ᐂᓮᐊᓯᐅᑉ ᐊᒡᓚᖏᑦ 65:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ “ᐃᓕᑦᓯᓕ ᐅᕙᓐᓂᒃ ᑐᓄᑦᓯᓯᒪᔪᑦ, ᖃᖅᑲᖁᑎᓐᓂᒡᓗ ᐃᑦᔪᕐᓁᑦᑐᒥᒃ ᐳᐃᒍᕐᓯᒪᔪᑦ, ᓵᒥᒃ ᐋᖅᑭᒃᓱᐃᕙᒃᑐᓄᑦ ᓇᓚᐅᑦᑍᓂᕐᓗᒃᑐᓂᒃ ᑕᑎᖃᕐᓗᑎᒃ, ᒪᒃᑲᐅᔭᐅᑉ ᐃᒪᖓᓄᑦ ᖃᐅᔨᓇᓱᐊᕈᑎᖃᕐᐸᒃᑐᓄᑦ ᓯᕗᓂᒃᓴᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 65:11 Iomraidhean Croise

ᐊᑕᓃᑦ ᐂᑉᐸᖏᑦ 21:3

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᓴᓇᔭᐅᑎᒋᐊᓪᓚᓚᐅᕐᐰᑦ ᐊᑖᑕᖓᑕ ᕼᐃᓯᑬᐊᐅᑉ ᓯᖁᑦᑎᓚᐅᕐᑕᖏᑦ; ᑐᓂᕐᕈᓯᕐᕕᒡᓂᒡᓗ ᓴᓇᔭᐅᑎᑦᓯᕗᖅ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᕕᐅᕙᒃᑐᓂᒃ, ᒎᑎᓐᖑᐊᓪᓗ ᐊᓯᕋᐅᑉ ᐊᑦᔨᖓᓂᒃ ᓴᓇᔭᐅᑎᑦᓯᒋᓪᓗᓂ, ᐊᖓᔪᖅᑳᕐᔪᐊᑉ ᐂᕼᐊᐱᐅᑉ ᓴᓇᔭᐅᑎᓯᒪᔭᖓᑕ ᐊᑦᔨᖓᓂᒃ, ᒫᓇᓯ ᑐᒃᓯᐊᕐᕕᖃᖃᑦᑕᓕᓚᐅᕆᕗᖅ ᐅᓪᓗᕆᐊᓕᒫᓂᒃ, ᐱᓇᓱᐊᕐᕕᒋᓪᓗᒋᓪᓗ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 132:13

ᐊᑕᓂᐅᑉ ᓮᐅᓂ ᓂᕈᐊᕐᓯᒪᖕᒪᒍ; ᑖᓐᓇᓗ ᐃᓂᒃᓴᕆᔪᒪᓯᒪᕚ:

ᐃᓐᖏᕈᑎᑦ 137:5

ᔨᕉᓴᓕᒻ ᐃᓕᖕᓂᒃ ᐳᐃᒍᕋᔭᕐᓂᕈᑦᑕ, ᑕᕝᕙ ᑕᓕᕐᐱᒐ ᐱᓐᖑᐊᕆᐊᒃᓴᖅ ᐳᐃᒍᕐᑐᒃᓴᐅᒋᕗᖅ.

ᐂᓮᐊᓯᐅᑉ ᐊᒡᓚᖏᑦ 1:28

ᐊᑭᕋᕐᑐᕐᑐᓪᓕ ᐊᔪᕐᑐᓕᔪᓪᓗ ᑕᒪᕐᒥᒃ ᐊᑕᐅᑦᓯᒃᑯᑦ ᓄᖑᑎᑕᐅᔪᒫᕐᐳᑦ, ᐊᑕᓂᕐᒥᒡᓗ ᕿᒤᔪᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 11:9

ᐋᓐᓂᕐᑕᐅᔪᖃᕈᒫᓐᖏᓚᖅ ᑐᖁᑕᐅᔪᖃᖏᓪᓗᓂᓗ, ᐃᓘᓐᓇᖏᓐᓂᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ; ᓄᓇᓗ ᑕᑕᑦᓱᒫᕐᐳᖅ ᐊᑕᓂᕐᒥᒃ ᖃᐅᔨᒪᔭᖃᑦᓯᐊᕐᓂᕐᒥᒃ ᓲᕐᓗ ᑕᕆᐅᕌᓗᐃᑦ ᐃᒪᕐᐱᖕᒥ ᐅᓕᒃᓯᓯᒪᓂᖓᑐᑦ.

