥ, ᔨᕈᐳᐊᒻᓗ ᔪᐊᓯᐅᑉ ᐃᕐᓂᖓ, ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᒥ.

ᒤᑲᐅᑉ ᐊᒡᓚᖏᑦ 1:1

ᒎᑎᐅᑉ ᐅᖃᐅᓯᖏᑦ ᒤᑲᒧᑦ ᒧᕆᓯᑎᒥᐅᑕᕐᒧᑦ ᔫᑕᒻ, ᐊᕼᐊᔅᓗ, ᕼᐃᓯᑬᐊᓗ ᐊᖓᔪᖅᑳᕐᔪᐊᖑᑎᓪᓗᒋᑦ ᑭᖑᓕᕇᒃᓗᑎᒃ ᔫᑕᒥᐅᓄᑦ. ᑐᑭᓯᑎᑕᐅᓚᐅᕐᐳᖅ ᓴᒥᐊᕆᐊᒥᐅᑦ ᔨᕉᓴᓕᒥᐅᓪᓗ ᐱᓪᓗᒋᑦ.