ᐂᓮᐊᓯᐅᑉ ᐊᒡᓚᖏᑦ 66:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓂᕈᐊᓛᕆᕗᖓ ᐋᓐᓂᐊᑎᑕᐅᑦᔪᑎᒃᓴᖏᓐᓂᒃ, ᑲᑉᐱᐊᒋᔭᖏᓐᓂᒃ ᑎᑭᕝᕕᐅᑎᑦᓱᒫᕐᐸᒃᑲ; ᕾᖁᔨᑎᓪᓗᖓ ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᖏᒻᒪᑦ, ᐅᖃᓪᓚᒃᑎᓪᓗᖓ ᓈᓚᓚᐅᖏᒻᒪᑕ; ᐱᐅᖏᑦᑐᒥᒡᓕ ᑕᑯᓐᓇᕐᑕᒃᑯᑦ ᐱᓇᓱᐊᖔᑐᐃᓐᓇᓚᐅᕐᐳᑦ, ᐊᑐᕋᓱᖔᕐᓗᑎᒡᓗ ᖁᕕᐊᒋᓐᖏᑕᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 66:4 Iomraidhean Croise

ᐊᑕᓃᑦ ᐂᑉᐸᖏᑦ 21:2

ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᐳᖅ, ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᐅᓪᓚᕐᑎᓚᐅᕐᑕᖏᑕ ᐃᓕᖅᑯᓯᕆᓚᐅᕐᑕᖏᓐᓂᒃ ᓇᕐᕈᓇᕐᑐᓂᒃ ᐱᓂᐊᓚᐅᕐᒪᑕ ᐃᓴᕆᐊᓕᒥᐅᓂᑦ ᓄᓁᑕᐅᓚᕐᑐᓂᒃ.

ᐊᑕᓃᑦ ᐂᑉᐸᖏᑦ 21:6

ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᐃᓐᖏᕈᑎᑦ 81:12

ᑍᒤᒻᒪᑦ ᐃᓱᒤᓐᓇᕐᕆᑎᓕᕐᐸᒃᑲ ᑐᓴᕈᓐᓇᖏᒻᒪᑕ, ᐱᔪᒪᔭᒥᖕᓂᒃ ᒪᓕᖕᓂᐊᓕᕐᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:24

ᕾᖁᓚᐅᕋᒃᑭᑦ ᓈᓚᒍᒪᓚᐅᓐᖏᓚᑎᑦ, ᐃᓴᒻᒥᖃᑦᑕᕐᓯᒪᕗᖓ ᓇᓪᓕᐊᓐᓄᓪᓘᓐᓃᑦ ᐅᐸᒋᐊᕐᑕᐅᓚᐅᕐᓯᒪᓇᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:24

ᐱᐅᖏᑦᑐᑦ ᓯᕘᕋᒋᔭᒥᖕᓄᑦ ᑎᑭᑕᐅᓂᐊᕐᐳᑦ, ᐃᓱᐊᕐᑐᕐᓕ ᐱᔪᒪᔭᒥᓂᒃ ᐱᑎᑕᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 59:15

ᓱᓕᑦᓯᐊᕐᓂᖅ ᐊᓯᐅᓯᒪᕗᖅ, ᐱᐅᖏᑦᑐᒥᒡᓗ ᐊᑐᕈᒪᔪᓐᓃᕐᑐᖅ ᐃᒻᒥᓂᒃ ᒪᓂᑐᐃᓐᓇᓕᕐᐸᒃᐳᖅ ᐅᒋᐊᓐᖑᔪᓄᑦ. ᐊᑕᓂᐅᑉ ᑕᒪᒃᑯᐊ ᑕᑯᓪᓗᒋᑦ ᖁᕕᐊᓲᑎᒋᓐᖏᓔᑦ, ᐊᑦᔨᒌᒃᑎᑦᓯᓂᕐᒥᒃ ᐱᓇᓱᐊᕐᑐᖃᕈᓐᓃᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 59:7

