ᐂᓮᐊᓯᐅᑉ ᐊᒡᓚᖏᑦ 63:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ “ᐃᓄᑑᓪᓗᖓ ᐸᐅᕐᖓᓂᒃ ᖃᒐᕐᑎᕆᕕᖕᒥ ᑐᓪᓕᓚᐅᕋᒪ, ᐃᓄᒐᓴᒡᔪᐊᑦ ᐃᑲᔪᕐᑐᒃᓴᖃᖏᒻᒪᑕ, ᓂᓐᖓᐅᒪᓪᓗᖓ ᑐᓪᓕᕋᒪ ᐸᐅᕐᖓᓂᒃ ᓂᓐᖓᐅᒪᓂᓐᓄᑦ ᐊᑦᑕᕆᓇᒋᑦ ᑐᑎᖃᑦᑕᓕᓚᐅᕋᒃᑭᑦ, ᐃᑦᑎᖏᓐᓄᑦ ᐊᓐᓄᕌᕋ ᓯᕐᐹᕿᕕᐅᖃᑦᑕᓕᓚᐅᕐᒪᑦ, ᐊᓐᓄᕌᓕᒫᕋ ᓯᕐᐸᕐᑕᐅᓪᓗᓂ ᐃᑦᓴᒃᑕᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 63:3 Iomraidhean Croise

ᒨᓯᓯ ᓯᕗᓪᓖᑦ 49:11

ᑖᑦᓱᒪ ᓄᕐᕋᖅ ᓯᐅᑎᖅᑯᑐᔪᖁᑎᓂ ᕔᓂᒃᓴᓕᖕᒧᑦ ᐃᐱᕈᒫᕐᐹ, ᓯᐅᑎᖅᑯᑐᔪᖁᑎᖓᑕᓕ ᓄᕐᕋᖓ ᕔᓂᒃᓴᓂᑦ ᐱᐅᓂᕐᐹᖑᔪᒧᑦ ᐱᑎᑦᓱᒫᕐᐹ, ᑖᑦᓱᒪ ᐊᓐᓄᕌᓂ ᐃᕐᕈᕐᑐᕈᒫᕐᐰᑦ ᕔᓂᒧᑦ ᐊᓐᓄᕌᓂᓗ ᐃᕐᕈᕐᑐᕈᒫᕐᐰᑦ ᕔᓂᐅᑉ ᐊᐅᖓᓄᑦ;

ᐊᑕᓃᑦ ᐂᑉᐸᖏᑦ 9:33

ᔨᕼᐆᑉ ᕾᒐᓛᕐᕕᒋᕔᑦ, “ᐃᒐᓛᒃᑯᑦ ᐃᒋᓪᓗᒍ ᑲᑕᒃᑎᓚᐅᕐᓯᐅᒃ!” ᑕᕝᕙ ᔨᓴᐱᐅᓪ ᐱᖑᕚᑦ, ᒪᓂᖅᑲᒧᑦ ᑐᓐᓇᒥ ᐊᐅᖓᑕ ᓯᕐᐹᕿᓂᑯᖓᓄᑦ ᐃᒡᓘᑉ ᐊᑭᓐᓇᖓ ᐊᐅᒥᑦᑕᕐᐳᖅ ᕿᒥᕐᔪᐊᓄᓪᓗ ᑐᓪᓕᕋᕐᑕᐅᑦᓴᐅᑎᒋᓪᓗᓂ.

ᔫᐱᐅᑉ ᐊᒡᓚᖏᑦ 40:12

ᑕᑯᓚᐅᒃᑭᑦ ᐱᐅᔪᕆᔪᓕᒫᑦ, ᐅᕐᕈᑎᓪᓗᒋᓪᓗ; ᐱᐅᖏᑦᑐᓕᔪᓪᓗ ᑐᓐᖓᕕᖏᑦ ᑐᓪᓕᕋᕐᓗᒋᑦ.

ᐃᓐᖏᕈᑎᑦ 60:12

ᒎᑎ ᐃᓚᒋᓗᒍ ᓵᓚᖃᕐᓂᐊᕐᐳᒍᑦ; ᐊᑭᕋᑦᑕᓗ ᖄᖏᑎᒍᑦ ᐱᓱᖕᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 22:5

ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᓪᓗᖃᕐᑎᑦᓯᖕᒪᑦ ᐅᐃᒻᒪᒃᓯᒪᓂᕐᒥᒃ ᑐᓪᓕᕋᖃᑦᑕᐅᑎᓂᕐᒥᒡᓗ ᓇᓗᓕᕐᓯᒪᓂᕐᒥᒡᓗ ᓇᕐᓴᒥ ᑕᑯᑎᑕᐅᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖏᓐᓂᒃ ᓯᖁᑦᑎᕆᓂᕐᒥᒃ, ᕾᒐᓛᕐᓂᕐᒥᒡᓗ ᐃᑲᔪᕐᑕᐅᔪᒪᓂᕐᒥᒃ ᖃᖅᑲᓄᑦ.

