ᐂᓮᐊᓯᐅᑉ ᐊᒡᓚᖏᑦ 66:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᐂᓮᐊᓯᐅᑉ ᐊᒡᓚᖏᑦ 66:15 Iomraidhean Croise

ᐃᓐᖏᕈᑎᑦ 11:6

ᓯᓚᓗᒃᑐᑎᑐᑦ ᑲᑕᒐᕐᑎᑦᓯᔪᒫᕐᐳᖅ ᐊᐅᒫᓗᖕᓂᒃ; ᐃᑯᒪᓗ ᐅᕐᓱᕈᑎᖃᕐᑐᖅ ᐊᓄᕆᓗ ᐃᑯᐊᓚᔪᖅ ᐃᕐᖑᓯᖏᑕ ᐃᒪᒃᓴᕆᕔᑦ.

ᐃᓐᖏᕈᑎᑦ 18:9

ᕿᓔᓪᓗ ᐊᒻᒧᒃᑎᓚᐅᕆᕔᑦ, ᐊᖅᑲᕐᓗᓂᓗ, ᑖᕐᑐᕐᔪᐊᖅ ᐃᑎᒐᖏᑕ ᐊᑖᓃᓪᓗᓂ.

ᐃᓐᖏᕈᑎᑦ 21:9

ᐃᑯᐊᓚᑎᑦᓱᒫᕐᐸᑎᑦ ᑭᐊᒃᓴᐅᑎᑐᑦ ᐃᒐᕕᒃᑐᑦ, ᑍᑦᓱᒪᓂ ᓂᓐᖓᐅᒪᓕᕈᕕᑦ; ᐊᑕᓂᐅᑉ ᓂᓐᖓᐅᒪᓂᕐᒥᓄᒃ ᐄᔪᒫᕐᐰᑦ, ᐃᑯᒪᐅᓪᓗ ᓂᕆᔪᒫᕐᐰᑦ.

ᐃᓐᖏᕈᑎᑦ 50:3

ᒎᑎᕗᑦ ᕾᔪᒫᕐᐳᖅ, ᓂᐰᑦᑑᓂᐊᕋᓂᓗ; ᐃᑯᒪ ᓄᖒᑦᓯᔪᕐᔪᐊᖅ ᓵᖓᓃᑦᓱᒫᕐᐳᖅ, ᐊᕙᑖᓂᓗ ᓯᓚᕐᓂᕐᓗᒡᔪᐊᖃᕈᒫᕐᐳᖅ.

ᐃᓐᖏᕈᑎᑦ 68:17

ᐊᒃᓴᓗᐊᓖᑦ ᐱᐅᔪᕐᔪᐊᑦ ᒎᑎᐅᑉ ᐱᖏᑦ ᐊᕙᑎᑦ ᑕᐅᓮᕐᑐᕐᓗᒋᑦ ᐊᒡᓛᑦ, ᑕᐅᓮᑦ ᑕᐅᓮᕐᑐᕐᓗᒋᑦ, ᐊᑕᓂᐅᑉ ᓮᓁᒥᑦ ᐃᓚᒋᓪᓗᒋᑦ ᐃᑦᔪᕐᓁᑦᑐᕕᖕᒧᐊᓚᐅᕐᐳᖅ.

ᐃᓐᖏᕈᑎᑦ 97:3

ᑖᑦᓱᒪ ᐃᑯᒪ ᓯᕗᓕᕆᕚ, ᐃᑯᐊᓪᓔᓪᓗᓂᓗ ᐊᑭᕋᕐᑐᕐᑎᖏᓐᓂᒃ ᑕᒫᓃᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 10:17

ᐃᓴᕆᐊᓕᒥᐅᑦ ᖃᐅᒪᓂᖓ ᐃᑯᒪᓐᖑᕈᒫᕐᐳᖅ, ᐃᑦᔪᕐᓁᑦᑐᖁᑎᖓᓗ ᐃᑯᐊᓚᔪᒫᕐᓗᓂ; ᐃᑯᐊᓪᓔᓗᓂ ᓄᖒᑦᓯᓗᓂᓗ. ᑲᑭᓪᓚᕐᓇᕐᑐᖁᑎᒥᓂᒃ ᐅᕐᐱᒐᖁᑎᒥᓂᒡᓗ ᐅᓪᓗᒥ ᐊᑕᐅᓯᕐᒥ.

