ᐂᓮᐊᓯᐅᑉ ᐊᒡᓚᖏᑦ 60:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑭᓇᑯᑦ ᒪᑯᐊ ᖃᖓᑕᕙᑦ ᓄᕗᔭᑎᑐᑦ, ᑎᖕᒥᐊᑎᑐᑦ ᐃᕙᕕᖕᒥᖕᓄᑦ ᐅᑎᓕᕐᑐᑎᑐᑦ?

ᐂᓮᐊᓯᐅᑉ ᐊᒡᓚᖏᑦ 60:8 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 45:22

ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.

ᐂᓮᐊᓯᐅᑉ ᐊᒡᓚᖏᑦ 49:21

ᐃᓱᒪᒃᑯᑦ ᐅᖃᕈᒫᕐᐳᑎᑦ: ‘ᑭᐊ ᒪᑯᓂᖓ ᕿᑐᕐᖓᕐᑖᕐᑎᓐᓂᕐᐹᖓ? ᖁᕕᐊᓇᖏᑦᑐᕐᓯᐅᕐᓗᑕ ᕿᑐᕐᖓᖃᕆᐊᒥᒃ ᐃᓱᒪᓚᐅᖏᒃᑲᓗᐊᕐᑐᖓ, ᓄᓇᒋᓐᖏᑕᑦᑎᓐᓄᓪᓗ ᐊᐅᓪᓚᕈᑦᔭᐅᓯᒪᓪᓗᑕ ᖁᔭᓈᕐᑕᐅᓪᓗᑕᓗ, ᑭᐊᓕ ᒪᑯᐊ ᐱᕈᕐᓴᔭᕕᓂᖏᑦ? ᑕᑯᒋᑦ, ᐃᓄᑑᓚᐅᕐᑐᖓ; ᒪᑯᐊᓕ ᓇᑭᑦ ᓴᖅᑭᑦᑐᐊᓗᐃᑦ?’”

ᐂᓮᐊᓯᐅᑉ ᐊᒡᓚᖏᑦ 60:4

ᐊᕙᒻᒧᑦ ᑕᑯᑦᓯᐊᕆᐊᓕᕆᑦᓯ, ᑕᑯᓗᓯᓗ; ᑲᑎᕙᓪᓕᐊᔪᓂᒃ ᕾᔪᓂᒡᓗ ᐃᓕᑦᓯᓐᓄᑦ; ᐃᕐᓂᓯ ᐅᖓᓯᒃᑐᒥᑦ ᕾᔪᒫᕐᐳᑦ, ᐸᓂᓯᓗ ᐊᒡᔭᕐᑕᐅᓗᑎᒃ ᐰᕆᔨᒥᖕᓄᑦ.

ᕼᐆᓯᐊᑉ ᐊᒡᓚᖏᑦ 11:11

ᐄᑦᔨᑉᑎᒥᑦ ᑎᑭᑦᓱᒫᕐᐳᑦ ᓯᕘᕋᓂᕐᒧᑦ ᓴᔪᒡᓗᑎᒃ ᑎᖕᒥᐊᑎᑐᑦ, ᑑᕕᑎᑐᓪᓗ ᐊᓯᕆᐊᑉ ᓄᓇᖓᓂᑦ; ᐅᑎᕐᑎᑦᓱᒫᕐᐸᒃᑲᓗ ᐊᖏᕐᕋᖏᓐᓄᑦ, ᐊᑕᓂᖅ ᐅᖃᕐᐳᖅ.”

ᓘᑲᓯᐅᑉ ᐊᒡᓚᖏᑦ 13:29

ᐃᓄᐃᑦ ᑎᑭᑦᓱᒫᕐᐳᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᓯᕿᓂᐅᓪᓗ ᓂᐱᕕᐊᑕ ᓇᓛᓂᑦ, ᐅᓐᓄᐊᓪᓗ ᓇᓛᓂᑦ, ᐅᓪᓘᓪᓗ ᓇᓛᓂᑦ, ᑖᒃᑯᐊ ᐃᒃᓯᕙᖃᑕᐅᔪᒫᕐᐳᑦ ᓂᕆᕕᖕᒥ ᒎᑎᐅᑉ ᐊᑕᓂᐅᕕᖓᓂ.

ᐄᑉᕈᐃᓄᑦ 12:1

ᑍᒤᒻᒪᑦ, ᐅᓄᕐᑐᕐᔪᐊᓂᒃ ᐅᒃᐱᕐᓂᑯᑦ ᐃᓅᓯᒪᔪᓂᒃ ᐊᕙᑕᖏᕐᑕᐅᓯᒪᒐᑦᑕ, ᐅᕙᑦᑎᓐᓄᑦ ᐊᒡᕕᐊᕐᑐᑦ ᐲᔭᓚᐅᕐᓚᕗᑦ, ᐊᔪᕐᓃᑦ ᐅᕙᑦᑎᓐᓄᑦ ᓂᐱᓐᖓᔪᑦ, ᐅᖁᒤᒃᓴᐅᑎᒋᔭᕗᓪᓗ; ᕿᓄᐃᓵᕐᓗᑕ ᐅᓪᓚᖃᑕᐅᓚᐅᕐᑕ ᑲᔪᓯᓗᑕ ᐅᐸᒐᓱᐊᕐᑕᕗᑦ ᓯᕗᓂᑦᑎᓐᓃᒻᒪᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.