ᐂᓮᐊᓯᐅᑉ ᐊᒡᓚᖏᑦ 63:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᖃᓚᐅᕐᒪᑦ, “ᑖᒃᑯᐊ ᐃᓄᖁᑎᒋᕙᒃᑲ, ᐃᕐᓂᕆᒐᒃᑭᑦ ᓱᓕᖏᑦᑐᓂᒃ ᐅᕙᓐᓄᑦ ᐱᓂᐊᕐᓂᖃᕐᓂᐊᓐᖏᓚᑦ.” ᑍᒤᒻᒪᑦ ᑕᕝᕙ ᐱᐅᓕᔨᑖᕆᓚᐅᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 63:8 Iomraidhean Croise

ᒨᓯᓯ ᓯᕗᓪᓖᑦ 17:7

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

ᐃᓐᖏᕈᑎᑦ 106:21

ᒎᑎ ᐱᐅᓕᔨᒋᓚᐅᕐᑕᑎᒃ ᐳᐃᒍᓚᐅᕐᐹᑦ, ᐊᖏᔪᕐᔪᐊᕌᓗᖕᒥᒃ ᐄᑦᔨᑉᑎᒥ ᐱᓇᓱᐊᓚᐅᕐᑐᖅ.

ᒨᓯᓯ ᐂᑉᐸᖏᑦ 14:30

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ ᐄᑦᔨᑉᑎᒥᐅᓂᑦ. ᐃᓴᕆᐊᓕᒥᐅᓪᓗ ᐄᑦᔨᑉᑎᒥᐅᕕᓂᕐᓂᒃ ᑐᖁᖓᓕᕐᑐᓂᒃ ᑕᑯᕗᑦ ᐃᒪᐅᑉ ᓯᓈᓂ.

ᒨᓯᓯ ᐂᑉᐸᖏᑦ 24:7

ᐊᖏᖃᑎᒌᖕᓂᐅᓪᓗ ᑎᑎᕋᕐᓯᒪᔪᖁᑎᖏᑦ ᒨᓯᓯᐅᑉ ᐱᕔᑦ, ᑖᒃᑯᓇᓂ ᒎᑎᐅᑉ ᐱᓂᐊᕐᑕᐅᖁᔭᖏᑦ ᑎᑎᕋᕐᓯᒪᖕᒪᑕ. ᓂᐱᖃᕐᓗᓂᓗ ᐃᓄᖕᓄᑦ ᐅᖃᓕᒫᕐᐰᑦ, ᐃᓄᐃᓪᓗ ᐅᖃᕐᐳᑦ, “ᐊᑕᓂᖅ ᓈᓚᖕᓂᐊᕐᐸᕗᑦ ᐱᖁᔭᓕᒫᖏᓪᓗ ᐊᑐᕐᓗᑎᒍ.”

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 19:20

ᓇᓗᓁᒃᑯᑕᐅᔪᒫᐳᕐᓗ ᖃᐅᔨᑎᑦᓯᑦᔪᑕᐅᓗᓂ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐄᑦᔨᑉᑎᒥᐅᑦ ᓄᓇᖓᓂ; ᐃᓄᖏᑦ ᐃᑲᔪᕐᑕᐅᔪᒪᓗᑎᒃ ᐊᑕᓂᕐᒧᑦ ᓂᓪᓕᐊᓕᕌᖓᑕ ᐊᑭᕋᑎᒃ ᐱᓪᓗᒋᑦ ᓴᐳᑦᔨᔨᒃᓴᖓᓐᓂᒃ ᑎᓕᓯᕕᒋᖃᑦᑕᕈᒫᕐᐰᑦ, ᓴᐳᑎᓗᒋᑦ ᐱᐅᓕᓗᒋᓪᓗ ᐊᑭᕋᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 3:15

