ᐂᓮᐊᓯᐅᑉ ᐊᒡᓚᖏᑦ 61:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 61:10 Iomraidhean Croise

ᒨᓯᓯ ᓯᕗᓪᓖᑦ 24:53

ᓇᒃᓴᕐᓯᒪᔭᒥᓂᒃ ᐲᔧᓕᕐᐳᖅ ᓯᐅᓪᕕᕆᓂᒃ ᒎᓗᓂᒡᓗ ᓴᓇᓯᒪᔪᓂᒃ, ᐊᓐᓄᕌᓂᒡᓗ, ᕇᐱᑲᒧᓪᓗ ᑐᓂᓪᓗᒋᑦ; ᐊᓂᖓᓄᑦᑕᐅᖅ ᐊᓈᓇᖓᓄᓪᓗ ᑐᓂᓯᕗᖅ ᐊᑭᑐᔪᒃᓴᔭᓂᒃ.

ᑯᕉᓂᑲ ᐂᑉᐸᖏᑦ 6:41

ᒫᓐᓇᓗ, ᒪᑭᓕᕆᑦ ᐊᑕᓃᖅ ᒎᑏ, ᐃᓂᖕᓄᐊᓕᕆᑦ ᑕᕾᕐᓯᕐᕕᖕᓄᑦ, ᐃᕝᕕᑦ ᐃᒃᓯᕐᕕᖁᑏᓪᓗ ᓲᖑᔫᑦᔪᑏᑦ. ᑐᓂᕐᕈᓯᕐᑎᑦᓯᔨᖁᑎᑎᑦ, ᐊᑕᓃᖅ ᒎᑏ, ᐊᓐᓄᕌᕐᑎᓚᐅᒃᑭᑦ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᒃᑎᒃᑭᑦ ᐱᐅᔫᓂᕐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:10

ᐊᖏᕐᕋᓕᕆᑦᓯ ᓂᕆᖃᑎᒌᒃᓗᓯᓗ, ᓂᕆᖃᑎᖃᕐᓗᓯ ᐃᒥᖃᑎᖃᕐᓗᓯᓗ ᐱᖃᓐᖏᓗᐊᕐᑐᓂᒃ, ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᑦᑎᓐᓄᑦ, ᕿᒃᓵᖏᓪᓗᓯ, ᖁᕕᐊᓱᖕᓂᖅ ᐊᑕᓂᕐᒥᑦ ᐱᔪᖅ ᓲᖑᑦᔪᑎᒋᕙᓯ.”

ᔫᐱᐅᑉ ᐊᒡᓚᖏᑦ 29:14

ᐱᑦᓯᐊᕐᓂᕐᒥᒃ ᐱᓂᐊᕐᓂᖃᓚᐅᕐᐳᖓ, ᐱᐅᓯᕆᓪᓗᒍᓗ; ᐊᑦᔨᒌᒃᑎᑦᓯᓂᖅ ᐊᓐᓄᕌᑎᑐᑦ ᐊᑐᓚᐅᕐᐸᕋ ᓇᓴᕆᓪᓗᒍᓗ.

ᐃᓐᖏᕈᑎᑦ 132:16

ᑐᓂᕐᕈᓯᕐᑎᑦᓯᔨᖏᑦ ᐊᓐᓄᕌᕐᑎᓐᓂᐊᕐᐸᒃᑲ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᖏᓪᓗ ᖁᕕᐊᓱᖕᓂᕐᒧᑦ ᕾᒐᓛᕐᓂᐊᕐᐳᑦ.

ᐃᓐᖏᕈᑎᑦ 132:9

ᑐᓂᕐᕈᓯᕐᑎᑦᓯᔨᖁᑎᑎᑦ ᐊᓐᓄᕌᕐᓯᒪᓚᐅᕐᓕ ᓇᓛᒎᕐᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᖕᓂᕐᒧᑦ ᕾᒐᓛᓗᑎᒃ.

