ᐂᓮᐊᓯᐅᑉ ᐊᒡᓚᖏᑦ 61:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᔭᐅᔪᒫᕐᐳᓯᓗ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖁᑎᖏᓐᓂᒃ, ᐅᖃᐅᓯᐅᔪᒫᕐᐳᓯᓗ ᒎᑎᑦᑕ ᐱᔨᑦᓯᕐᑎᖁᑎᖏᓐᓂᒃ; ᓂᕿᖃᕈᒫᕐᐳᓯ ᐊᒃᓗᐃᑦᑐᑦ ᐃᓅᖃᑎᒌᒡᔪᐊᑦ ᓂᕿᖁᑎᖏᓐᓂᒃ, ᐊᒡᓗᐃᑦᔪᑎᖏᓐᓂᒡᓗ ᐱᓐᓇᕐᓇᐅᑎᖃᕈᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 61:6 Iomraidhean Croise

ᒨᓯᓯ ᐂᑉᐸᖏᑦ 19:6

ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.”

ᐂᓮᐊᓯᐅᑉ ᐊᒡᓚᖏᑦ 23:18

ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 54:3

ᐱᕕᑦᑐᕆᐊᕆᐊᖃᕐᓂᐊᕋᕕᐅᒃ ᓴᐅᒥᒧᑦ ᑕᓕᕐᐱᒧᓪᓗ, ᑭᖑᕚᒃᓴᑎᑦ ᐃᓅᖃᑎᒌᒡᔪᐊᓂᒃ ᓄᓁᕈᑦᔨᔪᒫᕐᒪᑕ ᐃᒡᓗᒐᓴᒡᔪᐊᖃᕐᕕᕕᓂᖏᓐᓂᓗ ᐃᓄᖃᔪᐃᑦᑑᓕᕐᑐᓂᒃ ᐃᒡᓗᒐᓴᒃᑖᕐᑐᕐᓗᓯ.

ᐂᓮᐊᓯᐅᑉ ᐊᒡᓚᖏᑦ 56:6

ᔫᑎᐅᖏᑦᑐᓪᓗ ᐊᑕᓂᕐᒧᑦ ᐃᒻᒥᖕᓂᒃ ᐃᓚᓕᐅᑎᔪᓄᑦ ᐱᔨᑦᓯᕈᒪᓪᓗᒍ, ᐊᑕᓂᐅᓪᓗ ᐊᑎᖓᓂᒃ ᐅᖓᒋᔭᖃᕐᑐᑦ, ᐱᔨᐅᔪᒪᓪᓗᑎᒡᓗ ᑖᑦᓱᒧᖓ, ᓴᐸᑎᒥᒡᓗ ᑲᒪᑦᓯᐊᕐᑐᑦ ᓇᕐᕈᓇᕐᓯᑎᓐᓇᒍ, ᐊᖏᖃᑎᒌᒃᓯᒪᓂᑦᑎᓐᓂᒡᓗ ᑎᒍᒥᐊᕐᑐᑦ ᓴᒃᑯᐃᓇᒍᓗ.

ᐂᓮᐊᓯᐅᑉ ᐊᒡᓚᖏᑦ 66:12

ᐊᑕᓂᖅ ᐃᒫᒃ ᐅᖃᕐᐳᖅ: “ᑕᑯᒋᑦ, ᐊᔪᕐᓴᖏᓐᓂᖅ ᐊᖏᔪᕈᕐᑎᑦᓱᒫᕐᐸᕋ ᑰᒃᑎᑐᑦ ᑯᕕᓕᕈᒫᕐᒪᑦ, ᐃᓅᖃᑎᒌᒡᔪᐊᓪᓗ ᐊᒡᓗᐃᓂᖏᑦ ᑰᒐᓛᑎᑐᑦ ᑕᑕᓯᒪᔪᑎᑐᑦ ᑰᓕᕈᒫᕐᐳᑦ, ᐊᒫᒪᒍᒫᕐᐳᓯ ᓴᕐᓕᐊᕐᑕᐅᓗᓯ, ᐊᐅᓚᑲᑦᑖᕐᑎᑕᐅᔪᒫᕐᐳᓯᓗ ᖁᒃᑐᕋᖏᒃᑕ ᖄᖓᓂ.

