ᐂᓮᐊᓯᐅᑉ ᐊᒡᓚᖏᑦ 60:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑳᒧᓕᖕᓂᒃ ᓇᖕᒪᒃᑐᓂᒃ ᓄᓇᓯ ᑕᑕᑦᓱᒫᕐᐳᖅ, ᐱᕈᕇᕋᑖᕐᓂᕐᓂᒡᓗ ᑳᒥᓕᖕᓂᒃ ᒥᑎᐊᓂᒥᑦ ᐄᐸᒥᓪᓗ ᑎᑭᑦᑐᓂᒃ; ᓰᐸᐅᑉ ᓄᓇᓕᒫᖓᓂᑦ ᐱᔪᓄᑦ ᐅᓄᕐᑐᓄᑦ ᑎᑭᐅᑦᔨᕕᒋᔪᒫᕐᐹᓯ, ᒎᓗᓂᒃ ᐳᔫᕐᑎᑕᒐᕐᓂᒡᓗ ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᓗᑎᒃ, ᐅᖃᐅᓯᖃᕐᓗᑎᒡᓗ ᐊᑕᓂᐅᑉ ᓂᕐᑐᕐᑕᐅᔪᒃᓴᐅᓂᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 60:6 Iomraidhean Croise

ᒨᓯᓯ ᓯᕗᓪᓖᑦ 10:7

ᑯᓯᐅᑉ ᑭᖑᕚᖏᑦ ᐅᑯᐊᖑᒋᕗᑦ: ᓰᐸ, ᕼᐊᕕᓚ, ᓴᑉᑕ, ᕌᒪ, ᓴᑉᑎᑲᓗ. ᕌᒪᐅᓪᓕ ᑭᖑᕚᖏᑦ ᐅᑯᐊᖑᒋᕗᑦ: ᓰᑉᐸ ᑎᑖᓂᓗ.

ᒨᓯᓯ ᓯᕗᓪᓖᑦ 25:13

ᐅᑯᐊ ᑕᕝᕙ ᐊᑎᖏᑦ ᐃᓯᒥᐅᑉ ᐃᕐᓂᖏᑕ ᐊᖓᔪᒃᓯᕐᓂᑦ ᐱᒋᐊᕐᓗᒋᑦ; ᓂᐰᐅᑎ ᐄᓯᒥᐅᑉ ᐊᖓᔪᒃᓯᕐᐹᖁᑎᖓ; ᑭᑕᕆ, ᐊᑉᑎᐅᓪ, ᒥᑉᓵᒻ,

ᐊᑕᓃᑦ ᓯᕗᓪᓖᑦ 10:2

ᔨᕉᓴᓕᒧᐊᕐᐳᖅ ᐃᓚᖃᕐᓗᓂ ᐅᓄᕐᑐᓂᒃ, ᑳᒥᓖᓪᓗ ᓇᖕᒪᒃᑎᓪᓗᓂᒋᑦ ᓂᕿᒧᑦ ᒪᒪᕐᓴᐅᑎᓂᒃ ᑕᑯᒥᓇᕐᓴᐅᑎᓂᒡᓗ ᒎᓗᓂᒡᓗ ᐊᖏᔪᓂᒃ, ᐅᔭᕋᖕᓂᒡᓗ ᐊᑭᑐᔪᓂᒃ; ᓲᓗᒨᓂᒥᒃ ᑲᑎᓯᒐᒥ ᐅᖃᓪᓚᒡᕕᒋᕚ ᐃᓱᒪᒋᓯᒪᔭᓕᒫᒥᓂᒃ.

