ᐂᓮᐊᓯᐅᑉ ᐊᒡᓚᖏᑦ 60:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑭᑕᕆᒥᐅᑦ ᓰᐱᖁᑎᓕᒫᖏᑦ ᐃᓕᑦᓯᓐᓄᑦ ᑲᑎᑕᐅᔪᒫᕐᐳᑦ, ᓂᐰᐅᑎᐅᑉ ᓰᐱᖁᑎᖏᑕ ᐊᖑᓴᓪᓗᖏᑦ ᐱᓇᓲᑎᒋᓕᕈᒫᕐᐸᓯ; ᑐᓂᕐᕈᓯᐅᑎᒃᓴᐅᔪᓐᓇᕐᓗᑎᒡᓗ ᑐᓂᕐᕈᓯᕐᕕᖁᑎᓐᓂ ᐃᓚᓕᐅᕈᒫᕐᐸᒃᑲ, ᑐᒃᓯᐊᕐᕕᒡᔪᐊᖁᑎᒐᓗ ᐱᐅᔪᕐᔪᐊᖅ ᐱᓐᓇᕐᓇᕐᓯᑎᑦᓱᒫᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 60:7 Iomraidhean Croise

ᒨᓯᓯ ᓯᕗᓪᓖᑦ 25:13

ᐅᑯᐊ ᑕᕝᕙ ᐊᑎᖏᑦ ᐃᓯᒥᐅᑉ ᐃᕐᓂᖏᑕ ᐊᖓᔪᒃᓯᕐᓂᑦ ᐱᒋᐊᕐᓗᒋᑦ; ᓂᐰᐅᑎ ᐄᓯᒥᐅᑉ ᐊᖓᔪᒃᓯᕐᐹᖁᑎᖓ; ᑭᑕᕆ, ᐊᑉᑎᐅᓪ, ᒥᑉᓵᒻ,

ᔫᐱᐅᑉ ᐊᒡᓚᖏᑦ 42:8

ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”

ᐃᓐᖏᕈᑎᑦ 120:5

ᑲᑉᐱᐊᓐᓇᒦᒃ ᐅᕙᖓ ᓄᓇᖃᖃᑕᐅᒐᒪ ᒥᓯᑭᒥ, ᐃᓚᒋᔭᐅᓪᓗᖓᓗ ᑭᑕᕆᒃᑯᑦ ᑐᐱᖃᕐᕕᖏᓐᓂ.

ᓲᓗᒨᓂᐅᑉ ᐃᓐᖏᕈᓯᖏᑦ 1:5

ᕿᕐᓂᕐᑕᐅᕗᖓ, ᐃᓂᖁᓇᕐᑑᓪᓗᖓ, ᐃᓕᑦᓯ ᔨᕉᓴᓕᐅᑉ ᐸᓂᖏᑦ, ᑐᐱᕐᑎᑐᑦ ᑭᑕᕆᒦᑦᑐᑎᑑᕐᐳᓯ, ᓲᓗᒨᓂᐅᓪᓗ ᐃᒐᓛᖏᑕ ᑖᓗᑕᖏᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 19:19

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐱᑕᖃᓕᕈᒫᕐᐳᖅ ᐊᑕᓂᕐᒧᑦ ᑐᓂᕐᕈᓯᕐᕕᖕᒥᒃ ᐄᑦᔨᑉᑎᒥᐅᑦ ᓄᓇᖓᑕ ᕿᑎᖓᓂ, ᐅᔭᕌᓗᖕᒥᒡᓗ ᓇᐸᔪᒥᒃ ᓴᓇᓯᒪᔪᕐᑕᖃᕐᒥᓗᓂ ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂ ᐊᑕᓂᕐᒥᒃ ᐅᐱᒍᓲᑎᒥᒃ.

