ᐂᓮᐊᓯᐅᑉ ᐊᒡᓚᖏᑦ 62:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᖅ ᐅᖃᕕᒃᓯᒪᖕᒪᑦ ᓯᖁᒥᑦᔮᓐᖏᑕᒥᓂᒃ ᑕᓕᕐᐱᖕᒥᓄᑦ ᓇᓗᓁᒃᑯᑦᓯᕐᓗᒍ, ᑕᓕᕐᒥᓗ ᐱᔪᓐᓇᕐᓂᖓᒍ ᐅᖃᕐᓗᓂ: “ᓂᐊᖂᔭᒃᓴᑦ ᐱᕈᕐᑎᑕᕕᓂᓯ ᐊᑭᕋᑦᓯᓐᓄᑦ ᓂᕿᒃᓴᐅᑎᒃᑲᓐᓂᕐᓂᐊᕈᓐᓃᕐᐸᒃᑲ, ᐸᐅᕐᖎᓪᓗ ᐃᑦᑎᖓ ᓄᑖᖅ ᓄᓇᖃᑎᒃᓴᔭᕆᓐᖏᑕᑦᓯᓐᓄᑦ ᐃᒥᒃᓴᐅᑎᓐᓂᐊᕈᓐᓃᕐᐸᕋ ᐊᒃᓱᕉᑎᒋᓪᓗᒍ ᓴᖅᑭᑎᓚᐅᕐᑕᓯ.

ᐂᓮᐊᓯᐅᑉ ᐊᒡᓚᖏᑦ 62:8 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 1:7

“ᓄᓇᓯ ᐃᓄᖃᕋᓂ ᐊᓯᕈᕐᑕᐅᓯᒪᕗᖅ, ᐃᒡᓗᒐᓴᖁᑎᓯᓗ ᐃᑯᒪᒧᑦ ᓄᖑᑕᐅᓯᒪᕗᑦ; ᑕᑯᓐᓈᕐᑎᓪᓗᓯ ᓄᓇᓕᑐᖃᐅᖏᑦᑐᓄᑦ ᓄᓇᑦᓯᓐᓂᒃ ᐊᕐᓵᕐᑕᐅᓯᒪᕗᓯ; ᐃᓄᖃᕈᓐᓃᕐᑎᑕᐅᓯᒪᕗᖅ, ᓵᓚᐅᓯᒪᓪᓗᓂᓗ ᓄᓇᖃᑎᒋᓐᖏᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 45:23

ᓇᖕᒥᓂᖅ ᐅᕙᒃᑯᑦ ᐅᖃᕕᒃᓯᒪᒐᒪ ᓴᖑᑎᓐᓂᐊᓐᖏᑕᓐᓂᒃ; ᐅᖃᐅᓯᖅ ᖃᓂᒃᑯᑦ ᐊᓂᓯᒪᔪᖅ ᓇᓛᒎᕐᓂᒃᑯᑦ, ᐅᖅᑭᓐᓇᕐᓂᐊᓐᖏᓚᖅ ᐅᕙᓐᓄᑦ, ᓵᓐᓂ ᓰᖅᑯᓕᒫᑦ ᓰᖅᑯᕐᑐᒃᓴᐅᕗᑦ, ᐅᖃᓕᒫᓪᓗ ᐅᖃᕕᒃᑐᒃᓴᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 54:9

ᑕᒪᓐᓇ ᐊᑦᔨᖃᕐᑎᑉᐸᕋ ᓄᐊ ᐃᓅᑎᓪᓗᒍ ᐱᓚᐅᕐᑐᒥᒃ; ᐅᖃᕕᒃᓗᖓ ᐅᖃᓚᐅᕋᒪ ᓄᐊ ᐃᓅᑎᓪᓗᒍ ᓄᓇᕐᔪᐊᓕᒫᖅ ᐅᓕᕕᒡᔪᐊᒧᑦ ᑎᑭᑕᐅᒃᑲᓐᓂᖁᓇᒍ, ᒫᓐᓇᑦᑕᐅᖅ ᐅᖃᕕᒃᓗᖓ ᐅᖃᕐᐳᖓ ᓂᓐᖓᒡᕕᒋᓂᐊᕈᓐᓃᕐᐸᑦᓯ ᓱᐊᖕᓂᐊᕈᓐᓃᕐᓗᓯᓗ.

ᐂᓮᐊᓯᐅᑉ ᐊᒡᓚᖏᑦ 55:2

ᓱᖕᒪᑦ ᑮᓇᐅᔭᕐᑑᑎᖃᕋᓱᐊᕐᐱᓰ ᓂᐊᖂᔭᐅᖏᑦᑐᓂᒃ? ᓱᖕᒪᓪᓗ ᐊᒃᓱᕈᕈᑎᖃᕐᐱᓰ ᓈᒻᒪᒃᓯᑦᔪᑎᒋᓂᐊᓐᖏᑕᑦᓯᓐᓂᒃ? ᓈᓚᑦᓯᐊᓚᐅᕐᓯᓐᖓ, ᓂᕆᓗᓯᓗ ᐱᐅᔪᒥᒃ, ᑕᕐᓂᓯ ᓈᒻᒪᒃᓯᑦᓯᐊᖁᓪᓗᒍ ᖁᐃᒃᓯᓐᓇᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 59:16

ᑕᑯᒐᒥ ᐃᓄᒃᑕᖃᕈᓐᓃᕐᑐᖅ ᐊᑕᐅᓯᕐᒥᒡᓘᓐᓃᑦ; ᑲᒪᓂᐊᕐᐳᕐᓗ ᑐᒃᓯᐅᑦᔨᔨᒃᓴᕐᑕᖃᕈᓐᓃᕐᒪᑦ; ᑍᒤᒻᒪᑦ ᓇᖕᒥᓂᖅ ᐱᔪᓐᓇᕐᓂᕐᒥᒍᑦ ᐱᐅᓕᔭᐅᕕᒃᓴᖅ ᑖᑦᓱᒧᖓ ᕾᑎᑉᐹ; ᓇᓛᒎᕐᓂᖓᑕᓗ ᑲᔪᓯᑎᓚᐅᕐᐹ.