ᐊᑕᓃᑦ ᐂᑉᐸᖏᑦ 8:9

ᑕᕝᕙ ᕼᐊᔧᐅᓪ ᑳᒥᓕᖕᓂᒃ 40ᓂᒃ ᓇᖕᒥᕐᓱᐃᓚᐅᕐᐳᖅ ᐱᒃᑯᒥᓇᕐᓂᕐᐹᓂᒃ ᑕᒫᓯᑰᓯᒥᐅᓂᑦ ᐱᓯᒪᔪᓂᒃ ᐃᓔᓴᒧᐊᕐᓗᓂᓗ. ᕼᐊᓯᐊᓕᐅᑉ ᐃᓔᓴ ᑲᑎᒐᒥᐅᒃ, ᐅᖃᐅᑎᕚ, “ᐃᓄᖁᑏᑦ ᓯᕆᐊᒧᑦ ᐊᖓᔪᖅᑳᕐᔪᐊᖅ ᐱᓐᕼᐊᑖᑎᐅᑉ ᑎᓕᕚᖓ ᐊᐱᕆᖁᓪᓗᓂᖓ ᖃᓂᒻᒪᓯᕐᒥᓂᑦ ᐋᖅᑭᖕᓂᐊᕐᒪᖔᕐᒥ ᐋᖅᑭᑦᔮᔪᓐᓃᕐᒪᖔᕐᒥᓗ ᑐᑭᓯᔪᒪᓪᓗᓂ.”

ᑯᕉᓂᑲ ᓯᕗᓪᓖᑦ 1:33

ᒥᑎᐊᓂ ᐃᕐᓂᖃᕐᐳᖅ ᑕᓪᓕᒪᓂᒃ: ᐄᐸ, ᐃᐱᕆ, ᕼᐊᓅᒃ, ᐊᐰᑕ, ᐃᐅᓪᑖᓗ. ᑖᒃᑯᐊ ᑕᕝᕙ ᑭᑑᕋᐅᑉ ᑭᖑᕚᖏᑦ.

ᑯᕉᓂᑲ ᐂᑉᐸᖏᑦ 9:1

ᓰᐸᒥᐅᑦ ᐊᖓᔪᖅᑳᕐᔪᐊᖓ ᑯᐃᓐ ᑐᓴᕋᒥ ᓲᓗᒨᓂᐅᑉ ᐅᓂᒃᑲᐅᓯᐅᑦᓯᐊᕐᓂᖓᓂᒃ, ᔨᕉᓴᓕᒧᐊᕐᐳᖅ ᓲᓗᒨᓂᒥᒃ ᐆᒃᑐᕈᒪᓪᓗᓂ ᐊᐱᕐᓱᕐᓗᓂᐅᒃ ᐱᔭᕐᓂᖏᑦᑐᓂᒃ, ᓇᒃᓴᕐᓗᓂ ᐅᓄᕐᑐᓂᒃ ᐆᒪᔪᓂᒃ, ᑳᒥᓕᖕᓂᒃ ᓇᖕᒪᒃᑐᓂᒃ ᓂᕿᓄᑦ ᐃᓚᐅᕈᑎᒃᓴᓂᒃ ᒪᒪᕐᑐᓂᒃ, ᒎᓗᓂᒡᓗ ᐊᖏᔪᓂᒃ, ᐅᔭᕋᖕᓂᒡᓗ ᑕᑯᒥᓇᕐᑐᓂᒃ. ᓲᓗᒨᓂᒧᐅᕋᒥᓗ, ᐊᐱᕐᓱᕐᐹ ᐃᓱᒪᒋᔭᓕᒫᒥᓂᒃ.

ᐃᓐᖏᕈᑎᑦ 67:4

ᐃᓅᖃᑎᒌᒡᔪᐃᑦ ᐊᓕᐊᓁᒍᓱᒡᓕᑦ ᐃᓐᖏᕐᓗᑎᒡᓗ ᖁᕕᐊᓱᒃᓗᑎᒃ! ᐃᓄᐃᑦ ᓇᓛᒎᕐᑐᒥᒃ ᐃᖅᑲᕐᑐᕈᒫᕋᕕᒋᑦ, ᐃᓅᖃᑎᒌᒡᔪᐊᓪᓗ ᓄᓇᒥ ᑕᓯᐅᕈᒫᕋᕕᒋᑦ. ᓰᓚ

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᐃᓐᖏᕈᑎᑦ 72:15

ᑖᓐᓇ ᐃᓅᔪᒫᕐᐳᖅ, ᒎᓗᐃ ᓰᐸᒥᑦ ᑐᓂᔭᐅᔪᒫᕐᐳᑦ ᑖᑦᓱᒧᖓ; ᑐᒃᓯᐅᑦᔭᐅᑦᓮᓐᓇᕈᒫᕐᐳᖅ, ᖃᐅᑕᒫᓪᓗ ᓂᕐᑐᕐᑕᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 30:6

