ᐂᓮᐊᓯᐅᑉ ᐊᒡᓚᖏᑦ 64:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 64:6 Iomraidhean Croise

ᓴᒧᐃᓕ ᐂᑉᐸᖏᑦ 22:46

ᐃᓅᖃᑎᒃᓴᔭᕆᓐᖏᑕᕗᑦ ᓴᐱᓕᖃᑦᑕᕐᐳᑦ, ᓴᔪᓕᕐᓗᑎᒡᓗ ᕾᖃᑦᑕᕐᐳᑦ ᓴᐴᓗᑕᖃᕐᕕᖕᒥᓂᑦ.

ᔫᐱᐅᑉ ᐊᒡᓚᖏᑦ 14:4

ᑭᓇ ᓴᓗᒪᔪᒥᒃ ᓴᖅᑭᑎᑦᓯᔪᓐᓇᕐᐹ ᓴᓗᒪᖏᑦᑐᒥᑦ? ᐃᓄᓕᒫᑦ ᐃᑦᔪᕐᓁᑦᑐᖃᖏᒻᒪᑕ.

ᔫᐱᐅᑉ ᐊᒡᓚᖏᑦ 25:4

ᖃᓄᕐᓕ ᐃᓄᒃ ᒎᑎᐅᑉ ᓵᖓᓂ ᐃᓱᐊᕐᓂᕋᕐᑕᐅᔪᓐᓇᕐᐹ? ᖃᓄᕐᓗ ᐊᕐᓇᒧᑦ ᐃᕐᓂᐊᖑᓯᒪᔪᖅ ᐃᑦᔪᕐᓁᑦᑑᔪᓐᓇᕐᐹ?

ᔫᐱᐅᑉ ᐊᒡᓚᖏᑦ 40:4

“ᑕᑯᒋᑦ, ᓯᓔᑦᑐᐊᓘᓪᓗᖓ ᐅᖃᓪᓚᓚᐅᕐᐳᖓ; ᖃᓄᖅ ᑭᐅᔪᒃᓴᐅᕗᖓ? ᖃᓂᕋ ᐊᒡᒐᓐᓄᑦ ᒪᑐᕙᕋ ᐅᖃᒃᑲᓐᓂᖁᓇᖓ.

ᐃᓐᖏᕈᑎᑦ 1:4

ᒎᑎᖃᖏᑦᑐᓪᓕ ᑍᒤᓐᖏᓚᑦ, ᓂᐊᖂᔭᒃᓴᐅᑉ ᓴᓂᖏᑎᑐᑦ ᑍᒤᑉᐳᑦ, ᐊᓄᕆᒧᑦ ᑎᒃᑕᐅᔪᑎᑐᑦ.

ᐃᓐᖏᕈᑎᑦ 14:4

ᐱᐅᖏᑦᑐᓕᔪᑦ ᑍᒪᓐᖓᑦ ᑐᑭᓯᓂᐊᓐᖏᓛᑦ? ᑖᒃᑯᐊ ᐃᓄᖁᑎᓐᓂᒃ ᓂᕆᔪᑦ ᓂᐊᖂᔭᒥᒃ ᓂᕆᔪᑎᑐᑦ, ᐊᑕᓂᕐᒧᓪᓗ ᓂᓪᓕᐊᓇᑎᒃ.

