ᐂᓮᐊᓯᐅᑉ ᐊᒡᓚᖏᑦ 61:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 61:1 Iomraidhean Croise

ᐃᓐᖏᕈᑎᑦ 102:20

ᑐᓵᕗᖅ ᑎᒍᔭᐅᓯᒪᔪᑦ ᓂᐹᕙᓗᖏᓐᓂᒃ, ᐊᓂᑎᑦᓯᓪᓗᓂᓗ ᑐᖁᑕᒃᓴᕈᕐᑎᑕᐅᓯᒪᔪᓂᒃ;

ᐃᓐᖏᕈᑎᑦ 147:3

ᐆᒻᒪᑎᒥᒍᑦ ᓯᖁᒥᓯᒪᔪᑦ ᒪᒥᑎᑉᐰᑦ, ᒪᑦᑐᓯᕐᑐᕐᓗᒋᓪᓗ ᐃᑭᖏᑦ.

ᐃᓐᖏᕈᑎᑦ 149:4

ᐊᑕᓂᐅᑉ ᐃᓄᖁᑎᓂ ᖁᕕᐊᒋᖕᒪᒋᑦ; ᐱᐅᔪᕆᖏᑦᑐᑦ ᐅᐱᓐᓇᕐᑎᑉᐰᑦ ᓵᓚᖃᕐᑎᓪᓗᒋᑦ.

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐃᓐᖏᕈᑎᑦ 22:26

ᐊᔪᕐᓴᕐᑐᑦ ᓂᕆᔪᒫᕐᐳᑦ ᐊᕿᐊᑦᑐᕐᓗᑎᒡᓗ; ᑖᑦᓱᒥᖓᓗ ᕿᓂᕐᑐᑦ, ᐊᑕᓂᖅ ᓂᕐᑐᕈᒫᕐᐹᑦ. ᐆᒻᒪᑎᓯ ᐃᓅᓕᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 25:9

ᐱᐅᔪᕆᖏᑦᑐᑦ ᑕᓯᐅᕐᐰᑦ ᐊᑲᐅᔪᒧᑦ, ᐱᐅᔪᕆᖏᑦᑐᑦ ᐃᓕᓐᓂᐊᕐᑎᑉᐰᑦ ᐊᖅᑯᑎᒥᓂᒃ.

ᐃᓐᖏᕈᑎᑦ 34:18

ᐊᑕᓂᖅ ᖃᓂᑉᐳᖅ ᓯᖁᒥᓯᒪᔪᓂᒃ ᐆᒻᒪᑎᓕᖕᓄᑦ, ᐱᐅᓕᕔᓪᓗ ᐊᓂᕐᓂᒥᒍᑦ ᑲᑉᐱᐊᓱᒃᑐᑦ.

ᐃᓐᖏᕈᑎᑦ 45:7

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓚᒋᔭᕐᓂᑦ ᐱᑎᑕᐅᓂᕐᓴᐅᓪᓗᑎᑦ.

ᐃᓐᖏᕈᑎᑦ 51:17

ᒎᑎᐅᓪᓕ ᑐᓂᕐᕈᑏᑦ ᐃᓚᓕᐅᕈᓐᓇᕐᑕᖏᑦ ᐊᓂᕐᓂᐅᕗᑦ ᓯᖁᒥᓯᒪᔪᑦ, ᐆᒻᒪᑏᑦ ᓯᖁᒥᓯᒪᔪᑦ, ᖃᕿᐊᓕᕐᑐᓪᓗ ᒎᑏ, ᓇᕐᕈᒋᓐᖏᓚᑎᑦ.

ᐃᓐᖏᕈᑎᑦ 68:7

ᒎᑏ, ᐃᓄᖁᑎᕕᑦ ᓯᕗᓂᖓᓃᓚᐅᕋᕕᑦ ᐊᐅᓪᓚᕐᑎᓪᓗᒋᑦ, ᐱᓱᖃᑦᑕᐅᓚᐅᕐᐳᑎᑦ ᐃᓄᖃᖏᑦᑐᒃᑰᕐᑎᓪᓗᒋᑦ. ᓰᓚ

ᐃᓐᖏᕈᑎᑦ 69:32

ᒥᑭᒡᓕᑎᕐᓯᒪᔪᑦ ᑕᒪᓐᓇ ᑕᑯᔪᒫᕐᐹᑦ ᖁᕕᐊᓱᒡᓗᑎᒡᓗ; ᐃᓕᑦᓯᓗ ᒎᑎᒥᒃ ᕿᓂᕐᑐᓯ, ᐆᒻᒪᑎᓯ ᐃᓅᔪᒫᕐᐳᑦ.

