ᐂᓮᐊᓯᐅᑉ ᐊᒡᓚᖏᑦ 60:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙ ᖃᐅᔨᓕᕈᒫᕐᐳᓯ ᑕᑯᒥᓇᕐᑐᒥᒃ ᖃᐅᒪᓂᖃᕐᓂᑦᓯᓐᓂᒃ, ᐆᒻᒪᑎᓯᓗ ᑕᑕᑦᓱᒫᕐᐳᑦ ᖁᕕᐊᓱᖕᓂᕐᒥᒃ, ᐃᒪᕐᔪᐊᑦ ᐊᔪᕐᓴᖏᑦᔪᑎᖏᑦ ᐃᓕᑦᓯᓐᓄᑦ ᑐᓂᔭᐅᔪᒫᕐᒪᑕ, ᐃᓅᖃᑎᒌᒡᔪᐊᑦ ᐊᒃᓗᐃᑦᔪᑎᖏᓐᓂᒃ ᕾᑦᓯᕕᐅᔪᒫᕋᑦᓯ.

ᐂᓮᐊᓯᐅᑉ ᐊᒡᓚᖏᑦ 60:5 Iomraidhean Croise

ᐃᓐᖏᕈᑎᑦ 119:32

ᑐᑭᓯᕚᓪᓕᕐᑎᒃᑯᕕᖓ ᐆᒻᒪᑎᒃᑯᑦ ᑕᕝᕙ ᐱᖁᔭᑎᑦ ᑲᑦᓱᖎᒻᒪᕆᒡᓗᖓ ᐱᓇᓱᐊᕐᓂᐊᕐᐸᒃᑲ.

ᐃᓐᖏᕈᑎᑦ 34:5

ᑕᕝᕗᖓ ᑕᑯᓴᕐᒪᑕ ᑮᓇᖏᑦ ᖃᐅᒻᒪᒃᐳᑦ, ᑮᓇᖏᓪᓗ ᑲᓐᖑᓱᒃᑎᑕᐅᓚᐅᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 23:18

ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 54:2

“ᑐᐲᑦ ᓂᕈᑦᑐᕆᐊᓕᕈᒃ, ᑐᐱᕐᐱᑦ ᓴᓂᕋᖏᑦ ᐅᖓᕙᕆᐊᓕᒃᑭᒃ; ᐱᐅᕐᓱᐊᖏᓪᓗᑎᑦ ᑐᐱᒃᓴᒥᒃ, ᓄᖃᕈᑎᑎᓪᓗ ᑕᑭᓕᒋᐊᕐᓗᒋᑦ ᐸᐅᒍᐊᖏᓪᓗ ᐊᑦᑕᕐᓁᓕᒋᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 60:11

ᑍᒤᒻᒪᑦ ᐃᑎᕐᑕᕐᕕᖁᑎᓯ ᐅᒃᑯᐃᓐᖔᖏᓐᓇᓕᕈᒫᕐᐳᑦ; ᐅᒃᑯᐊᕐᑕᐅᕙᒍᓐᓃᕐᓗᑎᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ; ᐃᓅᖃᑎᒌᒡᔪᐊᑦ ᐊᒡᓗᐃᑦᔪᑎᒥᖕᓂᒃ ᕾᑦᓯᖃᑦᑕᖁᓪᓗᒋᑦ ᐃᓕᑦᓯᓐᓄᑦ, ᐊᖓᔪᖅᑳᕐᔪᐊᖏᓪᓗ ᑭᖑᓕᕇᒡᓗᑎᒃ ᕾᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 61:6

ᑍᔭᐅᔪᒫᕐᐳᓯᓗ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖁᑎᖏᓐᓂᒃ, ᐅᖃᐅᓯᐅᔪᒫᕐᐳᓯᓗ ᒎᑎᑦᑕ ᐱᔨᑦᓯᕐᑎᖁᑎᖏᓐᓂᒃ; ᓂᕿᖃᕈᒫᕐᐳᓯ ᐊᒃᓗᐃᑦᑐᑦ ᐃᓅᖃᑎᒌᒡᔪᐊᑦ ᓂᕿᖁᑎᖏᓐᓂᒃ, ᐊᒡᓗᐃᑦᔪᑎᖏᓐᓂᒡᓗ ᐱᓐᓇᕐᓇᐅᑎᖃᕈᒫᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 66:12