ᐂᓮᐊᓯᐅᑉ ᐊᒡᓚᖏᑦ 26:11

ᐊᑕᓃᖅ ᐊᒡᒐᑎᑦ ᐅᕐᓕᑐᕐᑐᑦ ᐃᓴᐅᑎᓯᒪᓕᕐᐸᑎᑦ, ᓱᓕᓕ ᑕᒪᑐᒥᖓ ᖃᐅᔨᓐᖏᓚᑦ. ᐃᓄᖁᑎᖕᓂᒃ ᓇᒡᓕᒍᓱᒃᑐᐊᓘᓂᕐᓂᒃ ᑕᑯᑎᓚᐅᒃᑭᑦ ᑲᓐᖑᓱᓕᖅᑯᓪᓗᒋᑦ. ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖏᑕ ᐃᑯᐊᓚᓂᖏᓐᓄᑦ ᓄᖑᑕᐅᑎᓚᐅᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 31:9

ᐃᕐᓯᓂᕐᒧᑦ ᐊᖓᔪᖅᑳᕐᔪᐊᖏᑦ ᕿᒫᔪᒪᕐᐳᑦ ᑲᑉᐱᐊᓱᒡᓗᑎᒃ, ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᕐᓯᓂᕐᒧᑦ ᐅᓇᑕᕐᑏᑦ ᓮᒻᒪᑎᖁᑎᖏᓐᓂᒃ ᕿᒤᓐᓁᔪᒫᕐᐳᑦ.” ᐊᑕᓂᖅ ᐅᖃᕐᐳᖅ, ᐃᑯᒪᖁᑎᖃᕐᑐᖅ ᓮᐅᓂᒥ, ᐃᑯᐊᓚᑦᓯᕕᖁᑎᖃᕐᓗᓂᓗ ᔨᕉᓴᓕᒥ.

ᐂᓮᐊᓯᐅᑉ ᐊᒡᓚᖏᑦ 5:25

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᐃᑯᐊᓪᓚᓚᐅᕐᐳᖅ ᐃᓄᖁᑎᒥᓄᑦ, ᑕᓕᓂᓗ ᐃᓴᒃᐹ ᑖᒃᑯᓄᖓ ᐱᒋᐊᕈᒪᓪᓗᒋᑦ, ᖃᖅᑬᑦ ᓴᔪᒃᐱᓗᒃᐳᑦ; ᑎᒥᕕᓂᖏᓪᓗ ᐊᖅᑯᑎᓂ ᐃᒋᑕᐅᓯᒪᔪᑎᑐᑦ ᑍᒤᓕᕐᓗᑎᒃ. ᓂᓐᖓᐅᒪᓂᖓ ᓴᖑᓐᖏᓚᖅ ᐊᒡᒐᖏᑦ ᓱᓕ ᐅᕐᓕᕐᑐᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 5:28

ᖃᕐᔪᖏᑦ ᐃᐱᒃᐳᑦ, ᐱᓯᒃᑎᓕᒫᖏᓪᓗ ᓂᐅᖓᒃᓯᒪᕗᑦ ᐅᕐᓕᕐᑐᕐᓗᑎᒃ, ᕿᒻᒥᕐᔪᐊᖏᑕᓗ ᑯᑭᖏᑦ ᐊᖕᒫᒃᓴᑎᑐᑦ ᓯᑎᔪᑎᑐᑦ ᑍᒤᑉᐳᑦ, ᑲᓕᒐᖏᑕᓗ ᐊᒃᓴᓗᐊᖏᑦ ᐅᓚᔪᔭᕐᑎᑐᑦ ᑬᕕᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 51:20