ᐃᑎᒐᖏᑦ ᐱᐅᖏᑦᑐᓕᔪᒪᓂᕐᒧᑦ ᐅᓪᓚᖃᑦᑕᕐᐳᑦ, ᑐᐊᕕᖃᑦᑕᕐᐳᑦ ᐸᓯᔭᒃᓴᐅᖏᑦᑐᓂᒃ ᐃᓄᐊᕈᒪᓪᓗᑎᒃ, ᐃᓱᒪᒃᓴᕐᓯᐅᕐᐳᓪᓗ ᐊᔪᕐᑐᓕᔪᒪᓪᓗᑎᒃ; ᐊᖅᑯᑏᑦ ᐊᑐᕐᑕᕕᓂᖏᑦ ᐃᓄᐃᕈᑎᓯᒪᓪᓗᑎᒃ ᐊᓯᕈᕐᑕᐅᓯᒪᕗᑦ.

ᐂᓮᐊᓯᐅᑉ ᐊᒡᓚᖏᑦ 65:12

ᓯᕗᓂᒃᓴᖃᕐᑎᑦᓱᒫᕐᐸᑦᓯ ᓴᕕᒡᔪᐊᕐᒧᑦ ᑐᖁᑕᐅᑎᓪᓗᓯ, ᑕᒪᑦᓯ ᑐᖁᕅᔨᓄᑦ ᐅᑯᔪᒫᕐᐳᓯ; ᕾᖁᔨᑎᓪᓗᖓ ᐃᓕᑦᓯᓐᓂᒃ ᑭᐅᓚᐅᖏᓐᓇᑦᓯ, ᐅᖃᕐᑎᓪᓗᖓ ᓈᓚᓚᐅᖏᓐᓇᑦᓯ, ᐱᐅᖏᑦᑐᓂᒃ ᐱᓇᓱᐊᑐᐃᓐᓇᓚᐅᕋᑦᓯ ᑕᑯᓐᓇᕐᑎᓪᓗᖓ, ᖁᕕᐊᒋᓐᖏᑕᓐᓂᒡᓗ ᓂᕈᐊᖔᕐᓗᓯ.”

ᐂᓮᐊᓯᐅᑉ ᐊᒡᓚᖏᑦ 65:2

ᐅᓪᓗᓕᒫᖅ ᐃᓴᒻᒥᕗᖓ ᐃᓄᖕᓄᑦ ᐊᑭᕋᕐᑐᕐᑐᓄᑦ, ᐃᓅᓯᖃᕐᑐᓄᑦ ᐊᖅᑯᑎᒃᑯᑦ ᐱᐅᖏᑦᑐᒃᑯᑦ, ᐃᓱᒪᓕᐊᕆᓯᒪᔭᑐᐃᓐᓇᕐᒥᖕᓂᒃ ᒪᓕᒃᑐᓄᑦ;

ᐂᓮᐊᓯᐅᑉ ᐊᒡᓚᖏᑦ 65:3

ᓂᓐᖓᒃᓮᓂᕐᓂᒃ ᐅᖃᐅᓯᕾᓐᓇᕐᑐᓄᑦ ᐅᕙᓐᓄᑦ, ᑮᓇᓐᓄᑦ ᓂᓪᓕᐊᓪᓗᑎᒃ ᑍᒪᓐᖓᑦ, ᑐᖁᑦᓯᓪᓗᑎᒃ ᐆᒪᔪᓂᒃ ᑐᓂᕐᕈᓯᕐᐳᑦ ᐱᕈᕐᓯᕐᕕᖕᓂ, ᐳᔫᕐᑎᒐᕐᓂᒃ ᑎᐱᑦᓯᐊᕆᒃᑐᓂᒃ ᑐᓂᕐᕈᓯᕐᐳᑦ ᖁᐊᕐᑎᑕᒐᕐᓂ ᐅᔭᕋᓕᐊᕆᓯᒪᔪᓂ;

ᐂᓮᐊᓯᐅᑉ ᐊᒡᓚᖏᑦ 65:7

ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 35:17

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᔫᑕᒥᐅᓄᑦ ᔨᕉᓴᓕᒥᐅᓕᒫᓄᓪᓗ ᑎᑭᑕᐅᑎᑦᓯᔪᒫᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓐᓂᒃ, ᐅᖃᐅᑎᕙᓚᐅᕋᓗᐊᕋᒃᑭᑦ ᓈᓚᒍᒪᓚᐅᖏᒻᒪᑕ, ᑎᓕᓯᑦᔪᑎᓐᓂᒡᓗ ᓈᓚᒍᒪᓚᐅᕋᑎᒃ.”

