ᐂᓮᐊᓯᐅᑉ ᐊᒡᓚᖏᑦ 61:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᕙᖓ ᐊᑕᓂᖅ ᖁᕕᐊᒋᔭᖃᕋᒪ ᐊᑦᔨᒌᒃᑎᑦᓯᓂᕐᒥᒃ, ᐆᒥᓱᒡᓗᖓᓗ ᑎᒡᓕᒐᕐᓂᕐᒥᒃ ᓈᒻᒪᖏᑦᑐᓕᓂᕐᒥᒡᓗ; ᓱᕐᕋᔪᐃᑦᑑᓂᓐᓄᑦ ᐱᔭᕆᐊᖃᕐᑕᖏᓐᓂᒃ ᐊᑭᓕᕈᒫᕐᐸᒃᑲ, ᐊᖏᖃᑎᒌᒍᑎᓕᐅᕐᓗᖓᓗ ᑖᒃᑯᓄᖓ ᐃᓱᖃᖏᑦᑐᒧᑦ ᑐᕌᖓᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 61:8 Iomraidhean Croise

ᒨᓯᓯ ᓯᕗᓪᓖᑦ 17:7

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

ᓴᒧᐃᓕ ᐂᑉᐸᖏᑦ 23:5

ᑍᒫᒃ ᒎᑎᐅᑉ ᑭᖑᕚᒃᑲ ᓮᒻᒪᕐᑎᑦᓱᒫᕐᐰᑦ, ᑍᒫᒃ ᐃᓱᖃᖏᑦᑐᒧᑦ ᐊᖏᕐᕕᒋᓯᒪᖕᒪᖓ, ᐱᖁᔨᑦᔪᑎᖓ ᑕᒤᑎᒍᑦ ᓱᖁᓯᔪᐃᑦᑑᕗᖅ. ᑕᒪᓐᓇ ᐱᕙᓪᓕᐊᑎᓯᒪᓐᖏᓚᐅᒃ ᐃᑲᔪᕐᑕᐅᓂᓕᒫᒃᑲ ᐱᔪᒪᔭᕆᔭᒃᑲᓗ?

ᐃᓐᖏᕈᑎᑦ 105:10

ᓇᓗᓁᒃᑲᓐᓂᓚᐅᕐᐹ ᔧᑯᒧᑦ ᐊᑐᕐᑕᐅᖁᓯᒪᔭᓂ, ᐃᓴᕆᐊᓕᒧᑦ ᐊᖏᖃᑎᒌᖕᓂᓐᖑᕐᑎᓚᐅᕐᐹ ᐃᓱᖃᖏᑦᑐᒧᑦ,

ᐃᓐᖏᕈᑎᑦ 11:7

ᐊᑕᓂᖅ ᐃᓱᐊᕐᑑᖕᒪᑦ, ᐱᓂᐊᕐᓃᓪᓗ ᐃᓱᐊᕐᑐᑦ ᖁᕕᐊᒋᕔᑦ, ᓱᓕᑦᓯᐊᕐᑐᒥᒡᓗ ᐃᓅᔪᑦ ᑕᑯᓐᓇᕐᐰᑦ.

ᐃᓐᖏᕈᑎᑦ 32:8

ᐊᔪᕆᕐᑐᕐᓂᐊᕐᐸᒋᑦ ᐃᓕᓐᓂᐊᕐᑎᓪᓗᑎᓪᓗ ᐊᖅᑯᑎᒃᑯᑦ ᓇᐅᒃᑰᕆᐊᖃᕐᒪᖔᕐᐱᑦ; ᐃᓱᒻᒥᕐᑐᕐᓂᐊᕐᐸᒋᑦ ᐃᔨᓐᓄᑦ ᑕᑯᓐᓇᕐᓗᑎᑦ.

ᐃᓐᖏᕈᑎᑦ 33:5

ᖁᕕᐊᒋᔭᖃᕐᒪᑦ ᐃᓱᐊᕐᑐᓕᓂᕐᒥᒃ ᐃᖅᑲᕐᑐᐃᑦᓯᐊᕐᓂᕐᒥᒡᓗ; ᓄᓇᕐᔪᐊᕐᓗ ᓈᓯᒪᕗᖅ ᐊᑕᓂᐅᑉ ᓇᒡᓕᕐᓂᕐᔪᐊᖓᓂᒃ ᓄᖑᓱᐃᑦᑐᒥᒃ.