ᐂᓮᐊᓯᐅᑉ ᐊᒡᓚᖏᑦ 19:21

ᐊᑕᓂᕐᓗ ᐃᒻᒥᓂᒃ ᖃᐅᔨᒪᔭᐅᑎᑦᓱᒫᕐᐳᖅ ᐄᑦᔨᑉᑎᒥᐅᓄᑦ; ᑕᕝᕙ ᐊᑕᓂᕐᒥᒃ ᓇᓗᓁᔧᔪᒫᕐᐳᑦ ᓂᕐᑐᐃᓗᑎᒃ ᑐᓂᕐᕈᓯᕐᐸᓕᕐᓗᑎᒃ ᐃᑯᐊᓚᑎᑦᓯᓂᒃᑯᑦ ᐆᒪᔪᕕᓂᕐᓂᒃ, ᐊᑕᓂᕐᓗ ᐊᖏᕐᕕᒋᔪᒫᕐᐹᑦ ᐊᖏᕈᑎᒋᔭᒥᖕᓂᒡᓗ ᑲᔪᓯᑎᑦᓯᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 21:16

ᐊᑕᓂᖅ ᐃᒫᒃ ᐅᕙᓐᓄᑦ ᐅᖃᕐᒪᑦ, “ᐊᕐᕌᒍ ᐃᓱᓕᓚᐅᕐᑎᓐᓇᒍ, ᐱᓇᓱᐊᕐᑎᐅᑉ ᐊᕐᕌᒍ ᒪᓕᒃᑕᖓ ᐊᑐᕐᓗᒍ, ᑭᑕᕆᒥᐅᑦ ᐊᔪᖏᓐᓂᕐᔪᐊᖓᑦ ᐃᓱᓕᑦᓱᒫᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 42:11

ᓱᓇᖃᔪᐃᑦᑐᖅ ᓄᓇᓕᖏᓪᓗ ᓂᓪᓕᐊᓕᕐᓕᑦ ᓂᐱᖅᑯᕐᑐᓗᑎᒃ, ᓄᓇᓖᑦ ᑭᑕᕆᒥ ᓄᓇᖃᕐᑐᑦ ᐱᖃᑕᐅᓕᑦ; ᓰᓚᒥᐅᑦ ᐃᓄᖏᑦ ᐃᓐᖏᕐᓕᑦ ᖁᕕᐊᓱᖕᓂᕐᒧᑦ, ᓂᐱᖅᑯᕐᑐᓗᑎᒃ ᓂᓪᓕᐊᓕᑦ ᖃᖅᑬᑦ ᖄᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 60:13

ᓕᐸᓇᓂᐅᑉ ᑕᑯᒥᓇᕐᓂᖏᓐᓄᑦ ᑎᑭᑕᐅᔪᒫᕐᐳᓯ, ᓇᐹᕐᑐᖏᑕ ᓮᐳᕋᓯᒥᒃ ᑍᔭᐅᔪᑦ, ᓇᐹᕐᑐᑐᐃᓐᓁᓪᓗ, ᓇᐹᕐᑐᓪᓗ ᐰᓂᓂᒃ ᑍᔭᐅᔪᑦ, ᐃᑦᔪᕐᓁᑦᑐᕕᖁᑎᒪ ᐃᓂᖓ ᑕᑯᒥᓇᕐᓯᖁᓪᓗᒍ; ᐃᑎᒐᖕᒪ ᐃᓂᖓ ᐱᓐᓇᕐᓇᕐᓯᑎᑦᓱᒪᒐᒃᑯ.

ᐃᓯᑭᐊᓕᐅᑉ ᐊᒡᓚᖏᑦ 20:40

ᖃᖅᑲᖁᑎᓐᓂ ᐃᑦᔪᕐᓁᑦᑐᒥ, ᐃᓴᕆᐊᓕᒥᐅᑦ ᖃᖅᑲᖏᓐᓂ ᐳᕐᑐᓂᕐᐹᒥ, ᐊᑕᓂᖅ ᒎᑎ ᐅᖃᕐᐳᖅ, ᑕᕝᕙᓂ ᐃᓴᕆᐊᓕᐅᑉ ᑭᖑᕚᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᖓ; ᑕᕝᕙᓂ ᐃᓚᓕᐅᕈᒫᕐᐸᒃᑲ, ᑕᕝᕙᓂᓗ ᑐᓂᕐᕈᓯᖁᕙᑦᓯ ᑐᓂᔭᒃᓴᓂᒃ ᐱᐅᓂᕐᐹᓂᒃ ᑐᓂᕐᕈᑎᒃᓴᑦᓯᓐᓂᒃ ᐃᑦᔪᕐᓁᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 27:21