ᐃᓐᖏᕈᑎᑦ 28:7

ᐊᑕᓂᖅ ᓴᓐᖏᔫᑦᔪᑎᒋᕙᕋ ᓴᐴᓗᑕᕆᓪᓗᒍᓗ; ᐆᒻᒪᑎᒪ ᑕᑎᒋᖕᒪᒍ, ᐃᑲᔪᕐᐹᖓᓗ; ᑍᒤᒻᒪᑦ ᐆᒻᒪᑎᒐ ᐊᖏᔪᒥᒃ ᖁᕕᐊᓱᒃᐳᖅ, ᐃᓐᖏᕈᓯᕐᒧᓪᓗ ᖁᔭᒋᔪᒪᕙᕋ.

ᐃᓐᖏᕈᑎᑦ 35:9

ᑕᕐᓂᕋ ᖁᕕᐊᓲᑎᖃᕐᓂᐊᕐᐳᖅ ᐊᑕᓂᕐᒥᒃ; ᐱᐅᓕᔭᐅᓂᕐᒥᒡᓗ ᖁᕕᐊᓲᑎᖃᕐᔪᐊᕐᓂᐊᕐᐳᖅ.

ᓲᓗᒨᓂᐅᑉ ᐃᓐᖏᕈᓯᖏᑦ 1:10

ᐅᓗᐊᒃᑭᒃ ᑕᑯᒥᓇᕐᐴᒃ ᐱᐅᓴᐅᑎᓄᑦ, ᖁᖓᓰᓪᓗ ᐅᔭᒥᒃᓯᒪᓪᓗᓂ ᒎᓗᓂᒃ.

ᐂᓮᐊᓯᐅᑉ ᐊᒡᓚᖏᑦ 12:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 17:10

ᐳᐃᒍᓚᐅᕋᑦᓯ ᒎᑎᒥᒃ ᐱᐅᓕᔨᑦᓯᓐᓂᒃ, ᐃᖅᑲᐅᒪᓇᓯᓗ ᕾᕐᑐᒥᒃ ᕿᒫᕕᒃᓴᑦᓯᓐᓂᒃ; ᑍᒤᒻᒪᑦ, ᐱᕈᕐᓰᒐᓗᐊᕈᑦᓯ ᐱᕈᕐᑐᓂᒃ ᑕᑯᒥᓇᕐᑐᓂᒃ ᑕᕝᕙᓐᖓᓪᓗ ᐃᓕᐅᖅᑬᓗᓯ ᐊᓯᑦᓯ ᒎᑎᓐᖑᐊᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 41:16

ᓴᓃᔭᕈᒫᕐᐸᓯ ᖁᒻᒧᐊᒃᑎᑐᐊᕈᑦᓯᐅᒃ ᐊᓄᕆᒧᑦ ᑎᒃᑕᐅᕙᒡᓗᑎᒃ, ᐊᖅᑯᓇᕐᒧᑦ ᐊᓄᕆᕐᔪᐊᒧᑦ ᓯᐊᒻᒪᕐᑎᑕᐅᔪᒫᕐᐳᑦ; ᐊᑕᓂᕐᒥᒡᓕ ᖁᕕᐊᓲᑎᖃᕈᒫᕐᐳᑎᑦ; ᓂᕐᑐᐃᓗᑎᓪᓗ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 48:18

ᓈᓚᑦᓯᐊᖃᑦᑕᓚᐅᕈᑦᓯᓕ ᑍᒪ ᐱᖁᔭᓐᓂᒃ! ᓮᒪᓇᕐᑐᖅ ᑰᒃᑎᑐᑦ ᑰᒐᔭᕐᐳᖅ, ᓇᓛᒎᕐᓂᓯᓗ ᑕᕆᐅᑉ ᒪᓕᖏᑎᑐᑦ ᑍᒤᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 49:18