ᒨᓯᓯ ᐂᑉᐸᖏᑦ 28:41

ᐂᕉᓂ ᐊᖓᔪᐃᑦ ᐊᓐᓄᕌᕐᑕᒃᓴᕆᕙᑦ ᐃᕐᓂᖏᓪᓗ ᐃᓚᒋᓗᒋᑦ, ᓇᐹᕐᑑᓪᓗ ᐅᕐᓱᖓᓄᑦ ᒥᖑᐊᕐᓗᒋᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᐃᑦᔪᕐᓁᑎᑕᒃᓴᕆᕙᑎᑦ ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᒃᑯᑦ.

ᒨᓯᓯ ᐂᑉᐸᖏᑦ 29:7

ᑕᕝᕙ ᓇᐹᕐᑑᑉ ᐅᕐᓱᖓ ᑎᒍᓗᒍ, ᓂᐊᖁᖓᓄᑦ ᑯᕕᔭᒃᓴᕆᕙᑦ, ᒥᖑᐊᕐᓗᒍᓗ ᑕᒪᑐᒧᖓ.

ᐂᓮᐊᓯᐅᑉ ᐊᒡᓚᖏᑦ 29:19

ᒥᑭᒡᓕᑎᕐᓯᒪᔪᖅ ᖁᕕᐊᓇᕐᑐᒥᒃ ᓄᑖᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᒃ ᖁᕕᐊᓲᑎᖃᓕᕐᓗᓂ, ᐊᒃᓱᔪᓪᓗ ᐃᓄᐃᑦ ᐊᑯᕐᖓᓐᓂ ᖁᕕᐊᓲᑎᖃᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 30:19

ᓮᐅᓂᒥᐅᑕᐅᔪᓯ ᓄᓇᖃᕐᑐᓯᓗ ᔨᕉᓴᓕᒥ; ᕿᐊᓂᐊᕈᓐᓃᕐᐳᓯ. ᑖᑦᓱᒪ ᐊᖏᔪᒥᒃ ᐱᑦᓯᐊᕐᕕᒋᖕᒪᓯ ᕿᓄᓂᑦᓯᓐᓂᒃ ᑐᓴᕈᓂ; ᑐᓴᕈᓂᓯ ᑭᐅᓂᐊᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 30:26

ᑕᒪᓐᓇ ᓇᓪᓕᐅᑎᒃᐸᑦ ᑕᖅᑭᖅ ᓯᕿᓂᕐᑎᑐᑦ ᖃᐅᒪᑎᒋᔪᒫᕐᐳᖅ, ᓯᕿᓂᕐᓗ ᖃᐅᒻᒪᓯᕆᕙᒃᑕᒥᓂᑦ 7ᐃᕐᑐᕈᑎᓪᓗᐊᒥᓂᒃ ᖃᐅᒪᓂᕐᓴᐅᓕᕈᒫᕐᐳᖅ, ᐅᓪᓗᐃᑦ 7 ᐊᑕᐅᓯᕐᒧᑦ ᑲᑎᑕᐅᓯᒪᔪᑎᑐᑦ ᑕᒪᓐᓇ ᑍᒤᑦᓱᒫᕐᐳᖅ, ᐊᑕᓂᐅᑉ ᐃᓄᖁᑎᓂ ᐋᓐᓂᐊᓂᖏᑦ ᒪᑦᑐᓯᕐᑐᓕᕐᐸᒋᑦ ᐃᑭᖏᓪᓗ ᒪᒥᓴᓕᕐᐸᒋᑦ.

ᐂᓮᐊᓯᐅᑉ ᐊᒡᓚᖏᑦ 32:7

ᐅᐃᕖᑦᑐᑦ ᐱᐅᓯᖃᕐᐳᑦ ᓈᒻᒪᖏᑦᑐᕐᔪᐊᓂᒃ; ᐱᐅᖏᑦᑐᓂᒡᓗ ᐱᓇᓱᐊᒐᒃᓴᕐᓯᐅᑐᐃᓐᓇᕐᓗᑎᒃ, ᐊᔪᕐᓴᕐᑐᓂᒃ ᐅᖃᐅᓯᕐᒥᖕᓄᑦ ᓱᓕᖏᑦᑐᓄᑦ ᐱᐅᔪᓐᓃᕐᑎᑦᓯᒋᐊᓪᓚᓲᖑᕗᑦ, ᐊᔪᕐᓴᕐᑐᑦ ᓇᓛᒎᑦᓯᐊᕐᑐᒥᒃ ᐃᑲᔪᕐᑕᐅᑦᔪᑎᒃᓴᒥᖕᓂᒃ ᐅᖃᐅᓯᖃᕋᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 42:7

ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᖁᓪᓗᑎᑦ, ᑎᒍᔭᐅᓯᒪᔪᓂᒃ ᐊᓂᑎᑦᓯᖁᓪᓗᑎᑦ ᑎᒍᔭᐅᓯᒪᕕᖕᒥᑦ, ᑎᒍᔭᐅᓯᒪᕕᐅᓪᓗ ᑖᕐᓂᕐᐹᖓᓃᑦᑐᓂᒃ ᐊᓂᑎᑦᓯᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 48:16

ᐅᕙᓐᓄᑦ ᖃᒡᓕᒋᑦᓯ, ᐅᓇᓗ ᑐᓴᕐᓗᒍ: ᐱᒋᐊᕐᓂᖓᓂᑦ ᐅᖃᕐᐸᓚᐅᓐᖏᓚᖓ ᐃᔨᕐᓯᒪᔪᓂᒃ, ᑍᒪᓐᖓᓂᑦ ᑕᒫᓃᓯᒪᒐᒪ. ᒫᓐᓇᓗ ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕᓗ ᑎᓕᕚᖓ.”

ᐂᓮᐊᓯᐅᑉ ᐊᒡᓚᖏᑦ 49:9

ᐅᖃᐅᑦᔨᖁᓪᓗᑎᑦ ᑎᒍᔭᐅᓯᒪᕕᖕᒦᑦᑐᓄᑦ, ‘ᐊᓂᓕᕆᑦᓯ,’ ᑖᕐᓂᕐᐸᖓᓃᑦᑐᓄᓪᓗ, ‘ᓴᖅᑭᓕᕆᑦᓯ.’ ᐊᖅᑯᑎᓂ ᓂᕆᕕᒃᓴᕐᓯᐊᕈᒫᕐᐳᑦ, ᐱᖑᕐᓂᓗ ᐱᕈᕐᑐᖃᖏᑦᑐᓂ ᓂᕆᓇᓱᐊᕐᕕᖃᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 52:9

ᐊᑕᐅᑦᓯᒃᑯᑦ ᐃᓐᖏᓕᕆᑦᓯ ᖁᕕᐊᓱᖕᓂᕐᒧᑦ, ᓯᖁᒥᓯᒪᔪᓯ ᔨᕉᓴᓕᒻ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᓴᕐᒪᒋᑦ, ᔨᕉᓴᓕᒻᓗ ᓂᐅᕕᐊᕆᓪᓗᒍ ᐅᑎᕐᑎᒻᒪᒍ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 57:18

ᐱᓂᐊᕐᓂᖏᑦ ᑕᑯᓯᒪᕙᒃᑲ, ᐋᖅᑭᒍᒫᕐᐸᒃᑲᓕ; ᑕᓯᐅᕈᒫᕋᒃᑭᑦ ᐅᑎᕐᑎᑦᓯᕕᒋᓗᒋᓪᓗ ᓮᒻᒪᕐᑎᑕᐅᓂᕐᒥᒃ, ᕿᒃᓵᖕᓂᕆᔭᖏᓐᓂᓪᓗ ᒪᓂᒍᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 59:21

“ᐅᕙᖓᓕ,” ᐊᑕᓂᖅ ᐅᖃᕐᐳᖅ: “ᐃᒫᒃ ᐊᖏᖃᑎᒌᒍᑎᒥᒃ ᓇᓗᓁᕐᓯᕕᒋᔪᒪᕙᒃᑲ; ᐊᓂᕐᓂᕋ ᐃᓕᖕᓃᑦᑐᖅ, ᐅᖃᐅᓯᒃᑲᓗ ᖃᓂᕐᓄᑦ ᐃᓕᓯᒪᔭᒃᑲ, ᖃᓂᕐᓂᒃ ᕿᒤᓂᐊᓐᖏᓚᑦ, ᑭᖑᕚᕐᓂᓪᓗ ᑭᖑᕚᕆᔪᒫᕐᑕᖏᑕᓗ ᖃᓂᖏᓐᓂᒃ, ᐊᑕᓂᖅ ᑍᒪᒃ ᐅᖃᕐᐳᖅ, ᒫᓐᓇᒥᑦ ᐱᒋᐊᕐᓗᒍ ᐃᓱᖃᖏᑦᑐᒧᓪᓗ.”