ᐂᓮᐊᓯᐅᑉ ᐊᒡᓚᖏᑦ 66:21

ᐃᓚᖏᓪᓗ ᑐᓂᔪᒫᕐᐸᒃᑲ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:18

ᓕᕔᒃᑯᓐᓂᓪᓗ ᑐᓂᕐᕈᓯᕐᑎᑦᓯᔪᒃᓴᓂᒃ ᐱᑕᕾᓐᓇᕈᒫᕐᐳᖅ ᐆᓯᒪᔪᓂᒃ ᑐᓂᕐᕈᑎᒃᓴᓂᒃ ᑐᓂᔭᐅᔪᒃᓴᓂᒡᓗ ᑐᓂᕐᕈᓯᖃᑦᑕᕐᓂᐊᕐᑐᓂᒃ ᐃᓱᖃᖏᑦᑐᒧᑦ.”

ᐃᓯᑭᐊᓕᐅᑉ ᐊᒡᓚᖏᑦ 14:11

ᑍᒤᓕᐅᕆᖃᑦᑕᕐᓂᐊᕐᐳᖓ ᐃᓴᕆᐊᓕᐅᑉ ᑭᖑᕚᖏᓐᓄᑦ ᐅᕙᓐᓂᒃ ᕿᒤᖁᓇᒋᑦ, ᐊᔪᕐᑐᓕᓂᕐᒥᖕᓄᓪᓗ ᓇᕐᕈᓇᕐᓯᑎᑕᐅᖃᑦᑕᖁᓇᒋᑦ, ᐅᕙᓐᓄᑦ ᐃᓄᖁᑎᒋᔭᐅᖁᓪᓗᒋᑦ ᒎᑎᒋᔭᐅᓗᖓᓗ ᑖᒃᑯᓄᖓ, ᐊᑕᓂᖅ ᒎᑎ ᐅᖃᕐᐳᖅ.”

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:5

ᑍᒪᓕ ᐊᐴᓗᓯ ᑭᓇᐅᕚ? ᐸᐅᓗᓯᓗ ᑭᓇᐅᕚ? ᒎᑎᒥᒃ ᐱᔨᑦᓯᕐᑎᑐᐃᓐᓇᐅᕘᒃ ᑖᒃᑯᑎᒎᓇᖅ ᐅᒃᐱᕐᑐᓐᖑᕐᑎᑕᐅᕗᓯ, ᐊᑕᓂᐅᑉ ᐱᔭᒃᓴᖏᖕᓂᒃ ᐊᑐᓂᑦ ᑐᓂᓯᕕᒋᓚᐅᕐᒪᒋᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:1

ᐃᒫᒃ ᐃᓄᖕᓂᑦ ᖃᐅᔨᒪᔭᐅᔭᕆᐊᖃᕐᐳᒍᑦ, ᙭ᔅᑑᓯᒥᒃ ᐱᔨᑦᓯᕐᑎᑐᐃᓐᓇᐅᓂᑦᑎᓐᓂᒃ, ᑲᒪᔨᐅᑎᑕᐅᑐᐃᓐᓇᕐᓂᑦᑎᓐᓂᒃᓗ ᒎᑎᐅᑉ ᐱᖏᓐᓂᒃ ᓇᓗᓇᕐᑐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:23

