ᐂᓮᐊᓯᐅᑉ ᐊᒡᓚᖏᑦ 65:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐊᐱᕐᓱᕐᑕᐅᔪᓐᓇᕐᐳᖓ ᐅᕙᓐᓂᒃ ᐊᐱᕐᓱᓚᐅᕐᓯᒪᖏᑦᑐᓄᑦ, ᓇᓂᔭᐅᔪᓐᓇᕐᓗᖓᓗ ᐅᕙᓐᓂᒃ ᕿᓂᖏᑦᑐᓄᑦ. ᐅᖃᓚᐅᕐᐳᖓ, ‘ᒫᓃᑉᐳᖓ, ᒫᓃᑉᐳᖓ.’ ᐃᓅᖃᑎᒌᒡᔪᐊᓄᑦ ᐊᑎᓐᓄᑦ ᑐᒃᓯᐊᓚᐅᕐᓯᒪᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 65:1 Iomraidhean Croise

ᓴᒧᐃᓕ ᐂᑉᐸᖏᑦ 1:7

ᑕᑯᓴᕋᒥᓗ ᐅᕙᓐᓂᒃ ᑕᑯᒐᒥ, ᕾᖁᓚᐅᕐᐹᖓ. ᑭᐅᕙᕋᓗ. ‘ᐄ, ᐊᖓᔪᖅᑳᒃ.’

ᐃᓐᖏᕈᑎᑦ 22:27

ᓄᓇᕐᔪᐊᕐᒦᑦᑐᑦ ᑕᒪᕐᒥᒃ ᐃᖅᑬᔪᒫᕐᐳᑦ, ᐊᑕᓂᕐᒧᓪᓗ ᓵᓪᓗᑎᒃ, ᐃᓚᒌᓕᒫᓪᓗ ᐃᓅᖃᑎᒌᒡᔪᐊᓂ, ᑐᒃᓯᐊᕈᒫᕐᐳᑦ ᓵᖕᓂ.

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 41:27

ᓯᕗᓪᓕᕐᐹᒥᒃ ᓮᐅᓂ ᐅᖃᐅᑎᓚᐅᕐᐸᕋ, ‘ᑕᑯᒋᑦ ᕾᓕᕐᐳᑦ!’ ᔨᕉᓴᓕᒻᓗ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᑐᓂᒃ ᑐᓂᓯᕕᒋᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 43:1

ᒫᓐᓇᓕ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᓐᖑᕐᑎᑦᓯᓚᐅᕐᑐᖅ ᔧᑰᑉ ᑭᖑᕚᖏᓐᓂᒃ, ᓴᓇᓚᐅᕐᑐᕐᓗ ᐃᓴᕆᐊᓕᒥᒃ: “ᓯᕘᕋᓇᒃ ᐱᐅᓕᓯᒪᒐᒃᑭᑦ; ᕾᖁᓚᐅᕐᐸᖏᑦ ᐊᑏᑦ ᑍᓪᓗᒍ, ᐱᒋᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 55:5

ᑕᑯᒋᑦᓯ, ᕾᖁᔨᔪᒫᕐᐳᓯ ᐃᓅᖃᑎᒌᒡᔪᐊᓂᒃ ᖃᐅᔨᒪᓐᖏᑕᑦᓯᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᒪᔨᒋᓐᖏᑕᓯ ᑐᐊᕕᕐᓗᑎᒃ ᐃᓕᑦᓯᓐᓄᑦ ᕾᔪᒫᕐᐳᑦ, ᐊᑕᓂᖅ ᒎᑎᓯ ᐱᑦᔪᑎᒋᓗᒍ, ᐃᓴᕆᐊᓕᒥᐅᓪᓗ ᐃᑦᔪᕐᓁᑦᑐᖁᑎᖓᑦ, ᑖᑦᓱᒪ ᓂᕐᑐᕐᓇᕐᓯᑎᓚᐅᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 63:19

ᐊᑦᔨᖃᑐᐃᓐᓇᓕᕐᐳᒍᑦ ᑍᒃᑯᓂᖓ ᐃᓕᖕᓂᒃ ᐊᖓᔪᖅᑳᖃᓚᐅᕐᓯᒪᖏᑦᑐᓂᒃ, ᐊᑎᕐᓂᒡᓗ ᑍᔭᐅᒍᓯᖃᓚᐅᕐᓯᒪᖏᑦᑐᓂᒃ.

ᕼᐆᓯᐊᑉ ᐊᒡᓚᖏᑦ 1:10

ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”

ᓴᑲᕅᐊᐅᑉ ᐊᒡᓚᖏᑦ 2:11

ᑍᑦᓱᒪᓂᐅᓕᕐᐸᑦ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐊᑕᓂᕐᒧᑦ ᕾᔪᒫᕐᐳᑦ ᐅᕙᖓᓗ ᐃᓄᖁᑎᒋᔪᒫᕐᐸᒃᑲ, ᐊᑯᓐᓂᖓᓐᓂ ᐃᓂᖃᕈᒫᕐᐳᖓ, ᖃᐅᔨᔪᒫᕐᐳᓪᓗ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᓘᑲᓯᐅᑉ ᐊᒡᓚᖏᑦ 13:12

ᔩᓱᓯᐅᑉ ᑕᑯᒐᒥᐅᒃ, ᕾᖁᕚ ᐅᖃᐅᑎᓪᓗᒍ, “ᐊᕐᓈᖅ, ᐋᓐᓂᐊᒋᔭᕐᓂᑦ ᐋᖅᑭᒃᑕᐅᕗᑎᑦ.”

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᕉᒪᒥᐅᓄᑦ 10:20

ᑕᕝᕙ ᐂᓮᐊᓯ ᓯᕘᕋᓇᓂ ᐅᖃᓚᐅᕆᕗᖅ, “ᓇᓂᔭᐅᓯᒪᕗᖓ ᐅᕙᓐᓂᒃ ᕿᓂᖏᑦᑐᓄᑦ; ᐅᕙᓐᓂᒃ ᑕᑯᔭᐅᑎᑉᐳᖓ ᐅᕙᓐᓂᒃ ᐊᐱᖅᑯᑎᖃᖏᑦᑐᓄᑦ.”

ᕉᒪᒥᐅᓄᑦ 9:30

ᖃᓄᕐᓕ ᑕᕝᕙ ᐅᖃᕐᑐᒃᓴᐅᓕᕐᐱᑖ? ᔫᑎᐅᖏᑦᑐᑦ ᐃᓗᐊᕐᓯᑎᑕᐅᓂᕐᒥᒃ ᕿᓂᓚᐅᖏᑦᑐᑦ ᐃᓗᐊᕐᓯᑎᑕᐅᓯᒪᓕᕐᐸᑕ, ᑕᕝᕙ ᐃᓗᐊᕐᑑᓂᕋᕐᑕᐅᓂᕐᒥᑦ ᐅᒃᐱᕐᓂᑯᑦ ᐱᔪᒥᒃ.

ᐲᑦᑐᕉᓯ ᓯᕗᓪᓖᑦ 2:10

ᑍᑦᓱᒪᓂ ᐃᓄᖁᑎᒋᔭᐅᓚᐅᖏᑦᑐᓯ ᒫᓐᓇᓕ ᒎᑎᐅᑉ ᐃᓄᖁᑎᒋᓕᕐᐹᓯ; ᓂᑲᒍᓱᖕᓂᖓᓃᓚᐅᖏᑦᑐᓯ ᒫᓐᓇᓕ ᑖᑦᓱᒪ ᓂᑲᒍᓱᖕᓂᖓᓃᓕᕐᐳᓯ.