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᔨᕆᒤᐊᐅᑉ ᐊᒡᓚᖏᑦ 34:8

ᐊᑕᓂᐅᑉ ᔨᕆᒤᐊ ᐅᖃᐅᑎᕚ, ᔨᑎᑬᐊ ᐊᖓᔪᖅᑳᕐᔪᐊᖅ ᐊᖏᖃᑎᒌᒍᑎᓕᐅᕐᓯᒪᓕᕐᑎᓪᓗᒍ ᔨᕉᓴᓕᒥᐅᓄᑦ ᑎᒍᔭᐅᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ,

ᔨᕆᒤᐊᐅᑉ ᐊᒡᓚᖏᑦ 52:33

ᔨᕼᐅᐃᐊᑭᐅᑉ ᑎᒍᔭᐅᓯᒪᓪᓗᓂ ᐊᓐᓄᕌᑦ ᐊᑐᕐᑕᕕᓂᓂ ᐲᕐᓗᓂᒋᑦ, ᐊᓯᖏᓐᓂᒃ ᐊᑎᓪᓗᓂ ᓂᕆᖃᑕᐅᖏᓐᓇᖃᑦᑕᓕᓚᐅᕐᐳᖅ ᐃᓅᓯᓕᒫᒥᓂ ᐊᖓᔪᖅᑳᕐᔪᐊᑉ ᓂᕆᕕᒋᕙᒃᑕᖓᓂ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᒨᓯᓯ ᐱᖓᔪᖏᑦ 7:35

ᑍᒫᒃ ᑕᕝᕙ ᐊᑕᓂᕐᒧᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᑉ ᐃᓚᖓᓂᒃ ᑐᓂᓯᕕᐅᔭᕆᐊᖃᕐᑎᑕᐅᕗᑦ ᐃᑦᔪᕐᓁᑎᑕᐅᓂᖏᑕ ᐅᓪᓗᖓᓂᑦ ᐱᒋᐊᕐᓗᒋᑦ ᐂᕉᓂ ᐃᕐᓂᖏᓪᓗ ᐊᑕᓂᕐᒧᑦ ᑐᓂᔭᐅᓯᒪᖕᒪᑕ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᕐᑎᐅᖁᔭᐅᓪᓗᑎᒃ.

ᒤᑲᐅᑉ ᐊᒡᓚᖏᑦ 3:8

“ᐅᕙᖓᓕ ᑕᑕᑉᐳᖓ ᐱᔪᓐᓇᕐᓂᕐᒥᒃ ᐊᑕᓂᐅᑉ ᐊᓂᕐᓂᖓᒍᑦ, ᐃᖅᑲᕐᑐᐃᑦᓯᐊᕐᓂᕐᒥᒃ ᐊᔪᖏᓐᓂᕐᒥᒡᓗ, ᐅᖃᐅᓯᕆᓂᐊᕐᐸᒃᑲᓗ ᔧᑰᑉ ᑭᖑᕚᖏᑕ ᐱᐅᖏᑦᑐᓕᓂᖏᑦ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᑦ.

ᒫᑎᐅᓯᐅᑉ ᐊᒡᓚᖏᑦ 11:5

ᑕᐅᑐᖏᑦᑐᑦ ᑕᐅᑐᓕᕐᐳᑦ, ᑐᓯᐊᑦᑐᑦ ᐱᓱᑦᓯᐊᓕᕐᐳᑦ, ᐸᕐᑎᕐᑐᓪᓗ ᓯᕗᕋᓇᓂᕋᕐᑕᐅᔪᓂᒃ ᐋᖅᑭᒃᑕᐅᕗᑦ ᐋᖅᑭᑦᓯᐊᕐᓗᑎᒃ, ᑐᓵᖏᑦᑐᑦ ᑐᓵᓕᕐᐳᑦ, ᑐᖁᖓᔪᓪᓗ ᒪᑭᑉᐳᑦ, ᐅᖃᐅᓰᓪᓗ ᑐᓴᕈᒥᓇᕐᑐᑦ ᐅᖃᐅᓯᐅᕗᑦ ᐊᔪᕐᓴᕐᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 3:16

ᔩᓱᓯ ᐹᑉᑎᑕᐅᔭᕇᕋᒥ ᐃᒫᓂᑦ ᖃᑭᕗᖅ, ᖃᑭᖕᒪᓪᓗ ᑕᑉᕔᓐᓇᖅ ᑕᑯᒋᑦ ᕿᓚᒃ ᐊᖕᒪᕐᐳᖅ, ᒎᑎᐅᑉ ᐊᓂᕐᓂᖓ ᐊᖅᑲᕐᑐᑦ ᑕᑯᕚ ᑎᖕᒥᐊᑎᑐᑦ ᑑᕕᑐᑦ, ᔩᓱᓯᒦᓕᕐᓗᓂ.