ᑕᑯᓴᓕᕆᑦ ᐊᕙᒻᒧᓪᓗ ᕿᓂᕐᓗᑎᑦ; ᑕᒪᕐᒥᒃ ᐃᒻᒥᖕᓄᑦ ᑲᑎᕐᓱᓕᕐᐳᑦ ᐃᓕᖕᓄᓪᓗ ᕾᓕᕐᓗᑎᒃ, ᐆᒪᒐᒪ, ᐊᑕᓂᖅ ᐅᖃᕐᐳᖅ, ᐊᓐᓄᕌᑎᑐᑦ ᑕᑯᒥᓇᕐᓯᑦᔪᑎᒋᔪᒫᕐᐸᑎᑦ, ᑲᑎᑎᑕᐅᔪᓪᓗ ᐱᐅᓴᐅᑎᖏᑎᑐᑦ ᐊᑎᔪᒫᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 49:4

ᐅᖃᐅᑎᕙᕋᓕ, ‘ᐱᓇᓱᐊᕐᓂᒃᑲ ᐊᑐᕐᓇᕐᑐᖃᓐᖏᓚᑦ, ᐱᔪᓐᓇᕐᓂᓐᓄᑦ ᐱᓇᓱᐊᕐᓯᒪᔭᒃᑲ ᓱᓇᐅᓐᖏᓚᑦ ᐊᑐᕐᓇᕐᑐᖃᕋᑎᒡᓗ; ᓈᒻᒪᓈᕐᑐᑦ ᐱᔭᕆᐊᖃᕐᑕᒃᑲ ᐊᑕᓂᕐᒦᑉᐳᑦ, ᐊᑭᓕᕐᑕᐅᓂᒃᓴᕋᓗ ᒎᑎᓐᓃᓪᓗᓂ.’

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 51:3

ᐊᑕᓂᐅᑉ ᓮᒻᒪᕐᓴᕈᒫᕐᐹ ᓮᐅᓂ, ᓯᖁᑦᑎᕐᑕᐅᓯᒪᓂᖏᓪᓗ ᐋᖅᑭᒃᓗᒋᑦ, ᓄᓇᖁᑎᖓ ᓱᓇᖃᕈᓐᓁᓚᐅᕐᑐᖅ ᐱᕈᕐᓰᕕᒃᑐᑦ ᐄᑕᓂᑎᑐᑦ ᑍᒤᑎᑦᓱᒫᕐᐹ, ᓄᓇᖓᑕᓗ ᐃᓚᖓ ᓯᐅᕅᓐᓇᖅ ᐊᑕᓂᐅᑉ ᐱᕈᕐᓰᕕᖁᑎᖓᓄᑦ ᐊᑦᔨᐅᓕᕐᑎᑦᓱᒫᕐᓗᒍ, ᑕᕝᕙᓂ ᖁᕕᐊᓱᖕᓂᖃᕈᒫᕐᐳᑦ ᐊᓕᐊᓁᒍᓱᒡᓗᑎᒡᓗ, ᖁᔭᓕᔪᒫᕐᐳᑦ ᓂᕐᑐᐃᓗᑎᒡᓗ ᐃᓐᖏᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 58:14

ᑕᕝᕙ ᐊᑕᓂᖅ ᖁᕕᐊᒋᓕᕐᓂᐊᕐᐸᓯ, ᐃᖏᕐᕋᑎᑦᓱᒫᕐᐸᑦᓯᓗ ᓄᓇᐅᑉ ᐳᕐᑐᓂᕐᐹᖏᑎᒍᑦ; ᓂᕆᑎᑦᓱᒫᕐᓗᓯᓗ ᓯᕗᓕᕕᓂᓯ ᔧᑰᑉ ᓂᕿᒋᕙᓚᐅᕐᑕᖏᓐᓂᒃ, ᐊᑕᓂᐅᑉ ᖃᓂᖓ ᑍᒫᒃ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 65:18

