ᐂᓮᐊᓯᐅᑉ ᐊᒡᓚᖏᑦ 60:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐅᓄᖏᓐᓂᕐᐹᑦ ᐃᓅᖃᑎᒌᒡᔪᐊᓐᖑᕈᒫᕐᐳᑦ, ᐃᓄᑭᓐᓂᕐᐹᓪᓗ ᐅᓄᕐᓂᕐᐹᓐᖑᕈᒫᕐᐳᑦ ᐱᔪᓐᓇᕐᑐᕐᔪᐊᓐᖑᕐᓗᑎᒃ, ᐅᕙᖓ ᐊᑕᓂᐅᒐᒪ; ᑕᒪᑐᒪ ᓇᓪᓕᐅᑎᓂᒃᓴᖓ ᐊᑯᓂᐅᑎᓐᓂᐊᕈᓐᓃᕐᐸᕋ.”

ᐂᓮᐊᓯᐅᑉ ᐊᒡᓚᖏᑦ 60:22 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 10:22

ᐃᓴᕆᐊᓕᒥᐅᓪᓕ ᐃᓄᖁᑎᑎᑦ ᐃᒪᐅᑉ ᓯᓈᓂ ᓯᐅᕋᕐᑎᑐᑦ ᐅᓄᕐᑎᒋᒐᓗᐊᕐᐸᑕ, ᑖᒃᑯᐊ ᐊᒥᐊᒃᑯᖏᑦ ᐅᓄᖏᑦᑐᑦ ᐅᑎᕈᒫᕐᐳᑦ; ᓄᖑᑕᐅᓂᒃᓴᖓᑦ ᐱᖁᔭᐅᓯᒪᓕᕐᐳᖅ ᐃᓱᐊᕐᑐᓕᓂᕐᒥᒃ ᑕᑕᓯᒪᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 5:19

ᐅᖃᕐᓗᑎᒃ ᐃᒫᒃ: “ᐅᐃᒪᓚᐅᕐᓕ, ᐱᓕᕆᐊᓂ ᑐᐊᕕᐊᕆᓚᐅᕐᓕᐅᒃ ᐱᓇᓱᐊᕐᑕᖓ ᑕᑯᓂᐊᕋᑦᑎᒍ; ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᑕ ᐱᑦᔪᑎᒃᓴᖓ ᖃᒡᓕᓚᐅᕐᓕ, ᕾᓚᐅᕐᓕ ᖃᐅᔨᓂᐊᕋᑦᑎᒍ!”

ᐂᓮᐊᓯᐅᑉ ᐊᒡᓚᖏᑦ 51:2

ᐂᑉᕋᕼᐋᒻ ᓯᕗᓕᕕᓂᓯ ᐃᖅᑲᕐᓯᐅᒃ, ᓵᕋᓗ ᐊᓂᕕᒋᓯᒪᔭᓯ; ᐂᑉᕋᕼᐋᒻ ᐊᑕᐅᓯᑐᐊᖑᑎᓪᓗᒍ ᕾᖁᓚᐅᕐᐸᕋ, ᓮᒻᒪᕐᑎᓪᓗᒍᓗ ᐃᓄᒋᐊᒃᓯᑎᓚᐅᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 66:8

ᑭᓇ ᑍᒤᑦᑐᒥᒃ ᑐᓴᓚᐅᕐᓯᒪᕚ? ᑭᓇᓗ ᑍᒤᑦᑐᒥᒃ ᑕᑯᓚᐅᕐᓯᒪᕙ? ᓄᓇ ᐃᕐᓂᐊᖑᔪᓐᓇᕐᐹ ᐅᓪᓗᐃᓐᓇᖅ? ᐃᓅᖃᑎᒌᒡᔪᐊᕐᑕᖃᓕᕈᓐᓇᕐᐸᓗ ᑕᕝᕙᑦᓴᐅᑎᒋ? ᓮᐅᓂ ᐃᕐᓂᓱᓕᕐᓗᓂᓗ ᐃᕐᓂᕐᑖᕐᑐᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 2:35