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᐂᓮᐊᓯᐅᑉ ᐊᒡᓚᖏᑦ 2:3

ᐃᓄᐃᓪᓗ ᐅᓄᕐᑐᑦ ᑕᕝᕗᓐᖓᕐᓗᑎᒃ ᐅᖃᖃᑦᑕᕈᒫᕐᐳᑦ; “ᕾᒋᑦᓯ ᐊᑕᓂᐅᑉ ᖃᖅᑲᖁᑎᖓᓄᑦ ᒪᔪᕋᕐᑕ, ᔧᑰᑉ ᒎᑎᖓᑦᑕ ᐃᒡᓗᖓᓄᑦ; ᐊᔪᕆᕐᑐᕐᓂᐊᕐᒪᑎᒍᑦ ᐱᓂᐊᕐᑕᐅᖁᔭᒥᓂᒃ ᐊᖅᑯᑎᐅᖁᔭᖏᑎᒍᓪᓗ ᐱᓱᒍᓐᓇᓕᖁᓪᓗᑕ.” ᓮᐅᓂᒥᑦ ᐱᖁᔭᑦ ᐊᓂᔪᒫᕐᒪᑕ, ᐊᑕᓂᐅᓪᓗ ᐅᖃᐅᓯᖓ ᔨᕉᓴᓕᒥᑦ ᐱᓗᓂ.

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 57:13

ᐃᑲᔪᕐᑎᒃᓴᕐᓯᐅᕐᓗᓯ ᓂᓪᓕᐊᒍᑦᓯ ᒎᑎᓐᖑᐊᑦᓯᓐᓄᑦ ᐱᐅᓕᔭᐅᓂᐊᓕᕐᐳᓯ, ᐊᓄᕆᒧᑦ ᑎᒃᑕᐅᕋᕈᒫᕐᐳᑦ, ᐊᓂᕐᓵᕐᓂᑐᐃᓐᓇᕐᒧᑦ ᑎᒃᑕᐅᔭᕇᕈᒫᕐᐳᑦ, ᐅᕙᓐᓂᒡᓕ ᑕᑎᖃᕐᑑᑉ ᓄᓇ ᐱᒋᔪᒫᕐᐹ, ᖃᖅᑲᖁᑎᒐᓗ ᐃᑦᔪᕐᓁᑦᑐᖅ ᓇᖕᒥᓂᕆᓕᕐᓗᓂᐅᒃ.”

ᐂᓮᐊᓯᐅᑉ ᐊᒡᓚᖏᑦ 65:25

ᐊᒪᕈᖅ ᓰᐱᐅᓪᓗ ᓄᕐᕋᖓ ᓂᕆᓇᓱᖃᑎᒌᒍᒫᕐᐴᒃ, ᓛᔭᓗ ᐃᕕᒃᓱᒐᕐᓂᒃ ᓂᕿᖃᕈᒫᕐᐳᖅ ᐃᒻᒧᒃᓯᐅᒐᕐᑎᑐᑦ; ᖁᒡᓗᒋᐊᓪᓕ ᓄᓇᐅᑉ ᐳᔪᕋᖓᓂᒃ ᓂᕆᔭᒃᓴᖃᕈᒫᕐᐳᑦ, ᐋᓐᓂᖃᑦᑕᐅᑎᔪᒫᓐᖏᓚᑦ ᑐᖁᕋᐅᑎᓇᑎᒡᓗ ᐃᓘᓐᓇᑎᒃ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.” ᐊᑕᓂᖅ ᑍᒪᒃ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 66:20

ᐃᓅᖃᑎᓯᓗ ᑕᒪᕐᒥᒃ ᐊᖏᕐᕋᐅᑎᑦᓱᒫᕐᐰᑦ ᐃᓅᖃᑎᒌᒡᔪᐊᓂᑦ ᑐᓂᕐᕈᑎᒥᒃᑎᑐᑦ ᐊᑕᓂᕐᒧᑦ, ᕿᒥᕐᔪᐊᒃᑰᕐᓗᑎᒃ ᑲᓕᒐᓕᒃᑯᑦ ᐅᓂᐊᒐᕐᑎᒍᑦ, ᓯᐅᑎᖅᑯᕐᑐᔪᑎᒍᓪᓗ ᑳᒥᓕᑯᓪᓗᒃ, ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᔨᕉᓴᓕᒦᑦᑐᒧᑦ, ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᓪᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᒥᖕᓂᒃ ᓴᓗᒪᑦᓯᐊᕐᑐᓂᒃ ᐴᕐᓯᒪᔪᓂᒃ ᑐᓂᓯᔭᕐᑐᕐᐸᖕᒪᑕ ᐊᑕᓂᐅᑉ ᐃᒡᓗᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 17:13

