ᐂᓮᐊᓯᐅᑉ ᐊᒡᓚᖏᑦ 60:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᕙᒻᒧᑦ ᑕᑯᑦᓯᐊᕆᐊᓕᕆᑦᓯ, ᑕᑯᓗᓯᓗ; ᑲᑎᕙᓪᓕᐊᔪᓂᒃ ᕾᔪᓂᒡᓗ ᐃᓕᑦᓯᓐᓄᑦ; ᐃᕐᓂᓯ ᐅᖓᓯᒃᑐᒥᑦ ᕾᔪᒫᕐᐳᑦ, ᐸᓂᓯᓗ ᐊᒡᔭᕐᑕᐅᓗᑎᒃ ᐰᕆᔨᒥᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 60:4 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:12

ᐃᓅᖃᑎᒌᒡᔪᐊᓄᓪᓗ ᓇᓗᓁᒃᑯᑕᕐᒥᒃ ᓴᖅᑭᑎᑦᓯᔪᒫᕐᐳᖅ, ᓇᕐᕈᒋᔭᐅᔪᓪᓗ ᐃᓴᕆᐊᓕᒥᐅᓂᑦ ᑲᑎᑎᑦᓱᒫᕐᐰᑦ, ᓇᒧᑐᐃᓐᓇᕐᓗ ᓯᐊᒻᒪᒃᓯᒪᔪᑦ ᔫᑕᐅᑉ ᑭᖑᕚᖏᑦ ᑲᑎᕐᓱᕈᒫᕐᐰᑦ ᓄᓇᕐᔪᐊᑉ ᓯᑕᒪᐅᓕᖅᑲᖓᓂᖓᓂᑦ ᐱᓯᒪᔪᑦ.

ᐂᓮᐊᓯᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᐃᓴᕆᐊᓕᒥᐅᓂᒃ ᐃᑲᔪᓕᕈᒫᕐᐳᑦ ᓄᓇᑐᖃᖏᓐᓄᑦ ᐅᑎᕐᑎᐅᕋᕐᓗᒋᑦ, ᐊᑕᓂᐅᑉ ᓄᓇᖁᑎᖓᓂ ᐊᖑᑎᑦ ᐊᕐᓁᓪᓗ ᓯᐊᓛᕆᓗᒋᑦ; ᑎᒍᓯᓯᒪᓕᕈᒫᕐᐳᑦ ᑎᒍᔨᒋᓚᐅᕐᑕᒥᖕᓂᒃ, ᐊᖓᔪᖅᑳᖑᕕᒋᓕᕐᓗᒋᓪᓗ ᓵᓚᒋᔨᒋᓯᒪᓚᐅᕐᑕᑎᒃ.

ᐂᓮᐊᓯᐅᑉ ᐊᒡᓚᖏᑦ 42:6

“ᐅᕙᖓ ᐊᑕᓂᐅᔪᖓ, ᕾᖁᓚᐅᕐᐸᒋᑦ ᓇᓛᒎᕐᓂᒃᑯᑦ; ᐊᒡᒐᒃᑯᑦ ᑕᓯᐅᓚᐅᕐᐸᒋᑦ, ᑲᒪᒋᑦᓯᐊᕐᓗᑎᓪᓗ; ᑐᓂᓚᐅᕐᐸᒋᑦ ᐃᓄᖕᓄᑦ ᐊᖏᖃᑎᒌᒍᑕᐅᖁᓪᓗᑎᑦ, ᖃᐅᒪᓂᐅᖁᓪᓗᑎᓪᓗ ᐃᓅᖃᑎᒌᒡᔪᐊᓄᑦ.

