ᐂᓮᐊᓯᐅᑉ ᐊᒡᓚᖏᑦ 65:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑭᖑᕚᕐᑖᕐᑎᑦᓱᒫᕐᐸᒃᑲ ᔧᑰᑉ ᑭᖑᕚᖏᓐᓂᑦ ᐱᔪᓂᒃ, ᔫᑕᐅᓪᓗ ᑭᖑᕚᖏᑦᑕ ᖃᖅᑲᖁᑎᒃᑲ ᐱᒋᔪᒫᕐᐹᑦ; ᓂᕈᐊᕐᓯᒪᔭᒪ ᐱᒋᓕᕈᒫᕐᐹᑦ, ᐱᔨᒃᑲᓗ ᓄᓇᖃᕈᒫᕐᐳᑦ ᑕᕝᕙᓂ.

ᐂᓮᐊᓯᐅᑉ ᐊᒡᓚᖏᑦ 65:9 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 27:6

ᐅᓪᓗᓂ ᓇᓪᓕᐅᑎᔪᒫᕐᑐᓂ, ᔧᑰᑉ ᑭᖑᕚᖏᑦ ᐊᒫᖃᓕᕈᒫᕐᐳᑦ; ᐃᓴᕆᐊᓕ ᓇᐹᕐᑐᒃᓴᑎᑐᑦ ᐱᕈᕐᑐᒃᓴᖃᓕᕐᓗᓂ, ᓄᓇᕐᔪᐊᕐᓗ ᐸᐅᕐᖓᖃᓕᕈᒫᕐᐳᖅ ᑖᒃᑯᓇᓐᖓᑦ ᐱᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 30:19

ᓮᐅᓂᒥᐅᑕᐅᔪᓯ ᓄᓇᖃᕐᑐᓯᓗ ᔨᕉᓴᓕᒥ; ᕿᐊᓂᐊᕈᓐᓃᕐᐳᓯ. ᑖᑦᓱᒪ ᐊᖏᔪᒥᒃ ᐱᑦᓯᐊᕐᕕᒋᖕᒪᓯ ᕿᓄᓂᑦᓯᓐᓂᒃ ᑐᓴᕈᓂ; ᑐᓴᕈᓂᓯ ᑭᐅᓂᐊᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 32:18

ᐃᓄᖁᑎᒃᑲ ᐃᓂᖃᓕᕈᒫᕐᐳᑦ ᓮᒪᓇᕐᑐᒥ, ᐊᖏᕐᕋᖃᕐᓗᑎᒡᓗ ᓯᕘᕋᓇᖏᑦᑐᓂᒃ, ᓂᐱᖃᖏᑦᑐᒥᓗ ᓮᓕᔪᒥᒡᓗ ᐃᓂᖃᕐᓇᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᐂᓮᐊᓯᐅᑉ ᐊᒡᓚᖏᑦ 45:25

ᐊᑕᓂᕐᒥᓕ ᐃᓴᕆᐊᓕᒥᐅᑦ ᑭᖑᕚᓕᒫᖏᑦ ᓵᓚᖃᕐᑎᑕᐅᔪᒫᕐᐳᑦ, ᓂᕐᑐᕐᓇᕐᑎᑕᐅᓗᑎᒡᓗ.’”

ᐂᓮᐊᓯᐅᑉ ᐊᒡᓚᖏᑦ 49:8

ᐊᑕᓂᖅ ᐃᒫᒃ ᐅᖃᕐᐳᖅ: “ᓇᓪᓕᐅᑦᑐᖅ ᓈᒻᒪᓈᑦᓯᐊᓕᕐᑎᓪᓗᒍ ᑐᓴᐅᓚᐅᕐᐸᒋᑦ, ᐅᓪᓗᕐᓗ ᐱᐅᓕᔭᐅᕕᒃᓴᖅ ᓇᓪᓕᐅᑎᑎᓪᓗᒍ ᐃᑲᔪᓚᐅᕐᐸᒋᑦ; ᐱᓯᒪᓚᐅᕐᐸᒋᑦ ᓴᐳᑎᓯᒪᓪᓗᑎᓪᓗ ᐃᓄᖁᑎᓐᓄᑦ ᐊᖏᖃᑎᒌᒍᑕᐅᑎᓚᐅᕐᐸᒋᑦ, ᓄᓇᕐᔪᐊᖅ ᐃᓂᒥᓄᑦ ᐅᑎᕐᑎᑕᐅᖁᓪᓗᒍ, ᓄᓁᓪᓗ ᑭᖑᕐᖑᑎᔭᐅᔪᒃᓴᑦ ᓯᖁᑦᑎᕐᓯᒪᓕᕐᑐᑦ ᐃᓄᖏᓐᓄᑦ ᓄᓇᑖᕆᔭᐅᔪᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 57:13