ᒎᑎᐅᑉ ᐅᖃᐅᓯᖃᕐᓂᖓ ᐆᒪᔪᓂᒃ ᓯᐅᕌᓗᖕᒥᐅᑕᓂᒃ ᐅᓪᓗᓪᓗᐊᑉ ᓇᓛᓂᒥᐅᓂᒃ ᓂᒋᑉᒥ, ᑎᓕᔭᐅᓯᒪᔪᑦ ᐃᖏᕐᕋᔭᕆᐊᖃᕐᐸᒃᐳᑦ ᓄᓇᑎᒍᑦ ᑲᑉᐱᐊᓇᕐᑐᖃᕐᑐᑎᒍᑦ ᓛᔭᓄᑦ ᐃᓂᒋᔭᐅᕙᒃᑐᑯᑦ, ᖁᒡᓗᒋᐊᓂᒃ ᑐᖁᓐᓇᕐᑐᓕᒃᑯᑦ, ᐆᒪᔪᕐᓗᖃᕐᑐᒃᑯᑦ ᖃᖓᑕᓲᓂᒃ, ᓯᐅᑎᖅᑯᕐᑐᔪᖁᑎᑎᒃ ᓇᖕᒪᒃᑎᑉᐸᒃᐰᑦ ᐊᑭᑐᔪᒃᓴᔭᓂᒃ, ᐱᒃᑯᒥᓇᕐᑐᓂᒡᓗ ᑳᒥᓕᖁᑎᑎᒃ ᓇᖕᒪᒃᑎᖃᑦᑕᕐᐰᑦ ᐃᓅᖃᑎᒋᒡᔪᐊᓄᑦ ᐃᑲᔪᕈᓐᓇᖏᑦᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 42:10

“ᐊᑕᓂᕐᒧᑦ ᐃᓐᖏᕆᑦᓯ ᐃᓐᖏᕈᒻᒥᒃ ᓄᑖᒥᒃ, ᓂᕐᑐᕐᓯᐅᒃ ᓄᓇᕐᔪᐊᑉ ᑭᒡᓕᖏᓐᓂᑦ! ᐃᒪᕕᒃ ᐃᒃᑑᓕᔮᕐᓕ ᑕᕝᕙᓂᒥᐅᑕᓕᒫᓪᓗ, ᐃᒪᐅᑉ ᑭᒡᓕᖓᓂᒥᐅᑦ ᑕᒫᓂᓗ ᓄᓇᖃᕐᑐᓯ ᓂᕐᑐᐃᖃᑕᐅᒋᑦᓯ.

ᐂᓮᐊᓯᐅᑉ ᐊᒡᓚᖏᑦ 45:14

ᐊᑕᓂᖅ ᐃᒫᒃ ᐅᖃᕐᐳᖅ: “ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᑦ ᐃᑎᐅᐱᐊᒥᐅᓪᓗ ᓂᐅᕕᐊᒃᓴᖁᑎᖏᑦ, ᓴᐲᓐᒥᐅᓪᓗ ᐃᓄᖏᑦ ᐊᖏᔫᑎᐊᓗᐃᑦ, ᐃᓕᑦᓯᓐᓄᑦ ᑎᑭᑦᓱᒫᕐᐳᑦ ᐱᒋᓕᕐᓗᓯᐅᒡᓗ; ᐃᓕᑦᓯᓐᓂᒃ ᒪᓕᒍᒫᕐᐳᑦ, ᐊᑦᓱᖏᐅᑎᓄᑦ ᓴᕕᕋᔭᖕᓄᑦ ᐊᑦᓱᖏᕐᓯᒪᓗᑎᒃ; ᐃᓕᑦᓯᓐᓄᑦ ᓵᑦᓯᓐᓄᑦ ᓰᖅᑯᕐᓗᑎᒃ ᐅᖃᕐᕕᒋᔪᒫᕐᐹᓯ, ‘ᐄᓛᒃ ᒎᑎᒧᑦ ᐃᓚᒋᔭᐅᕗᓯ, ᐊᓯᐊᓂᒡᓗ ᒎᑎᑕᖃᓐᖏᓚᖅ.’”