ᐃᓐᖏᕈᑎᑦ 51:5

ᓱᓕᔪᒥᒃ ᐊᔪᕐᑐᓕᓂᕐᒥ ᐃᕐᓂᐊᖑᓚᐅᕐᐳᖓ, ᐊᔪᕐᓂᕐᒥᓗ ᐊᓈᓇᒪ ᓇᑦᔨᐊᕆᓕᓚᐅᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 1:28

ᐊᑭᕋᕐᑐᕐᑐᓪᓕ ᐊᔪᕐᑐᓕᔪᓪᓗ ᑕᒪᕐᒥᒃ ᐊᑕᐅᑦᓯᒃᑯᑦ ᓄᖑᑎᑕᐅᔪᒫᕐᐳᑦ, ᐊᑕᓂᕐᒥᒡᓗ ᕿᒤᔪᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 1:30

ᐃᓕᑦᓯ ᓇᐹᕐᑐᑎᑐᑦ ᐆᒃᒥᒃ ᑍᔭᐅᔪᑎᑐᑦ ᑍᒤᑦᓱᒫᕐᐳᓯ ᑐᖁᓕᖓᔪᓂᒃ ᐅᖃᐅᔭᓕᒃᑎᑐᑦ, ᐱᕈᕐᓰᕕᒃᑎᑐᓪᓗ ᓴᓗᐊᕐᓯᒪᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 43:22

ᐃᓕᑦᓯᓕ ᐅᕙᓐᓄᑦ ᑐᒃᓯᐊᓚᐅᓐᖏᓚᓯ ᔧᑰᑉ ᑭᖑᕚᖏᑦ; ᐅᕙᓐᓂᒡᓗ ᐃᓗᖏᕐᑐᕈᑎᖃᓚᐅᕋᓯ, ᐃᓴᕆᐊᓕᒥᐅᖑᔪᓯ!

ᐂᓮᐊᓯᐅᑉ ᐊᒡᓚᖏᑦ 46:12

ᓈᓚᒃᓯᓐᖓ ᓯᑎᔪᓂᒃ ᐆᒻᒪᑎᖃᕐᑐᓯ, ᐱᐅᓕᔭᐅᓂᕐᒥᑦ ᐅᖓᓯᒃᑐᓯ.

ᐂᓮᐊᓯᐅᑉ ᐊᒡᓚᖏᑦ 48:1

“ᐆᒥᖓ ᑐᓴᓕᕆᑦᓯ, ᔧᑯᒃᑯᑦ ᑭᖑᕚᖏᑦ, ᐄᓴᕆᐅᓪ ᐊᑎᖓᓂᒃ ᑍᔭᐅᔪᑦ, ᐃᕐᓂᐊᖑᓯᒪᔪᓪᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓪᓗᑎᒃ; ᐊᖏᕈᑎᖃᕐᓯᒪᔪᓪᓗ ᐊᑕᓂᐅᑉ ᐊᑎᖓᓂᒃ ᐅᖃᐅᓯᖃᕐᑐᓪᓗ ᐃᓴᕆᐊᓕᐅᑉ ᒎᑎᖓᓂᒃ, ᓱᓕᔪᒃᑰᕋᑎᒃ ᓇᓛᒎᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᐂᓮᐊᓯᐅᑉ ᐊᒡᓚᖏᑦ 8:17

ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.

ᑖᓂᐊᓕᐅᑉ ᐊᒡᓚᖏᑦ 9:13

ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ ᒪᓕᒡᓗᒋᑦ, ᐱᓂᐊᕐᕕᐅᓯᒪᒐᑦᑕ ᖁᕕᐊᓇᖏᑦᑐᓂᒃ, ᑍᒤᒃᑲᓗᐊᕐᑎᓪᓗᒍ ᐊᑕᓂᖅ ᒎᑎᕗᑦ ᕿᓂᓚᐅᓐᖏᓚᕗᑦ ᐊᔪᕐᓂᑦᑎᓐᓂᒡᓗ ᕿᒤᓇᑕ ᓱᓕᑦᓯᐊᕐᓃᑦ ᑲᒪᒋᓚᐅᖏᓐᓇᑦᑎᒍ.

