ᐂᓮᐊᓯᐅᑉ ᐊᒡᓚᖏᑦ 65:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓗᕕᖃᕐᕕᖕᓃᒋᐊᕐᑐᖃᑦᑕᕐᐳᑦ, ᐅᓐᓄᐊᒃᑯᑦ ᐱᒑᕐᓗᑎᒃ ᐃᓗᕕᕐᓃᑉᐳᑦ ᐃᔨᕐᓯᒪᕕᖕᒥᖕᓂ; ᓂᕆᓪᓗᑎᒃ ᑰᒃᑰᓯᕕᓂᕐᓂᒃ, ᖃᔪᓕᐅᕐᐸᒃᓗᑎᒃ ᓇᕐᕈᓇᕐᑐᓂᒃ ᐅᒃᑯᓯᖕᒥᖕᓂ;

ᐂᓮᐊᓯᐅᑉ ᐊᒡᓚᖏᑦ 65:4 Iomraidhean Croise

ᒨᓯᓯ ᐂᑉᐸᖏᑦ 23:19

“ᐱᕈᕐᓰᕕᖁᑎᕕᑦ ᐱᕈᕐᑎᑕᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᔪᒃᓴᐅᕗᑎᑦ ᐊᑕᓂᕐᒧᑦ ᒎᑎᖕᓄᑦ. “ᓰᐱᐅᑉ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᐂᑉᐸᖏᑦ 34:26

“ᐱᕈᕐᓰᕕᖁᑎᕕᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᑲᑎᕐᓱᓕᕈᕕᖏᑦ ᐊᕐᕌᒍᑕᒫᑦ ᐊᑕᓂᐅᑉ ᒎᑎᕕᑦ ᐃᒡᓗᖓᓄᑦ ᑐᓂᕐᕈᑎᒋᔭᒃᓴᕆᕙᑎᑦ. “ᓰᐱᐅᑉ ᓄᕐᕋᖓᓂᒃ ᐅᕝᕙᓗ ᒎᑦᓯᒥᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᐂᓮᐊᓯᐅᑉ ᐊᒡᓚᖏᑦ 66:17

“ᐃᒻᒥᖕᓂᒃ ᐃᑦᔪᕐᓁᓕᑎᕐᐸᒃᑐᑦ ᓴᓗᒻᒪᕐᓴᕐᐸᒃᑐᓪᓗ ᐱᕈᕐᓰᕕᖕᓄᑦ ᐂᓂᐊᓕᕌᖓᒥᒃ, ᒪᓕᒡᓗᑎᒃ ᕿᑎᖓᓃᑦᑐᒥᒃ ᒎᑎᓐᖑᐊᒥᒃ, ᓂᕆᓪᓗᑎᒡᓗ ᑰᒃᑰᓯᕕᓂᕐᓂᒃ ᓇᕐᕈᓇᕐᓂᕋᕐᑕᐅᔪᓂᒃ ᐊᕕᓐᖓᓂᒡᓗ, ᑖᒃᑯᐊ ᑲᑎᒪᓗᑎᒃ ᐊᑕᐅᑦᓯᒃᑯᑦ ᑐᖁᑕᐅᔪᒫᕐᐳᑦ,” ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 4:14

ᑕᕝᕙ ᑭᐅᕙᕋ, “ᐊᑕᓃᖅ ᒎᑏ! ᑕᑯᒋᑦ, ᓇᖕᒥᓂᖅ ᓇᕐᕈᓇᕐᓯᑎᓚᐅᕐᓯᒪᓐᖏᓚᖓ; ᓄᑕᕋᐅᓂᓐᓂᑦ ᐅᓪᓗᒥᒧᑦ ᑎᑭᓪᓗᒍ ᐆᒪᔪᕕᓂᕐᒥᒃ ᐃᒻᒥᓃᓐᓇᖅ ᑐᖁᔪᕕᓂᕐᒥᒃ ᓂᕆᓚᐅᕐᓯᒪᓐᖏᓚᖓ ᐆᒪᔪᓄᓪᓗ ᑐᖁᑕᕕᓂᕐᒥᒃ, ᓂᕿᒥᒡᓗ ᒪᒪᖏᑦᑐᒥᒃ ᐅᖁᒻᒦᓚᐅᕐᓯᒪᓇᖓ.”

