ᐂᓮᐊᓯᐅᑉ ᐊᒡᓚᖏᑦ 61:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓄᓇᑐᑦ ᐱᕈᕐᑐᒃᓴᒥᒃ ᓴᖅᑭᕝᕕᐅᔪᑎᑐᑦ, ᐱᕈᕐᓰᕕᒡᓗ ᐱᕈᕐᑐᒃᓴᓂᒃ ᐱᕈᕐᕕᐅᓕᕐᐸᖕᒪᑦ ᑲᓐᖓᕐᓲᑕᐅᓯᒪᔪᓂᒃ, ᑍᒫᒃᑕᐅᖅ ᐊᑕᓂᐅᑉ ᒎᑎᐅᑉ ᓇᓛᒎᕐᓂᖅ ᓂᕐᑐᓕᕐᓂᕐᓗ ᐱᕈᕐᑎᑦᓱᒫᕆᕔᑦ ᐃᓅᖃᑎᒌᒡᔪᐊᓕᒫᓂ.

ᐂᓮᐊᓯᐅᑉ ᐊᒡᓚᖏᑦ 61:11 Iomraidhean Croise

ᒨᓯᓯ ᓯᕗᓪᓖᑦ 1:11

ᐊᒻᒪ ᒎᑎ ᐅᖃᕆᕗᖅ, “ᓄᓇᕐᔪᐊᖅ ᖃᓄᐃᑦᑐᑐᐃᓐᓇᕐᓂᒃ ᐱᕈᕐᑐᖃᕐᓕ, ᐱᕈᕐᑐᓂᒃ ᐱᕈᕐᓯᐊᒃᓴᖃᕈᓐᓇᕐᑐᓂᒃ, ᐸᐅᕐᖓᓕᖕᓂᒡᓗ ᓇᐹᕐᑐᓂᒃ ᐸᐅᕐᖓᖏᓪᓗ ᐱᕈᕐᓯᐊᒃᓴᖃᕐᓗᑎᒃ ᐃᓗᐊᒍᑦ, ᐊᑐᓂᑦ ᖃᓄᐃᑦᑑᓂᑎᒃ ᒪᓕᒡᓗᒋᑦ ᓄᓇᒥ.” ᑍᒤᓕᕐᐳᕐᓗ.

ᐃᓐᖏᕈᑎᑦ 72:16

ᐊᒥᒐᖏᑦᑐᓂᒃ ᐱᕈᕐᑐᓂᒃ ᓂᑭᒃᓴᖃᕈᒫᕐᐳᖅ ᓄᓇᒥ, ᖃᖅᑬᑦ ᖄᖏᓐᓂ ᐱᕈᕐᑐᑦ ᐊᐅᓚᔪᒫᕐᐳᑦ ᓕᐸᓇᓂᑐᑦ; ᐃᒡᓗᒐᓴᒡᔪᐊᓪᓗ ᐱᕈᕐᐸᓪᓕᐊᔪᒫᕐᐳᑦ ᐃᕕᒃᓱᒐᕐᑎᑐᑦ ᓄᓇᒦᑦᑐᑐᑦ.

ᐃᓐᖏᕈᑎᑦ 72:3

ᖃᖅᑬᑦ ᐱᕙᓪᓕᕐᓇᕐᑎᑦᓯᖁᓪᓗᒋᑦ ᐃᓄᖕᓄᑦ, ᐱᖑᐊᕐᔪᐃᓪᓗ, ᐃᓱᐊᕐᓯᑎᑦᓯᔪᓐᓇᖁᓪᓗᒋᑦ.

ᐃᓐᖏᕈᑎᑦ 85:11

ᓱᖁᓯᔪᐃᑦᑑᓂᖅ ᓄᓇᐅᑉ ᐃᓗᐊᓂᑦ ᓄᐃᓂᐊᕐᐳᖅ, ᐃᓱᐊᕐᑐᓕᓂᕐᓕ ᕿᓚᖕᒥᑦ ᑕᑯᓐᓇᕐᓂᐊᕐᐳᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 4:16

ᑐᐸᓕᕆᑦ, ᐊᓄᕇ ᐅᓐᓄᐊᓪᓗᐊᒥᑦ ᐱᔪᑎᑦ, ᐊᓄᕇᓗ ᐅᓪᓗᓪᓗᐊᑉ ᓇᓛᓂᑦ ᐱᔪᑎᑦ, ᐱᕈᕐᓰᕕᖁᑎᒐ ᓱᐴᓕᕈᒃ, ᑎᐱᑦᓯᐊᖓ ᓯᐊᒻᒪᖁᓪᓗᒍ ᐅᖓᓯᒃᑐᒧᑦ. ᓇᒡᓕᒋᔭᕋ ᐱᕈᕐᓰᕕᖁᑎᒥᓄᑦ ᕾᓂᐊᕐᒪᑦ, ᐸᐅᕐᖓᖏᓐᓂᒡᓗ ᒪᒪᕐᓂᕐᐹᓂᒃ ᓂᕆᓗᓂ.