ᐃᕐᓂᑎᑦ ᓄᑮᕈᑎᓯᒪᕗᑦ, ᓇᓚᓪᓗᑎᒡᓗ ᐊᖅᑯᑏᑦ ᓴᖑᒋᐊᕐᕕᖏᓐᓂ, ᑐᒃᑐᖓᔪᑎᑐᑦ ᓄᓗᐊᕐᑎᑕᐅᓯᒪᔪᑎᑐᑦ; ᑖᒃᑯᐊ ᐊᑕᓂᐅᑉ ᓂᓐᖓᐅᒪᓂᖓᓄᑦ ᐊᒃᑐᐊᔭᐅᕗᑦ, ᒎᑎᑦᓯᓗ ᐃᓂᕐᑎᕆᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 25:37

ᓇᑎᕐᓇᔮᓪᓗ ᐃᕕᒃᓱᒑᖃᐅᑦᓯᐊᕐᑐᑦ ᑭᓱᒃᓴᐅᔪᓐᓃᕐᑎᑕᐅᓯᒪᕗᑦ, ᐊᑕᓂᐅᑉ ᓂᓐᖓᕕᒡᔪᐊᕐᓯᒪᓂᕐᒥᓄᑦ ᐱᓇᓱᐊᕐᕕᒋᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 4:13

ᑕᑯᒋᑦᓯ, ᐃᖏᕐᕋᓂᖏᑦ ᓄᕗᔭᑎᑐᑦ ᓱᒃᑲᑦᑑᑎᒋᕗᑦ, ᕿᒧᒃᓯᐅᑎᖏᓪᓗ ᐅᓚᓗᔨᕋᕐᑐᑎᑐᑦ, ᕿᒻᒥᕐᔪᐊᖏᓪᓗ ᓱᒃᑲᓂᕐᓴᐅᕗᑦ ᓇᒃᑐᕋᓕᖕᓂᑦ! ᑲᑉᐱᐊᓐᓇᒦᖑᔪᒍᑦ, ᐊᓯᕈᕐᑕᐅᕗᒍᑦ!

ᔨᕆᒤᐊᐅᑉ ᐊᒡᓚᖏᑦ 4:3

ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, “ᔫᑕᒥᐅᑦ ᔨᕉᓴᓕᒥᐅᓪᓗ ᐃᓄᖏᓐᓄᑦ: ᓄᓇᓕᕆᐊᕆᓯᒪᓐᖏᑕᑦᓯᓐᓂᒃ ᓄᓇᓕᕆᓕᕆᑦᓯ, ᐱᕈᕐᓯᐊᒃᓴᓂᒡᓗ ᑲᓐᖓᕐᓱᐃᑦᑍᓕᒋᑦᓯ ᐅᕐᐲᑦ ᑲᑭᓐᓇᕐᑐᖃᕐᑐᑦ ᐊᑯᓐᓂᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 46:15

ᓱᖕᒪᑦ ᐅᓇᑕᕐᑎᖁᑎᓯ ᐅᕐᕈᕚᑦ? ᓇᖏᕈᓐᓇᖏᓐᓇᒥᒃ ᐊᑕᓂᐅᑉ ᐅᕐᕈᑎᓯᒪᖕᒪᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 38:17

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᑦᓱᒪᓂᐊᓗᒃ ᐅᖃᕐᑎᒃᑲ ᐅᖃᐅᓯᖃᕐᐸᓚᐅᕐᐳᑦ ᐃᓴᕆᐊᓕᒥᐅᑦ ᐅᓇᑕᕐᑕᐅᔪᒫᕐᓂᖏᓐᓂᒃ; ᑖᒃᑯᐊᖑᓕᕐᐳᓯ ᑕᕝᕙ ᑎᑭᑦᓱᒫᕐᑐᒃᓮᑦ.”