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᐂᓮᐊᓯᐅᑉ ᐊᒡᓚᖏᑦ 61:6

ᑍᔭᐅᔪᒫᕐᐳᓯᓗ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖁᑎᖏᓐᓂᒃ, ᐅᖃᐅᓯᐅᔪᒫᕐᐳᓯᓗ ᒎᑎᑦᑕ ᐱᔨᑦᓯᕐᑎᖁᑎᖏᓐᓂᒃ; ᓂᕿᖃᕈᒫᕐᐳᓯ ᐊᒃᓗᐃᑦᑐᑦ ᐃᓅᖃᑎᒌᒡᔪᐊᑦ ᓂᕿᖁᑎᖏᓐᓂᒃ, ᐊᒡᓗᐃᑦᔪᑎᖏᓐᓂᒡᓗ ᐱᓐᓇᕐᓇᐅᑎᖃᕈᒫᕐᐳᓯ.

ᔨᕆᒤᐊᐅᑉ ᐊᒡᓚᖏᑦ 6:20

ᐳᔫᕐᑎᑦᓯᑦᔪᑎᒃᓮᑦ ᓰᐸᒥᑦ ᐱᓯᒪᔪᑦ ᓱᓇᒧᑦ ᐊᑑᑎᖃᕐᐸᑦ, ᓄᓇᓂᓪᓘᓐᓃᑦ ᐅᖓᓯᒃᑐᓂᑦ ᓰᕐᓇᕐᑐᑦ ᐱᑖᕕᓂᖏᑦ? ᑐᓂᕐᕈᑎᓯ ᐆᒪᔪᕕᓃᑦ ᐆᓯᒪᔪᑦ ᑐᓂᕐᕈᓯᕐᕕᖕᒥ ᓈᒻᒪᒋᓐᖏᓚᒃᑲ, ᑐᓂᕐᕈᓯᕈᑎᒋᔭᓯᓗ ᖁᕕᐊᒋᓐᖏᓚᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 27:22

ᓰᐸᒥᐅᑦ ᕌᒪᒥᐅᓪᓗ ᓂᐅᕕᕋᕐᑎᖏᑕ ᑕᐅᕐᓰᕕᒋᕙᒃᐹᓯ ᐱᐅᓴᐅᑎᓂᒃ ᐅᔭᕋᖕᓂᒃ, ᒎᓗᓂᒃ ᓂᕿᓄᓪᓗ ᒪᒪᕐᓴᐅᑎᒃᓴᓂᒃ ᐱᐅᓂᕐᐹᓂᒃ.

ᔨᐸᓁᐊᐅᑉ ᐊᒡᓚᖏᑦ 3:10

ᐃᑎᐅᐱᐊᒥᐅᑉ ᑰᖓᑕ ᐅᖓᑖᓂᑦ ᐃᓄᖁᑎᒃᑲ ᓯᐊᒻᒪᕐᓯᒪᔪᑦ ᓱᓕᔪᒥᒃ ᑐᒃᓯᐊᕐᓂᖃᕈᒫᕐᐳᑦ ᑐᓂᕐᕈᓯᕈᒫᕐᐳᓪᓗ ᐅᕙᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 14:16

ᔨᕉᓴᓕᒥᒡᓕ ᐅᓇᑕᕋᓱᐊᓚᐅᕐᑐᑦ ᐃᓅᖃᑎᒌᒡᔪᐊᓂᑦ ᐊᒥᐊᒃᑯᖏᑦ, ᐊᕐᕌᒍᑕᒫᑦ ᔨᕉᓴᓕᒧᑦ ᒪᔪᐊᖃᑦᑕᕈᒫᕐᐳᑦ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑐᒃᓯᐊᕐᕕᒋᔭᕐᑐᕐᓗᒍ, ᓇᓪᓕᐅᓐᓂᕐᓯᐅᕆᐊᕐᑐᕐᓗᑎᒃ ᓇᓪᓕᐅᓂᕐᒥᒃ ᑐᐱᕐᓯᒪᕕᖕᒥᒃ.