ᐊᕋᐱᐊᒥᐅᑦ ᑭᑕᕆᒥᐅᓪᓗ ᐊᖓᔪᖅᑳᖏᑦ ᐱᖁᑎᑦᓯᓐᓂᒃ ᑕᐅᕐᓰᕕᒋᕙᒃᐸᓯ ᓄᕐᕋᐅᔭᓂᒃ, ᓰᐲᓪᓗ ᐊᖑᓴᓪᓗᖏᓐᓂᒃ, ᒎᑦᓯᓂᒡᓗ ᐱᑖᕐᕕᒋᖔᕐᓗᒋᑦ.

ᒤᑲᐅᑉ ᐊᒡᓚᖏᑦ 4:1

ᐅᓪᓗᐃᑦ ᑭᖑᓪᓕᖏᓐᓂ ᓇᓪᓕᐅᑎᔪᒫᕐᐳᖅ, ᖃᖅᑲᒥ ᐊᑕᓂᐅᑉ ᐃᒡᓗᖓ ᐋᖅᑭᒃᓯᒪᓕᕈᒫᕐᐳᖅ, ᐊᖏᓂᕐᐹᖑᓕᕈᒫᕐᐳᖅ ᐳᕐᑐᓂᕐᓴᐅᓗᓂ ᖃᖅᑲᓕᒫᓂᑦ; ᐃᓅᖃᑎᒋᒡᔪᐊᓪᓗ ᑕᕝᕗᓐᖓᐅᓕᕈᒫᕐᐳᑦ ᑰᒃᑐᑎᑐᑦ.

ᔨᐸᓁᐊᐅᑉ ᐊᒡᓚᖏᑦ 3:10

ᐃᑎᐅᐱᐊᒥᐅᑉ ᑰᖓᑕ ᐅᖓᑖᓂᑦ ᐃᓄᖁᑎᒃᑲ ᓯᐊᒻᒪᕐᓯᒪᔪᑦ ᓱᓕᔪᒥᒃ ᑐᒃᓯᐊᕐᓂᖃᕈᒫᕐᐳᑦ ᑐᓂᕐᕈᓯᕈᒫᕐᐳᓪᓗ ᐅᕙᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 2:8

ᑕᒪᓐᓇ ᐱᓪᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐅᐱᒋᓚᐅᖅᑳᕐᓗᓂᖓ ᑎᓕᕚᖓ, ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᐃᓕᑦᓯᓐᓂᒃ ᓵᓚᖃᖅᑳᕐᓯᒪᔪᓄᑦ, ᐃᓕᑦᓯᓐᓂᒡᓗ ᐊᒃᑐᐃᓯᒪᔪᑦ, ᑕᕝᕙ ᐊᑕᓂᐅᑉ ᐱᓐᓇᕆᔭᖓᓂᒃ ᐊᒃᑐᐃᓯᒪᕗᑦ.

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᕉᒪᒥᐅᓄᑦ 15:16

ᐱᔨᑦᓯᕐᑎᐅᖁᓪᓗᖓ ᙭ᔅᑑᓯ ᔩᓱᓯᒥᒃ ᔫᑎᐅᖏᑦᑐᓄᑦ ᑐᓂᕐᕈᓯᕐᑎᑦᓯᔨᑎᑐᑦ ᐱᓇᓱᐊᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ, ᔫᑎᐅᖏᑦᑐᑦ ᑐᓂᕐᕈᑕᐅᓗᑎᒃ ᓈᒻᒪᒋᔭᐅᖁᓪᓗᒋᑦ ᒎᑎᒧᑦ, ᐃᑦᔪᕐᓁᑎᑕᐅᓗᑎᒡᓗ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.

ᐄᑉᕈᐃᓄᑦ 13:10

ᑐᓂᕐᕈᓯᕐᑎᑦᓯᔩᑦ ᑐᐱᕐᓂ ᐱᓇᓱᐊᕐᐸᒃᑐᑦ ᓂᕆᔭᕆᐊᖃᓐᖏᓚᑦ ᑐᓂᕐᕈᓯᕐᕕᖁᑎᑦᑎᓐᓂᑦ.