ᐃᓐᖏᕈᑎᑦ 37:28

ᐊᑕᓂᐅᑉ ᐃᖅᑲᕐᑐᐃᑦᓯᐊᕐᓂᖅ ᖁᕕᐊᒋᕚ, ᐃᑦᔪᕐᓁᑦᑐᖁᑎᓂ ᐊᓚᕐᓂᐊᓐᖏᓔᑦ; ᓴᐳᑎᓂᐊᕐᐰᑦ ᐃᓱᖃᖏᑦᑐᒧᑦ, ᐱᐅᖏᑦᑐᓕᔪᓪᓕ ᑭᖑᕚᖏᑦ ᐃᓱᓕᑎᑕᐅᓂᐊᕐᐳᑦ.

ᐃᓐᖏᕈᑎᑦ 45:7

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓚᒋᔭᕐᓂᑦ ᐱᑎᑕᐅᓂᕐᓴᐅᓪᓗᑎᑦ.

ᐃᓐᖏᕈᑎᑦ 50:5

“ᑲᑎᒋᑦᓯ ᐅᕙᓐᓄᑦ ᐃᑦᔪᕐᓁᑦᑐᖁᑎᒃᑲ, ᐊᖏᖃᑎᒌᒍᑎᓕᐅᕐᓯᒪᔪᑦ ᐅᕙᓐᓄᑦ ᑐᓂᕐᕈᑎᒃᓴᒃᑯᑦ.”

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᐃᓐᖏᕈᑎᑦ 99:4

ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:6

ᐱᓂᐊᕐᓂᕐᓄᑦ ᑕᒤᓐᓄᑦ ᓇᓗᓁᔭᕈᒃ, ᑕᕝᕙ ᐊᖅᑯᑎᒋᔭᑎᑦ ᑐᑭᓕᐊᕐᑎᓐᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:20

ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ; ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.

ᐂᓮᐊᓯᐅᑉ ᐊᒡᓚᖏᑦ 28:17

ᓱᓕᔪᒥᒡᓗ ᐃᖅᑲᕐᑐᐃᓂᖅ ᐆᒃᑐᕋᐅᑎᒋᔪᒫᕐᐸᕋ, ᓇᓛᒎᕐᓂᕐᓗ ᒪᑭᑕᑦᓯᐊᓕᕐᑐᕐᓯᐅᑎᒋᓗᒍ, ᑕᕝᕙ ᓇᑕᖅᑯᕐᓁᑦ ᓴᒡᓗᕿᑦᓯᓂᒃᑯᑦ ᕿᒫᕕᐅᕐᓯᒪᔪᓂᒃ ᐲᔧᔪᒫᕐᐳᑦ, ᐃᔨᕐᓯᒪᕕᐅᔪᓪᓗ ᐃᒪᕐᒧᑦ ᑕᑕᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 5:16

ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ ᐊᖏᒡᓕᑎᑕᐅᔪᒫᕐᐳᖅ ᐃᖅᑲᕐᑐᐃᑦᓯᐊᕐᓂᒃᑯᑦ, ᒎᑎᓗ ᐃᑦᔪᕐᓁᑦᑐᖅ ᐃᒻᒥᓂᒃ ᓴᖅᑭᑎᑦᓱᒫᕐᐳᖅ ᐃᑦᔪᕐᓁᓐᓂᕐᒥ ᓇᓛᒎᕐᓂᕐᒥᓗ.

ᐂᓮᐊᓯᐅᑉ ᐊᒡᓚᖏᑦ 54:10

ᖃᖅᑳᓗᐃᑦ ᐱᑕᖃᕈᓐᓃᕈᒫᕐᐳᑦ ᐱᖑᐃᓪᓗ ᐲᔭᕐᑕᐅᔪᒫᕐᓗᑎᒃ, ᓇᒡᓕᒍᓱᖕᓂᕋᓕ ᓱᖁᓯᔪᐃᑦᑐᖅ ᐃᓕᑦᓯᓐᓂᒃ ᕿᒤᓂᐊᓐᖏᓚᖅ, ᓮᒻᒪᕐᑎᑦᓯᓂᕋᓗ ᐊᖏᖃᑎᒌᒍᑎᒐ ᐲᕐᑕᐅᓂᐊᖏᓐᓂᕗᖅ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᓇᒡᓕᒍᓱᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 55:3

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 56:1

ᐃᒫᒃ ᐊᑕᓂᖅ ᐅᖃᕐᐳᖅ: “ᐊᑦᔨᒌᒃᑎᑦᓯᓂᖅ ᐊᑐᕐᑕᐅᓕ, ᓇᓛᒎᕐᑐᒥᒡᓗ ᐱᓇᓱᐊᕐᓗᓯ, ᐱᐅᓕᒃᓯᓂᒃᓴᕋ ᖃᓂᑦᑑᓕᕐᒪᑦ, ᓴᐳᑦᔨᓂᕋᓗ ᓴᖅᑭᑎᓐᓂᐊᓕᕋᒃᑯ.