ᐊᓕᐊᓁᒍᓱᒡᓗᓯ ᖁᕕᐊᓱᕕᒡᔪᐊᕆᑦᓯ ᐃᓱᖃᖏᑦᑐᒧᑦ ᐱᓐᖑᕐᑎᑦᓱᒫᕐᑕᒃᑲ ᐱᓪᓗᒋᑦ, ᑕᑯᒋᓪᓗ, ᔨᕉᓴᓕᒻ ᐱᓐᖑᕐᑎᑦᓱᒫᕐᐸᕋ ᖁᕕᐊᓱᒡᕕᐅᖁᓪᓗᒍ, ᐃᓄᖏᓪᓗ ᖁᕕᐊᓇᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 2:32

ᐊᕐᓇᐅᑉ ᐃᓅᓱᒃᑑᑉ ᐱᐅᓴᐅᑎᓂ ᐳᐃᒍᕈᓐᓇᕐᐸᒌᑦ? ᐅᐃᑖᕐᓂᐊᓕᕐᑐᕐᓗ ᐊᓐᓄᕌᓂ ᑲᑎᑎᑕᐅᔪᕐᓯᐅᑏᑦ ᐳᐃᒍᕈᓐᓇᕐᐸᒌᑦ? ᐃᓄᖁᑎᒪᓕ ᐳᐃᒍᕐᓯᒪᓕᕐᐹᖓ ᐅᓪᓗᑦ ᐊᒡᓛᑦ ᓈᓴᕐᓗᒋᑦ ᐳᐃᒍᕐᓯᒪᓂᖏᑦ ᐅᓄᓗᐊᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 42:14

ᑐᓂᕐᕈᓯᕐᑎᑦᓯᔩᑦ ᐃᑦᔪᕐᓁᑦᑐᒃᑯᕕᖕᒧᑦ ᐃᑎᕐᑐᕕᓂᐅᒍᑎᒃ, ᑐᕐᓲᖑᔭᕐᒧᑦ ᐊᓂᔪᒃᓴᐅᓐᖏᓚᑦ ᐊᓐᓄᕌᑦ ᐊᑐᕐᑕᑎᒃ ᐊᑐᐃᓐᓇᕐᓗᒋᑦ ᑕᕝᕗᖓᓕ ᕿᒪᒃᑕᒃᓴᕆᕔᑦ ᐱᔨᑦᓯᕐᕕᒋᔭᒥᖕᓄᑦ, ᑕᒪᒃᑯᐊ ᐃᑦᔪᕐᓁᒻᒪᑕ; ᐊᓐᓄᕌᓂᒃ ᐊᓯᖏᓐᓂᒃ ᐊᑎᓗᑎᒃ ᑭᓯᐊᓂ ᐊᓂᖃᑦᑕᕆᐊᖃᕐᐳᑦ ᐃᓄᐃᑦ ᓇᔪᕐᐸᒃᑕᖏᓐᓅᓕᕈᑎᒃ.”

ᕼᐊᐸᑲᐅᑉ ᐊᒡᓚᖏᑦ 3:18

ᓱᓕ ᖁᕕᐊᓱᒡᓗᖓ ᐊᑕᓂᖅ ᓂᕐᑐᕈᒪᕙᕋ, ᒎᑎᓗ ᖁᕕᐊᓲᑎᒋᔪᒪᕙᕋ ᐱᐅᓕᔨᒋᒐᒃᑯ.

ᓴᑲᕅᐊᐅᑉ ᐊᒡᓚᖏᑦ 10:7

ᐃᕗᕅᒥ ᓄᓇᖃᕐᑐᑦ ᐊᖑᑎᑎᑐᑦ ᓴᓐᖏᔪᕐᔪᐊᑎᑐᑦ ᑍᒤᑦᓱᒫᕐᐳᑦ, ᐆᒻᒪᑎᖏᓪᓗ ᖁᕕᐊᓱᒡᓗᑎᒃ ᕔᓂᑐᕐᓯᒪᔪᑎᑐᑦ. ᕿᑐᕐᖓᖏᑕᓗ ᖁᕕᐊᓱᒡᓗᑎᒃ ᑕᑯᔪᒫᐰᑦ; ᐆᒻᒪᑎᖏᑦ ᖁᕕᐊᓱᒍᑎᖃᓪᓚᕆᒍᒫᕐᐳᑦ ᐊᑕᓂᐅᑉ ᐱᓂᐊᕐᓯᒪᔭᖏᑦ ᐱᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 3:5

ᐂᖏᓕᐅᓪᓗ ᕿᓚᖕᒥᐅᖑᖃᑎᓂ ᑕᕝᕙᓃᑦᑐᑦ ᐱᖁᕔᑦ ᔮᓱᐊ ᓇᓴᕐᑕᐅᖁᓪᓗᒍ ᖃᓪᓗᓈᕐᑕᒥᒃ ᓴᓗᒪᔪᒥᒃ ᓂᐊᖁᕐᒧᑦ ᓂᒻᒪᐅᑎᓯᒪᔪᒥᒃ. ᑍᒫᒡᓗ ᐱᕗᑦ, ᓄᑖᓂᒡᓗ ᐊᓐᓄᕌᕐᑎᑉᐹᑦ, ᐂᖏᓕ ᑕᕝᕙᓂ ᓇᖏᕐᑎᓪᓗᒍ.

ᓘᑲᓯᐅᑉ ᐊᒡᓚᖏᑦ 15:22

ᐊᑖᑕᖓᑕ ᐱᔨᓂ ᐅᖃᐅᑎᕔᑦ, ‘ᑐᐊᕕᕐᓗᓯ ᐊᓐᓄᕌᓂᒃ ᐱᐅᓂᕐᐹᓂᒃ ᕾᑦᓯᓕᕆᑦᓯ, ᐊᓐᓄᕌᕐᓗᒍ; ᓇᒡᒍᐊᕐᒥᒃᑕᐅᓗᓂ, ᐃᑎᒐᒍᓯᕐᑕᐅᓗᓂᓗ;

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᕉᒪᒥᐅᓄᑦ 14:17

ᒎᑎᐅᑉ ᐊᑕᓂᐅᕕᖓ ᓂᕆᓂᕐᒥᒃ ᐃᒥᕐᓂᕐᒥᒡᓘᓐᓃᑦ ᐱᑦᔪᑎᖃᖏᒻᒪᑦ; ᐱᑦᔪᑎᖃᕐᐳᕐᓕ ᐃᓗᐊᕐᓯᑎᑕᐅᓂᕐᒥᒃ ᐃᓱᒪᔮᖏᓐᓂᕐᒥᒃ ᖁᕕᐊᓱᖕᓂᕐᒥᒡᓗ ᐊᓂᕐᓂᕐᒥ ᐃᑦᔪᕐᓁᑦᑐᒥ,

ᕉᒪᒥᐅᓄᑦ 3:22

ᒎᑎᒧᑦ ᓈᒻᒪᒋᔭᐅᓕᕐᓂᖅ ᐱᔭᒃᓴᐅᕗᖅ ᐅᒃᐱᕐᑐᓕᒫᓄᑦ, ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ.

ᕉᒪᒥᐅᓄᑦ 5:11

ᑕᒪᓐᓇᑐᐊᖑᓐᖏᓚᕐᓕ, ᒎᑎᒥᒡᓕ ᖁᕕᐊᓲᑎᖃᕐᐳᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ, ᑖᑦᓱᒨᓇ ᒫᓐᓇ ᐅᑎᕐᑎᑕᐅᓯᒪᓕᕋᑦᑕ ᒎᑎᒧᑦ.

ᒐᓔᑎᐊᒥᐅᓄᑦ 3:27

ᐅᓄᕐᑑᓪᓗᓯ ᙭ᔅᑑᓯᒃᑯᑦ ᐹᑉᑎᑕᐅᓯᒪᔪᓯ ᐊᑎᑎᑕᐅᓯᒪᕗᓯ ᙭ᔅᑑᓯᒥᒃ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᐱᓕᐱᒥᐅᓄᑦ 4:4

ᖁᕕᐊᓱᑦᓮᓐᓇᕆᑦᓯ ᐊᑕᓂᕐᒥ; ᐅᖃᒃᑲᓐᓂᕐᐳᖓ ᖁᕕᐊᓱᒋᑦᓯ.

ᐲᑦᑐᕉᓯ ᓯᕗᓪᓖᑦ 1:8

ᑖᓐᓇ ᑕᑯᓚᐅᕐᓯᒪᖏᒃᑲᓗᐊᕐᓗᒍ, ᓇᒡᓕᒋᕙᓯ. ᑕᑯᕙᖏᓐᑲᓗᐊᕋᑦᓯᐅᒃ, ᐅᒃᐱᕆᕙᓯ ᐃᓗᒻᒥᕐᑕᐅᓪᓗᓯᓗ ᖁᕕᐊᓱᖕᓂᕐᒧᑦ ᐊᖏᔪᕐᔪᐊᒧᑦ ᓈᒻᒪᒃᑐᒥᒃ ᐅᖃᐅᓯᕐᑕᖃᕈᓐᓇᖏᑦᑐᒧᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:9

ᐂᖏᓖᓪᓗ 7ᐅᓚᐅᕐᑐᑦ ᖃᓪᓗᑎᓂᒃ 7ᓂᒃ ᑎᒍᒥᐊᕐᓗᑎᒃ ᑲᑉᐱᐊᓇᕐᑐᕐᔪᐊᓂᒃ 7ᓂᒃ ᐃᒪᖃᕐᑐᓂᒃ, ᐃᓚᖓᑦᑕ ᕾᓪᓗᓂ ᐅᖃᐅᑎᕚᖓ, “ᕾᒋᑦ, ᓄᓕᐊᒃᓴᒥᒃ ᑕᑯᑎᓐᓂᐊᕋᒃᑭᑦ, ᓄᕐᕋᐅᔭᐅᑉ ᓄᓕᐊᒃᓴᖓᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:4

ᐃᒃᓯᕙᐅᑕᕐᔪᐊᕐᓗ ᐊᕙᑕᖏᕐᑕᐅᓯᒪᕗᖅ ᐃᒃᓯᕙᐅᑕᕐᔪᐊᓄᑦ 24ᓄᑦ, ᑖᒃᑯᐊᓗ ᐃᒃᓯᕚᕐᕕᐅᕗᑦ ᐊᖓᔪᖅᑳᓄᑦ 24ᓄᑦ, ᐊᓐᓄᕌᕐᓯᒪᔪᓄᑦ ᖃᑯᕐᑕᓂᒃ, ᓂᐊᖂᓯᕐᓯᒪᔪᓄᑦ ᐊᖓᔪᖅᑳᕐᓯᐅᑎᓂᒃ ᒎᓗᓂᒃ.

ᓴᒧᐃᓕ ᓯᕗᓪᓖᑦ 2:1

ᕼᐋᓇ ᑐᒃᓯᐊᓚᐅᕐᐳᖅ ᐅᖃᕐᓗᓂ: “ᐊᑕᓂᐅᑉ ᐆᒻᒪᑎᒐ ᑕᑕᑎᑉᐹ ᖁᕕᐊᓱᖕᓂᕐᒥᒃ; ᐱᔪᓐᓇᕐᓂᕋ ᐊᑕᓂᐅᑉ ᖁᕝᕙᕐᑎᑉᐹ. ᐊᑭᕋᕐᑐᕐᑎᒃᑲ ᖁᖓᑦᔪᑎᒋᔪᓐᓇᓕᕐᐸᒃᑲ; ᖁᕕᐊᓱᒻᒪᕆᓕᕐᐳᖓ ᒎᑎᐅᑉ ᐱᐅᓕᓚᐅᕐᒪᖓ!