ᒨᓯᓯ ᐱᖓᔪᖏᑦ 11:7

ᑰᒃᑰᓰᑦ, ᑯᑭᖃᕐᑐᑦ ᒪᕐᕉᓕᖅᑲᖓᔪᓂᒃ ᑭᓯᐊᓂᓕ ᑕᒧᓗᕋᐅᔭᕐᐸᖏᒻᒪᑕ ᑕᒪᒃᑯᐊ ᓴᓗᒤᑦᑑᕗᑦ.

ᓴᑲᕅᐊᐅᑉ ᐊᒡᓚᖏᑦ 9:7

ᐊᐅᓕᖕᒥᒃ ᓂᕆᖃᑦᑕᕐᓂᖓᑦ ᐲᕈᒫᕐᐸᕋ ᖃᓂᖏᓐᓂᑦ, ᐱᖁᔭᐅᖏᑦᑐᓂᒡᓗ ᓂᕆᖃᑦᑕᕐᓂᖏᑦ. ᐊᒥᐊᒃᑰᔪᓪᓕ ᒎᑎᐅᑉ ᐱᒋᓕᕈᒫᕐᐰᑦ ᔫᑕᒥᐅᑎᑐᑦ, ᐃᑯᕋᓂᒥ ᓄᓇᖃᕐᑐᑦ ᐃᓄᖁᑎᑦᑐᑦ ᔨᐳᓮᑎᑐᑦ ᑍᒤᓕᕈᒫᕐᐳᑦ.

ᒨᓯᓯ ᓯᑕᒪᖏᑦ 19:11

“ᓇᓪᓕᐊᑦ ᐃᓅᑉ ᑎᒥᖓᓂᒃ ᑐᖁᖓᔪᒥᒃ ᐊᒃᑐᕐᓯᔪᖅ ᓴᓗᒤᑦᑑᓂᕋᑕᐅᓂᐊᕐᐳᖅ ᐅᓪᓗᓂᒃ 7ᓂᒃ.

ᒫᑎᐅᓯᐅᑉ ᐊᒡᓚᖏᑦ 8:28

ᔩᓱᓯ ᑕᓯᐅᑉ ᐊᑭᐊᓄᑦ ᑎᑭᒻᒪᑦ ᓄᓇᐅᑉ ᒑᑕᕋᒥᐅᑦ ᓄᓇᖓᑕ ᐃᓚᖓᓃᑦᑐᒧᑦ, ᐊᖑᑏᖕᓄᑦ ᒪᕐᕉᖕᓄᑦ ᐅᐸᒃᑕᐅᕗᖅ, ᐃᓗᕖᑦ ᕾᕈᓱᖏᓐᓂᑦ ᐱᔫᖕᓄᑦ, ᐊᓂᕐᓂᕐᓗᖕᒧᑦ ᐃᑎᕐᑕᐅᓯᒪᔫᖕᓄᑦ, ᑲᑉᐱᐊᓇᒻᒪᕆᓕᕐᒪᑎᒃ ᐃᓄᖕᓄᑦ ᑕᒪᓐᓇ ᓄᓇ ᓇᔪᕐᑕᖓᒃ ᐅᐸᒃᑕᐅᔪᒪᔪᓐᓃᓚᐅᕐᐳᖅ.