ᐂᓮᐊᓯᐅᑉ ᐊᒡᓚᖏᑦ 66:22

“ᓲᕐᓗ ᕿᓚᒃ ᓄᑖᖅ ᓄᓇᕐᔪᐊᕐᓗ ᓄᑖᖅ ᓴᓇᔪᒫᕐᑕᒃᑲ ᑍᒤᓕᖎᓐᓇᕈᒫᕐᒪᑕ ᓵᓐᓂ, ᐊᑕᓂᖅ ᐅᖃᕐᐳᖅ; ᑍᒫᒃᑕᐅᖅ ᐊᑎᕐᓯ ᑭᖑᕚᓯᓗ ᑍᒤᓕᖎᓐᓇᕈᒫᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 32:40

ᐊᖏᖃᑎᒋᔪᒫᕐᐸᒃᑲ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᐱᐅᔪᒥᒡᓗ ᐱᓇᓱᐊᕐᕕᒌᓐᓇᕈᒫᕐᐸᒃᑲ, ᓯᕘᕋᓂᕐᒥᒡᓗ ᐆᒻᒪᑎᖏᓐᓄᑦ ᐃᓕᓯᔪᒫᕐᐳᖓ, ᕿᒤᓚᐅᕐᓯᒪᖁᓇᒋᑦ ᐅᕙᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 9:24

ᓂᕐᑐᕐᑕᐅᑦᔪᑎᖃᕈᒪᔪᕐᓕ ᓂᕐᑐᕐᑕᐅᑦᔪᑎᖃᕐᓕ ᖃᐅᔨᒪᓂᕐᒥᖕᓂᒃ ᐃᓕᓯᒪᓂᕐᒥᖕᓂᒡᓗ ᐅᕙᓐᓂᒃ, ᐊᑕᓂᐅᒐᒪ ᑍᒪᓐᖓᑦ ᓇᒡᓕᒍᓱᒃᑐᖅ ᐱᑦᓯᐊᕐᓂᕐᒥᒃ ᐱᓇᓱᐊᕈᑎᖃᕐᐸᒃᑐᖅ, ᓈᒻᒪᑦᓯᐊᕐᑐᒥᒃ ᐊᑲᐅᔪᒥᒡᓗ ᓄᓇᒥ, ᑕᒪᑦᔭ ᓂᕐᑐᐃᑦᔪᑕᐅᑎᓪᓗᒋᑦ ᖁᕕᐊᒋᔭᒃᑲ, ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 16:60

ᐊᖏᖃᑎᖃᕐᓯᒪᓂᕋ ᐃᓕᑦᓯᓐᓄᑦ ᐃᓅᓱᒃᑑᑎᓪᓗᓯ ᐃᖅᑲᐅᒪᓂᐊᕐᐸᕋ, ᐊᖏᖃᑎᒌᒍᑎᓕᐅᕈᒪᕗᖓᓗ ᐃᓕᑦᓯᓐᓄᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 34:25

ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᒪᓚᑬᑉ ᐊᒡᓚᖏᑦ 1:13

‘ᐃᕿᐊᓐᖑᓇᕐᓯᕗᑦ,’ ᓇᕐᕈᒋᓪᓗᖓᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑎᒡᓕᒐᕕᓃᑦ ᐂᑦᑑᑎᒋᕙᓯ, ᑐᓯᐊᑦᑐᑦ, ᖃᓂᒪᔪᓪᓗ, ᑕᒪᒃᑯᐊᓗ ᑐᓂᕐᕈᑎᒋᓪᓗᒋᑦ! ᐃᓚᓕᐅᕆᐊᖃᕐᐸᒃᑳ ᑐᓂᕐᕈᑎᓰ? ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:5

ᐊᑕᓂᐅᑉ ᐆᒻᒪᑎᓯ ᑕᓯᐅᕐᓕᒋᑦ ᒎᑎᐅᑉ ᓇᒡᓕᖕᓂᖓᓄᑦ ᙭ᔅᑑᓯᐅᓪᓗ ᓱᖁᓯᔪᐃᑦᑑᓂᖓᓄᑦ.