ᐂᓮᐊᓯᐅᑉ ᐊᒡᓚᖏᑦ 25:10

ᐊᑕᓂᐅᑉ ᐱᔪᓐᓇᕐᓂᖓ ᐃᓂᖃᕈᒫᕐᒪᑦ ᖃᖅᑲᒥ ᑕᕝᕙᓂ, ᒧᐊᐱᒥᐅᓪᓕ ᑐᓪᓕᕋᕐᑕᐅᔪᒫᕐᐳᑦ ᐃᓂᒥᖕᓂ, ᐃᕕᒃᑎᑐᑦ ᑐᓪᓕᕋᕐᑕᐅᓗᑎᒃ, ᐊᓇᕐᓂᒃ ᐊᓂᑦᑎᕕᖕᒧᑦ ᐊᓂᑕᐅᔪᑎᑐᑦ ᖃᓕᕇᓕᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 28:3

ᐃᕗᕅᑎᒥᐅᑦ ᐋᖓᔮᕐᑐᑦ ᓂᐊᖂᑎᖓᑦ ᐊᖓᔪᖅᑳᕐᔪᐊᕐᓯᐅᑦ ᐱᐅᔪᕆᑦᔪᑎᖓᑦ, ᑐᓪᓕᕋᕐᑕᐅᔪᑎᑐᑦ ᑍᒤᑕᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 59:17

ᓇᓛᒎᕐᓂᖅ ᓴᒡᕕᖕᒥᐅᑕᕐᑖᕆᕚ, ᐱᐅᓕᔭᐅᓂᕐᓗ ᓇᓴᕐᑖᕆᓪᓗᒍ, ᐊᓐᓄᕌᕐᓗᓂᓗ ᐊᑭᓂᐊᕐᓂᕐᒥᒃ, ᓂᓐᖓᐅᒪᓂᕐᔪᐊᕐᓗ ᐊᑎᕚ ᐅᓕᒡᔪᐊᓕᐅᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 63:6

ᐃᓅᖃᑎᒋᒡᔪᐊᑦ ᑐᓪᓕᓚᐅᕋᒃᑭᑦ ᓂᓐᖓᐅᒪᓂᕐᒧᑦ, ᓂᓐᖓᐅᒪᓂᓐᓂᒃ ᐃᒥᕐᑎᓚᐅᕐᐸᒃᑲ, ᐊᐅᖏᓪᓗ ᑯᕕᑎᓪᓗᒋᑦ ᓄᓇᒧᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:15

ᐅᓇᑕᕐᑎᖁᑎᒃᑲ ᓴᓐᖏᓂᕐᐹᖑᔪᑦ ᐊᑕᓂᐅᑉ ᓇᕐᕈᒋᕔᑦ; ᐅᓇᑕᕐᑎᓂᒃ ᑎᓕᓯᕗᖅ ᐃᓅᓱᒃᑐᖁᑎᒃᑲ ᐊᓯᕈᕐᑕᐅᖁᓪᓗᒋᑦ, ᔫᑕᒥᐅᓪᓗ ᐅᐃᒡᒐᓱᖁᑎᖏᑦ ᐸᐅᕐᖓᕐᑎᑐᑦ ᐃᑦᑏᔭᕐᑕᐅᓯᒪᔪᑎᑐᑦ ᑐᓪᓕᕋᕐᑕᐅᑎᑉᐰᑦ.

ᔪᐃᓕᐅᑉ ᐊᒡᓚᖏᑦ 3:13

ᐱᕈᕐᑐᓂᒃ ᑭᓪᓗᐃᑦᔪᑏᑦ ᑎᒍᓕᕐᓯᒋᒃ, ᐱᕈᕐᑐᑦ ᐱᕈᕇᕐᒪᑕ ᑲᑎᕐᓱᐃᕕᒃ ᓇᓪᓕᐅᑎᖕᒪᑦ. ᕾᓗᓯ, ᐱᓇᓱᐊᕆᐊᕐᑐᓕᕆᑦᓯ ᐸᐅᕐᖎᑦ ᐃᑦᑏᔭᕐᓗᒋᑦ, ᕔᓂᓕᐅᕐᕕᒃ ᑕᑕᒻᒪᑦ ᐃᒻᒥᕐᓱᕐᕕᖏᓪᓗ ᖄᒥᒻᒪᑕ, ᐃᓅᖃᑎᒌᒡᔪᐊᑦ ᐊᔪᕐᑐᓕᓂᖏᑦ ᐊᖏᓗᐊᕐᒪᑕ.

ᒤᑲᐅᑉ ᐊᒡᓚᖏᑦ 7:10

ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.

ᓴᑲᕅᐊᐅᑉ ᐊᒡᓚᖏᑦ 10:5

ᑖᒃᑯᐊ ᑲᑐᑦᔨᓪᓗᑎᒃ ᐊᔪᖏᑦᑐᕐᔪᐊᖑᔪᒫᕐᐳᑦ, ᒪᓂᖅᑲᒧᑦ ᐊᑭᕋᒥᖕᓂᒃ ᑐᓪᓕᕋᕐᑐᑎᑐᑦ ᐊᖅᑯᑎᒥ ᒪᕋᕐᒥᒃ ᒪᓂᖅᑲᒃᓮᔪᑎᑐᑦ ᐅᓇᑕᕐᕕᖕᒥ: ᐊᑕᓂᐅᑉ ᐃᓚᒋᖕᒪᒋᑦ, ᐅᓇᑕᕈᒫᕐᐳᑦ ᕿᒻᒥᕐᔪᐊᓂᓗ ᐃᑭᒪᔪᑦ ᐅᕐᕈᑎᑕᐅᓗᑎᒃ.

ᒪᓚᑬᑉ ᐊᒡᓚᖏᑦ 4:3

ᐱᐅᖏᑦᑐᓕᔪᓂᒡᓗ ᑐᓪᓕᕋᕈᒫᕐᐳᓯ, ᑖᒃᑯᐊ ᐊᕐᔭᓕᓂᕈᕐᑐᑎᑐᑦ ᑍᒤᑦᓱᒫᕐᐳᑦ ᑐᓪᓕᕋᓕᕈᑦᓯᐅᒃ, ᐱᓇᓱᐊᕐᓂᒪ ᐅᓪᓗᖓ ᓇᓪᓕᐅᑎᒃᐸᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.