ᐂᓮᐊᓯᐅᑉ ᐊᒡᓚᖏᑦ 43:6

ᐅᓐᓄᐊᓪᓗᐊᑉ ᓇᓛᓃᑦᑐᑦ ᐅᖃᐅᑎᔪᒫᕐᐸᒃᑲ, ‘ᓴᒃᑯᓕᕐᓯᐅᒃ.’ ᐅᓪᓗᓪᓗᐊᓪᓗ ᓇᓛᓂᕐᒥᐅᑦ ᐅᖃᐅᑎᓗᒋᑦ, ‘ᐅᓂᒃᑎᓯᒪᑦᑍᓕᓯᒋᒃ.’ ᐃᕐᓂᒃᑲ ᓄᓇᓂ ᐅᖓᓯᒃᑐᓃᑦᑐᑦ ᕾᑎᑕᐅᓕᑦ, ᐸᓂᒃᑲᓗ ᓄᓇᕐᔪᐊᑉ ᑭᒡᓕᖓᓃᑦᑐᑦ ᕾᑎᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 49:12

ᑕᑯᒋᑦ, ᐅᖓᓯᒃᑐᓂᑦ ᑖᒃᑯᐊ ᐱᔪᒫᕐᐳᑦ; ᐃᓚᖏᓪᓗ ᐅᓐᓄᐊᓪᓗᐊᑉ ᓇᓛᓂᑦ, ᐃᓚᖏᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ, ᐃᓚᖏᓪᓗᑦᑕᐅᖅ ᓄᓇᒥᑦ ᓮᓂᒥᑦ.”

ᐂᓮᐊᓯᐅᑉ ᐊᒡᓚᖏᑦ 49:17

ᐃᒡᓗᓕᐅᕐᑏᑦ ᓯᕗᓪᓕᐅᔪᒫᕐᐳᑦ ᐃᓕᑦᓯᓐᓂᒃ ᐊᓯᕈᐃᔪᒪᔪᓂᑦ, ᐃᓕᑦᓯᓐᓂᒡᓗ ᓱᓇᖃᕈᓐᓃᕐᑎᑦᓯᓚᐅᕐᑐᑦ ᕿᒤᓗᑎᒃ ᐊᐅᓪᓚᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 49:18

ᑕᑯᓴᓕᕆᑦ ᐊᕙᒻᒧᓪᓗ ᕿᓂᕐᓗᑎᑦ; ᑕᒪᕐᒥᒃ ᐃᒻᒥᖕᓄᑦ ᑲᑎᕐᓱᓕᕐᐳᑦ ᐃᓕᖕᓄᓪᓗ ᕾᓕᕐᓗᑎᒃ, ᐆᒪᒐᒪ, ᐊᑕᓂᖅ ᐅᖃᕐᐳᖅ, ᐊᓐᓄᕌᑎᑐᑦ ᑕᑯᒥᓇᕐᓯᑦᔪᑎᒋᔪᒫᕐᐸᑎᑦ, ᑲᑎᑎᑕᐅᔪᓪᓗ ᐱᐅᓴᐅᑎᖏᑎᑐᑦ ᐊᑎᔪᒫᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 66:20

ᐃᓅᖃᑎᓯᓗ ᑕᒪᕐᒥᒃ ᐊᖏᕐᕋᐅᑎᑦᓱᒫᕐᐰᑦ ᐃᓅᖃᑎᒌᒡᔪᐊᓂᑦ ᑐᓂᕐᕈᑎᒥᒃᑎᑐᑦ ᐊᑕᓂᕐᒧᑦ, ᕿᒥᕐᔪᐊᒃᑰᕐᓗᑎᒃ ᑲᓕᒐᓕᒃᑯᑦ ᐅᓂᐊᒐᕐᑎᒍᑦ, ᓯᐅᑎᖅᑯᕐᑐᔪᑎᒍᓪᓗ ᑳᒥᓕᑯᓪᓗᒃ, ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᔨᕉᓴᓕᒦᑦᑐᒧᑦ, ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᓪᓗ ᓂᐊᖂᔭᒃᓴᓂᒃ ᑐᓂᕐᕈᑎᒃᓴᒥᖕᓂᒃ ᓴᓗᒪᑦᓯᐊᕐᑐᓂᒃ ᐴᕐᓯᒪᔪᓂᒃ ᑐᓂᓯᔭᕐᑐᕐᐸᖕᒪᑕ ᐊᑕᓂᐅᑉ ᐃᒡᓗᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᐂᒨᓯᐅᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ.