ᓘᑲᓯᐅᑉ ᐊᒡᓚᖏᑦ 7:22

ᑖᒃᑯᐊᒃ ᑭᐅᕚᒃ, “ᔪᐊᓇᓯ ᐅᖃᐅᑎᔭᕐᑐᕐᓯᒃᑯᒃ ᑕᑯᔭᑦᓯᖕᓂᒃ ᑐᓴᕐᑕᑦᓯᓐᓂᒡᓗ: ᑕᐅᑐᖏᑦᑐᑦ ᑕᐅᑐᓕᕐᐳᑦ, ᐱᓱᒍᓐᓇᖏᑦᑐᑦ ᐱᓱᒍᓐᓇᕐᓯᕗᑦ, ᐸᕐᑎᕐᑐᑦ ᑲᑉᐱᐊᒋᔭᐅᔪᒥᒃ ᐋᖅᑭᒃᑕᐅᕗᑦ, ᑐᓵᖏᑦᑐᓪᓗ ᑐᓵᓕᕐᐳᑦ, ᑐᖁᖓᔪᓪᓗ ᐆᒻᒪᕐᐳᑦ, ᐊᒃᖢᔪᑦ ᐅᖃᐅᑦᔭᐅᕗᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᔪᐊᓇᓯᐅᑉ ᐊᒡᓚᖏᑦ 1:41

ᓯᕗᓪᓕᕐᐹᒥᒃ ᐊᖓᔪᒥᓄᐊᕐᐳᖅ ᓮᒨᓂᒧᑦ, ᐅᖃᐅᑎᓪᓗᒍ, “ᒥᓮᐊ ᓇᓂᕙᕗᑦ.” (ᑐᑭᖃᕐᐳᖅ “᙭ᔅᑑᓯ.”)

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 10:38

ᔩᓱᓯ ᓈᓴᕇᑎᒥᐅᖅ ᒎᑎᐅᑉ ᑯᕝᕕᕆᓚᐅᕐᑕᖓ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᓐᓇᕐᓂᕐᒥᒡᓗ; ᑖᓐᓇ ᓇᒧᑐᐃᓐᓇᖅ ᐂᖃᑦᑕᓚᐅᕐᐳᖅ ᐱᐅᔪᓂᒃ ᐱᓇᓱᐊᕐᓗᓂ, ᐃᓅᓕᒃᓯᓪᓗᓂᓗ ᓵᑖᓇᓯᒧᑦ ᓵᓚᐅᓯᒪᔪᓂᒃ, ᒎᑎᐅᑉ ᐃᓚᒋᓚᐅᕐᒪᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 4:27

“ᓇᓗᓇᖏᒻᒪᑦ ᓄᓇᓕᖕᓂ ᐅᕙᓂ ᐃᕉᑕᓯ, ᐴᓐᑎᐅᓯ ᐰᓛᑑᓯᓗ ᔫᑎᐅᖏᑦᑐᓪᓗ, ᐃᓴᕆᐊᓕᒥᐅᓪᓗ ᑲᑐᑦᔨᓕᓚᐅᕐᒪᑕ, ᐱᔨᒋᔧᑦ ᐃᑦᔪᕐᓁᑦᑐᖅ ᔩᓱᓯ ᙭ᔅᑑᓯᖁᑎᒋᔧᑦ ᐊᑭᕋᕐᑐᕐᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:17

ᐊᑕᓂᕐᓕ ᐊᓂᕐᓂᐅᖕᒪᑦ; ᐊᑕᓂᐅᓪᓗ ᐊᓂᕐᓂᖓ ᓇᔫᑎᓕᕌᖓᑦ, ᑕᕝᕙᓂ ᕿᓚᕈᑦᔮᕐᓯᒪᓂᖃᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:6

ᒎᑎᐅᓪᓕ, ᒪᓂᒍᕐᑎᑦᓯᔨᐅᑉ ᓴᓐᖐᓕᓯᒪᔪᓂᒃ, ᒪᓂᒍᓚᐅᕐᐹᑎᒍᑦ ᑍᑑᓯᐅᑉ ᑎᑭᓐᓂᖓᒍᑦ,

ᐄᑉᕈᐃᓄᑦ 1:9

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓅᖃᑎᒌᓄᑦ ᑐᓂᓯᒪᔭᖓᓂᑦ ᐱᐅᓂᕐᓴᒥᒃ.”