᙭ᔅᑑᓯᐅᑉ ᐱᔨᒋᕔᑦ? ᐃᓱᒤᕈᑎᓯᒪᔪᑎᑐᑦ ᐅᖃᕋᓗᐊᕐᐳᖓ ᐅᕙᖓᓕ ᐊᖏᓂᕐᓴᒥᒃ ᐱᔨᑦᓯᕐᓯᒪᕗᖓ ᙭ᔅᑑᓯᒥᒃ, ᐱᓇᓱᐊᕐᓂᕐᒥᒃ ᐊᒃᓱᕈᕐᓂᕐᓴᐅᓯᒪᕗᖓ, ᐅᓄᕐᑐᐃᕐᓱᕐᓂᕐᓴᐅᕗᖓ ᑎᒍᔭᐅᓯᒪᕕᖕᒦᓪᓗᖓ, ᐅᓄᕐᓂᕐᓴᓂᒡᓗ ᑏᒐᕐᑐᕐᑕᐅᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓᓗ ᑐᖁᒦᖃᑦᑕᕐᓯᒪᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:4

ᖃᓄᓕᒫᕐᓕ ᒎᑎᒧᑦ ᐱᔨᐅᓂᑦᑎᓐᓂᒃ ᓴᖅᑭᔮᕐᑎᑦᓯᕗᒍᑦ: ᕿᓄᐃᓵᒻᒪᕆᒃᓗᑕ ᑲᑉᐱᐊᓇᕐᑐᒃᑰᓕᕌᖓᑦᑕ, ᐊᒃᓱᕈᕐᓇᕐᑐᒃᑰᓕᕌᖓᑦᑕ, ᕿᒃᓵᓕᕌᖓᑦᑕᓗ,

ᒨᓯᓯ ᑕᓪᓕᒪᖏᑦ 18:2

ᓄᓇᖁᑎᖃᕐᑐᒃᓴᐅᓐᖏᓚᑦ ᓇᖕᒥᓂᒃᓴᒥᖕᓂᒃ, ᑭᖑᕚᕇᑎᑐᑦ ᐊᓯᒥᒃᑎᑐᑦ; ᐱᖃᖃᑕᐅᓯᒪᕗᓪᓕ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᑐᓂᓯᕕᐅᓯᒪᖓᒥᒃ, ᑕᒪᓐᓇ ᐊᑕᓂᐅᑉ ᐊᖏᕈᑎᒋᓯᒪᖕᒪᒍ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:6

ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᒍᓪᓗ ᐊᑕᓂᐅᕕᖕᒥᓂ ᐱᔨᑦᓯᖁᓪᓗᑕ ᒎᑎᖓᓂᒃ ᐊᑖᑕᖓᓂᒡᓗ, ᑖᑦᓱᒪ ᐱᓐᓇᕐᓇᕐᓂᕐᔪᐊᖅ ᐱᒋᓕᐅᒃ ᐊᖓᔪᖅᑲᐅᓂᕐᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:6

ᖁᕕᐊᓇᕐᐳᖅ ᐃᑦᔪᕐᓁᑦᑑᓪᓗᓂᓗ ᒪᑭᓐᓂᕐᒥᒃ ᓯᕗᓪᓕᕐᒥᒃ ᒪᑭᖃᑕᐅᔪᓄᑦ! ᑐᖂᑉ ᐂᑉᐸᖓᓄᑦ ᐱᔪᓐᓇᕐᓂᖃᕐᕕᐅᔪᓐᓃᕐᒪᑕ ᑭᖑᓂᖓᒍᑦ, ᒎᑎᐅᑉ ᙭ᔅᑑᓯᐅᓪᓗ ᑐᓂᕐᕈᓯᕐᑎᑦᓯᔨᒋᓂᐊᓕᕐᒪᒋᑦ, ᐊᐅᓚᑦᓯᖃᑎᒋᓂᐊᕐᐹᓪᓗ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:10

ᑐᓂᕐᕈᓯᕐᑎᑦᓯᔨᓐᖑᕐᑎᑉᐸᑎᓪᓗ ᐊᑕᓂᐅᕕᖕᒥ ᒎᑎᑦᑎᓐᓄᑦ, ᐊᐅᓚᑦᓯᔨᐅᖁᓪᓗᒋᓪᓗ ᓄᓇᕐᔪᐊᕐᒥ.”