ᖃᓄᖅ ᐃᓱᒪᓪᓗᓯ ᐃᓄᖁᑎᒃᑲ ᓯᖁᒥᑎᑉᐱᓯᐅᒃ, ᐊᔪᕐᓴᕐᑐᑦ ᓄᖑᕈᑎᓪᓗᒌᑦ?” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 41:8

ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᐂᓮᐊᓯᐅᑉ ᐊᒡᓚᖏᑦ 43:11

ᐅᕙᖓ, ᐅᕙᖓᐅᕗᖅ ᐊᑕᓂᖅ, ᓴᓂᒃᑯᑦ ᐊᓯᓐᓂᒃ ᐱᐅᓕᔨᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 43:3

ᐅᕙᖓ ᐊᑕᓂᐅᒐᒪ ᒎᑏᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐱᐅᓕᔩᑦ; ᐄᑦᔨᑉᑎ ᑐᓂᕙᕋ ᐃᓕᖕᓄᑦ ᐊᑭᓕᐅᑎᒋᓪᓗᒍ, ᐃᑎᐅᐱᐊᓗ ᓰᐸᓗ ᐃᓕᖕᓄᑦ ᑕᐅᕐᓰᑦᔪᑎᒋᓪᓗᒋᒃ.

ᐂᓮᐊᓯᐅᑉ ᐊᒡᓚᖏᑦ 51:4

ᐃᓄᖁᑎᒃᑲ, ᓈᓚᓚᐅᕐᓯᓐᖓ; ᑐᓴᕐᓗᖓᓗ ᐃᓅᖃᑎᒌᒡᔪᐊᖁᑎᒃᑲ, ᐱᖁᔭᒃᑲ ᐅᕙᓐᓂᑦ ᐊᓂᔪᒫᕐᐳᑦ, ᐊᑦᔨᒌᒃᑎᑦᓯᓂᓐᓄᓪᓗ ᐃᓄᐃᑦ ᖃᐅᒪᒃᓴᕐᑕᐅᔪᒫᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 57:11

ᑭᓇᒃᑯᓐᓂᒃ ᑲᑉᐱᐊᒋᔭᖃᒧᑦ ᓯᕘᕋᒋᔭᖃᒧᓪᓗ ᓴᒡᓗᓚᐅᕐᐱᓰ? ᐅᕙᓐᓂᒡᓗ ᐃᖅᑲᐅᒪᔪᓐᓃᕐᓗᓯ, ᐃᖅᑬᔪᓐᓇᕋᓯᓗ ᐅᕙᓐᓂᒃ, ᓂᐱᖃᓚᐅᖏᓐᓂᓐᓄᑦ ᐊᑯᓂ, ᑍᒤᒻᒪᑦ ᐅᕙᓐᓂᒃ ᓯᕘᕋᔪᓐᓃᕐᐱᓰ?

ᐂᓮᐊᓯᐅᑉ ᐊᒡᓚᖏᑦ 60:16

ᐃᓅᖃᑎᒌᒡᔪᐊᑦ ᐃᒻᒧᖏᓐᓂᒃ ᐃᒥᕈᒫᕐᐳᓯ, ᐊᖓᔪᖅᑳᕐᔪᐊᓪᓗ ᐊᒫᒪᖏᓐᓂᑦ ᐊᒫᒪᒡᓗᓯ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᖅ ᐱᐅᓕᔨᐅᒐᒪ ᐃᓕᑦᓯᓐᓄᑦ ᐅᑎᕐᑎᑦᓯᔨᓯ, ᔧᑰᑉ ᑭᖑᕚᖏᑕ ᐊᔪᒐᖃᖏᑦᑐᖁᑎᖓ.

ᐂᓮᐊᓯᐅᑉ ᐊᒡᓚᖏᑦ 64:8

ᐊᑕᓃᕐᓕ ᐊᑖᑕᒋᕙᑦᑎᒋᑦ; ᒪᕐᕋᐅᕗᒍᑦ ᐃᕝᕕᑦ ᒪᕐᕋᓕᐅᕐᑎᐅᓪᓗᑎᑦ; ᐊᒡᒐᖕᓄᓪᓗ ᐃᓘᓐᓇᑕ ᓴᓇᔭᐅᓂᑰᓪᓗᑕ.