ᐃᑲᔪᕐᑎᒃᓴᕐᓯᐅᕐᓗᓯ ᓂᓪᓕᐊᒍᑦᓯ ᒎᑎᓐᖑᐊᑦᓯᓐᓄᑦ ᐱᐅᓕᔭᐅᓂᐊᓕᕐᐳᓯ, ᐊᓄᕆᒧᑦ ᑎᒃᑕᐅᕋᕈᒫᕐᐳᑦ, ᐊᓂᕐᓵᕐᓂᑐᐃᓐᓇᕐᒧᑦ ᑎᒃᑕᐅᔭᕇᕈᒫᕐᐳᑦ, ᐅᕙᓐᓂᒡᓕ ᑕᑎᖃᕐᑑᑉ ᓄᓇ ᐱᒋᔪᒫᕐᐹ, ᖃᖅᑲᖁᑎᒐᓗ ᐃᑦᔪᕐᓁᑦᑐᖅ ᓇᖕᒥᓂᕆᓕᕐᓗᓂᐅᒃ.”

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᐂᓮᐊᓯᐅᑉ ᐊᒡᓚᖏᑦ 65:22

ᐊᓯᒥ ᐃᒡᓗᒋᓂᐊᕐᑕᖏᓐᓂᒃ ᐃᒡᓗᓕᐅᕐᑐᖃᕐᐸᒍᓐᓃᕈᒫᕐᐳᖅ, ᐱᕈᕐᓰᕕᓕᐅᕐᐸᒍᓐᓃᕐᓗᑎᒡᓗ ᐊᓯᖏᑕ ᓂᕿᒃᓴᖃᕐᕕᒋᓂᐊᕐᑕᖏᓐᓂᒃ, ᓇᐹᕐᑑᑉ ᐆᒪᓂᕆᕙᒃᑕᖓᑐᑦ ᐃᓄᖁᑎᒃᑲ ᐆᒪᑯᑖᒃᑎᒋᖃᑦᑕᕉᒪᕐᐳᑦ, ᓂᕈᐊᕐᓯᒪᔭᒃᑲ ᐱᓇᓱᐊᕈᑎᒋᖃᑦᑕᕐᑕᒥᖕᓂᒃ ᐊᒡᒐᖕᒥᖕᓄᑦ ᐊᑯᓂ ᖁᕕᐊᓲᑎᖃᖃᑦᑕᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 36:24

ᐃᓅᖃᑎᒌᒡᔪᐊᓂᑦ ᐂᔪᒫᕐᐸᑦᓯ, ᑲᑎᕐᓱᕈᒫᕐᐸᑦᓯᓗ ᓄᓇᓕᒡᔪᐊᓕᒫᓂᑦ, ᓇᖕᒥᓂᕐᓗ ᓄᓇᑦᓯᓐᓄᑦ ᐅᑎᕐᑎᑦᓱᒫᕐᐸᑦᓯ.

ᔨᐸᓁᐊᐅᑉ ᐊᒡᓚᖏᑦ 3:20

ᑍᑲᓂ ᓇᓪᓕᐅᑦᑐᒥ ᐅᑎᕐᑎᑦᓱᒫᕐᐸᑦᓯ! ᑲᑎᕐᓱᐃᓕᕈᒪᓗ ᓂᕐᑐᕐᓇᕐᓯᑎᑦᓱᒫᕐᐸᑦᓯ ᖃᐅᔨᒪᔭᐅᑦᓯᐊᕐᓗᓯᓗ ᐃᓄᓕᒫᓄᑦ ᓄᓇᕐᔪᐊᒦᑦᑐᓄᑦ. ᑎᒍᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ ᑕᑯᓐᓇᕐᑎᓪᓗᓯ,” ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 24:22

ᐅᓪᓗᐃᑦ ᑍᒃᑯᐊ ᒎᑎᐅᑉ ᓁᒡᓕᒋᐊᓐᖏᑉᐸᒋᑦ, ᓇᓪᓕᐊᓐᓂᒡᓘᓐᓃᑦ ᐃᓄᖕᒥᒃ ᐊᓐᓇᒃᑐᖃᕋᔭᓐᖏᓚᖅ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ ᒎᑎᐅᑉ ᐅᓪᓗᐃᑦ ᓁᒡᓕᒋᐊᕈᒫᕐᐰᑦ.

ᕉᒪᒥᐅᓄᑦ 11:28

ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓪᓗᒋᑦ ᒎᑎᒥᒃ ᐊᑭᕋᕐᑐᕐᑎᐅᕗᑦ, ᐱᑦᔪᑎᒋᓪᓗᓯ; ᓂᕈᐊᕐᑕᐅᓯᒪᓂᖏᓪᓕ ᐱᑦᔪᑎᒋᓪᓗᒋᑦ ᓇᒡᓕᒋᔭᐅᕗᑦ ᓯᕗᓕᕕᓂᖏᑦ ᐱᑦᔪᑎᒋᓪᓗᒋᑦ.