ᐂᓮᐊᓯᐅᑉ ᐊᒡᓚᖏᑦ 65:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓂᓐᖓᒃᓮᓂᕐᓂᒃ ᐅᖃᐅᓯᕾᓐᓇᕐᑐᓄᑦ ᐅᕙᓐᓄᑦ, ᑮᓇᓐᓄᑦ ᓂᓪᓕᐊᓪᓗᑎᒃ ᑍᒪᓐᖓᑦ, ᑐᖁᑦᓯᓪᓗᑎᒃ ᐆᒪᔪᓂᒃ ᑐᓂᕐᕈᓯᕐᐳᑦ ᐱᕈᕐᓯᕐᕕᖕᓂ, ᐳᔫᕐᑎᒐᕐᓂᒃ ᑎᐱᑦᓯᐊᕆᒃᑐᓂᒃ ᑐᓂᕐᕈᓯᕐᐳᑦ ᖁᐊᕐᑎᑕᒐᕐᓂ ᐅᔭᕋᓕᐊᕆᓯᒪᔪᓂ;

ᐂᓮᐊᓯᐅᑉ ᐊᒡᓚᖏᑦ 65:3 Iomraidhean Croise

ᐊᑕᓃᑦ ᐂᑉᐸᖏᑦ 22:17

ᐅᕙᓐᓂᒃ ᕿᒤᓯᒪᖕᒪᑕ ᐊᓯᓐᓄᑦ ᒎᑎᒥᖕᓄᑦ ᐃᓯᕐᓗᐊᕐᓂᑎᑦᓯᖃᑦᑕᕐᒪᑕ, ᓂᓐᖓᒍᑎᒋᔪᓐᓇᕐᑕᓐᓂᒃ ᐱᓇᓱᐊᖃᑦᑕᕐᓯᒪᖕᒪᑕ, ᔨᕉᓴᓕᒥᐅᓂᒃ ᓂᓐᖓᒃᓮᓯᒪᖕᒪᑕ ᐅᕙᓐᓂᒃ ᐊᒡᒐᖕᒥ ᓴᓇᔭᖏᓐᓄᑦ, ᑍᒤᒻᒪᑦ ᓂᓐᖓᐅᒪᔪᒫᓕᕐᐳᖓ ᑕᒫᓂ ᓄᓇᒥ, ᑭᓇᒧᓪᓘᓐᓃᑦ ᓄᖅᑲᕐᑎᑕᐅᓂᐊᖏᑦᑐᒥᒃ.

ᔫᐱᐅᑉ ᐊᒡᓚᖏᑦ 1:11

ᒫᓐᓇᓕ ᐱᖁᑎᓕᒫᖏᓐᓂᒃ ᓄᖑᕈᑎᒐᔭᕈᕕᐅᒃ ᐃᓕᖕᓄᑦ ᑐᖅᑲᓪᓚᕆᒡᓗᓂ ᓇᕐᕈᓕᕋᔭᕐᐳᖅ!”

ᔫᐱᐅᑉ ᐊᒡᓚᖏᑦ 2:5

ᑎᒥᖓᒍᑦ ᐋᓐᓂᐊᓕᕐᑎᒃᑯᕕᐅᒃ ᐅᖃᕐᓂᕐᓘᑎᒋᓗᓂᑎᑦ ᓇᕐᕈᒋᓕᕐᓂᐊᕐᐹᑎᑦ!”

ᐃᓐᖏᕈᑎᑦ 78:40

ᐊᑯᓔᑦᑐᒥᒃ ᐊᑭᕋᕐᑐᖃᑦᑕᓚᐅᕐᐹᑦ ᐃᓄᖃᖏᑦᑐᒥ, ᕿᒃᓵᑎᑉᐸᒡᓗᒍᓗ ᓱᓇᖃᔪᐃᑦᑐᒥ!

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 1:29

ᑲᓐᖑᓱᒃᑎᑕᐅᔪᒫᕐᐳᓯ ᓇᐹᕐᑐᓂᑦ ᑍᔭᐅᔪᓂᑦ ᐆᒃᒥᒃ ᖁᕕᐊᒋᓚᐅᕐᑕᑦᓯᓐᓂᑦ; ᐊᐅᐸᓪᓕᕐᑎᑕᐅᓗᓯᓗ ᐱᕈᕐᓰᕖᑦ ᓂᕈᐊᕆᓚᐅᕐᑕᑦᓯ ᐱᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 3:8

ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ.

ᐂᓮᐊᓯᐅᑉ ᐊᒡᓚᖏᑦ 66:17

“ᐃᒻᒥᖕᓂᒃ ᐃᑦᔪᕐᓁᓕᑎᕐᐸᒃᑐᑦ ᓴᓗᒻᒪᕐᓴᕐᐸᒃᑐᓪᓗ ᐱᕈᕐᓰᕕᖕᓄᑦ ᐂᓂᐊᓕᕌᖓᒥᒃ, ᒪᓕᒡᓗᑎᒃ ᕿᑎᖓᓃᑦᑐᒥᒃ ᒎᑎᓐᖑᐊᒥᒃ, ᓂᕆᓪᓗᑎᒡᓗ ᑰᒃᑰᓯᕕᓂᕐᓂᒃ ᓇᕐᕈᓇᕐᓂᕋᕐᑕᐅᔪᓂᒃ ᐊᕕᓐᖓᓂᒡᓗ, ᑖᒃᑯᐊ ᑲᑎᒪᓗᑎᒃ ᐊᑕᐅᑦᓯᒃᑯᑦ ᑐᖁᑕᐅᔪᒫᕐᐳᑦ,” ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᔨᕆᒤᐊᐅᑉ ᐊᒡᓚᖏᑦ 3:6

ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ, ᐊᑕᓂᐅᑉ ᐅᖃᕐᕕᒋᕚᖓ, “ᑕᑯᓯᒪᕕᓪᓖ? ᐃᓴᕆᐊᓕᒥᐅᑦ ᐅᒃᐱᕈᒪᖏᑦᑐᑦ ᐃᓕᖅᑯᓯᖏᓐᓂᒃ? ᐱᖑᓕᒫᑦ ᖄᖏᓐᓂ ᓇᐹᕐᑐᐃᓪᓗ ᐊᑖᓐᓂ ᐊᓯᓐᓂᐊᓚᐅᕐᐹᖓ ᐊᖑᓐᓂᐊᕐᑎᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 20:28

ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᒨᓯᓯ ᐱᖓᔪᖏᑦ 17:5

ᑕᒪᓐᓇ ᑍᒤᑉᐳᖅ ᐃᓴᕆᐊᓕᒥᐅᑦ ᐂᑦᑐᐃᖁᓪᓗᒋᑦ ᐊᑕᓂᕐᒧᑦ ᑕᒫᓂᑐᐃᓐᓇᖅ ᑐᓂᕐᕈᓯᕐᓂᕆᕙᓚᐅᕐᑕᒥᖕᓂᒃ, ᒫᓐᓇᓕ ᕾᑦᔪᑎᔭᕆᐊᖃᓕᕐᐰᑦ ᑐᓂᕐᕈᓯᕐᑎᑦᓯᔨᒧᑦ, ᐃᒫᒃ ᐊᑕᓂᕐᒧᑦ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᓂᒃ ᑐᓂᕐᕈᑎᖃᕐᓗᑎᒃ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.