ᐂᓮᐊᓯᐅᑉ ᐊᒡᓚᖏᑦ 64:9

ᓂᓐᖓᐅᒪᔪᐊᓘᑦᑍᓕᒋᑦ ᑕᐅᕗᖓᓕᒫᖅ, ᐊᑕᓃᖅ, ᐊᔪᕐᑐᓕᓂᕗᑦ ᐃᖅᑲᐅᒤᓐᓇᕐᓂᐊᕐᓇᒋᑦ ᐃᓱᖃᖏᑦᑐᒧᑦ; ᑕᑯᒋᑦ ᐃᓱᒪᓚᐅᕆᑦ ᐃᓕᖕᓄᑦ ᐃᓘᓐᓇᑕ ᐃᓄᖁᑎᒋᔭᐅᓂᑦᑎᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 14:8

ᐃᓴᕆᐊᓕᒥᐅᑦ ᓂᕆᐅᒡᕕᑐᐊᕆᖕᒪᑎᑦ, ᐱᐅᓕᔨᑐᐊᕆᓪᓗᑎᓪᓗ ᐊᑲᐅᖏᑦᑐᖃᓕᕐᑎᓪᓗᒍ, ᓱᖕᒪᑦ ᓂᐅᕐᕈᐊᑎᑐᑦ ᓄᓇᒥ ᑍᒤᓕᐅᕐᕕᒋᕕᑎᒎᑦ? ᐅᓐᓄᐊᒥᒃ ᐊᑕᐅᓯᕐᒥᒃ ᓯᓂᒃᑕᕐᑐᑎᑐᑦ.

ᕼᐆᓯᐊᑉ ᐊᒡᓚᖏᑦ 13:4

“ᐅᕙᖓᐅᕗᖓ ᐊᑕᓂᖅ ᒎᑏᑦ ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᑦᓯᓚᐅᕐᑐᖅ; ᐊᓯᓐᓂᒃ ᒎᑎᒥᒃ ᖃᐅᔨᓂᐊᓐᖏᓚᑎᑦ, ᐊᓯᓐᓂᒡᓗ ᐱᐅᓕᔨᑕᖃᕐᓇᓂ.

ᔨᐸᓁᐊᐅᑉ ᐊᒡᓚᖏᑦ 3:7

ᐅᖃᓚᐅᕐᐳᖓᓗ, ‘ᐃᒻᒪᖄᓕ ᓯᕘᕋᒋᓂᐊᓕᕐᐸᑦᓯᓐᖓ ᓈᒻᒪᒋᔭᐅᓂᐊᕐᐳᓪᓗ ᐊᖅᑭᒋᐊᕐᓯᓂᒃᑲ ᐃᓂᒋᔭᖏᓪᓗ ᓄᖑᑎᓐᓂᐊᓐᖏᓚᒃᑲ.’ ᓱᒋᐊᓚᐅᕋᓗᐊᕋᒃᑭᓪᓗ, ᐅᑎᑦᓴᐅᑎᒋᓚᐅᕐᐳᑦ ᐱᓂᐊᕐᓂᖃᓕᕐᓗᑎᒡᓗ ᐱᐅᖏᑦᑐᓂᒃ.

ᔪᐊᓇᓯᐅᑉ ᐊᒡᓚᖏᑦ 1:47

ᔩᓱᓯᐅᓪᓕ ᓈᑕᓁ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᐅᓯᕆᕚ, “ᑕᑯᒋᑦ, ᑕᕝᕙ ᐃᓴᕆᐊᓕᒥᐅᑕᓪᓚᕆᒃ, ᑖᑦᓱᒪᓂᓗ ᓱᓕᖏᓐᓂᕐᑕᖃᓐᖏᓚᖅ!”

ᕉᒪᒥᐅᓄᑦ 11:28

ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓪᓗᒋᑦ ᒎᑎᒥᒃ ᐊᑭᕋᕐᑐᕐᑎᐅᕗᑦ, ᐱᑦᔪᑎᒋᓪᓗᓯ; ᓂᕈᐊᕐᑕᐅᓯᒪᓂᖏᓪᓕ ᐱᑦᔪᑎᒋᓪᓗᒋᑦ ᓇᒡᓕᒋᔭᐅᕗᑦ ᓯᕗᓕᕕᓂᖏᑦ ᐱᑦᔪᑎᒋᓪᓗᒋᑦ.

ᐃᐱᓯᒥᐅᓄᑦ 4:25

ᑍᒤᒻᒪᑦ, ᓱᓕᖏᓐᓂᖅ ᕿᒪᓕᕐᓯᐅᒃ, ᓱᓕᔪᒥᒡᓕ ᐅᖃᖃᑦᑕᕐᑐᒃᓴᐅᕗᓯ ᐃᓅᖃᑎᑦᓯᓐᓄᑦ, ᑕᒪᑦᑕ ᐃᓚᒌᖑᒐᑦᑕ ᑎᒥᐅᑉ ᐃᓚᖏᓐᓄᑦ ᑕᕝᕙ ᙭ᔅᑑᓯᐅᑉ ᑎᒥᖓᓄᑦ.

ᒨᓯᓯ ᑕᓪᓕᒪᖏᑦ 32:5

ᐃᒻᒥᖕᓂᒃ ᓱᒃᑯᑎᕐᓯᒪᕗᑦ; ᑖᑦᓱᒪᓗ ᕿᑐᕐᖓᕆᓐᖏᓔᑦ, ᐸᓯᔭᒃᓴᐅᒐᒥᒃ: ᑭᖑᕚᖑᖃᑎᒌᑦ ᐊᔪᕐᑐᓕᕗᑦ ᐱᐅᖏᑦᑐᓕᔨᐅᓪᓗᑎᒡᓗ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”

ᑯᓘᓯᐊᒥᐅᓄᑦ 3:9

ᐃᓕᑦᓯᓐᓄᑦ ᓴᒡᓗᖃᑦᑕᐅᑎᓂᐊᕋᓯ, ᐃᓅᓯᑐᖃᓯ ᐃᓕᖅᑯᓯᖏᓪᓗ ᖁᔭᓈᕐᓯᒪᓕᕋᑦᓯᐅᒃ,

ᔪᐊᓇᓯ ᓯᕗᓪᓖᑦ 4:14

ᑕᑯᓯᒪᕗᒍᑦ ᓇᓗᓁᕐᓯᕗᒍᓪᓗ ᐊᑖᑕᐅᑉ ᐃᕐᓂᓂ ᑎᓕᓚᐅᕐᒪᒍ ᓯᓚᕐᔪᐊᕐᒥᐅᓄᑦ ᐱᐅᓕᔨᐅᖁᓪᓗᒍ.

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.

ᓴᒧᐃᓕ ᓯᕗᓪᓖᑦ 12:22

ᐊᑕᓂᐅᑉ ᐃᓄᖁᑎᓂ ᐃᒋᓐᓂᐊᓐᖏᓔᑦ, ᐊᑎᓂ ᐃᑦᔪᕐᓁᑦᑐᖅ ᐱᓪᓗᒍ, ᐊᑕᓂᐅᑉ ᖁᕕᐊᒋᓚᐅᕐᒪᒍ ᐃᓕᑦᓯᓐᓂᒃ ᐃᓄᖁᑎᑖᕆᐊᒃᓴᖅ ᓇᖕᒥᓂᕐᑖᕆᓗᓂᓯ.