ᐂᓮᐊᓯᐅᑉ ᐊᒡᓚᖏᑦ 64:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᑦᔪᕐᓁᑦᑐᑦ ᐃᒡᓗᒐᓴᒡᔪᐊᖁᑎᑎᑦ ᓱᓇᖃᖏᑦᑐᓐᖑᕐᓯᒪᕗᑦ, ᓮᐅᓂᓗ ᓱᓇᖃᖏᑦᑐᒦᓕᕐᐳᖅ, ᔨᕉᓴᓕᒻᓗ ᐃᓄᖃᕈᓐᓃᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 64:10 Iomraidhean Croise

ᐊᑕᓃᑦ ᐂᑉᐸᖏᑦ 25:9

ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.

ᑯᕉᓂᑲ ᓯᕗᓪᓖᑦ 23:5

4,000 ᑲᒪᔨᐅᔪᒃᓴᐅᕗᑦ ᐃᑎᕐᑕᕐᕕᖕᒥᒃ, 4,000ᓪᓗ ᓂᕐᑐᐃᔨᐅᔪᒃᓴᐅᕗᑦ ᐊᑕᓂᕐᒥᒃ ᓂᑦᔭᐅᑎᓄᑦ, ᓂᕐᑐᐃᑦᔪᑎᒃᓴᓕᐊᕆᓚᐅᕐᑕᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 1:7

“ᓄᓇᓯ ᐃᓄᖃᕋᓂ ᐊᓯᕈᕐᑕᐅᓯᒪᕗᖅ, ᐃᒡᓗᒐᓴᖁᑎᓯᓗ ᐃᑯᒪᒧᑦ ᓄᖑᑕᐅᓯᒪᕗᑦ; ᑕᑯᓐᓈᕐᑎᓪᓗᓯ ᓄᓇᓕᑐᖃᐅᖏᑦᑐᓄᑦ ᓄᓇᑦᓯᓐᓂᒃ ᐊᕐᓵᕐᑕᐅᓯᒪᕗᓯ; ᐃᓄᖃᕈᓐᓃᕐᑎᑕᐅᓯᒪᕗᖅ, ᓵᓚᐅᓯᒪᓪᓗᓂᓗ ᓄᓇᖃᑎᒋᓐᖏᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 48:2

ᐃᒻᒥᖕᓂᒃ ᑍᕙᒃᑐᑦ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ ᐃᓚᐅᓂᕋᕐᓗᑎᒃ, ᑕᑎᑐᐊᖃᕐᓂᕋᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ; ᑖᓐᓇ ᐊᑎᖃᕐᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᐂᓮᐊᓯᐅᑉ ᐊᒡᓚᖏᑦ 63:18

ᐃᓄᖁᑎᑎᑦ ᐃᑦᔪᕐᓁᑦᑐᑦ ᐱᖃᓚᐅᕐᑐᓚᐅᕐᐳᑦ ᐃᑦᔪᕐᓁᑦᑐᕕᖁᑎᖕᓂᒃ ᐊᑯᓂᐅᖏᑦᑐᖅ; ᐊᑭᕋᑦᑕᓕ ᑐᓪᓕᕋᑐᐃᓐᓇᕐᓯᒪᕚᑦ.

ᔨᕆᒤᐊᐅᑉ ᐊᒡᓚᖏᑦ 52:13

ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:10

ᐊᑭᕋᕐᑐᑎᖏᑕᓗ ᐱᒃᑯᒥᓇᕐᑐᖁᑎᖏᑦ ᐱᐅᕋᕐᐰᑦ, ᑕᑯᓐᓇᕐᐳᑦ ᑐᒃᓯᐊᕐᕕᒡᔪᐊᖓ ᐃᓅᖃᑎᒌᒡᔪᐊᓄᑦ ᐃᑎᕐᑕᐅᑎᓪᓗᒍ, ᒎᑎᐅᑉ ᐅᒃᐱᕆᔨᒋᓐᖏᑕᒥᓄᑦ ᐃᑎᕐᑕᐅᖁᓚᐅᕐᓯᒪᓐᖏᑎᓪᓗᓂᐅᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:7