ᒤᑲᐅᑉ ᐊᒡᓚᖏᑦ 7:12

ᐅᓪᓗᒥ ᑍᑲᓂ ᐃᓅᖃᑎᓯ ᐃᓕᑦᓯᓐᓄᑦ ᐅᑎᕈᒫᕐᐳᑦ, ᐊᓯᕆᐊᒥᑦ ᐃᒡᓗᒐᓴᖕᓂᓪᓗ ᓴᐴᓗᑕᓕᖕᓂᑦ, ᐊᒡᓛᑦ ᐄᑦᔨᑉᑎᒥᑦ ᐃᕗᕅᑎᒥᓪᓗ ᐃᒪᕕᐅᑉ ᑭᒡᓕᖓᓂᑦ ᐃᑎᕕᐊᓄᑦ ᖃᖅᑬᓪᓗ ᐊᑭᓕᕇᑦ ᐊᑯᓐᓂᖓᓂᑦ ᐱᔪᑦ.

ᕼᐊᒊᑉ ᐊᒡᓚᖏᑦ 2:7

ᐃᓅᖃᑎᒌᒡᔪᐊᓕᒫᓪᓗ ᓴᔪᒃᑎᑦᓱᒫᕐᐸᒃᑲ, ᐊᑭᑐᔪᖁᑎᓕᒫᒥᖕᓂᒃ ᑕᕝᕗᓐᖓᐅᔨᖁᓪᓗᒋᑦ, ᑖᓐᓇᓗ ᐃᒡᓗ ᐱᓐᓇᕐᓇᕐᓂᕐᒥᒃ ᑕᑕᑎᑦᓱᒫᕐᐸᕋ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 8:11

ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ ᐃᓄᐃᑦ ᐊᒥᓱᑦ ᑎᑭᑦᓱᒫᕐᐳᑦ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓂᓪᓗ, ᐃᒃᓯᕙᖃᑎᖃᕆᐊᕐᑐᕐᓗᑎᒃ ᐂᑉᕋᕼᐋᒻᒥᒃ, ᐂᓴᑭᒥᒃ, ᔧᑯᒥᒡᓗ, ᒎᑎᐅᑉ ᐊᑕᓂᐅᕕᖓᓂ ᕿᓚᖕᒥ.

ᔪᐊᓇᓯᐅᑉ ᐊᒡᓚᖏᑦ 4:35

ᐅᖃᕐᐸᓐᖏᓚᓰ, ‘ᑕᖅᑮᑦ ᓱᓕ ᓯᑕᒪᐅᕗᑦ, ᑖᒃᑯᐊ ᓈᒃᐸᑕ ᑲᑎᕐᓱᐃᕕᖃᓛᕐᓂᐊᕐᐳᖅ?’ ᐅᖃᐅᑎᕙᑦᓯᓕ, ᐱᕈᕐᓰᕕᒃ ᑕᑯᑦᓯᐊᓚᐅᕐᓯᐅᒃ; ᐱᕈᕐᑐᑦ ᐱᕈᕇᕐᐳᑦ ᖃᑯᕐᓯᓪᓗᑎᒃ ᑲᑎᕐᓱᕐᑕᐅᑐᐃᓐᓇᕆᐊᖃᓕᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:44

ᓴᐸᑎᐅᒃᑲᓐᓂᓕᕐᒪᑦ ᓄᓇᓖᑦ ᐃᓄᓕᒫᑲᓴᖏᑦ ᑲᑎᒪᔭᕐᑐᕐᐳᑦ ᑐᓵᔭᕐᑐᕐᓗᑎᒃ ᐊᑕᓂᐅᑉ ᐅᖃᐅᑕᐅᓂᖓᓂᒃ.