ᕼᐆᓯᐊᑉ ᐊᒡᓚᖏᑦ 4:19

ᐊᐅᓪᓚᐅᑦᔭᐅᕗᑦ ᐊᓄᕆᒧᑦ ᐅᓕᒃᑕᐅᓪᓗᑎᒃ, ᑲᓐᖑᓲᑎᖃᓕᕈᒫᕐᐳᑦ ᑐᓂᕐᕈᓯᖃᑦᑕᓚᐅᕐᓂᕐᒥᖕᓂᒃ ᒎᑎᓐᖑᐊᓄᑦ.”

ᕼᐆᓯᐊᑉ ᐊᒡᓚᖏᑦ 7:7

“ᐃᓘᓐᓇᑎᒃ ᐆᓇᒻᒪᕆᓕᕋᒥᒃ ᓂᕿᓕᐅᕐᕕᒃᑐᑦ, ᑕᕝᕙ ᐃᓄᐊᕐᐳᑦ ᐊᐅᓚᑦᓯᔨᒥᖕᓂᒃ. ᐊᖓᔪᖅᑳᓕᒫᖏᑦ ᐃᓄᐊᕐᑕᐅᕗᑦ; ᓇᓪᓕᐊᓐᓄᓪᓘᓐᓃᓪᓕ ᑐᒃᓯᐊᕐᕕᐅᓚᐅᓐᖏᓚᖓ.”

ᒨᓯᓯ ᐱᖓᔪᖏᑦ 13:12

ᐅᕕᓂᕐᓗᖕᓂᖅ ᓯᐊᒻᒪᕐᐸᑦ ᑎᒥᓕᒫᖓᓄᑦ, ᑐᓂᕐᕈᓯᕐᑎᑦᓯᔨᐅᓪᓗ ᑕᑯᓗᓂᐅᒃ, ᐃᓄᖕᒥᒃ ᓈᓯᓯᒪᒃᐸᑦ ᓂᐊᖁᖓᓂᑦ ᐃᑎᒐᖏᓐᓄᑦ ᑎᑭᓯᒪᓗᓂ.

ᓴᑲᕅᐊᐅᑉ ᐊᒡᓚᖏᑦ 3:3

ᔮᓱᐊᓗ ᑕᕝᕙᓂ ᓇᖏᕐᐳᖅ ᐊᓐᓄᕌᕐᓯᒪᓪᓗᓂ ᓴᓗᒤᑦᑐᓂᒃ ᐊᑕᓂᐅᑉ ᐂᖏᓕᖓᑕ ᓵᖓᓂ.

ᕉᒪᒥᐅᓄᑦ 7:18

ᖃᐅᔨᒪᕗᖓ ᐱᐅᔪᒥᒃ ᐃᓗᓐᓃᑦᑐᖃᖏᒻᒪᑦ, ᑕᕝᕙ ᑎᒥᓐᓂ. ᓈᒻᒪᒃᑐᒥᒃ ᐱᔪᒪᓂᖃᕋᓗᐊᕐᐳᖓ, ᑭᓯᐊᓂᓕ ᐱᔪᓐᓇᓐᖏᓚᕋ.

ᕉᒪᒥᐅᓄᑦ 7:24

ᐅᕙᖔᓗ ᖁᕕᐊᓇᖏᑦᑐᒦᑦᑐᖓ! ᑭᐊ ᓴᐳᑎᔪᓐᓇᕐᐹᖔ ᐆᒪᓐᖓᑦ ᑎᒥᒥᑦ ᐅᕙᓐᓂᒃ ᑐᖁᑎᑦᓯᔪᒦᑦ?

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:13

ᐊᖓᔪᖅᑳᓪᓗ ᐃᓚᖓᑦᑕ ᐊᐱᕆᕚᖓ, ᐅᖃᕐᓗᓂ, “ᐅᑯᐊ ᑭᓇᒃᑯᑦ, ᖃᑯᕐᑕᓂᒃ ᑕᑭᔪᓂᒃ ᐊᓐᓄᕌᕐᓯᒪᔪᑦ, ᓇᑭᓪᓗ ᐱᓯᒪᕙᑦ?”