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᓗᓂ ᐃᓂᖁᓇᕐᓂᕆᓚᐅᕐᑕᖓ ᑕᐅᑐᓐᖑᐊᕐᓇᑐᐃᓐᓇᓕᕐᐳᖅ ᐊᑭᕋᒥᓄᑦ ᐱᔭᐅᑎᓪᓗᒍ ᐃᑲᔪᕐᑎᒃᓴᖃᓚᐅᓐᖏᓚᖅ, ᓵᓚᖃᕐᑐᓪᓗ ᒥᑕᐅᑎᖃᕐᐳᑦ ᑲᑕᖕᓂᖓᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:18

ᓮᐅᓂ ᓱᓇᖃᕈᓐᓃᕐᒪᑦ ᐃᑭᐊᓐᖑᓇᕐᓯᕗᖅ, ᐊᒪᕈᖓᔪᓄᑦ ᓇᔪᒐᑐᐃᓐᓇᐅᓕᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 12:7

ᐊᖑᑎᐅᑉ ᖃᓪᓗᓈᕐᑕᓂᒃ ᐊᓐᓄᕌᓕᐅᑉ, ᑰᑉ ᖁᓛᓂ ᓇᖏᕐᑑᑉ, ᑕᓕᕐᐱᓂ ᐃᓴᒃᐹ ᓴᐅᒥᓂᓗ ᕿᓚᖕᒧᑦ ᐃᓴᓪᓗᒍ, ᑐᓴᕐᐸᕋᓗ ᐊᖏᕈᑎᒥᒃ ᐅᖃᕐᑐᖅ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒧᑦ ᐊᖏᕈᑎᒋᓪᓗᒍ, ᐅᖃᕐᓗᓂ, “ᓇᓪᓕᐅᓐᓂᖅ ᓇᓪᓕᐅᓐᓂᒃᑲᓐᓂᕐᓗ ᓇᑉᐸᕐᓗ ᐊᓂᒍᕐᐸᑕ, ᐃᓄᐃᑦ ᐃᑦᔪᕐᓁᑦᑐᑦ ᐱᔪᓐᓇᕐᓂᖃᕐᕕᐅᓂᖏᑦ ᐃᓱᓕᑉᐸᑕ, ᑕᒪᒃᑯᐊ ᑕᕝᕙ ᓇᓪᓕᐅᑎᔭᕇᕈᒫᕐᐳᑦ.”

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᕼᐊᒊᑉ ᐊᒡᓚᖏᑦ 2:3

‘ᓇᓕᕐᓯ ᐊᒥᐊᒃᑰᔪᓯ ᑕᑯᓚᐅᕐᓯᒪᕚᑦ ᑐᒃᓯᐊᕐᕕᒡᔪᐊᑉ ᐱᓐᓇᕐᓇᕐᓂᕆᓚᐅᕐᓯᒪᔭᖓᓂᒃ? ᖃᓄᕐᓕ ᒫᓐᓇ ᑕᑯᓐᓇᓕᕐᐱᓯᐅᒃ? ᓱᓇᐅᖏᑦᑐᑐᑦ ᑕᑯᓐᓇᓕᓐᖏᓚᓯᐅᒃ?

ᓘᑲᓯᐅᑉ ᐊᒡᓚᖏᑦ 21:21

ᑕᕝᕙ ᑍᒤᓕᕐᐸᑦ ᔫᑎᐊᒥ ᓄᓇᖃᕐᑐᑦ ᖃᖅᑲᓄᑦ ᕿᒫᔭᕆᐊᖃᓕᕈᒫᕐᐳᑦ, ᐃᒡᓗᒐᓴᒡᔪᐊᓂᓗ ᓄᓇᖃᕐᑐᑦ ᐊᐅᓪᓚᕆᐊᖃᓕᕐᓗᑎᒃ, ᐃᒡᓗᒐᓴᒡᔪᐊᑦ ᐊᓯᐊᓂ ᓄᓇᖃᕐᑐᑦ ᐃᒡᓗᒐᓴᒡᔪᐊᓄᑦ ᐃᑎᕋᓱᐊᕐᑐᒃᓴᐅᓐᖏᓚᑦ.

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”