ᐊᑕᓂᖅ ᐃᒫᒃ ᐅᖃᕐᐳᖅ: “ᑕᑯᒋᑦ, ᐊᔪᕐᓴᖏᓐᓂᖅ ᐊᖏᔪᕈᕐᑎᑦᓱᒫᕐᐸᕋ ᑰᒃᑎᑐᑦ ᑯᕕᓕᕈᒫᕐᒪᑦ, ᐃᓅᖃᑎᒌᒡᔪᐊᓪᓗ ᐊᒡᓗᐃᓂᖏᑦ ᑰᒐᓛᑎᑐᑦ ᑕᑕᓯᒪᔪᑎᑐᑦ ᑰᓕᕈᒫᕐᐳᑦ, ᐊᒫᒪᒍᒫᕐᐳᓯ ᓴᕐᓕᐊᕐᑕᐅᓗᓯ, ᐊᐅᓚᑲᑦᑖᕐᑎᑕᐅᔪᒫᕐᐳᓯᓗ ᖁᒃᑐᕋᖏᒃᑕ ᖄᖓᓂ.

ᔨᕆᒤᐊᐅᑉ ᐊᒡᓚᖏᑦ 33:9

ᔨᕉᓴᓕᒥᐅᑦ ᐅᕙᓐᓄᑦ ᖁᕕᐊᓇᕐᑐᒥᒃ ᐊᑎᖃᓕᕈᒫᕆᕗᑦ, ᓂᕐᑐᕐᑕᐅᓕᕈᒫᕐᐳᑦ ᐅᐱᒋᔭᐅᓗᑎᒡᓗ ᐃᓅᖃᑎᒌᒡᔪᐊᓕᒫᓄᑦ ᓄᓇᕐᔪᐊᕐᒦᑦᑐᓄᑦ ᑐᓴᕈᒫᕐᒪᑕ ᐱᐅᔪᓂᒃ ᐱᓇᓱᐊᕐᕕᒋᒐᒃᑭᑦ; ᐃᓅᖃᑎᒌᒡᔪᐊᓪᓗ ᓯᕘᕋᓕᕈᒫᕐᐳᑦ ᓴᔪᓕᕐᓗᑎᒡᓗ ᔨᕉᓴᓕᒥᐅᓄᑦ ᐱᐅᔪᓂᒃ ᐱᓂᐊᕐᓂᕆᔭᓐᓂᒃ ᐃᓄᖏᓐᓂᒡᓗ ᒪᑭᑎᑦᓯᓂᕆᔭᓐᓂᒃ ᐱᑦᔪᑎᖃᕐᓗᑎᒃ.”

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᒫᑎᐅᓯᐅᑉ ᐊᒡᓚᖏᑦ 25:16

ᐱᔨ ᑮᓇᐅᔭᕐᑖᕐᑎᑕᐅᔪᖅ 5,000ᓂᒃ ᑕᕝᕔᓐᓇᖅ ᐊᑐᕐᑐᐊᕐᑕᐅᑎᑉᐰᑦ; ᑭᖑᓂᖓᒍᓪᓗ ᑮᓇᐅᔭᕐᑖᒃᑲᓐᓂᕐᐳᖅ ᐊᓯᖏᓐᓂᒃ 5,000ᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 10:45

ᐅᒃᐱᕐᑐᑦ ᔫᑎᓪᓚᕇᑦ ᐲᑦᑐᕉᓯᐅᑉ ᐃᓚᒋᔭᖏᑦ ᑲᒪᓂᐊᕐᐳᑦ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᔭᐅᓂᖓᓂᒃ, ᔫᑎᐅᖏᑦᑐᓄᑦ ᐊᒡᓛᑦ ᑯᕕᔭᐅᖕᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:17

ᑕᕝᕙ ᒎᑎ ᑐᓂᓯᒃᐸᑦ ᑖᒃᑯᓄᖓ ᑕᒪᑐᒥᖓᑦᓮᓐᓇᖅ ᐅᕙᑦᑎᓐᓄᑦ ᑐᓂᓚᐅᕐᑕᒥᓂᒃ ᐅᒃᐱᓕᕐᑎᓪᓗᑕ ᐊᑕᓂᕐᒧᑦ ᔩᓱᓯ ᙭ᔅᑑᓯᒧᑦ, ᖃᓄᕐᓕ ᑍᒪ ᒎᑎ ᐊᒡᕕᐊᕋᓱᐊᕋᔭᕐᐸᕋ?”

ᐋᐴᓯᑕᓖᑦ ᐱᓂᐊᕐᓂᖏᑦ 24:17

“ᐊᕐᕌᒍᓂᒃ ᐊᒥᓱᓂᒃ ᐊᐅᓪᓚᕐᓯᒪᓚᐅᕐᓗᖓ ᔨᕉᓴᓕᒻᒧᑦ ᐅᑎᓚᐅᕐᐳᖓ, ᐃᓅᖃᑎᒃᑲ ᐊᔪᕐᓴᕐᑐᑦ ᑮᓇᐅᔭᓂᒃ ᑐᓂᓯᕕᒋᔭᕐᑐᕐᓗᒋᑦ, ᑐᓂᕐᕈᓯᕆᐊᑐᕐᓗᖓᓗ ᑐᒃᓯᐊᕐᕕᒡᔪᐊᒥ.

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᕉᒪᒥᐅᓄᑦ 15:26

ᒫᓯᑑᓂᐊᒥᐅᑦ ᐊᑬᐊᒥᐅᓪᓗ ᖁᕕᐊᓱᒡᓗᑎᒃ ᑐᓂᓯᔪᒪᓚᐅᕐᒪᑕ ᐊᔪᕐᓴᕐᑐᓄᑦ ᒎᑎᐅᑉ ᐃᓄᖁᑎᖏᓐᓄᑦ ᔨᕉᓴᓕᒻᒦᑦᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:15

ᐅᕙᑦᑎᓐᓂᒡᓗ ᓂᕐᑑᑎᓐᖏᓚᒍ ᐱᓗᐊᕐᑎᓪᓗᑕ, ᐊᓯᑦᑕ ᐱᓇᓱᐊᕐᕕᒋᓯᒪᔭᖏᑦ ᑎᑭᓪᓗᒋᑦ; ᐃᒫᒡᓕ ᓂᕆᐅᒋᔭᖃᕐᐳᒍᑦ ᐅᒃᐱᕐᓂᓯ ᐱᕈᕐᐸᓪᓕᐊᓂᖓᓄᑦ, ᐱᓇᓱᐊᕐᓂᕐᓴᐅᔪᓐᓇᖁᓪᓗᑕ ᐃᓕᑦᓯᓐᓂ.

ᒨᓯᓯ ᑕᓪᓕᒪᖏᑦ 33:19

ᑖᒃᑯᐊ ᐃᓅᖃᑎᒌᒡᔪᐊᓂᒃ ᕾᖁᔨᔪᒫᕐᐳᑦ ᖃᖅᑲᖁᑎᒥᖕᓄᑦ; ᑕᕝᕙᓂᓗ ᑐᓂᕐᕈᑎᒃᓴᓂᒃ ᓈᒻᒪᒋᔭᐅᔪᓂᒃ ᑐᓂᕐᕈᓯᕐᓗᑎᒃ; ᐊᔪᕐᓴᖏᑦᔪᑎᓂᒃ ᐃᒪᕐᒥᑦ ᑕᕆᐅᒥᑦ ᐱᔪᓂᒃ ᓂᐅᕐᓯᖕᒪᑕ ᓯᐅᕋᕐᒥᓪᓗ ᐃᔨᕐᓯᒪᔪᓂᒃ ᐊᒃᓱᐃᑦᔪᑎᓂᒃ ᑕᕆᐅᑉ ᓯᓈᓂᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:24

ᐃᓄᒐᓴᒡᔪᐊᑦ ᑖᑦᓱᒪ ᖃᐅᒪᑎᑦᓯᓂᖓᒍᑦ ᐃᓅᔪᒫᕐᐳᑦ; ᓄᓇᕐᔪᐊᕐᒥᐅᓪᓗ ᐊᖓᔪᖅᑳᕐᔪᐊᖏᑕ ᐱᓐᓇᕐᓇᕐᑐᖁᑎᑎᒃ ᑕᕝᕗᓐᖓᐅᑎᔪᒫᕐᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:26

ᐃᓅᖃᑎᒌᒡᔪᐊᑦ ᐱᓐᓇᕐᓇᕐᓂᑎᒃ ᐅᐱᓐᓇᕐᓂᑎᒡᓗ ᑕᕝᕗᖓ ᓇᒃᓴᕈᒫᕐᐰᑦ.

ᓴᒧᐃᓕ ᓯᕗᓪᓖᑦ 2:1

ᕼᐋᓇ ᑐᒃᓯᐊᓚᐅᕐᐳᖅ ᐅᖃᕐᓗᓂ: “ᐊᑕᓂᐅᑉ ᐆᒻᒪᑎᒐ ᑕᑕᑎᑉᐹ ᖁᕕᐊᓱᖕᓂᕐᒥᒃ; ᐱᔪᓐᓇᕐᓂᕋ ᐊᑕᓂᐅᑉ ᖁᕝᕙᕐᑎᑉᐹ. ᐊᑭᕋᕐᑐᕐᑎᒃᑲ ᖁᖓᑦᔪᑎᒋᔪᓐᓇᓕᕐᐸᒃᑲ; ᖁᕕᐊᓱᒻᒪᕆᓕᕐᐳᖓ ᒎᑎᐅᑉ ᐱᐅᓕᓚᐅᕐᒪᖓ!