ᑕᕝᕔᓐᓇᖅ ᓴᕕᕋᔭᒡᓗ, ᔭᕐᕋᕐᓗ, ᖃᑯᕐᓕᓗ, ᓯᐅᓪᕕᕆᓗ, ᒎᓗᐃᓪᓗ, ᐊᑕᐅᑦᓯᒃᑯᑦ ᓯᖁᒥᑉᐳᑦ, ᓂᐊᖂᔭᒃᓴᓕᐅᕐᕕᖕᒥ ᐊᐅᔭᒃᑯᑦ ᓂᐊᖂᔭᒃᓴᓕᐅᕐᓂᑯᑐᑦ ᓴᓂᐅᓕᕐᓗᑎᒃ, ᐊᓄᕆᒧᑦ ᑎᒃᑕᐅᕗᑦ ᐊᒥᐊᒃᑯᓇᑎᒃ. ᐅᔭᕋᒃᔪᐊᕐᓕ ᐃᓄᓐᖑᐊᒥᒃ ᒥᓗᕐᓯᔪᖅ ᖃᖅᑲᕐᔪᐊᖑᓕᕐᐳᖅ ᓄᓇᕐᔪᐊᒥᒃ ᓈᓯᓪᓗᓂ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᒤᑲᐅᑉ ᐊᒡᓚᖏᑦ 4:7

ᑐᓯᐊᑦᑐᑦ ᐊᒥᐊᑰᑎᑦᓱᒫᕐᐸᒃᑲ, ᐊᐅᓪᓚᕈᑦᔭᐅᓯᒪᔪᓪᓗ ᓲᖑᓯᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᕐᖑᕐᑎᓪᓗᒋᑦ; ᐊᑕᓂᖅ ᐊᐅᓚᑦᓯᔪᒫᕐᒪᑦ ᑖᒃᑯᓂᖓ ᓮᐅᓂᐅᑉ ᖃᖅᑲᖓᓂᑦ ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᓘᑲᓯᐅᑉ ᐊᒡᓚᖏᑦ 18:7

ᒎᑎᐅᓪᓖ ᐃᓄᖁᑎᓂ, ᕿᓄᐃᓐᓇᓕᕐᐸᑕ ᐅᓪᓗᒃᑯᑦ ᐅᓐᓄᐊᑯᓪᓗ ᐃᑲᔪᕐᑕᐅᔪᒪᓗᑎᒃ? ᐱᒋᐊᕐᓇᓵᕋᔭᕐᐹ ᐃᑲᔪᕐᑕᐅᔪᒪᑎᓪᓗᒋᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 2:41

ᑕᕝᕙ ᐊᒥᓱᑦ ᐅᖃᐅᓯᖏᓐᓂᒃ ᐅᒃᐱᓕᕐᑐᑦ ᐹᑉᑎᑕᐅᕗᑦ, ᐅᓪᓗᒥ ᑕᕝᕙᓂ ᐅᒃᐱᕐᑐᓄᑦ ᐃᓚᓕᐅᑎᔪᑦ 3,000 ᖃᓂᒋᔮᓃᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:14

ᐊᑕᓂᕐᒧᑦ ᐅᒃᐱᓕᕐᑐᑦ ᐊᒥᓱᑦ ᑖᒃᑯᓄᖓ ᐃᓚᓕᐅᑎᕙᓪᓕᐊᓚᐅᕐᐳᑦ ᐊᖑᑎᑦ ᐊᕐᓁᓪᓗ.

ᐄᑉᕈᐃᓄᑦ 10:36

ᕿᓄᐃᓵᕆᐊᖃᕐᐳᓯᓕ, ᒎᑎᐅᑉ ᐱᔪᒪᔭᖓᓂᒃ ᐊᑐᕈᓐᓇᖁᓪᓗᓯ ᐊᖏᕈᑕᐅᓯᒪᔪᒥᒡᓗ ᐃᓚᖏᐅᑎᑎᑕᐅᔪᓐᓇᖁᓪᓗᓯ.

ᐲᑦᑐᕉᓯ ᐂᑉᐸᖏᑦ 3:8

ᐊᑕᐅᓯᕐᓕ ᐅᓇ ᐳᐃᒍᕐᑍᓕᓯᐅᒃ, ᓇᒡᓕᖕᓇᕐᑐᓯ, ᐊᑕᓂᕐᒧᑦ ᐅᓪᓗᖅ ᐊᑕᐅᓯᖅ ᐊᕐᕌᒍᑎᑐᑦ 1,000ᑎᑐᑦ ᑍᒤᒻᒪᑦ; ᐊᕐᕌᒍᐃᓪᓗ 1,000 ᐅᓪᓗᑐᑦ ᐊᑕᐅᓯᕐᑐᑦ ᑍᒤᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.