ᔨᕆᒤᐊᐅᑉ ᐊᒡᓚᖏᑦ 7:13

ᑕᒪᒃᑯᓂᖓ ᐱᔪᒥᓇᖏᑦᑐᓂᒃ ᐱᓇᓱᐊᕐᑎᓪᓗᓯ, ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ ᐅᖃᕋᓱᐊᖃᑦᑕᓚᐅᕋᓗᐊᕐᐳᖓ ᐅᓄᕐᑐᐃᕐᓱᕐᓗᖓ, ᓈᓚᓚᐅᓐᖏᓚᑦᓯᓐᖓᓕ, ᐅᖃᐅᑦᔨᓇᓱᐊᕋᓗᐊᕐᑎᓪᓗᖓ ᑭᐅᔪᓐᓇᓚᐅᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 7:30

“ᔫᑕᒥᐅᑦ ᓵᓐᓂ ᐊᔪᕐᑐᓕᓯᒪᖕᒪᑕ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓂᒃ ᓇᕐᕈᓇᕐᑐᓂᒃ ᐃᓕᐅᖅᑬᓯᒪᖕᒪᑕ ᑐᒃᓯᐊᕐᕕᒡᔪᐊᖁᑎᓐᓄᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᓇᕐᕈᓇᕐᓯᑎᑦᓯᕗᑦ ᑍᒤᓕᐅᕐᓂᕐᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 11:8

ᓴᕕᒡᔪᐊᒥᒃ ᑲᑉᐱᐊᒋᔭᖃᓚᐅᕐᐳᓯ; ᑎᑭᑎᑦᓯᔪᒫᕐᐳᖓᓕ ᓴᕕᒡᔪᐊᒥᒃ ᐃᓕᑦᓯᓐᓄᑦ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 14:4

“ᑍᒤᒻᒪᑦ ᐅᖃᐅᑎᒃᑭᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᓐᓂ ᒎᑎᓐᖑᐊᖃᕐᓂᕐᒧᑦ ᐅᒃᐱᕆᔭᖃᓪᓚᕆᓕᕐᑐᖃᕐᐸᑦ ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᓂ, ᐱᔪᖃᓛᕐᑐᒥᒡᓗ ᐅᖃᕐᑎᓐᓄᑦ ᐅᐸᒍᑎᒃᐸᑦ, ᐅᕙᖓ ᐊᑕᓂᖅ ᓇᖕᒥᓂᖅ ᑭᐅᒐᔭᕐᐸᕋ ᒎᑎᓐᖑᐊᖃᕐᓂᖓᓄᑦ ᐅᓄᓗᐊᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:25

ᑍᒤᒻᒪᑦ ᐱᖁᔭᕐᑖᕐᑎᓕᓚᐅᕐᐸᒃᑲ ᐱᐅᖏᑦᑐᓂᒃ, ᐊᑐᒐᒃᓴᓕᐅᕐᓗᒋᓪᓗ ᐃᓅᓯᖃᕐᓇᖏᑦᑐᓂᒃ;

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᓴᒧᐃᓕ ᓯᕗᓪᓖᑦ 8:19

ᐃᓄᐃᓪᓕ ᓈᓚᒍᒪᓚᐅᓐᖏᓚᑦ ᓴᒧᐃᓕᐅᑉ ᐅᖃᐅᓯᖏᓐᓂᒃ; ᐅᖃᕐᐳᓪᓕ, “ᐋᒃᑲ! ᐅᕙᒍᓪᓕ ᐊᖓᔪᖅᑳᕐᔪᐊᕐᑖᕈᒪᕗᒍᑦ,