ᔨᕆᒤᐊᐅᑉ ᐊᒡᓚᖏᑦ 31:5

ᐸᐅᕐᖓᓕᒃᓴᓂᒃ ᐱᕈᕐᓰᕕᓕᐅᕈᓐᓇᕐᓯᔪᒫᕆᕗᓯ ᓴᒥᐊᕆᐊᑉ ᖃᖅᑲᖏᓐᓂ ᐱᕈᕐᓰᕕᓕᕆᔪᑦ ᐱᕈᕐᑐᖏᓐᓂᑦ ᓂᕿᒃᓴᖃᑦᓯᐊᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᐃᓯᑭᐊᓕᐅᑉ ᐊᒡᓚᖏᑦ 20:5

ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᑦᓱᒪᓂ ᐃᓴᕆᐊᓕᒥᐅᑦ ᓂᕈᐊᕋᒃᑭᑦ, ᐊᖏᒻᒪᕆᒡᕕᒋᓚᐅᕐᐸᒃᑲ ᔧᑰᑉ ᑭᖑᕚᖏᑕ ᓯᕗᓕᖏᑦ, ᐅᕙᓐᓂᒡᓗ ᖃᐅᔨᑎᓪᓗᒋᑦ ᐄᑦᔨᑉᑎᒦᑎᓪᓗᒋᑦ, ᐊᖏᕐᕕᒋᓪᓗᒋᑦ ᐅᖃᐅᑎᓚᐅᕐᐸᒃᑲ, ‘ᐅᕙᖓᐅᕗᖓ ᐊᑕᓂᖅ ᒎᑎᓯ.’

ᒨᓯᓯ ᐱᖓᔪᖏᑦ 26:16

ᑕᕝᕙ ᓱᒋᐊᕐᓂᐊᕐᐸᑦᓯ, ᑲᑉᐱᐊᓇᕐᑐᒻᒪᕆᖕᒥᑦ ᑎᑭᑕᐅᓂᐊᕐᐳᓯ, ᐋᓐᓂᐊᓇᕐᑐᓂᒃ ᐆᑎᕐᓇᕐᓇᕐᑐᓂᒡᓗ ᑕᐅᑐᒍᓐᓁᕐᓇᕐᑐᓂᒡᓗ ᑐᖁᕙᓪᓕᐊᓇᕐᑐᓂᒡᓗ. ᐱᕈᕐᓰᕕᑦᓯᓐᓄᑦ ᐱᕈᕐᓯᐊᒃᓴᓂᒃ ᐃᓕᐅᖅᑬᑐᐃᓐᓇᖃᑦᑕᕐᓂᐊᕐᐳᓯ ᐊᑭᕋᑦᓯᓐᓂᑦ ᓂᕆᔭᐅᖃᑕᕐᓂᐊᕐᒪᑕ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.

ᒨᓯᓯ ᑕᓪᓕᒪᖏᑦ 28:30

“ᓄᓕᐊᒃᓴᕐᑖᕈᒫᕐᐳᓯ, ᐊᓯᕕᓪᓕ ᐃᓐᓇᖓᖃᑎᒋᔪᒫᕐᐹ; ᐃᒡᓗᓕᐅᕈᒫᕐᐳᓯ ᐊᖏᕐᕋᕆᔪᒫᓐᖏᓚᓪᓕ; ᕔᓂᒃᓴᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᔪᒫᕐᐳᓯ, ᐸᐅᕐᖓᖏᓐᓂᒡᓕ ᑲᑎᕐᓱᐃᔪᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 28:31

ᐃᒻᒧᒃᓯᐅᒐᖁᑎᓯ ᑕᑯᓐᓇᕐᑎᓪᓗᓯ ᑐᖁᑕᐅᔪᒫᕐᐳᑦ, ᓂᕿᖏᓐᓂᒡᓕ ᓂᕆᕕᒋᔪᒫᓐᖏᓚᓯ; ᓯᐅᑎᖅᑯᕐᑐᔪᖁᑎᓯ ᑕᑯᓐᓇᕐᑎᓪᓗᑎᑦ ᑲᑉᐱᐊᓵᕐᑕᐅᓗᓯ ᐱᔭᐅᔪᒫᕐᐳᑦ, ᐃᓕᑦᓯᓐᓄᓪᓗ ᐅᑎᕐᑎᑕᐅᔪᒫᓐᖏᓚᑦ. ᓰᐱᖁᑎᓯ ᐊᑭᕋᕐᑐᕐᑎᑦᓯᓐᓄᑦ ᑐᓂᔭᐅᔪᒫᕐᐳᑦ, ᓇᓪᓕᐊᓐᓂᒡᓘᓐᓃᑦ ᐃᑲᔪᕐᑎᒃᓴᖃᕈᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᒨᓯᓯ ᑕᓪᓕᒪᖏᑦ 32:40

ᐊᒡᒐᒃᑲ ᖁᒻᒧᑦ ᐃᓵᒡᓗᒋᑦ, ᐅᖃᕕᒡᓗᖓ ᐊᖏᒻᒪᕆᒃᐳᖓ, ᐃᓅᒐᒪ ᐃᓱᖃᖏᑦᑐᒧᑦ,