ᐂᓮᐊᓯᐅᑉ ᐊᒡᓚᖏᑦ 4:2

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 45:23

ᓇᖕᒥᓂᖅ ᐅᕙᒃᑯᑦ ᐅᖃᕕᒃᓯᒪᒐᒪ ᓴᖑᑎᓐᓂᐊᓐᖏᑕᓐᓂᒃ; ᐅᖃᐅᓯᖅ ᖃᓂᒃᑯᑦ ᐊᓂᓯᒪᔪᖅ ᓇᓛᒎᕐᓂᒃᑯᑦ, ᐅᖅᑭᓐᓇᕐᓂᐊᓐᖏᓚᖅ ᐅᕙᓐᓄᑦ, ᓵᓐᓂ ᓰᖅᑯᓕᒫᑦ ᓰᖅᑯᕐᑐᒃᓴᐅᕗᑦ, ᐅᖃᓕᒫᓪᓗ ᐅᖃᕕᒃᑐᒃᓴᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 45:24

ᐅᖃᕐᑐᒃᓴᐅᕗᑦ, ‘ᐊᑕᓂᒃᑯᑦ ᑭᓯᐊᓂ ᓇᓛᒎᕐᓂᕐᑕᖃᕐᐳᖅ ᐱᔪᓐᓇᕐᓂᕐᑕᖃᕐᓗᓂᓗ. ᑖᑦᓱᒧᖓ ᐃᓄᓕᒫᑦ ᐅᐸᒍᑎᔪᒫᕐᐳᑦ, ᐃᓘᓐᓇᑦᓯᐊᖏᓪᓗ ᑖᑦᓱᒥᖓ ᐊᑭᕋᕐᑐᕐᑐᑦ ᑲᓐᖑᓱᒃᑎᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 45:8

ᕿᓔᑦ ᓯᓚᓗᒡᓕᑦ, ᑕᑉᐹᓐᖓᑦ ᖁᑦᓯᒃᑐᒥᑦ, ᓯᓚ ᑯᕕᓕ ᓇᓛᒎᕐᓂᕐᒥᒃ; ᓄᓇᕐᔪᐊᕐᓗ ᐂᑦᑕᕐᓕ; ᐱᐅᓕᔭᐅᓂᖅ ᐱᕈᕐᑐᑎᑐᑦ ᓴᖅᑭᓐᓂᐊᕐᒪᑦ, ᓇᓛᒎᕐᓂᕐᓗ ᐱᕈᖃᑎᒋᓕᕐᓕᐅᒃ; ᐅᕙᖓᐅᕗᖅ ᐊᑕᓂᖅ ᐱᓐᖑᕐᑎᑦᓯᓚᐅᑐᖅ ᑖᒃᑯᓂᖓ.”

ᐂᓮᐊᓯᐅᑉ ᐊᒡᓚᖏᑦ 46:13

ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 48:18

ᓈᓚᑦᓯᐊᖃᑦᑕᓚᐅᕈᑦᓯᓕ ᑍᒪ ᐱᖁᔭᓐᓂᒃ! ᓮᒪᓇᕐᑐᖅ ᑰᒃᑎᑐᑦ ᑰᒐᔭᕐᐳᖅ, ᓇᓛᒎᕐᓂᓯᓗ ᑕᕆᐅᑉ ᒪᓕᖏᑎᑐᑦ ᑍᒤᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 58:11

ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 60:18

ᑲᑉᐱᐊᓵᕆᔪᓂᒃ ᓄᓇᑦᓯᓐᓂ ᑐᓴᕐᓇᕐᑐᖃᕈᓐᓃᕈᒫᕐᐳᖅ, ᖃᓄᐃᓕᔭᐅᔪᓂᒃ ᑲᑉᐱᐊᓇᕐᑐᓂᒡᓗ ᓄᓇᒋᔭᑦᓯ ᑭᒡᓕᖓ ᑎᑭᓪᓗᒍ ᑐᓴᒐᒃᓴᕐᑕᖃᕈᒫᓐᖏᓚᖅ; ᐊᑭᓐᓇᖁᑎᓯ ᑍᔪᒫᕐᐸᓯ ᐱᐅᓕᔭᐅᕕᖕᒥᒃ, ᐃᑎᕐᑕᕐᕕᖁᑎᓯᓗ ᓂᕐᑐᐃᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 60:21

ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.