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 2:11

ᐃᒡᓗᒧᑦ ᐃᑎᕋᒥᒃ, ᓄᑕᕋᑯᓗᒃ ᐊᓈᓇᖓᓗ ᒥᐊᕆ ᑕᑯᒐᒥᑦᔪᒃ, ᓵᖓᓄᑦ ᓰᖅᑯᕐᓗᑎᒃ ᑐᒃᓯᐊᕐᕕᒋᕚᑦ. ᑐᓂᕐᕈᑎᒥᖕᓂᒃ ᓴᖅᑭᑎᑦᓯᓪᓗᑎᒃ ᑐᓂᓯᕕᒋᕚᑦ, ᒎᓗᒥᒃ, ᑎᐱᑦᓯᐊᕆᒃᓴᐅᒥᒡᓗ ᕗᕋᖕᑭᓐᓯᓐᓯᒥᒃ, ᑎᐱᑦᓯᐊᕆᒃᓴᐅᒻᒥᒡᓗ ᒧᕐᒥᒃ.

ᕉᒪᒥᐅᓄᑦ 15:9

ᔫᑎᐅᖏᑦᑐᓪᓗ ᓂᕐᑐᐃᓕᖁᓪᓗᒋᑦ ᒎᑎᒥᒃ ᓂᑲᒍᓱᖕᓂᖓ ᐱᑦᔪᑎᒋᓗᒍ. ᑎᑎᕋᕐᓯᒪᖕᒪᑦ, “ᑍᒤᒻᒪᑦ ᓂᕐᑐᕐᓂᐊᕐᐸᒋᑦ ᔫᑎᐅᖏᑦᑐᑦ ᐊᑯᕐᖓᓐᓂ, ᐃᓐᖏᕐᓗᖓᓗ ᓂᕐᑐᕈᒪᕙᒋᑦ.”

ᒨᓯᓯ ᑕᓪᓕᒪᖏᑦ 32:43

ᓂᕐᑐᕐᓯᐅᒃ ᑖᑦᓱᒪ ᐃᓄᖁᑎᖏᑦ, ᐃᓅᖃᑎᒌᒡᔪᐊᖑᔪᓯ; ᓴᐳᑎᖕᒪᒋᑦ ᐱᔨᒥ ᐊᐅᖏᑦ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᖕᒪᒋᑦ, ᐃᓄᖁᑎᒥ ᓄᓇᖓ ᓴᓗᒻᒪᕐᓴᕐᒪᒍ.”

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 6:5

ᑎᑭᖃᑦᑕᓚᐅᕐᒪᑕ ᐅᒫᔪᖁᑎᒡᒋᕐᓗᑎᒃ, ᑐᐱᒡᒋᕐᓗᑎᒡᓗ ᐱᒡᓕᕐᑕᐅᔮᕐᑐᑎᑐᑦ ᓈᓴᒐᒃᓴᐅᖏᑦᑐᑎᑐᑦ; ᑖᒃᑯᐊᓗ ᑳᒥᓕᖁᑎᖏᓪᓗ ᐅᓄᕐᓂᖏᑦ ᓈᓴᒐᒃᓴᐅᓚᐅᓐᖏᓚᑦ; ᑎᑭᓐᓇᒥᒃ ᓄᓇᒥᒃ ᐊᑑᑎᒃᓴᖃᕈᓐᓃᕐᑎᑦᓯᕙᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 7:12

ᒥᑎᐊᓂᒥᐅᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᑦ ᐱᓯᒪᔪᑦ ᓇᑎᕐᓇᒥ ᓯᐊᒻᒪᒃᓯᒪᓚᐅᕐᐳᑦ ᓇᕐᓴᒥ ᐱᒡᓕᕐᑕᐅᔮᕐᑐᑎᑐᑦ ᐅᓄᓗᐊᒧᑦ, ᑳᒥᓕᖁᑎᖃᓚᐅᕐᐳᓪᓗ ᓈᓴᒐᒃᓴᐅᖏᑦᑐᓂᒃ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑐᕐᔪᐊᑎᑐᑦ.