ᐂᓮᐊᓯᐅᑉ ᐊᒡᓚᖏᑦ 65:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᓇᖕᒥᓂᒃᓴᒥᖕᓂᒃ ᐃᒡᓗᓕᐅᖃᑦᑕᕈᒫᕐᐳᑦ ᐃᓂᒋᓂᐊᕐᑕᒥᖕᓂᒃ; ᐱᕈᕐᓰᕕᓕᐅᕈᒫᕐᐳᑦ ᐸᐅᕐᖓᖃᐅᑎᒃᓴᓂᒃ ᐸᐅᕐᖓᖏᓪᓗ ᓂᕿᒋᕙᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 65:21 Iomraidhean Croise

ᐃᓐᖏᕈᑎᑦ 107:37

ᐱᕈᕐᓰᕕᖕᓂ ᑲᓐᖓᕐᓱᐃᕗᑦ, ᕔᓂᓕᒃᓴᓂᒡᓗ ᑲᓐᖓᕐᓱᐃᓪᓗᑎᒃ, ᑲᑎᕐᓱᐃᔪᓐᓇᖁᓪᓗᒋᑦ ᐱᕈᕐᑐᓂᒃ ᖃᓄᐃᑦᑐᑐᐃᓐᓇᓕᒫᓂᒃ.

ᐂᓮᐊᓯᐅᑉ ᐊᒡᓚᖏᑦ 30:23

ᐱᕈᕐᑐᒃᓴᓂᒃ ᑲᓐᖓᕐᓱᐃᔭᕌᖓᑦᓯ ᐊᑕᓂᖅ ᓯᓚᓗᒃᑎᑦᓯᕙᒍᒫᕐᐳᖅ ᐱᕈᕈᑎᒃᓴᖏᓐᓂᒃ, ᐱᕈᕐᑐᕕᓂᕐᓂᒃ ᑲᑎᕐᓱᒐᒃᓴᖃᑦᓯᐊᖁᓪᓗᓯ, ᐱᕈᕐᓯᒪᑦᓯᐊᕐᑐᓂᒃ ᐊᒥᒐᖏᑦᑐᓂᒡᓗ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐆᒪᔪᖁᑎᓯ ᓂᕆᓇᓱᐊᕈᒫᕐᐳᑦ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᒥᒐᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 32:18

ᐃᓄᖁᑎᒃᑲ ᐃᓂᖃᓕᕈᒫᕐᐳᑦ ᓮᒪᓇᕐᑐᒥ, ᐊᖏᕐᕋᖃᕐᓗᑎᒡᓗ ᓯᕘᕋᓇᖏᑦᑐᓂᒃ, ᓂᐱᖃᖏᑦᑐᒥᓗ ᓮᓕᔪᒥᒡᓗ ᐃᓂᖃᕐᓇᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 37:30

ᑕᕝᕙ ᕼᐃᓯᑬᐊ ᐅᖃᐅᑎᕚ, “ᐅᑯᐊ ᑕᕝᕙ ᓇᓗᓁᒃᑯᑕᐅᓂᐊᕐᑐᑦ ᐃᓕᖕᓄᑦ: ᐊᕐᕌᒍᒥ ᑕᕝᕙᓂ ᓂᕿᖃᕐᓂᐊᕐᐳᓯ ᐃᒻᒥᓂᒃ ᐱᕈᕐᑐᕕᓂᕐᓂᒃ, ᐊᕐᕌᒎᓪᓗ ᐂᑉᐸᖓᓂ ᓂᐊᖂᔭᒃᓴᓂᒃ ᐃᒻᒥᖕᓂᒃ ᐱᕈᕐᑐᕕᓂᕐᓂᒃ; ᐊᕐᕌᒍᐃᓪᓗ ᐱᖓᔪᐊᓐᓂ ᑲᓐᖓᕐᓱᐃᓛᕐᐳᓯ ᑲᑎᕐᓱᐃᓗᓯᓗ, ᐱᕈᕐᓰᕕᖕᓂᒃ ᕔᓂᒃᓴᓂᒃ ᐋᖅᑭᒃᓱᐃᓗᓯ ᐱᕈᕐᑐᖏᓐᓂᒡᓗ ᓂᕿᖃᕐᓗᓯ.

ᒨᓯᓯ ᐱᖓᔪᖏᑦ 25:19

ᓄᓇ ᑕᕝᕙ ᐱᕈᕐᑐᒥᓂᒃ ᓴᖅᑭᑎᑦᓯᓂᐊᕐᐳᖅ, ᐃᓕᑦᓯᓗ ᓈᒻᒪᒃᑐᒥᒃ ᓂᕿᒃᓴᖃᕐᓂᐊᕐᐳᓯ ᐃᓅᓂᐊᕐᐳᓯᓗ ᖃᓄᐃᓐᓇᖏᑦᓯᐊᕐᑐᒥ.

ᒨᓯᓯ ᐱᖓᔪᖏᑦ 26:16

ᑕᕝᕙ ᓱᒋᐊᕐᓂᐊᕐᐸᑦᓯ, ᑲᑉᐱᐊᓇᕐᑐᒻᒪᕆᖕᒥᑦ ᑎᑭᑕᐅᓂᐊᕐᐳᓯ, ᐋᓐᓂᐊᓇᕐᑐᓂᒃ ᐆᑎᕐᓇᕐᓇᕐᑐᓂᒡᓗ ᑕᐅᑐᒍᓐᓁᕐᓇᕐᑐᓂᒡᓗ ᑐᖁᕙᓪᓕᐊᓇᕐᑐᓂᒡᓗ. ᐱᕈᕐᓰᕕᑦᓯᓐᓄᑦ ᐱᕈᕐᓯᐊᒃᓴᓂᒃ ᐃᓕᐅᖅᑬᑐᐃᓐᓇᖃᑦᑕᕐᓂᐊᕐᐳᓯ ᐊᑭᕋᑦᓯᓐᓂᑦ ᓂᕆᔭᐅᖃᑕᕐᓂᐊᕐᒪᑕ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.