ᐂᓮᐊᓯᐅᑉ ᐊᒡᓚᖏᑦ 62:1

ᓮᐅᓂ ᐱᓪᓗᒍ ᓂᐰᑦᑑᔪᒪᔪᓐᓃᕐᐳᖓ, ᔨᕉᓴᓕᒻᓗ ᐱᓪᓗᒍ ᓄᖅᑲᖓᓂᐊᓐᖏᓚᖓ, ᓴᐳᑦᔭᐅᓂᖓ ᐱᒋᐊᓚᐅᕐᑎᓐᓇᒍ ᖃᐅᒻᒪᒃᐸᓪᓕᐊᔪᑐᑦ ᐅᓪᓛᒥ, ᐱᐅᓕᔭᐅᓂᖓᓗ ᐃᑯᒪᓕᓚᐅᕐᑎᓐᓇᒍ ᓇᓂᕈᐊᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 62:2

ᐃᓅᖃᑎᒌᒡᔪᐊᑦ ᓴᐳᑦᔭᐅᓂᑦᓯᓐᓂᒃ ᑕᑯᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓂᕐᑐᕐᓇᕐᓂᑦᓯᓐᓂᒃ ᑕᑯᔪᒫᕐᓗᑎᒃ; ᐊᑦᓯᕐᑕᐅᔪᒫᕐᐳᓯᓗ ᐊᑎᕐᒥᒃ ᓄᑖᒥᒃ ᐊᑕᓂᐅᑉ ᖃᓂᖓᑕ ᐅᖃᐅᓯᕆᔭᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 62:7

ᓂᓪᓕᐊᕕᒋᔪᓐᓃᕐᑍᓕᓯᐅᒃ ᔨᕉᓴᓕᒥ ᐃᓂᑖᓪᓚᕆᓚᐅᖏᓐᓂᖓᓂ, ᓄᓇᕐᔪᐊᕐᒥᐅᓄᓪᓗ ᔨᕉᓴᓕᒻ ᐅᐱᒋᔭᐅᓕᓚᐅᖏᓐᓂᖓᓂ.

ᒫᑎᐅᓯᐅᑉ ᐊᒡᓚᖏᑦ 13:23

ᐱᕈᕐᑐᒃᓮᓪᓕ ᓄᓇᒧᑦ ᐃᑦᔪᕆᒃᑐᒧᑦ ᑲᑕᒃᑐᑦ ᐃᒤᑦᑐᒥᒃ ᑐᑭᖃᕐᐳᑦ; ᐅᖃᐅᓯᕐᓂᒃ ᑐᓴᕐᑐᓄᑦ ᑐᑭᓯᓪᓗᑎᒡᓗ; ᐱᕈᕐᑎᑦᓯᓕᕐᑐᓄᑦ, ᐃᓚᖏᑦ 100ᓂᒃ, ᐃᓚᖏᓪᓕ 60ᓂᒃ, ᐃᓚᖏᓪᓗ 30ᓂᒃ.”

ᒫᑎᐅᓯᐅᑉ ᐊᒡᓚᖏᑦ 13:3

ᐊᑦᔨᐅᔪᓂᒃ ᐊᑐᕐᓗᓂ ᐊᒥᓱᓂᒃ ᐅᖃᓪᓚᒡᕕᒋᕔᑦ, ᐃᒫᒃ ᐅᖃᕐᓗᓂ: “ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᓂᐊᖂᔭᒃᓴᓂᒃ ᑲᓐᖓᓱᐃᔭᕐᑐᕐᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 13:8

ᐃᓚᖏᓪᓕ ᐱᕈᕐᑐᒃᓮᑦ ᑲᑕᒃᐳᑦ ᓄᓇᒧᑦ ᐃᑦᔪᑦᓯᐊᕆᒃᑐᒧᑦ, ᐱᕈᕐᑐᐃᑦ ᐱᕈᕋᒥᒃ ᓂᐊᖂᔭᒃᓴᖃᓕᕐᐳᑦ: ᐃᓚᖏᑦ 100ᓂᒃ, ᐃᓚᖏᑦ 60ᓂᒃ, ᐃᓚᖏᓪᓗ 30ᓂᒃ.”

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.