ᐂᓮᐊᓯᐅᑉ ᐊᒡᓚᖏᑦ 64:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᑦᔪᕐᓁᑦᑐᖅ ᐃᒡᓗᖁᑎᕗᑦ ᑕᑯᒥᓇᕐᑐᕐᔪᐊᖅ, ᓯᕗᓕᑦᑕ ᓂᕐᑐᐃᕕᒋᕙᓚᐅᕐᑕᖓ ᐃᓕᖕᓂᒃ, ᐃᑯᐊᓪᓚᒃᑕᐅᓪᓗᓂ ᓄᖑᓯᒪᕗᖅ, ᐃᓂᑦᓯᐊᕆᓚᐅᕐᑕᓕᒫᕗᓪᓗ ᐃᒡᓗᕕᓂᑐᐃᓐᓇᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 64:11 Iomraidhean Croise

ᐊᑕᓃᑦ ᓯᕗᓪᓖᑦ 8:14

ᐊᖓᔪᖅᑳᕐᔪᐊᖅ ᓲᓗᒨᓂᐅᑉ ᐃᓄᐃᑦ ᓵᓪᓗᒋᑦ, ᐃᓴᕆᐊᓕᒥᐅᓕᒫᑦ ᑲᑎᒪᔪᑦ ᓮᒻᒪᕐᑎᑉᐰᑦ, ᐃᓄᐃᑦ ᓇᖏᕐᑎᓪᓗᒋᑦ.

ᐊᑕᓃᑦ ᓯᕗᓪᓖᑦ 8:56

“ᐊᑕᓂᖅ ᓂᕐᑐᕐᑕᐅᓕ, ᐃᓄᖁᑎᒥᓄᑦ ᐃᓕᒪᓱᖏᑦᓯᐊᕐᓂᕐᒥᒃ ᑐᓂᓯᔪᖅ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓪᓗᓂ ᑍᒤᓐᓂᐊᕐᓂᕋᕐᓯᒪᒐᒥ, ᐊᖏᕈᑎᒋᓯᒪᔭᓕᒫᒥᓂᒃ ᑐᓂᓯᓂᐊᕐᓂᕋᕐᓗᓂ ᓱᓕᑎᓯᒪᖕᒪᒋᑦ ᐱᔨᒥᒍᑦ ᒨᓯᓯᒃᑯᑦ.

ᐊᑕᓃᑦ ᐂᑉᐸᖏᑦ 25:9

ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.

ᑯᕉᓂᑲ ᐂᑉᐸᖏᑦ 36:19

ᒎᑎᐅᓪᓗ ᐃᒡᓗᖓ ᐃᑯᐊᓪᓚᓚᐅᕐᐹᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓ ᓯᖁᑦᑎᕐᓗᒍ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᓕᒫᖏᑦ ᐃᑯᐊᓪᓚᒃᐰᑦ, ᐱᒋᔭᐅᔪᓪᓗ ᐱᔪᒥᓇᕐᑐᓕᒫᑦ ᐊᓯᕈᕐᓗᒋᑦ.

ᑯᕉᓂᑲ ᐂᑉᐸᖏᑦ 6:4

ᐅᖃᕐᓗᓂᓗ: “ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᒥᐅᑦ ᒎᑎᖓᑦ, ᓇᓚᐅᑦᓯᑎᑦᓯᔪᖅ ᐱᓇᓱᐊᕐᓂᒥᒍᑦ ᐊᖏᕈᑎᒋᓪᓗᒍ ᐅᖃᓚᐅᕐᑕᒥᓂᒃ ᐊᑖᑕᓐᓄᑦ ᑍᕕᑎᒧᑦ, ᐅᖃᕐᓗᓂ,

ᑯᕉᓂᑲ ᐂᑉᐸᖏᑦ 7:3

ᐃᓴᕆᐊᓕᐅᓪᓗ ᑭᖑᕚᓕᒫᖏᑦ ᑕᑯᒐᒥᒃ ᐃᑯᒪᒥᒃ ᐊᖅᑲᕐᑐᒥᒃ ᐊᑕᓂᐅᓪᓗ ᓂᕐᑐᕐᓇᕐᓂᖓᑕ ᑐᒃᓯᐊᕐᕕᒡᔪᐊᕐᒧᐊᕐᓂᖓᓂᒃ, ᐹᒻᒪᒃᐳᑦ ᑮᓇᑎᑦ ᓄᓇᒧᑦ ᕿᑯᕐᒧᑦ ᐊᒃᑐᕐᓗᒋᑦ, ᑐᒃᓯᐊᕐᐳᑦ ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ ᐊᑕᓂᕐᒥᒃ ᐅᖃᕐᓗᑎᒃ: “ᑖᓐᓇ ᐱᐅᔫᕗᖅ, ᓇᒡᓕᖕᓂᖓᓗ ᓱᖁᓯᔪᐃᑦᑐᖅ ᕿᓄᐃᑦᑑᕗᖅ ᐃᓱᖃᖏᑦᑐᒧᑦ.”

ᑯᕉᓂᑲ ᐂᑉᐸᖏᑦ 7:6

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 63:18

ᐃᓄᖁᑎᑎᑦ ᐃᑦᔪᕐᓁᑦᑐᑦ ᐱᖃᓚᐅᕐᑐᓚᐅᕐᐳᑦ ᐃᑦᔪᕐᓁᑦᑐᕕᖁᑎᖕᓂᒃ ᐊᑯᓂᐅᖏᑦᑐᖅ; ᐊᑭᕋᑦᑕᓕ ᑐᓪᓕᕋᑐᐃᓐᓇᕐᓯᒪᕚᑦ.

ᔨᕆᒤᐊᐅᑉ ᐊᒡᓚᖏᑦ 52:13

ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:7

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᓗᓂ ᐃᓂᖁᓇᕐᓂᕆᓚᐅᕐᑕᖓ ᑕᐅᑐᓐᖑᐊᕐᓇᑐᐃᓐᓇᓕᕐᐳᖅ ᐊᑭᕋᒥᓄᑦ ᐱᔭᐅᑎᓪᓗᒍ ᐃᑲᔪᕐᑎᒃᓴᖃᓚᐅᓐᖏᓚᖅ, ᓵᓚᖃᕐᑐᓪᓗ ᒥᑕᐅᑎᖃᕐᐳᑦ ᑲᑕᖕᓂᖓᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:1

ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7

ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 24:21

‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 24:25

“ᐃᕝᕕᓪᓕ ᐃᓅᑉ ᐃᕐᓂᖓ, ᐅᓪᓗᖅ ᓇᓪᓕᐅᑎᒃᐸᑦ ᓴᓐᖏᑦᔪᑎᒋᔭᖓᑦ ᐲᕈᒃᑯ, ᖁᕕᐊᒋᔭᖓᑦ ᓂᕐᑐᕐᓇᐅᑎᒋᔭᖓᓪᓗ, ᑕᑯᒥᓇᕆᔭᖓᑦ ᐆᒻᒪᑎᖏᑕᓗ ᐱᔪᒥᓇᕆᔭᖓᑦ, ᐃᕐᓂᖏᓐᓂᒃ ᐸᓂᖏᓐᓂᒡᓗ ᐊᕐᓵᕈᒃᑭᑦ.

ᓴᑲᕅᐊᐅᑉ ᐊᒡᓚᖏᑦ 1:12

ᐊᑕᓂᐅᑉ ᐂᖏᓕᖓ ᐅᖃᕐᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ? ᓂᑲᒍᓱᖕᓂᐊᓐᖏᓚᑎ ᔨᕉᓴᓕᒻᒥᒃ, ᔫᑕᒥᓗ ᓄᓇᖃᕐᑐᓂᒃ, ᑖᒃᑯᐊ ᐊᕐᕌᒍᓂᒃ 70ᓂᒃ ᓂᓐᖓᒡᕕᒋᓯᒪᒐᕕᒋᑦ.”

ᒫᑎᐅᓯᐅᑉ ᐊᒡᓚᖏᑦ 24:2

ᔩᓱᓯᐅᑉ ᐅᖃᐅᑎᕔᑦ, “ᑕᒪᒃᑯᐊᓕᒫᑦ ᑕᑯᒥᓇᕐᓂᖏᑦ ᑕᑯᒐᓗᐊᕐᑕᓯ, ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐅᔭᕅᑦ ᐃᓂᒥᓂ ᖃᓕᕇᒃᑐᖃᕈᓐᓃᕈᒫᕐᐳᑦ; ᐃᓘᓐᓇᓕᒫᖓ ᓯᖁᒥᑕᐅᔪᒫᕐᒪᑦ.”

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.