ᐃᓯᑭᐊᓕᐅᑉ ᐊᒡᓚᖏᑦ 5:15

“ᓇᕐᕈᓇᕐᓯᔪᒫᕐᐳᓯ ᒥᑕᐅᑎᒃᓴᐅᓕᕐᓗᓯᓗ, ᐃᓂᕐᑎᕈᑎᒃᓴᐅᓗᓯ ᑲᑉᐱᐊᓵᕆᑦᔪᑎᒃᓴᐅᓗᓯᓗ ᐃᓅᖃᑎᒌᒡᔪᐊᓄᑦ ᐊᕙᑎᑦᓯᓐᓃᑦᑐᓄᑦ, ᐃᖅᑲᕐᑐᐃᓕᕈᒪ ᓂᓐᖓᐅᒪᓂᒃᑯᑦ ᓂᓐᖓᕕᒡᔪᐊᕐᓯᒪᓂᒃᑯᓪᓗ, ᓱᒋᐊᕐᓯᓂᒃᑯᑦ ᑲᑉᐱᐊᓇᕐᑐᑎᒍᑦ, ᐅᕙᖓ ᐊᑕᓂᖅ, ᐅᖃᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 11:40

“ᑍᑦᓱᒪ ᐃᓱᐊᓂ ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᑦ ᐱᔪᖅ ᐅᓇᑕᖃᑎᒋᔪᒫᕐᐹ, ᐊᖓᔪᖅᑳᕐᔪᐊᓪᓗ ᐅᓐᓄᐊᑉ ᓇᓛᓂᑦ ᐱᔫᑉ ᓱᕐᔪᒍᒫᕆᕚ ᕿᒧᒃᓯᐅᑎᑦ ᐃᑭᒪᕝᕕᖕᒥᒃ ᐅᓂᐊᕐᑐᑦ ᐊᑐᕐᓗᒋᑦ, ᐅᓇᑕᕐᑐᒃᓴᒐᓴᒃᔪᐊᖃᕐᓗᓂ, ᐅᒥᐊᕐᔪᐊᖁᑎᖏᓪᓗ ᐅᓄᕐᑐᑦ ᐊᑐᕐᓗᒋᑦ, ᓄᓇᓕᒡᔪᐊᑦ ᐅᓄᕐᑐᑦ ᐅᓇᑕᕈᒫᕐᐰᑦ ᐃᒪᕐᑐᑦ ᖄᒥᑦᑐᑐᑦ.

ᑖᓂᐊᓕᐅᑉ ᐊᒡᓚᖏᑦ 7:10

ᐃᑯᒪᔪᖅ ᑰᒃᐳᖅ ᑖᑦᓱᒪ ᓵᖓᓂᑦ: ᑕᐅᓴᑎᑦ ᑕᐅᓴᑎᓪᓗ ᐅᖓᑖᓃᑦᑐᑦ ᐱᔨᑦᓯᕐᐳᑦ ᑖᑦᓱᒥᖓ; 10,000 10,000ᐃᕐᑐᕐᓗᒍ ᐅᓄᕐᑎᒋᔪᑦ ᓵᖓᓂ ᓇᖏᕐᐳᑦ, ᐃᖅᑲᕐᑐᐃᓂᖅ ᐱᒋᐊᕐᒪᑦ, ᒪᒃᐱᕐᑐᖅᑲᓪᓗ ᒪᒃᐱᕐᑕᐅᕗᑦ.

ᕼᐆᓯᐊᑉ ᐊᒡᓚᖏᑦ 8:7

ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ.

ᐂᒨᓯᐅᑉ ᐊᒡᓚᖏᑦ 7:4

ᐃᒫᒃ ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᒎᑎ ᐱᖁᔨᓚᐅᕐᐳᖅ ᐃᖅᑲᕐᑐᐃᓂᕐᒥᒃ ᐃᑯᒪᒧᑦ, ᑕᕆᐅᖅ ᐃᑎᔪᕐᔪᐊᖅ ᐃᑯᐊᓪᓚᓚᐅᕐᐹ ᓄᓇᓗ ᐃᑯᐊᓪᓚᖃᓯᐅᑎᓕᕐᓗᓂ.

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᕼᐊᐸᑲᐅᑉ ᐊᒡᓚᖏᑦ 3:8

ᐊᑕᓃᖅ, ᑰᖕᒧᑦ ᓂᓐᖓᒃᑎᑕᐅᕖᑦ? ᐃᒪᕕᖕᒧᑦ ᓂᓐᖓᕕᒡᔪᐊᕐᑎᑕᐅᕖᑦ? ᓄᕗᔧᑦ ᖄᖏᑎᒍᑦ ᐃᑭᒪᒐᕕᑦ; ᓯᓚᕐᓂᕐᓗᐃᓪᓗ ᓄᕗᔭᑦ ᕿᒧᒃᓯᐅᑎᒋᕙᑎᑦ ᐊᒃᓴᓗᐊᓕᒃᑎᑐᑦ, ᑕᒪᒃᑯᑎᒎᓇᕐᓗ ᓵᓚᖃᕐᑎᑦᓯᓪᓗᑎᑦ ᐃᓄᖁᑎᖕᓂᒃ.