ᐊᑕᓃᖅ ᐃᓴᕆᐊᓕᒥᐅᑦ ᓂᕆᐅᒋᔭᖃᕐᕕᒋᔭᖓᑦ, ᐃᓕᖕᓂᒃ ᕿᒤᔪᑦ ᑲᓐᖑᓇᕐᑐᒦᑦᓱᒫᕐᐳᑦ; ᐃᓕᖕᓂᒃ ᑐᓄᐃᔪᑦ ᐳᔪᕋᒃᑯᑦ ᐊᑎᓕᐅᕐᑕᐅᓯᒪᔪᑎᑐᑦ ᐊᓯᐅᔪᒫᕐᐳᑦ, ᐊᑕᓂᕐᒥᒃ ᕿᒤᓚᐅᕐᒪᑕ, ᐃᒥᕐᕕᒃᓴᒥᒃ ᐃᓅᓯᖃᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 19:4

ᐅᕙᓐᓂᒃ ᕿᒤᓚᐅᕐᒪᑕ, ᐊᓯᖏᑕᓗ ᒎᑎᒋᔭᖏᓐᓄᑦ ᓄᓇᑎᒃ ᐃᓂᑖᖑᑎᓪᓗᒍ ᓇᕐᕈᓇᕐᓯᑎᑉᐹᑦ, ᐆᑕᒃᓴᓂᒡᓗ ᑐᓂᕐᕈᓯᕐᕕᒋᕙᒃᓗᒋᑦ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓂᒃ, ᔫᑕᐅᓪᓘᓐᓃᑦ ᐊᖓᔪᖅᑳᕐᔪᐊᖏᑕ ᖃᐅᔨᒪᓚᐅᕐᓯᒪᖏᒻᒥᔭᖏᑦ; ᑕᕝᕙᓂᓗ ᑐᖁᕅᕙᒃᓗᑎᒃ ᐸᓯᔭᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 2:28

“ᒎᑎᓯᓕ ᓴᓇᓚᐅᕐᑕᓯ ᓇᓃᒻᒪᑖ? ᐊᑲᐅᖏᑦᑐᒦᓕᕐᑎᓪᓗᓯ ᐱᐅᓕᓯᔪᓐᓇᕐᐸᑕ ᑍᒃᑯᐊ ᕾᓚᐅᕐᓕᑦ! ᒎᑎᖃᕐᐳᓯ ᓄᓇᓕᖁᑎᑦᓯᑐᑦ ᐅᓄᕐᑎᒋᔪᓂᒃ ᔫᑕᒥᐅᑕᐅᔪᓯ.

ᔨᕆᒤᐊᐅᑉ ᐊᒡᓚᖏᑦ 7:18

ᕿᑐᕐᖓᖏᑦ ᐃᑯᐊᓚᑦᓯᑦᔪᑎᒃᓴᓂᒃ ᕿᔪᒃᑕᕐᐳᑦ, ᐊᑖᑕᖏᑕᓗ ᐃᑭᓵᕐᓗᓂᒋᑦ, ᐊᕐᓇᖏᓪᓗ ᓂᐊᖂᔭᓕᐊᒃᓴᒥᖕᓂᒃ ᐃᖑᑦᓯᕗᑦ, ᓂᐊᖂᔭᓂᒡᓗ ᖃᓚᑦᑎᕗᑦ ᕿᓚᐅᑉ ᑯᐃᖓᑕ ᐱᓂᐊᕐᑕᖏᓐᓂᒃ. ᐃᒥᕐᑕᐅᔪᒃᓴᓂᒡᓗ ᑐᓂᕐᕈᓯᕐᐳᑦ ᒎᑎᓐᖑᐊᓄᑦ ᐅᕙᓐᓂᒃ ᓂᓐᖓᒃᓮᓪᓗᑎᒃ.

ᒨᓯᓯ ᑕᓪᓕᒪᖏᑦ 32:17

ᐊᓂᕐᓂᕐᓗᖕᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᒎᑎᒨᖏᑦᑐᖅ, ᒎᑎᓄᑦ ᓯᕗᓕᕕᓂᖏᑕ ᖃᐅᔨᒪᓚᐅᓐᖏᑕᖏᓐᓄᑦ, ᓄᑖᓄᑦ ᒎᑎᓄᑦ ᖃᐅᔨᒪᓚᐅᓐᖏᑕᒥᖕᓄᑦ, ᒎᑎᓄᑦ ᓯᕗᓕᕕᓂᑦᓯ ᓈᓚᓚᐅᕐᓯᒪᓐᖏᑕᖏᓐᓄᑦ.

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,