ᓘᑲᓯᐅᑉ ᐊᒡᓚᖏᑦ 8:27

ᔩᓱᓯ ᓄᓇᒧᑦ ᓂᐅᖕᒪᑦ, ᐸᕐᕆᐊᕐᑕᐅᕗᖅ ᐊᖑᒻᒥᑦ ᑕᕝᕙᓂ ᓄᓇᖃᖃᑕᐅᔪᒧᑦ, ᐊᓂᕐᓂᕐᓗᒃᑕᐅᓯᒪᔪᒧᑦ; ᐊᑯᓂᐅᓕᕐᑐᖅ ᑖᓐᓇ ᐊᖑᑦ ᐊᓐᓄᕌᖃᕈᓐᓇᓚᐅᓐᖏᓚᖅ, ᐃᒡᓗᒥᓗ ᐊᖏᕐᕋᕐᓯᒪᔪᓐᓇᕋᓂ ᐃᓂᖃᕐᐳᕐᓕ ᐃᓗᕕᕐᓂ.

ᒨᓯᓯ ᑕᓪᓕᒪᖏᑦ 14:21

“ᓂᕐᔪᑎᓂᒃ ᐃᒻᒥᖕᓂᒃ ᑐᖁᔪᕕᓂᕐᓂᒃ ᓂᕆᔪᒃᓴᐅᓐᖏᓚᓯ; ᓄᓇᖃᑎᑐᖃᕆᓐᖏᑕᑦᓯᓐᓄᑦ ᓄᓇᑦᓯᓐᓃᑦᑐᒧᑦ ᑐᓂᔪᓐᓇᕐᐸᓯ ᓂᕆᔭᐅᖁᓪᓗᒋᑦ ᑖᒃᑯᓄᖓ, ᐅᕝᕙᓗ ᓄᓇᖃᑎᒋᓐᖏᑕᑦᓯᓐᓄᑦ ᐊᓯᑦᓯᓐᓃᑦᑐᓄᑦ ᓂᐅᕐᕈᑎᒋᔪᓐᓇᕐᐸᓯ; ᐃᓕᑦᓯᓕ ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑕᐅᕗᓯ ᐃᑦᔪᕐᓁᑦᑑᓪᓗᓯ. “ᒎᑦᓰᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᓯ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᑕᓪᓕᒪᖏᑦ 14:3

“ᓱᓇᒥᒡᓘᓐᓃᑦ ᓂᕆᔪᒃᓴᐅᓐᖏᓚᓯ ᐊᑕᓂᐅᑉ ᓴᓗᒪᖏᑦᑑᓂᕋᕐᑕᖏᓐᓂᒃ.

ᒨᓯᓯ ᑕᓪᓕᒪᖏᑦ 14:8

ᑰᒃᑰᓯᓂᒃ ᓂᕆᔪᒃᓴᐅᓐᖏᓚᓯ, ᑕᒪᒃᑯᐊ ᓴᓗᒪᖏᑦᑑᓂᕋᕐᑕᐅᔪᒃᓴᐅᖕᒪᑕ; ᐃᑎᒐᖏᑦ ᑯᑭᖃᕐᑑᒐᓗᐊᑦ ᒪᕐᕉᓕᖅᑲᖓᔪᓂᒃ ᑭᓯᐊᓂᓕ ᑕᒧᓗᕋᐅᔭᕐᐸᖏᒻᒪᑕ; ᑕᒪᒃᑯᐊ ᑕᒪᑦᔭ ᓂᕐᔪᑏᑦ ᓂᕆᔭᕆᐊᖃᓐᖏᑕᓯ ᑐᖁᖓᑎᓪᓗᒋᓪᓘᓐᓃᑦ ᐊᒃᑐᕆᐊᖃᓐᖏᓚᓯ.

ᒨᓯᓯ ᑕᓪᓕᒪᖏᑦ 18:11

ᐅᕝᕙᓗ ᓴᐳᑎᔭᐅᑦᔪᑎᖃᕋᓱᒃᑐᒃᓴᐅᓐᖏᓚᓯ ᓂᕕᖓᑎᑕᑦᓯᓐᓂᒃ, ᑐᖁᓯᒪᔪᓂᒡᓗ ᐅᖃᖃᑎᖃᕋᓱᒃᑐᒃᓴᐅᓐᖏᓚᓯ.