ᓴᑲᕅᐊᐅᑉ ᐊᒡᓚᖏᑦ 6:1

ᖁᒻᒧᑦ ᑕᑯᓴᕐᒥᒐᒪ, ᑕᑯᒋᕗᖓ ᐊᒃᓴᓗᐊᓕᖕᓂᒃ ᕿᒧᒃᓯᐅᑎᓂᑦ ᐅᓂᐊᕐᑕᐅᔪᓂᒃ ᓯᑕᒤᓂᒃ, ᓄᐃᓕᕐᑐᓂᒃ ᖃᖄᒃ ᒪᕐᕈᒃ ᐊᑯᓐᓂᖓᓂᑦ, ᖃᖄᓗ ᑖᒃᑯᐊᒃ ᑲᓐᓄᔭᐅᕗᒃ.

ᒫᑎᐅᓯᐅᑉ ᐊᒡᓚᖏᑦ 22:7

ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᒃᑐᐊᓘᕗᖅ; ᐅᓇᑕᕐᑐᒃᓴᖁᑎᓂ ᑎᓕᕔᑦ ᑍᒃᑯᐊ ᐃᓄᐊᕐᑐᑦ ᑐᖁᑕᐅᖁᓪᓗᒋᑦ ᐃᒡᓗᒐᓴᖏᓪᓗ ᐃᑯᐊᓪᓚᒃᑕᐅᓗᑎᒃ.

ᒨᓯᓯ ᑕᓪᓕᒪᖏᑦ 28:20

“ᐱᐅᖏᑦᑐᒥᒃ ᐱᓇᓱᐊᕈᑦᓯ ᐊᑕᓂᖃᕈᒪᖏᒃᑯᑦᓯᓗ, ᑕᕝᕙ ᐱᓂᕐᓗᖕᓇᕐᑐᓄᑦ ᑎᑭᑕᐅᑎᑦᓱᒫᕐᐹᓯ, ᓇᓗᓕᕐᓇᕐᑐᒧᓪᓗ, ᐊᑲᐅᖏᑦᔪᑎᒃᓴᖃᕐᓂᕐᓄᓪᓗ ᖃᓄᐃᑦᑐᑐᐃᓐᓇᒥᒃ ᐱᓇᓱᐊᕋᓗᐊᕈᑦᓯ, ᕿᓚᒥᑯᓗᒃ ᓄᖑᑕᐅᑦᓯᐊᕐᓇᕐᑐᒧᑦ ᑎᑭᑕᐅᓚᐅᖅᑳᕐᑎᓐᓇᓯ, ᐅᕙᓐᓂᒃ ᕿᒤᓯᒪᓃᑦ ᐱᑦᔪᑎᒋᓗᒍ.

ᐲᑦᑐᕉᓯ ᐂᑉᐸᖏᑦ 3:7

ᐅᖃᐅᓯᕐᒧᑦ ᓱᓕ ᑖᑦᓱᒧᖓᑦᓮᓐᓇᖅ ᕿᓚᒡᓗ ᓄᓇᕐᔪᐊᕐᓗ ᒫᓐᓇ ᓴᖅᑭᔮᕐᑑᒃ ᐃᑯᐊᓪᓚᒃᑐᒃᓴᓕᐊᕆᔭᐅᓯᒪᕘᒃ, ᐅᓪᓗᒧᑦ ᐅᑕᖅᑭᑎᑕᐅᓪᓗᑎᒃ ᐃᖅᑲᕐᑐᕐᑕᐅᕕᖕᒧᑦ ᒎᑎᖃᖏᑦᑐᓪᓗ ᓄᖑᑎᑕᐅᓂᕆᓚᕐᑕᖓᓐᓄᑦ.